متابعة احداث السفارة الاسرائيلية !

[م تيمور المراغي]

تخيلوا فيه ناس عاوزانا شعب وحكومه نعتذر لاسرائيل عشان اقتحام السفاره !

الناس دي اكيد هربت م المتحف في اليوم اياه

[احمد رضوان]

شهادة من شاب شارك في أحداث السفارة تنقل لنا صورة من داخل الحدث حتى نرى ما كنا نسمعه

أحمد كي يحكي ما عاشه أمام السفارة الإسرائيلية

برجاء قراءة الموضوع من نهايته إلى أعلاه لتتبع التايم لاين لأن الموضوع منقول من تويتر احمد مكي

------------------------------------------------------------

ahmedmekki Ahmed Mekki

انا اسف جدا هرد علي كل واحد منكم في اللي سئله واللي استفسر عنه بمجرد انتهائي من عملي مباشرة

7 minutes ago

ahmedmekki Ahmed Mekki

@

@dinasurgery ده الفجر في شارع شارال ديجول الجيزة سابقا

9 minutes ago

ahmedmekki Ahmed Mekki

مني سيف بجد انتي بنت مصرية جدعه جدا جدا واشكرك علي موقفك ومتابعتك ليا في وقت صعب @Monasosh

3 hours ago

ahmedmekki Ahmed Mekki

في بنت اسمها مني سيف ماسكه مجموعة لا للمحاكمات العسكرية للمدنيين احب اشكرها لانها كانت متابعه معايا علي التليفون وقت ما كنت في الجراج مستخبي

3 hours ago

ahmedmekki Ahmed Mekki

اوعي تشوف الحق والباطل قدامك وتقف علي الحياد لانك هتبقي منافق وبتساند الباطل حدد لنفسك لاما مع الحق لاما مع الباطل

3 hours ago

ahmedmekki Ahmed Mekki

خلي عندك هدف وخلي حبك للبلد دي وحبك انك تطهرها من الفساد اللي كان فيها مده 30 سنه يبقي هوه اللي جواك هتعرف انت رايح فين

3 hours ago

ahmedmekki Ahmed Mekki

عاوز اقولكم كلمة اخيرة مش تحريض متخافش لو انت علي الحق ربنا هينصرك مهما كان والعمر واحد والرب واحد وكل شئ مقدر ليك اكيد هتشوفه

3 hours ago

ahmedmekki Ahmed Mekki

كل ما بسمع اغنية تامر عاشور سئلوا الشهيد نفسك في ايه بيبقي نفسي اجيب حقهم وارفع من شان البلد دي ونضفها من الخونه والعملاء اللي فيها

3 hours ago

ahmedmekki Ahmed Mekki

سؤال لنفسي ليه كل مرة انضرب بخرطوش في رجلي افضل مكمل في المواجهات حتي بعد ما اصيبت بلاقي الاجابة احنا لوعلي باطل ربنا كان هيزرع الخوف فينا

3 hours ago

ahmedmekki Ahmed Mekki

كان معايا 3 من اصحابي ممكن تسئلوهم لومش مصدقين كلامي هيقولوا حاجات تاني شافوها بعنيهم @Elmolatham @ScafVirginity بيحكوا اللي حصل معاهم

3 hours ago

ahmedmekki Ahmed Mekki

امي كانت بتكلمني وبتقولي انت فين اضطريت اقولها انا في اي مكان تاني وانا مرمي علي الارض عند الفور سيزون بعد ما انضربت بخرطوش كنت خايف عليها

4 hours ago

ahmedmekki Ahmed Mekki

هاقول لكم شئ يمكن تسئلوني اخدت ليه كشاف زينون معايا وماسك غاز وخوذة كنت في التحرير وكنت متوقع يطفوا علينا النور ويضربونا بالغاز

4 hours ago

ahmedmekki Ahmed Mekki

انا مصور فوتوغرافي وبصور فيديو كويس كان اسهل شئ اخد الكاميرا واكتفي اني اصور قولت اليوم ده مش للتصوير اليوم ده اكيد هتحصل مواجهه مش هقف ساكت

4 hours ago

ahmedmekki Ahmed Mekki

شارع البحر كان في دوريات تمشيط علشان عربيات الجيش اللي جايبه القوات وكان اي حد بيطلع هناك بيتمسك اللي هوه الشارع الموازي لشارل ديجول

