عبر عن تقديرك / لشخصٌ ما

[باهى الطائر الحزين]

فى حياة كلآ منا شخص ما ...

نعتبره قدوه ونكن له كل تقدير واعزاز ومحبه

جميل ان نعبر عن تقديرنا لمن نالوا احترامنا

فما قيمة ان اقدرك دون ان اظهر لك هذا

وما قيمة ان احبك دون ان اشعرك بهذا او اقوله

السيدات الزميلات الفاضلات / الساده الزملاء المحترمين

هلا عبر كلآ منا عن تقديره واحترامه واعزازه او حبه

للشخص الذى اضاف علامه موجبة الى حياته الشخصيه والعمليه

كل الشكر لتفهمكم وتفضلكم على بالتفاعل مع الموضوع

اشكر منكم سعة الصدر

[باهى الطائر الحزين]

يسرنى ان ابدأ مقالى

بالتعبير عن تقديرى ومعزتى

للمهندس / تيمور المراغى

راعى الثوره /

كشخص نقى السريره محب مجامل

كل الحب / وكامل الود والاحترام

[باهى الطائر الحزين]

حبيب قلبى / عمده 2006

الشاب المجاهد فى سبيل الوطن والعزوبيه

يسعدنى ان اعبر لك عن تقديرى واعزازى

بشخصك وزمالتك لى فى العزوبيه العصماء

ويارب تنهار وافرح فيك / عن قريب

خالص ودى / من مكنون صدرى

[عبير يونس]

موضوع رائع

و فعلا اظهار التقدير له عظيم الأثر

على من نقدرّه

و للعجب فله نفس الأثر على أنفسنا

فالشكر ذو تأثير مزدوج

على من يتلقاه و على من يقوم به في نفس اللحظة

و اسمح لي

اوجه لحضرتك الشكر و التقدير

على هذا الموضوع القيّم جدا

و الذي أعتقد أننا في حاجة ماسة إليه في كل الأوقات

[م تيمور المراغي]

وعزة الله يا طائر انا داخل لما قريت عنوان التوبيك اكتب تقديري لموهبتك الربانيه وشوفت بالصدفه كلماتك الرقيقه

جزيل امتناني يا حبيبي وجمعنا الله واياكم في مستقر رحمته

تاني انسان بقدر هو عبير عشان اتطوير الهائل في شخصيتها واسلوبها ربنا يحميها واسرتها الكريمه

تالت واحد باشمهنس ياسر عشان لقيت اخيرا هدف لحياتي حعمله هو عارفه كويس bsh:)

[باهى الطائر الحزين]

لها / ولها وحدها

وتعرف نفسها ...

من اولتنى بشامل اهتمامها

واجلستنى فوق عرش / قلبها

شذى ياسمينه يفوح اريجها / من قلبى

تقديرى احترامى اعزازى ودى

... / وحبى

[suma]

بسم الله الرحمن الرحيم

آه لو اعتاد الناس الشكر والابتسام لتحولت حياتنا الى ما يشبه الجنه انا اقدم شكري لشخصين :

اولا زوجي الراحل له كل تقير وحب تعلمت منه كيف تكون الحياة وكيف ان من يعطي يجب عليه ان ينسى ما اعطى ومن اعطي تعلمت منه الصبر ومن جودة تلاوته للقرآن أحببت انا تلاوته ايضا حتى اصبح الرفيق بعد رحيله كان الأستاذ والمعلم وكان الرفيق والصاحب وكان الأخ المعين وقتما عزت الأخوه رحمه الله واسنه فسيح جناته وجمعني به يوم الجمع ان شاء الله.

ثانيا كل الشكر والاحترام لكل شاب قام بالثورة التي ايقظت الأمل في عودة المحروسه بهية كما كانت شكري لأم الشهيد كل شهيد فدماء ابنائهم كانت ترياق الحياة لنا.

