متابعة احداث السفارة الاسرائيلية !

[الدكتور ياسر]

افرحى يا مصر .... الشعب المصري ينتفض و يطرد السفير الاسرائيلى خارج البلاد ..

[م تيمور المراغي]

خطة المجلس العسكري ماشية أفضل مما كان يتوقعوا

أدفع البلد للفوضى الامنية والمشاكل المتلتلة .. عشان يفضل في الحكم كمنقذ ومُخلص

فاكرين كلامنا من أسبوعين عن موقف المجلس المخاذل من شهداء الحدود ؟ مش ده اللي وصل الأمور لكده دلوقت ؟

لأ ويكيد الناس ويغيظهم ويروح يبني جدار عازل صهيوني أخر أمام السفارة بفلوس الشعب

على " قناة الجزيرة مباشر مصر " المشير يعتذر عن الذهاب للإدلاء بشهادته غدا متعللا بأنه لا يستطيع مغادرة مكتبه في ظل الظروف الحالية " ..

سلامات يا مجلس ..

مخطط منظم لإزاحة الثورة وعسكرة حكم مصر

[Ahmed Anwer]

حازم أبو إسماعيل| الآن| الدقي| من الواضح جدا أن البلد "ببتتهندس" لكي يحصل فيها مشكلات ومصايب.

حازم أبو إسماعيل| الآن| الدقي|تعليقا على أحداث الأمس| هذا امر بيت بليل و كل اللي بيجري قدامك دلوقتي كل ده تمثيليات و أحداث مخططة سلفا علي نحو تمثيلي لتحدث افسادا في المجتمع

حازم أبو إسماعيل| الآن| الدقي|تعليقا على أحداث الأمس| أقول للناس إستعدوا لأن المسألة شكلها مش هتمشي بسهولة. وانا مش هورث لأبنائي شعور أن الناس اللي كانوا عايشين اضحك عليهم بسهولة

[الدكتور ياسر]

مؤشرات لاستخدام أمريكا حق الفيتو لمنع الاعلان عن قيام الدولة الفلسطينية ... السفارة الامريكية في خطر..

[mfarag]

الا شتبكات امام السفارة مستمرة

ثورة

ثورة

الى الامام

لازم نولع فى البلد شارع شارع وزنقة زنقة

عشان اللى محسس ان فية ثورة يحس

تحياتى لكل ثوار 6 ابريل

طبعا اللى فى الخارج

ماهو اسماء محفوظ و محمد عادل

برة دلوقتى

يمكن بيحضروا لثورة بلجيكا

و بعض الاخوة فى الخليج

بس متظلمهوش

دا بيحضر لثورة الخليج

الى الامام

[م تيمور المراغي]

دمك سكر يا فرج :happy:

الليلة محمود عفيفي المتحدث الاعلامي للحركة هيكون فى برنامج 90 دقيقه على قناه المحور الساعه 10 مساء مع عبدالمنعم الشحات المتحدث بإسم الجماعه السلفيه للحديث عن احداث يوم أمس

[mfarag]

دمك سكر يا فرج :happy:

مش مهم دمى

المهم دم الناس اللى ماتت واتصابت

و الناس اللى لسة هتموت

طول ما دعاة الفوضى و التخريب بيحرضوا الناس

[Simba]

http://www.youtube.com/watch?v=F5VzIR2akio&feature=player_embedded

في الفيديو ده اتقال نفس الكلام اللي بيتقال دلوقتي

علشان العيال بتوع الوطنية ده يعجبهم

تم تعديل 10 سبتمبر 2011 بواسطة Simba

[م تيمور المراغي]

يعني ايه كوكا زيرو يعني العساكر المصريين يتقتلوا علي الحدود واسرائيل هي اللي تسحب سفيرها

[ابوهنا]

عندما يترك امر البلد للغوغاء من مايسمى ناشطين سياسيين

ويترك امرها لمتصفحى المنتديات

وكل يدلى بدلوه يبقى اصبحنا فى فوضى

ارى كلمات الاطراء ترف على بلطجية امس الذين اقتحموا السفاره الاسرائيليه

وعلى بلطجية وزارة الداخليه

وربما نطلق اسم احد الميادين على من قتلوا امس على انهم شهداء (ربنا يرحمهم)