4 hours ago

ahmedmekki Ahmed Mekki

انا هكتب كل شئ تاني بس انا مكنتش قادر اتكلم من امبارح حاسس انه نفسيا بعد اللي شفته انه الايام اللي جايه صعبه بس عاوزه الصبر علشان نحقق شئ

4 hours ago

ahmedmekki Ahmed Mekki

تعرف لما تشوف صاحبك بيبكي جمبك وهوه كل اصرار انه يكمل وميمشيش من المكان رد فعلك هيكون ايه . مقدرتش اسيبه واورح مع انه كان في امكاني امشي

4 hours ago

ahmedmekki Ahmed Mekki

في حد معاه قنبله من القنابل اللي انضربت لسه منفجرتش هنوديها لمعمل كيميائي لتحليها علشان تبقي دليل اثبات في انها استخدمت في الاحداث

4 hours ago

ahmedmekki Ahmed Mekki

الجزيرة مقدرتش تنقل الصورة كامله ومباشرة من كل الاماكن الجزيرة كانت عند كوبري الجامعه شارع الجيزة او شارل ديجول كانت معركة شرسه بدون اي سبب

4 hours ago

ahmedmekki Ahmed Mekki

لو الجيش اعلن الاحكام العرفية زي ما الناس خايفه هيضطر يلغي كل الاحكام المدنيه وبكده قضية مبارك هتبقي محاكمه عسكرية وده مش هيحصل ابدا

4 hours ago

ahmedmekki Ahmed Mekki

انا مش مع عمر عفيفي ولا بفكر نفس تفكيره ويوم ما اتكلم قولت خليه يسكت مش ناقصه تنظير منه كفايه بقي كله بيتكلم ومحدش فاهم حاجه انا بقول شهادتي

4 hours ago

ahmedmekki Ahmed Mekki

شوفت بلطجيه الجيش بيطبطب عليهم لم انصابوا علشان كانوا بيضربوا في صفه ضدنا بدون ما نعرف سبب لكده

4 hours ago

ahmedmekki Ahmed Mekki

دي صورة اللي نزلت في الاهرام انهرده وصورها المصور الفاشل بتاع الاهرام معرفش ينشر غيرها لانه معرفش ياخد صورة لوجهي 2.bp.blogspot.com/-mlLIoBK9VP0/T…

4 hours ago

ahmedmekki Ahmed Mekki

انا كنت ببقي حاسس اني فشلت لو قنبلة غاز عدت مني ومقدرتش امسكها واحدفها كنت بحس بذنب انها عدت لاني معايا ماسك واللي ورايا بيتفشخوا من الغاز

4 hours ago

ahmedmekki Ahmed Mekki

شوفت ناس كانت بتنهار من شده قنابل الغاز اللي كانت بتنضرب بكثافة والمدرعات اللي كانت بتدخل عاوزه تدهس الناس شئ صعب انك تسكت وتقول وانا مالي

4 hours ago

ahmedmekki Ahmed Mekki

كانت اسوء وافظع 12 ساعه متواصله عدت علي من وقت الثورة . امبارح كان اشبه بيوم 28 يناير جديد بكل مماراسات وزارة الداخليه

4 hours ago

ahmedmekki Ahmed Mekki

انا هنشر كل الشهادة كاملة بكامل اللي شوفته بعيني مش اللي اتحكي لي او سمعته لانه مش هشهد الا علي شئ شوفته بعيني في احداث شارع الجيزة امس

4 hours ago

ahmedmekki Ahmed Mekki

واللهي بكيت لما شوفت شكل الولد اللي كان شايل الشاب اللي مات وهوه والموتسيكل بتاعه غرقانين دم

4 hours ago

ahmedmekki Ahmed Mekki

انا مش خايف اني اقول شهادتي علي الملأ او ان حد يعرف بياناتي لانه مؤمن بانه كل شئ نصيب واللي مكتوب هنشوفه اللي مزعلني انه في ناس لسه بتشكك

4 hours ago

ahmedmekki Ahmed Mekki

مهما يكون الشخص جبان لو شاف قدامه ناس بتطلب المساعده اكيد هيقدم اللي يقدر عليه

4 hours ago

ahmedmekki Ahmed Mekki

شوفت عربية اسعاف مش عاوزه تاخد الناس المصابة والمسعف رفض انه يركب حد وياخده مستشفي علشان الناس قالت له عالجه هنا متسلمهوش للشرطة العسكرية