سومة

[abobakr]

يااه مش عارف اقدم تقديري لمين ولا مين

اولا هاقدم تقديري لشخص واحد بره المنتدى وهيا امي الله يرحمها لانها ساعدتني اني اكون انسان كويس

وكفاية عليكوا كده من بره المنتدى نخلينا جوه المنتدى بقى

اولا الاستاذ سي السيد من قبل ما اشارك واسجل في المنتدى ردوده بجد بتزيد من قيمة الموضوع خصوصا باسلوبه الساخر اللذيذ

ثانيا الاستاذ عنبو صحيح مش بشوف مشاركات له كتيرة بعد ما سجلت في المنتدى لكن برده كنت بتابع مشاركاته القيمة والمفيدة للاعهضاء جدااا

ثالثا الاستاذ عادل ابوزيد برده مقل جداا الايام دي لكن مشاركته بتزيد من قيمة الموضوع

نيجي للجانب الانثوي

طبعا مينفع اقدر حد من الجانب الانثوي من غير ما اذكر مدام عبير بجد اسلوبها جميل في المناقشة وبتاخد وتدي مش المتمسك برأيه لالا تتبع اسلوب اما تقنعني او اقنعك

وطبعا لماضة اسلوبها ساخر وثقافتها ممتازة جدااا ( بعتبرها بنت الاستاذ سي السيد )

نفس الاسلوب الساخر الممتع مع الحفاظ على جدية الموضوع وجدية المناقشة

ليا عودة عشان لسه ناس كتيرة مش اديتها حقعا بس اعذورني لسه صاحي وورايا مظاهرة بعد الصلاة ادعولنا

[عطر الجنة]

جاية تسألنى فى مرة مين تكون .. قمت أضحك م السؤال .. وهى عارفة مين أكون .. بس أعرف القصايد اللى خط بيها مرة قلمى .. لمين تكون .. أزاى بتسأل وهى عارفة كل لوحة رسمتها برمش عينى .. كانت لمين .. ما أنتى فرحى وأنتى جرحى وأنتى دمعى والعيون .. يا اللى كنتى لحن من ألحان الفنون .. يا اللى كنتى همسة ف نغمى الحزين .. جاية ليه تسألينى أنت مين .. انا الذى اتى على جسر المحبة .. شادد لجام.. عطشان محبه وانا الحارن .. يا اللى كنتى شهد الأمل على الشفايف .. الطعم عسل والمر خايف .. انت عارف .. عمرى يوم ما كنت عارف .. إن العسل طعمه مر ع الشفايف .. اصله جاى من مناحل الزهور حواليه تبهج .. والحقيقة هى م الورد الحزين .. هى ليه جاية تسأل النهاردة أنت مين .. انا مين .. انا الليالى اللى غاب فيها القمر والفجر لاح .. انا الندى اللى بيندى كل الصباح .. انا الدموع اللى سالت ع الخدود .. انا القلب اللى حبك حد الجنون .. كل ده وجايه تسأل أنت مين ..انا الشجر اللى ضلل عليكى سنين .. أنا الليل اللى همستى ليه بالحنين .. أنا البدر اللى يطلع نهار بعد أنتظار .. يبقى انا .. اللى لازم يسألك أنتى مين

الكلام اللى فوق ده منقول بس عجبنى ... و فيه حتة منى

ثلاث اثروا بمجريات حياتى

ابى حببنى فى الهندسة و مراعاة ضميرى فى كل شئ

امى علمتنى الا اهتم بكونى جميلة ... ولكن علمتنى ان جمال العقل و الذكاء كفته ارجح

زوجى دائما بيدفعنى للدراسة و التعلم و الخروج من القوقعة

شكرا طائر

تحياتى

تم تعديل 9 سبتمبر 2011 بواسطة عطر الجنة

[Dreamwithme]

السلام عليكم ورحمة الله وبركاته

أولا أحب أقدم شكري وتقديري لأستاذي طائر الليل الحزين لأنه هو بكل مافيه ولأنه فتح لنا باب لنعبر به عن تقديرنا لمن حولنا

ثانيا أنا بصراحة هأرغي كتير وهأقدم تقديري لناس كتيرة جدا لأني في حياتي ناس جميلة جدا

قدمت لي الكثير

من خارج المحاورات أحب أقدم شكري وتقديري لأمي وأحب أكرر هنا مشاركة كنت كتبتها في توبيك

365يوم سعادة للماضة مصرية جدا

الخميس 14/4/2011

أنا سعيــــــــــــــــــــــدة جدا النهاردة

أكيد الأسباب أكثر من أن تعد لكن أنا سعيدة لأني قررت أبص حواليا وأتأمل اللي ربنا أعطاه لي

لأن الجملة اللي فوق ديت كان ممكن تكون أنا تعيسة جدا النهاردة وكانت برضه هتكون في أسباب كتير برضه

