يسألوني عن الفلول .. فأُجيب وأقول

[se_ Elsyed]

كلمة الفلول بقت الشماعة اللي كتير بيعلقوا عليها الخيبة اللي بتحصل كل شويه دي ...

وكأن الفلول دول أشباح بتطلع تعمل العملة وبتختفي تاني

وكأنهم مش معروفين بالأسم للجميع

الفلول المعروفة دول كانوا فلول الطليعة اللي كلنا عارفينهم وهم كل رموز الفساد في العهد الماضي

لكن في فلول تانيين وهم أخطر على الثورة

وهم باختصار : كل واحد بيعمل عمل ضد الثورة أو بيفكر بنفس الطريقة الزبالة اللي كان بيفكر بها النظام السابق حتى لو كان بيكره النظام ده عمى ... فهو برضواا من الفلول

ندخل على الجد ونقول

- الفلول هما اللي إغتالوا أحلام الناس الغلابة اللي أستبشرت بالثورة في بدايتها ... واللي كتير ممن خرجوا في الثورة أو ساندوها أو حتى كانوا بيكتبوا من زمان ضد نظام مبارك كانوا ناس مرتاحه مادياً ومش في دماغها ... ولكن عشان في ناس كتير مش عايشه لنفسها وبتفكر في غيرها فده كله ما منعهمش إنهم يضحوا بحياتهم عشان الغلابة والمقهورين ...

ومع ذلك 8 شهور الأن .. والناس دي احوالها زادت سوءاً وزادت فقراً فوق فقرهم

لم نتوقع أن تكون الثورة هي العصا السحرية التي تخرجهم من تلك الحالة ... لكن كلنا بدون إستثناء توقعنا إن تتاخد إجراءات مبدئية عشان تخليهم يحسوا إن في أمل ويحسوا إن في ناس بتفكر فيهم

لكن ماحدث كان العكس ... لقينا تجاهل تام لمطالبهم وتباطؤ رهيب في إتخاذ أي قرار قد يكون يحمل ملامح الإيجابية ... ووجدنا تخبط في القرارات بل ظهرت لغة التهديد والوعيد لكل من تسول له نفسه ويعتصم او يُضرب عن العمل

وهي كلها اعمال مرفوضة من الجميع ... لكن هل فكرت الحكومة قبل أن تبطش بهؤلاء في السبب اللي دفعهم للإضراب أو الإعتصام أو أو أو ؟؟؟؟

وكانت اخر تلك المهازل هو ما يحدث أيها السادة في مطار القاهرة الأن وهي فضيح بجلاجل ... حوالي 5 أيام الأن وعمال تحميل الحقائب والعفش مضربين عن العمل وكثير من الرحلات المغادرة إتلغت إو إتأجلت وناس كتيرة إتخرب بيتها لأن ممكن على سبيبل المثال تاشيراتهم تكون إنتهت أو مسافر لحاجه حياة أو موت ..

مما أضطر المجلس العسكري إنهم يستعينوا بجنود من الأمن المركزي عشان ينقلوا هما الشنط

طب فين العقول المحترمة اللي بتفكر ؟

مين إتكلم مع الناس دي ؟

مين اللي سمح للظاهرة دي إنها تحصل من زمان في قنا لما الناس قطعوا جميع الطريق لأيام كثيرة إعتراضاً على تعيين محافظ مسيحي

مين اللي سمح بقطع الطرق كل يوم من اي واحد رموشه بتوجعه ؟

مين اللي سمح بتكرار ظاهرة قطع خطوط السكك الحديدية في مناسبات حساسة زي رمضان والأعياد مثلما رأينا ؟

مين اللي شاف وسمع سكان العشوئيات وهم مرابطون امام مبنى ماسبيرو لمدة 3 شهور متواصلة وقاموا بقطع طريق كورنيش النيل ؟

إيه المسخرة دي ؟ وفين كبير البلد؟ وفين أي حد عاقل يطلع يضع خارطة طريق أو يوضح لنا الرؤية في الأيام القادمة هاتكون إزاي ؟

ما فيش حد عاقل فيكي يا بلد كان يطلع في بداية سقوط النظام ويُعلن سقوط كل نقابات الهبل اللي كان بيعينها مبارك وامن الدولة ويدعوا لغنتخابات نقابات عمال محترمة وشفافة وكل عامل له مكطلب يروح النقابة بتاعته اللي انتخبها بإرادتة ؟

ويرجعوا يقولوا مين الفلول ؟

----------

يُتبع

[se_ Elsyed]

الفلول هما اللي معاندين ومصممين على عدم إحساسنا بالأمن والأمان تحت حجة إن الشرطة إنكسرت ... ونفسيتهم سيئة .. والناس ما بقتش تحترم الشرطة