4 hours ago

ahmedmekki Ahmed Mekki

شوفت شباب علي موتسيكلات شغالين زي الاسعاف بينقولوا المصاببين بدون اي اجر او كلمة شكر حاسيين انه ده دورهم وواجبهم

4 hours ago

ahmedmekki Ahmed Mekki

لو عاوز تحكم بجد علي اللي حصل امبارح قارن تصريح وزارة الداخلية بشهادتي وانت هتعرف الفرق واللهي بقول كلامي وانا ببكي حسرة علي اللي ماتوا

4 hours ago

ahmedmekki Ahmed Mekki

تعرفوا لو قولنا انه الشعب اللي بيشتم فينا دلوقتي وبيقول اننا بلطجية نزل وشاف اللي بيحصل بعنيه كان اول واحد شارك معانا في الاحداث

4 hours ago

ahmedmekki Ahmed Mekki

شوفت الشباب اللي بنقول عليهم متشردين او صيع واقفين صف اول في مواجهه مع بلطجية الداخلية وبيحاولوا يمنعوهم يتقدموا ويضربوا غاز بس كان عدد قليل

4 hours ago

ahmedmekki Ahmed Mekki

تعرفوا لو قلت اني اتشهدت كذا مرة وانا واقف وقلت يارب احنا بنغير شئ فاسد في البلد ونفسنا نصلحه يارب لو متنا اعتبرنا اي شئ غير اني نكون بلطجي

4 hours ago

ahmedmekki Ahmed Mekki

القنابل اللي انضربت انواع مختلفة قنابل مفيش عليها اي داتا تشير الي بلد المنشأ او تاريخ الانتاج .قنابل اشبه بقذائف الصاروخ الصغير معايا عينات

4 hours ago

ahmedmekki Ahmed Mekki

في احداث العباسية الناس مكنتش خايفه من المواجهه مع الداخلية والبلطجيه . لكن في احداث شارع شارل ديجول الغاز كان بيضرب بكثافة وقنابل مجهولة

4 hours ago

ahmedmekki Ahmed Mekki

اللي بيفكر ان الداخلية اتعدلت وحالها بقي افضل يبقي بيضحك علي نفسه

4 hours ago

ahmedmekki Ahmed Mekki

كل شئ كان منظم ومرتب احنا لبسنا فعلا فخ من اكبر المهازل اللي حصلت لنا من اول الثورة

4 hours ago

ahmedmekki Ahmed Mekki

الظابط بتاع الامن المركزي لما زهق مني بعت لي مصور صحفي فضل واقف جمبي ساعه عاوز ياخد لي صورة لوجهي علشان يعرف مين اللي لابس الماسك بس معرفش

4 hours ago

ahmedmekki Ahmed Mekki

اللي كانوا بيصوروا كان بيصورا وراء الداخلية علشان يعموا الناس عن الحقائق اللي بتعملها الداخلية .

4 hours ago

ahmedmekki Ahmed Mekki

كنت حاسس اني بعمل شئ وانا بظهر علم مصر وهوه بيرفرف فوق السفارة الاسرائلية مع انهم كانوا طافيين النور بس انا كان معايا كشاف زينون كبير

4 hours ago

ahmedmekki Ahmed Mekki

بعدها وقفنا علي باب عمارة مع حارس الامن وقالنا انتم كأنكم معانا وقتها شوفت البلطجية بيدوراوا علي اي حد يضربوهكان واقف في الشارع

4 hours ago

ahmedmekki Ahmed Mekki

في قوة من الجيش سئلت علينا هل دخلنا الجراج ولا لا السايس قالهم محدش دخل هنا

4 hours ago

ahmedmekki Ahmed Mekki

مكناش خايفين لما دخلنا في الجراج بتاع عربيات في شارع جانبي واستخبنا فيه من ضرب النار المتواصل والاصابات والسايس بتاع الجراش غطي علينا

4 hours ago

ahmedmekki Ahmed Mekki

شوفت عساكر الجيش اللي واقفين تحت السفارة وهما مش واخدين اي موقف من اقتحام السفارة . وبعد ما الشباب طلعوا قفلوا الباب عليهم علشان مينزلوش