لكن ما أؤمن أنا به إن السعادة قرار واختيار....أنت هتختار لنفسك أيه؟ عايز أيه؟

هترد تقولي أكيد عايز أكون سعيد طيب وأيه المشكلة ؟ مستني أيه؟ ماتكون سعيد

ليه دائما مستنيين حاجة تحصل عشان نكون سعداء

النهاردة أجمل جملة قرأتها كانت من تويتر "السعادة ليست هدف تصل إليه إنه رحلة تستمتع بها"

طب ليه نؤجل دائما السعادة ونفضل نربطها بشئ أو شخص أو حدث غير موجود الآن ونظل طوال حياتنا في حالة الانتظار

أنا سعيدة اليوم لأني عندما تلفت حولي وجدت دائرة كبيرة من النعم وأكبر نعمة في حياتي أمي

أنا انسانة مش سهلة خالص وبنت متعبة بصراحة لكن بالرغم من كل شئ وبالرغم من أي ظروف أمي دائما بجواري

بجواري ماديا ومعنويا حتي إذا تباعدنا عن بعض ماديا فروحيا لا ننفصل

دائما أشعر بوجودها بجواري .....كوجود حائط دائم وراء ظهري أستطيع أن أستند إليه

كوجود طاقة بتدفعني إني أترك الكسل وأنطلق لحلمي .....تعلمني ببساطة كلماتها معني الحياة والأحلام

تعرف عني أكثر مما أعرف عن نفسي ............تؤمن بي أكثر مما أؤمن بنفسي

هي ببساطة أمي أنا .....ياربي لك الحمد علي هذه النعمة

اليوم كنا في مشوار ....عندما تأملت الحياة من حولي شعرت بالفخر أني أسير بجواره

هذه السيدة صغيرة الحجم طيبة الملامح ....لكنها أمي أنا وليست أم أحد آخر (غير أخواتي طبعا)

فانحنيت لأقبل يدها الصغيرة لأجدها تنهرني بهدوء ألا أفعل هذا في الشارع أمام الناس

ولكنها لا تدرك حجم بركان المشاعر بداخلي فأنا لدي ثروة ضخمة

فأنا لدي أمي

كمان أحب أقدم شكري وتقديري لأختي لأنها بالرغم من اختلافاتنا وعدم فهمها لي وأحيانا ضيقها مني

لكن كانت ولازالت my hero بطلي من وإحنا صغيرين لغاية دلوقتي .....سوبرومان

أحب أقدم شكري وتقديري لصديقتي لأنها بريئة ونقية وبالرغم من اختلافتنا وبالرغم من أخطائنا أحيانا

إلا إنها تحبني بلا سبب وتعطي بلا انتظار

كفاية كده عشان نروح

أستأذن أستاذ طائر إني أقدم شكري وتقديري لأعضاء المحاورات في مداخلة منفصلة

[Dreamwithme]

أحب أقدم شكري وتقديري لكل أعضاء المحاورات علي جهودهم وعلي الجو الأسري المميز اللي هما عملوه

ومش هتلاقيه في أي منتدي آخر

أحب أخص بالشكر والتقدير بعض من الأعضاء اللي أصبحوا أصدقاء مقربين جدا لي

أحب أقدم تقديري للأستاذة هند علي لأنها أول من استقبلني ووقف معايا في المحاورات وشجعتني علي المشاركة

ولولا تشجيعها لي احتمال كبير كنت أبقي عضوة صامتة في المحاورات

أقدم شكري وتقديري للأستاذة عبير الشرقاوي لأنها هي بكل مافيها ...بايجابيتها بمرونتها بثقافتها بحبها ومشاعرها

أقدم شكري وتقديري للماضة مصرية جدا لروحها وصداقتها الغنية جدا

أقدم شكري وتقديري لمغتربة لأنها تعلمني دوما مساحة جديدة في الحب والصداقة والمشاعر

أقدم شكري وتقديري لبركة ورضوي وبينك روز علي كونهم في منتهي الود والبراءة والصداقة الجميلة اللي ربنا مايحرمني منهم أبدا

أقدم شكري وتقديري لأستاذ سي السيد بالرغم إني لا تربطني به صلة شخصية لكن من مشاركاته أشعر