الفلول هما اللي كل شوية يطلعوا بإختراع ويضحكوا علينا بحركة تغييرات في الشرطة ... واتضح للجميع إنها كانت حركة تبديل وتغيير أماكن بل وترقيات لمجرمين متورطين بقتل الثوار المتظاهرين

الفلول هما السادة اللواءات اللي بنشوفهم يتحدثوا كل يوم على الفضائيات عن هيبة رجل الشرطة وعن ضرورة عودة وضع رجل الشرطة كما كان من قبل الثورة

يعني يرجعوا بشاوات زي زمان .. وترجع حنفية السرقة والرشاوى زي ما كانت

اتحدى حد يشاور لي على أمين شرطة او شاويش حتى في الشرطة يقدر يقول أنا باعيش بمرتبي فقط مثلي مثل أي مواطن مصري ؟

أتحدى حد يشاور على البشاوات اللي كنا بنشوفهم راكبين أحدث سيارات وساكنين في فلل فاخرة وهو في الأخر موظف حكومة حتى لو كان ظابط ومرتبة معروف أوله وأخره ... ولكننا بنبقى عارفين جاب ده كله منين ؟

هي دي الشرطة اللي عاوزينها الفلول

هي دي اداة البطش والقهر وإذلال المواطن المصري اللي عاوزينها ترجع زي الأول

هي دي اللي بتعمل رجالة على اهالي الشهداء أمام مسرح البالون أو أمام محكمة مبارك وتسحلهم على الارض

هي دي الفلول اللي كل ما تيجي سيرة حقوق الأنسان اوإلتحاق خريجي الحقوق بوزارة الداخلية او بضرورة تفعيل دور جهات الرقابة على اعمال الشرطة أو على الأقسام او تبقى السجون تابعة لوزارة العدل .. تلاقي مقاومة رهيبة ورفض تام لكل هذا

هي دي الفلول اللي بتقول للناس لو راحوا أشتكوا دلوقت في اقسام شرطة كتيرة : خلي الثورة تنفعكم ... أو روح خد حقك بإيدك ... أو ما بيردوش عليهم أساساً

[se_ Elsyed]

الفلول هما اللي معتمين لحد دلوقت عن موضوع " الصناديق الخاصة " في الدولة

كنت باتحدث مع احد مساعدي وزير التعليم العالي .. وهو شخص أثق فيه كأخي وعارف أصله وفصلة .. وبيكلمني عن الصناديق الخاصة في الجامعات واللي بالظبط شبه مغارة علي بابا .. دهب .. ياقوت .. ألماظ ... احمدك يارب

بيكلمني عن رئيس الجامعة اللي مرتبة الرسمي 400 الف جنيه شهرياً

بيكلمني عن عميد أي كلية اللي مرتبة 140 الف جنية

بيكلمني عن دراسات تقديرية عن الصناديق الخاصة اللي في الدولة كلها واللي متوقعين إنها تزيد 3 أضعاف عن ميزانية الدولة بحالها

وأسألوا رؤساء مجالس إدارات البنوك ... ومديري الإدارات الجامدين بياخدوا كام ؟

أسألوا شركات البترول الحكومية مرتبات القيادات فيها كام ؟

إسألوا قيادات الشرطة والجيش مرتباتهم وأمتيازاتهم كام ؟

طبعاً دي مش معجزة إنك تعرف لأن في اعتى الدول المحترمة كل الناس دي من أول رئيس الجمهورية لحد أصغر موظف حكومي معروف دخله إيه بالمليم

إسألوا ميغة المستشارين اللي في الدولة اللي بالالاف مرتباتهم كام وبيعملوا إيه مقابل اليغمة دي كلها ؟

هل كل دول مش معروفين بالإسم ... ومتوقع ردود أفعالهم لو شم خبر عن حد أقصى للأجور ؟

هل كل دول لو في قايدة حكيمة ورشيدة ما تقدرش تحجمهم وتسيطر عليهم ؟

[se_ Elsyed]

الفلول هما اللي معتمين لحد دلوقت عن موضوع " الصناديق الخاصة " في الدولة

كنت باتحدث مع احد مساعدي وزير التعليم العالي .. وهو شخص أثق فيه كأخي وعارف أصله وفصلة .. وبيكلمني عن الصناديق الخاصة في الجامعات واللي بالظبط شبه مغارة علي بابا .. دهب .. ياقوت .. ألماظ ... احمدك يارب

بيكلمني عن رئيس الجامعة اللي مرتبة الرسمي 400 الف جنيه شهرياً

بيكلمني عن عميد أي كلية اللي مرتبة 140 الف جنية

بيكلمني عن دراسات تقديرية عن الصناديق الخاصة اللي في الدولة كلها واللي متوقعين إنها تزيد 3 أضعاف عن ميزانية الدولة بحالها