4 hours ago

ahmedmekki Ahmed Mekki

شوفت نقيب الجيش وهوه بيقول احنا هنتفشخ احنا وانتم . احنا خوفنا علي الجيش من قنابل الغاز والمظلات والصاعقة ضربونا الصبح بالرصاص

4 hours ago

ahmedmekki Ahmed Mekki

شوفت ظابط الجيش وهوه بيبكي وبيقولنا ارجعوا هيدبحوكوا واللهي العظيم وهوه منهار ومش عارف يعمل اي شئ

4 hours ago

ahmedmekki Ahmed Mekki

شوفت ظباط الداخلية وهما كانوا بيشتمونا باوسخ الالفاظ علشان نحتك بيهم زيادة ونضربهم ردا علي الاهانات دي

4 hours ago

ahmedmekki Ahmed Mekki

شوفت قدامي بلطجيه وراء قوات الامن المركزي بيولعوا في حديقة الاورمان

5 hours ago

ahmedmekki Ahmed Mekki

امبارح كان في ناس بتحافظ علي الامن ورفضت اي محاولات لتخريب الممتلكات واللهي العظيم رفضوا وقالوا لا مش هنخرب وده يثبت ان اللي ولع وحرق بلطجيه

5 hours ago

ahmedmekki Ahmed Mekki

امبارح شوفت رجالة واقفه بتحارب غطرسه الداخلية وشوفت ناس خافت من الموضوع وفضلت تتفرج

5 hours ago

ahmedmekki Ahmed Mekki

احساسي الان اني مضرب بخرطوش تاني في ركبتي اليمين وانا مصاب بخرطوش في الركبة الشمال من العباسية احساس بيض فشخ

5 hours ago

ahmedmekki Ahmed Mekki

احساس غبي تاني لما الظابط يئس منك يطلع يهاجمك بالمدرعه ويقرب من الرصيف وانت بتجري عاوز يدهسك بس برضه معرفش لانه دخلت شارع جانبي

5 hours ago

ahmedmekki Ahmed Mekki

احساس غريب لما تلاقي الظابط نفسه بيتحرك قدامك وبتوعدك باشارات بايده وبيوجه قنبله تانيه مباشرة لمنطقة البطن بس ربك ستر اتحركت في وقتها

5 hours ago

ahmedmekki Ahmed Mekki

احساس اغبي لما ظابط ابن جزمة يستهدفك بقنبلة مباشرة في الرأس بس الخوذة تحميك وربك ستار

5 hours ago

ahmedmekki Ahmed Mekki

احساس غبي جدا لما تبقي واقف زي حارس المرمي مستني القنابل المسيلة للدموع جايه من اي اتجاه وانت لابس ماسك الغاز والخوذه وجوانتي بتمسك القنابل

5 hours ago

ahmedmekki Ahmed Mekki

لما تشوف شاب صغير مسكوه البلطجية وقلعوه هدومة وضربوه لغايه لما اتعد من الضرب ونزلوا بشومه علي دماغه وكمان قالوا انا كان بيضرب علي الجيش طوب

5 hours ago

ahmedmekki Ahmed Mekki

لما تلاقي البلطجية اللي طالعين من مديرية امن الجيزة بيضربوا مع الشرطة الاول وبعد ما الجيش اتدخل بضرب الرصاص الحي الضرب فضل متواصل ساعتين

5 hours ago

ahmedmekki Ahmed Mekki

احساس صعب قوي لما تشوف منظر شاب بيتقتل برصاص الجيش بطلقة في دماغه واللي بينقله شخص بموتوسيكل وهو غرقان دم . مش عارف اوصف اللي حصل بس فظيع

Massouny Moustafa El-Masouny

by ahmedmekki

من أول يوم25لحد دلوقت بنسمع كلام ناس جبانة على مستويات مختلفة.. بس ماكنتش انتظر اننا نوصل من الخسة والوضاعة ان ناس تولول ع سفارة اسرائيل #fb

11 hours ago

AbOdFolY Abdallah ©

by ahmedmekki

RT @NadaMunir: بياناتك اسمك وعنوانك ورقم حدمن أهلك سجلهم في رسالة عالموبايل لرقم لا للمحاكمات العسكرية الاحتياط واجب #nomiltrials 0194874569

