وفاء المحبوب

[maryam net]

كتب القدر على صفحتى مشوار حياتى بالقلم

مشيته حافى على ارض مزروعه شوك من غير ألم

وكان منايا يعيش حبيبى معايا ولو استغيث من الألم

لكن القدر كتب علينا الفراق بعد ما عشمنا بالأمل

بسبب او من غير سبب القدر قال للمرض انت السبب

وقال حبيبى لا القدر ولا المرض هما السبب

دة وعد ومكتوب عليا اشوف فى دنيتى العجب

والصبر على بلوتى اسسلى فى الجنه قصر من دهب

الغالى باعت رساله يوصف فيها جنته

بيقول كفايه حزن يا مسكين والحزن ايه فايدته

أسجد وصلى......... وأصبر لحكم ربى

دا الصبر يافطه عنوان ورمز لجنتى

والصبر كاس شربته بطعم المر فى دنيتى

شربته بنفس الكاس احلى من حلاوة الشهد فى جنتى

والصبر ثمرة كفاحى .... والرب كلل نجاحى

وعقبال كل الحبايب ينجحوا نجاحى

اطمئن يا محبوب الكل هنا مأمون والزمن عندنا مفقود

واللى معانا هنا موعود والوعد وافا به المعبود

اللى راكع فينا واللى ساجد لربه يتمنى لوقا المحبوب

واللى جاى من عندكم محمول صابر لحكم ربه عندنا موعود

والصبر وعد للموعودين............. وجنتى خاصه للصابرين

منقوش على جدرانها اهلا بالمؤمنين وسهلا بالصابرين

امضاء مريم

[se_ Elsyed]

إيه يا مريم ما تصلي عالنبي كده وتروقي ...

بقى بدل ما تعرفينا بنفسك في أول مداخلة ، تقومي خبطانا واحد حزن في العضل ...

على العموم مرحباً بكي في عالم المحاورات ..

ياخوانا روقوا كده ما تحسسونيش إني داخل معزا ..