وأسألوا رؤساء مجالس إدارات البنوك ... ومديري الإدارات الجامدين بياخدوا كام ؟

أسألوا شركات البترول الحكومية مرتبات القيادات فيها كام ؟

إسألوا قيادات الشرطة والجيش مرتباتهم وأمتيازاتهم كام ؟

طبعاً دي مش معجزة إنك تعرف لأن في اعتى الدول المحترمة كل الناس دي من أول رئيس الجمهورية لحد أصغر موظف حكومي معروف دخله إيه بالمليم

إسألوا ميغة المستشارين اللي في الدولة اللي بالالاف مرتباتهم كام وبيعملوا إيه مقابل اليغمة دي كلها ؟

هل كل دول مش معروفين بالإسم ... ومتوقع ردود أفعالهم لو شم خبر عن حد أقصى للأجور ؟

هل كل دول لو في قايدة حكيمة ورشيدة ما تقدرش تحجمهم وتسيطر عليهم ؟

[se_ Elsyed]

صباح الخير يا فلول

بأبص دلوقت على عانوين الأخبار النهاردة لقيت خبرين فلولين زي الفل

المعلمون يقطعون شارع قصر العينى ويوقفون حركة المرور

وعندك واحد فلول بالزيت الحار

ننشر خريطة المستشفيات المشاركة فى إضراب الأطباء

قال أحمد عاطف، منسق شباب الأطباء وأحد منسقى الإضراب اللجنة العليا، إن عدد المستشفيات المشاركة فى إضراب اليوم السبت على مستوى الجمهورية بلغ حتى الآن أكثر من 60 مستشفى.

ففى محافظة القاهرة، تشارك مستشفيات النيل وحميات إمبابة وبولاق العام وأم الأطباء وهليوبلس والمطرية وصدر العباسية وجراحات اليوم الواحد بالمرج، ومستشفى مصر القديمة والمنيرة العام وإمبابة العام و6 أكتوبر والعباسية النفسية والمنيرة العام، ووالخازندارة والساحل التعليمى والشرطة بالعجوزة وشبرا والعام ورمد الجيزة، بالإضافة إلى مستشفيات التأمين الصحى، والتى يتجاوز عددها 5 مستشفيات.

وفى محافظة الغربية، أضرب الأطباء العاملون بمستشفى المنشاوى العام والمحلة العام، وكفر الزيات العام، وسمنود العام، وزفتى العام والمبرة بطنطا والمجمع الطبى للتأمين الصحى بطنطا ومستشفى المبرة وحميات زفتى وزفتى التخصصى والسنطة المركزى.

وفى بنى سويف، هناك إضراب بمستشفى بنى سويف العام وسمسطا العام والفشن العام والرمد والصدر وأهناسيا المركزى والوسطى المركزى وناصر المركزى وببا المركزى والفشن المركزى وسمسطا المركزى.

أما فى محافظة دمياط، فأضرب الأطباء فى: دمياط العام وفارسكور وكفر سعد والزرقا ومعظم الوحدات الصحية، وفى دمياط الجديدة والمركز الطبى وفى مستشفيات أسيوط والمنيا وسوهاج والسويس والدقهلية.

وفى المنوفية، أضرب الإضراب فى المستشفيات الجامعية وشبين التعليمى واشمون المركزى وحميات منوف وتلا المركزى والشهداء والباجور وفى الشرقية مستشفى ديرب نجم والزقازيق العام وفاقوس والأحرار وأبو كبير وفى المنصورة مستشفى شربين والسنبلاوين والمنصورة العام.

وفى البحيرة مستشفى دمنهور التعليمى وصدر دمنهور وكفر الدوار وحميات دمنهور والمبرة بإيتاى البارود، بينما فى كفر الشيخ أضرب الأطباء فى مستشفى كفر الشيخ والحامول والعبور

[se_ Elsyed]

كمالة للفلول

بالصور.. إضراب أفراد الشرطة بأسيوط للمطالبة بصرف حافز 200 %

السبت، 10 سبتمبر 2011 - 12:33

[se_ Elsyed]

أنا مش بأتهم الناس دي إنهم فلول إو إنهم بيتعمدوا يعملوا كده

لكن باتهم كل مسئول ليس لديه القدرة على الحل والربط أو على السيطرة على التابعون له أو ما عندوش رؤية وسايب الأيام تعالج وتحل المشكلة أو بيقول إن الناس بكره تزهق وتمشي وخلي الحر والشمس تاكل دماغهم

تماماً كما كان النظام السابق يفعل بمنتهى الإجرام واللامبالاة