9 Sep

ahmedmekki Ahmed Mekki

@

@Jan25Mina @jrMalek احنا طالعين من مصطفي محمود

9 Sep

[ابراهيم عبد العزيز]

كبير الاطباء الشرعين : جميع المتوفين بأحداث السفارة بطلقات حية

كبير الاطباء الشرعين دكتور كميل جورجي أكد ان كل المتوفين فى أحداث السفارة الاسرائيلية توفوا نتيجة لتلقيهم طلقات حية وليس خرطوش وأن اثنان منهم تلقوا طلقات مباشرة في الراس والثالث توفي بطلقة فى الصدر .

طيب أليس من حق الشعب أن يعرف من اطلق النار على هؤلاء ؟

تم تعديل 11 سبتمبر 2011 بواسطة ابراهيم عبد العزيز

[نورالعين]

صد | مصر | أهم ماء جاء في حوار اللواء منصور العيسوي وزير الداخلية مع برنامج اتجاهات علي القناة الأولي #RNN

*ميدان التحرير لم تحدث به اى مليونيات وذلك لانه بمداخله يستوعب 300 الف شخص فقط

*المعلومات الخاصة بمظاهرات امناء الشرطة لم تكن ضد الوزارة وانما لتعزيز موقف وزارة الداخلية ومساندتها ولم يطلبوا مطالب فئوية

*وزارة الداخلية لم تفسد الدولة وانما الوزارات الاخرى هى من افسدت الدولة ونهبتها

... *السبب الاساسى لوجود عجز لدينا فى جهاز الشرطة هو هزالة المرتبات

*تم رفع حالة الطوارىء وألغاء الاجازات حتى يتم استقرار الاوضاع فى البلد

*الوقفات الاحتجاجية تستهلك جهد كبير من جهاز الشرطة بدلا من ان يستهلك هذا الجهد فى الدوريات الامنية

*ابتداءا من الجمعة القادمة ستشهد مصر تغير امنى فى حماية الاقسام والمبانى الخاصة بالوزارة والاقتراب من منشأتها غير مسموح ومن يفعل ذلك سيعامل بعنف ومن سيدخلها لن يخرج منها

*فى الجمعة القادمة سنترك ميدان التحرير فحق التظاهر مكفول لكل مواطن فى حدود القانون

*تم الانتهاء تقريبا من اعادة هيكلة جهاز امن الدولة ((الامن الوطنى حاليا)) وتم استبعاد 90% من الضباط الذين عرفوا بالفساد او اشتبهو فى قضايا تعذيب ويتم التقييم على الاساس السلوكى حتى لو كان الاداء ممتاز وذلك حتى يعود الجهاز قوى كما كان ولكى تثق الناس فيه فلقد عاد ويعمل بالفعل حاليا

*بشأن موضوع قناة الجزيرة فليس لجهاز الامن الوطنى علاقة بها وانما من اقتحم القناة هو المصنفات الفنيه وكان بناء على امر من وزير الاعلام وذلك لان المكتب كان يعمل بدون تصريح

*س/ هل من وراء احداث مديرية الامن من يريدون اثبات اهمية جهاز الشرطة والامن الوطنى ؟

جـ / جهاز الشرطة له اهميته ولا يحتاج لمن يثبت ذلك..... ومجموعات ألتراس الاهلى هم من كانوا موجودين فى ميدان التحرير وهم الفئة المؤثرة فى الميدان وهم من عادوا للوزارة ومجلس الوزارة والسفارة الاسرائيلية والسعودية واخيرا مديرية الامن

*س/ من المهام السابقة لجهاز امن الدولة مراقبة الاموال الداخلة لمصر ان كانت فى المسار الشرعى ام لا؟

جـ / الدولة مفتوحة ومن الصعب تأمين كل الحدود ولا تستطيع اى دولة ولا حتى امريكا ان تؤمن حدودها كلها فتهريب السلاح شىء خطير ونحن نحاول بقصارى جهدنا مواجهته

*انا كرجل صعيدى فالسلاح عزوة بالنسبة لنا ولكن استخدامه ليس كثيرا فوجوده فى المنزل هام ولكن استخدامه يكون بالعقل والحكمة وللضرورة فانا لست خائف من دخول السلاح للبلد لان الشعب تحكمه الاخلاقيات ولا يستطيع الجيش ولا الشرطة مهما كانت قوتهم ان تحميه اذا فقد الشعب اخلاقياته