فى بلاد الواك واك تقوم الدوله بحماية البعثات الدبلوماسيه

والا لا تصبح دوله

بل تصبح عزبه او كافيه نت تتحكم فيه نواره نجم واسماء محفوظ

اليس فيكم رجل رشيد

ماحدث امس هو العيب نفسه

والعيب ان نرفع من فعل احداث امس من درجة الرجل الوضيع الى درجه الشرفاء

اى مكيال نكيل به واى عقل هذا الذى بداخلنا

واى ثوره التى تدعو الى الفوضى

اصبحنا لانفرق بين الزبد وماينفع الناس

اشهد الله ان مايفعله مايسمى 6 ابريل هو زبد ولمصالح شخصيه بحته

وان شاء الله الزبد سوف يذهب وسوف يذهبوا معه بلارجعه

[م تيمور المراغي]

اشهد الله ان مايفعله مايسمى 6 ابريل هو زبد ولمصالح شخصيه بحته

اتق الله لو كنت مسلم

عيب كده

[م تيمور المراغي]

يعني ايه كوكا زيرو يعني العساكر المصريين يتقتلوا علي الحدود واسرائيل هي اللي تسحب سفيرها

الكل تحدث عن اقتحام السفارة و الخطا الذى وقع فيه بعض المتظاهرين

و لكن لم يتحدث احد عن التعامل العنيف للداخلية مع المتظاهرين

مما ادى الى اصابة اكثر من الف شخص و توفى ثلاث اخرون !

مما يدل على ان دماءنا رخيصة علينا و اروحنا تذهب هباء

[ابوهنا]

اشهد الله ان مايفعله مايسمى 6 ابريل هو زبد ولمصالح شخصيه بحته

اتق الله لو كنت مسلم

عيب كده

انت راجل ليبرالى

وعلى فكرك واعتقداتك لا دخل لله فى السياسه

لماذا تقول لى اتقى الله

على العموم اللهم اجعلنا من المتقين

[م تيمور المراغي]

اشهد الله ان مايفعله مايسمى 6 ابريل هو زبد ولمصالح شخصيه بحته

اتق الله لو كنت مسلم

عيب كده

انت راجل ليبرالى

وعلى فكرك واعتقداتك لا دخل لله فى السياسه

لماذا تقول لى اتقى الله

على العموم اللهم اجعلنا من المتقين

يا نهار اسود !

انا قلت ايه دخل ربنا في السياسه !

وكل الليبراليين في المحاورات حد فيهم بذمتك قال ايه دخل ربنا في السياسه !

[الدكتور ياسر]

يا أستاذ أبو هنا .. بدون انفعال ..

محدش ينكر ان اقتحام سفارة اسرائيل خطأ و لكن قتل أبنائنا على الحدود أكبر ألف مرة .. للاسف المجلس العسكرى لسة مش فاهم لحد الان

ان مصر الان غير مصر من عام فات .. احنا ضد الفوضى بس برضه ضد التخاذل و التفريط فى دمنا .. أنا لا أنتمى لحركة 6 أبريل و لا غيرها بس مش راضى عن سياسة القائمين على البلد .. دول فى وادى و الشعب فى وادى تانى .. ده رسول الله صلى الله عليه وسلم بيقول (( لزوال الدنيا أهون عند الله من قتل امرئ مؤمن )) للاسف المصرى دمه رخيص حتى عند المصريين أنفسهم .. و انا لست أقصدك بل هو للاسف حال المسئولين عن البلد .. حسبي الله ونعم الوكيل

تم تعديل 10 سبتمبر 2011 بواسطة الدكتور ياسر

[Simba]

عندما يترك امر البلد للغوغاء من مايسمى ناشطين سياسيين

ويترك امرها لمتصفحى المنتديات

وكل يدلى بدلوه يبقى اصبحنا فى فوضى

ارى كلمات الاطراء ترف على بلطجية امس الذين اقتحموا السفاره الاسرائيليه

وعلى بلطجية وزارة الداخليه

وربما نطلق اسم احد الميادين على من قتلوا امس على انهم شهداء (ربنا يرحمهم)

فى بلاد الواك واك تقوم الدوله بحماية البعثات الدبلوماسيه

والا لا تصبح دوله

بل تصبح عزبه او كافيه نت تتحكم فيه نواره نجم واسماء محفوظ

اليس فيكم رجل رشيد

ماحدث امس هو العيب نفسه

والعيب ان نرفع من فعل احداث امس من درجة الرجل الوضيع الى درجه الشرفاء

اى مكيال نكيل به واى عقل هذا الذى بداخلنا

واى ثوره التى تدعو الى الفوضى

اصبحنا لانفرق بين الزبد وماينفع الناس

اشهد الله ان مايفعله مايسمى 6 ابريل هو زبد ولمصالح شخصيه بحته

وان شاء الله الزبد سوف يذهب وسوف يذهبوا معه بلارجعه

الخلاصة يعني علشان مش فاهم

مين الغوغائين اللي بيديروا البلد

تكونش تقصد المجلس العسكري :closedeyes:

[Ahmed Anwer]

بصوا يا جماعة أنا هأقولكم تحليلي الشخصي

برده أنتم بتحللوا مع إحترامي من وراء الكيبورد

في المليونيات و المظاهرات أيام الثورة و بعدها لفترة

كان فيه كل رموز السياسة و الفكر و الفن في مصر

تلاقي علي الناصية دي وائل الإبراشي بيتكلم و اللي بعدها صفوت حجازي بيقود مسيرة و البلتاجي ملعلعل علي منصة و القوي السياسية بلا استثناء متواجدة

و طبيعة المتظاهرين و الناس نفسها مختلفة

و حتي ساعتها كان فيه عيال و ناس متهورة و بتقول كلام و دعوات متنفعشي

بس ساعتها كان المجموع العام إيجابي و بيسيطر علي الأقلية المتهورة دي

مش هاقول عليهم بلطجية لأ هما وطنيين و كل حاجة بس دماغهم علي قدهم

دلوقتي كل الناس اللي قولت عليهم في الأول دوول بطلوا ينزلوا و الزخم قل

فالأقليات المتهورة دي مبقاش فيه حد بيوجهها

اللي كان شارك في الثورة هيفهم الكلام ده ، و يفهم يعني أيه حماس الجموع

و يفهم قصدي ايه بالأفكار المجنونة اللي بتطلع من وسط الجموع

و برده مش معني كده إن الجموع دي كان فيه حد بيقدر يوجهها أيام الثورة و اللي يقول كده كداب بإعتراف شباب الثورة و الإئتلافات و الحركات

فمحملوش الموضوع أكثر مما يحتمل ، قلتم مؤامرة من المجلس العسكري و قالوا مؤامرة من الفلول و قالوا مؤامرة من 6 ابريل

و الموضوع أبسط من كده و اللي شارك في الثورة لايف هيفهم كلامي

[Ahmed Anwer]

و بالمرة تحليل اللواء أبو سويلم

http://www.youtube.com/watch?v=04T2olCRSwM&feature=player_embedded

الألتراس طلع ماسوني هوا كمان

[Ahmed Anwer]

تعليقات حازم أبو اسماعيل

- من الواضح جدا أن البلد "ببتتهندس" لكي يحصل فيها مشكلات ومصايب

- هذا امر بيت بليل و كل اللي بيجري قدامك دلوقتي كل ده تمثيليات و أحداث مخططة سلفا علي نحو تمثيلي لتحدث افسادا في المجتمع

- أقول للناس إستعدوا لأن المسألة شكلها مش هتمشي بسهولة. وانا مش هورث لأبنائي شعور أن الناس اللي كانوا عايشين اضحك عليهم بسهولة

- هو النهاردة مش اسرائيل قتلت ناس في الحدود ولو كان عندهم نية لعدم اثارة الأمور مكانوش عدلوا العلم دلوقتي مرة تانية. كانوا أخروه . كانوا معملوش السور دلوقتي لكن فيه مقصد علشان يتقال الناحية الدولية لكن صدقوني اسرائيل لم تتخذ قرارها بالتهدئة مع مصر غير بس علشان هي لاقيت الناس برة سيطرة الحكم أما لما لاقيت الناس نسبة معينة بقوا تحت السيطرة بقوا يرجعوا تاني يحاولوا يسيطروا علينا علشان الناس متحكمش نفسها والسلطة لا تذهب للشعب

- هذا السور تم بناءه لكي يهدم و إرجاع العلم الإسرائيلي سريعا تم لكي ينزع مرة أخرى. يجب أن نفهم

- احنا لما بننزل بتلاقي ناس بتبوظ الصورة في مكان النزول و لهذا لازم يسبق النزول تربيطات واتفاقات يعني مثلا التيار الاسلامي و 6 ابريل و ائتلاف شباب الثورة و غيرهم كل دول يتكلموا مع بعض ويعملوا نظام للنزول

- يوجد أحد خيارين: إما أن نطلب من المجلس العسكري البقاء وإما أن نطلب منه أن ينصرف المجلس. إحنا مش عاوزين الأولي خالص إحنا كل اللي عاوزينه إنه يمشي علشان الشعب يحكم نفسه بنفسه

http://www.youtube.com/watch?v=olWXD82jejg&feature=player_embedded

تم تعديل 11 سبتمبر 2011 بواسطة Ahmed Anwer

[م تيمور المراغي]

رغم اني ليبرالي برادعاوي لكن دي مش اول مره الشيخ حازم يقول كلمة الحق في وقت خرست فيه السن كل التيار الاسلامي طمعا في رضى العسكر