أنه أخويا الكبير اللي كان نفسي فيه

أقدم شكري وتقديري لأستاذ أركيتيكت لنشاطه وحماسه في المنتدي

كفاية كده برضه عشان أنا لو اتفتحت مش هأخلص وشكلي كده أستوليت علي الموضوع لوحدي

وفي نهاية المناسبة الجميلة دي أحب أشكر ساعي البريد :P

لا بجد أحب أشكر الكومبيوتر بتاعي لأنه كان همزة الوصل بيني وبين أجمل محاورات وأجمل أصدقاء

[نوران]

توبيك جميل

لك كل التقدير أستاذ طائر علي إعطائنا الفرصه لنتوجه بالشكر والتقدير لمن نحب

بداية اتوجه بشكري وتقديري لأبي الحبيب وأمي الغاليه , حفظهما الله لي وبارك فيهما

ولا يتسع المكان لسرد مالهما من فضل

ثانيا اتوجه بالتقدير لزوجي العزيز , الذي اكرمني به الله

ثالثا , اتوجه بتقديري لمحاورات المصريين

المنتدي ده هون عليه الغربه قوي وانا حديثة عهد بسفر وبعد عن اهلي وبلدي

شكرا لكل القائمين عليه

وشكر وتقدير لكل الاعضاء والعضوات الافاضل بدون ذكر اسماء حتي لا أنسي أحد

فكلنا هنا أسره واحده و مهما اختلفنا واتخانقنا كمان , لا أحمل لأي حد هنا أي مشاعر سلبيه بل العكس هو الصحيح

والحياه هي الاختلاف

فلكم مني كل الود والتقدير

تحياتي

تم تعديل 9 سبتمبر 2011 بواسطة نوران

[Howayda Ismail]

السلام عليكم ورحمة الله وبركاته

توبيك جميل

ومحير فى نفس الوقت لان الاشخاص اللى اثروا فى حياتى اكتر من انها تعد وتحصى

شكر وتقدير خاص لحضرتك على كل حاجة جميلة اثرت فى مشاعرنا

شكر وتقدير خاص وبالغ لاحن واحب انسان لقلبى هو والدى الله يرحمه اكرمه الله كما اكرمنى

شكر وتقدير لوالدتى اللى تعبت معايا كتير ودلوقت بتكرر رسالتها مع ابنى الكبير المتمرد

شكر خاص وحار لزوجى المحب الصبور اللى اتحملنى كتير ومازال يشملنى بحبه ورعايته

شكر وتقدير كبير لصحبات عمرى وانسى فى همومى واحزانى قبل افراحى

شكرا وتقدير للمحاورات بجميع اعضائه الافاضل على كل كلمة افادتنى واثرت فكرى

شكر وتقدير كبير جدا جدا لصحباتى واخواتى الاعزاء هنا فى المنتدى وطبعا كل واحدة فيهم عارفة

مدى حبى ليها ومكانتها فى قلبى وهم كثر ادام الله حبه ومودته علينا

[Howayda Ismail]

أحب أقدم شكري وتقديري لكل أعضاء المحاورات علي جهودهم وعلي الجو الأسري المميز اللي هما عملوه

ومش هتلاقيه في أي منتدي آخر

أحب أخص بالشكر والتقدير بعض من الأعضاء اللي أصبحوا أصدقاء مقربين جدا لي

أحب أقدم تقديري للأستاذة هند علي

شكر وتقدير خاص وبالغ وحار لحبيبة قلبى دريم

اسعد الله قلبك وحلى ايامك

القلوب عند بعضها دريمى الغالية واكيد عارفة مدى حبى وقربك لقلبى ادامها الله علينا نعمة ومحبة

[عبير يونس]