*حماية المنشأت الامنية والاقسام واجب وحق قانونى وليس امر من وزير الداخلية ومن يقصر فى حمايتها ساحاسبه

[م تيمور المراغي]

أخطر المشاغبين المقبوض عليهم في أحداث السفارة الإسرائيلية.. طفلة عمرها سنة ونصف! \\ الرباط الخاص بي

[م تيمور المراغي]

كبير الاطباء الشرعين : جميع المتوفين بأحداث السفارة بطلقات حية

كبير الاطباء الشرعين دكتور كميل جورجي أكد ان كل المتوفين فى أحداث السفارة الاسرائيلية توفوا نتيجة لتلقيهم طلقات حية وليس خرطوش وأن اثنان منهم تلقوا طلقات مباشرة في الراس والثالث توفي بطلقة فى الصدر .

طيب أليس من حق الشعب أن يعرف من اطلق النار على هؤلاء ؟

الله يرحمهم

حتفضلوا ساكتين كتير !

[mfarag]

كبير الاطباء الشرعين : جميع المتوفين بأحداث السفارة بطلقات حية

كبير الاطباء الشرعين دكتور كميل جورجي أكد ان كل المتوفين فى أحداث السفارة الاسرائيلية توفوا نتيجة لتلقيهم طلقات حية وليس خرطوش وأن اثنان منهم تلقوا طلقات مباشرة في الراس والثالث توفي بطلقة فى الصدر .

طيب أليس من حق الشعب أن يعرف من اطلق النار على هؤلاء ؟

الله يرحمهم

حتفضلوا ساكتين كتير !

و اضح ان 3 يموتوا مش كفاية

المفروض يبقوا كام عشان نقول كفاية

300

ولا 3 الالاف

ولا 3 مليون

عاش مهيج الجماهير

[capitshino]

عاجل : إطلاق نار على دورية للجيش الاسرائيلى في إيلات قرب الحدود المصرية .

ربنا يسترها .

تم تعديل 11 سبتمبر 2011 بواسطة capitshino

[ابراهيم عبد العزيز]

نقلا عن اليوم السابع :

أعلنت 21 حركة وتيارا سياسيا مسئوليتها عن اقتحام السفارة الإسرائيلية يوم الجمعة الماضى، مؤكدة أن الشعب المصرى والحركات السياسية قرروا استرداد جزء من هيبة الدولة وكرامة المواطن باقتحام السفارة الإسرائيلية وطرد السفير والبعثة الدبلوماسية، والإعلان أن زمن الهزيمة والانكسار قد ولى، وذلك وفقًا للبيان الموقعة عليه تلك الحركات.

هذا الخبر فى غاية الاهمية وبعض الناس فى مرو عليه مرور الكرام

فكثير من وسائل الاعلام وبعض واقعة اقتحام السفارة الاسرائيلية وغالبية الشعب المصري كان عنده يقين أن من قام بهذا الاقتحام هم فلول النظام لتوريط مصر الثورة فى المشاكل الخارجية بخط متوازي مع المشاكل الداخلية , وكلنا كنا نميل لهذا التفسير

لكن المدهش أن نجد عدد 21 من القوى السياسية يخرج ليعلن مسئوليته عن هذا الاقتحام , ويؤكد انه كان اقتحام مخطط له من قبلهم لاسترداد كرامة الشعب المصري

القوى السياسية التي اعلنت مسئوليتها عن هذا الاقتحام هم :

الاشتراكيون الثوريون – حركة الديمقراطية الشعبية المصرية – حركة ثوار يناير للحرية والمقاومة – حركة الثوار الأحرار – حركة كفاية– حركة شباب صوت الميدان – حركة مصريين ضد الصهيونية –حركة لا للمحاكمات العسكرية– حزب العامل الإسلامى– حزب التوحيد العرب – حزب العمال الديمقراطى– المركز القومى للجان الشعبية– اللجنة المصرية لمناهضة الاستعمار– الجبهة العربية الإسلامية لنصرة فلسطين– اللجان الشعبية للدفاع عن الثورة– حركة بداية– حركة مش وسية.