الحقيقة كل ما آجي أضع مداخلة هنا أتراجع

الموضوع محيّر جدا

و في ناس جميلة في حياتي

و الحقيقة اني عشان ما باعترفش ان في انسان طيب و انسان شرير

فبحب كل الناس في العالم

حتى الناس اللي ماعادوش موجودين في عالمنا من الشخصيات التاريخية

صعب بجد أحصر تقديري في شخص ما

فكل شخص عرفته أضاف ليا

حتى لو طفل صغير

بل خصوصا الأطفال باتعلم منهم كتيييييييييييير جدا

و طبعا من طالباتي

من المحاورات هنا أخاف جدا اقول أسماء و انسى ناس تانية

كل اللي بأعزهم بأبوح لهم بمشاعري أول بأول و حتى من غير مناسبة

ما باستناش مناسبة و لا وقت مناسب

بس خلليني أقول

اني احترم و أقدّر و أحب من علمّني

من ساعدني و أعانني

من مسح دموعي و رسم البسمة على وجهي

من جعلني اشعر بانسانيتي

من علمني الاحساس

من علمني التفكير السليم

من تحملني و تحمل عصبيتي و سوء فهمي و غبائي أحيانا كثيرة

من تقبلني بعيوبي و أحبني بها دون أن يصرّ على تغييري

من تعامل معي بلطف و حسن خلق و لم يؤذي مشاعري

من صبر على ايذائي و سامحني على اساءاتي

و كيف لا أحب من يفعل معي كل ذلك

كل الحب و السعادة لانسان بمعنى الكلمة

[باهى الطائر الحزين]

الساده المحترمين :

أبو محمد

se_Elsyed

الســـاري

ozoozo

ياسر حفنى

جليل تقديرى / خالص ودى

كما / كامل احترامى

[الدكتور ياسر]

الساده المحترمين :

أبو محمد

se_Elsyed

الســـاري

ozoozo

ياسر حفنى

جليل تقديرى / خالص ودى

كما / كامل احترامى

شكرا يا أخى الطائر الحزين .. لك منى كل ود و احترام و تقدير .. بس أنا مش عايزك تفضل حزين كدة .. خد منى الورد ده

تم تعديل 9 سبتمبر 2011 بواسطة ياسر حفنى

[الســـاري]

موضوع مميـــز مثلك عزيزي الطائــر

اسمح لي اكتب كلامي بوسط الدفتر .. عشان اقلدك

smk:

ما اكثر من نحمل لهم تقدير ... ونحمل لهم عرفانا بشكل او باخر

لا انسى فضل امي .. ولا فضل ابي عليه رحمة الله

وكم احمل لاشخاص كثر في هذا المنتدى كل التقدير .. واشكرك ان اتحت لي الفرصة ان اشكرهم

بعضهم غائب .. وبعضهم حاضر .. بعضهم اختلف معه قليلا .. لكن احمل لهم كل التقدير هم وكتاباتهم الرائعة ..

اعدت لي ذكريات قبل سنة تقريبا .. عندما بحت بتقديري لهم بطريقتي الخاصة .. بعرضها في افلام من صنعي

ولا اجد سوى ان اعيد عرض هذه الفيديوهات في مثل هذا التوقيت .. لاقول لهم جميعا ... شكرا من القلب

والشكر موصول بالطبع لك عزيزي الطائر .. ولاخوة كثر تعرفت عليهم ايضا خلال السنة ...

ما تيجي نشوف ..

http://www.youtube.com/watch?v=Rekg79EiFNo&feature=related

ونشوف هنا كمان

http://www.youtube.com/watch?v=tJUULjwD8Yc&feature=related

:)

[ابراهيم عبد العزيز]

أحيك على موضوعك الجميل يا أخي طائر الليل الحزين وبالفعل لفتة جميل منك

ومن لا يشكر الناس لا يشكر الله

بالنسبة لي خارج المنتدى فأعبر عن تقديري لأبي وأمي وذكر فضلهم بعد الله سبحانه وتعالي غير ممكن , لان الشىء الذي مكننا أن نحصيه فهو شىء محدود اما عطاء الوالدين فهو أكبر من أن نحصيه

وأعبر عن تقديري أيضا لبعض اساتذتي سواء فى المدرسة أو الجامعة أو الحياه العملية

بالنسبة للاعضاء داخل المنتدى : فأنا أعبر عن تقديري لهم فردا فردا , وكل واحد منهم يضيف الجديد ويثري المحاورات ويضيف لي أنا شخصيا

ولن أعدد أسماء حتى لا أنسي

ولكن إن كان ولابد ذكر اسماء , فساكتفي بذكر تقديري لأخي / طائر الليل الحزين لمبادرته الرائعة وفتحه هذا الموضوع , ومشاركاته الجميلة المليئة بالاحساس فله كل الشكر

تم تعديل 9 سبتمبر 2011 بواسطة ابراهيم عبد العزيز

[نورالعين]

اظهار التقدير أمر قمة في الروعة

فتأثيره يمتد ليس فقط لمن تقدره بل ايضا يمس الوجدان الشخصي

البعض لا يتقن لغة الكلمات في اظهار التقدير

مثلى تماما

لذلك سأكتفي بهذه الحديقة معبرة عن تقديري لكل من أكن له التقدير والود والاحترام