حملة الدائرة البيضاء ! \ مجلس شعب من الشعب !

[م تيمور المراغي]

الكفائات المصريه فعلا موجوده لكن تحتاج من ياخذ بيدها الى صدارة المشهد السياسي ,,

ليه الشعب مش هو اللي يحكم ويخرج من بطنه كما عودنا سياسيين عظام لم يكونوا محسوبين على تيار سياسي معين قبل ذلك !

هناك حملة توعية سياسية تقوم بها احد الحركات السياسية الغير طامحه للحكم اسمها ( الدائرة البيضا )

مهمتها هي حصر جميع الكفائات ( مهما كانت ايدلوجيتها قبطي سلفي اخواني ليبرالي يساري المهم مايكونش وطني )

وبعد حصر تلك الكفائات ( والتي لا يختلف عليها اثنان ) ستقوم بتوفير الدعم السياسي واحتمال المادي لها وذلك بالتفاف ابناء الدائرة الواحده حول هذا الانسان الوطني المخلص الكفؤ ( اكرر لا يختلف حول كفائته واحقيته اثنان ) وتدفع به الى عضوية مجلس الشعب

اعتقد ان الفكره دي بغض النظر عمن ورائها تستحق من الجميع تقليدها ودعمها خصوصا انها نأت بنفسها عن دعم ايدلوجيه او تيار سياسي معين

واصبحت بالتالي متاحه لكل الاكفاء المصريين ,,

ايه رأيكم

ومحتاجين افكاركم !

[Ahmed Anwer]

عضو الحز الوطني سابقا عن دائرة النزهة و المرج

المحامي / عيد هيكل ، و رجل أعمال صاحب مدارس خاصة

علق لافتات تهنئة للشعب بمناسبة رمضان والأعياد و عليها شعار حزب الوفد

عيد هيكل لم يدخل مجلس الشعب من قبل

عشان حمدي السيد كان كابس علي نفسه في الدائرة و كان بياخد المجمع الإنتخابي

للحزب الوطني

عااار علي حزب الوفد

هصور اللافتات لما تيجي فرصة و ابعتها لرصد و مباشر 6 أبريل

[Ahmed Anwer]

عائلات الصف وأطفيح فى استقبال «شفيق»: أنت رئيس الشعب

----------------------------------------------------------------

زغاريد ولافتات تأييد وهتافات «أنت رئيس الشعب» وأطفال حاملين الورود والمصاحف، كانت فى استقبال كبار العائلات بمركزى الصف وأطفيح للفريق أحمد شفيق، رئيس الوزراء السابق. بدأت الزيارة بتوجه المئات من المواطنين لاستقبال شفيق، ووقف كبار العائلات صفاً واحداً فى مدخل القرية فى سرادق أقاموه له، وحرص رئيس الوزراء السابق على مصافحتهم فرداً فرداً، وردوا عليه بجملة «أنت رئيسنا ونحن نؤيدك»، ورصدت «المصرى اليوم» قيام العديد من الأهالى بالكتابة على أعمدة الإنارة وحوائط المنازل «لا للبرادعى ولا عمرو موسى».

وقال «شفيق»، فى مؤتمر عقده بعد تأدية صلاة الجمعة: «جئت إليكم مواطناً عادياً ولست مرشحاً للرئاسة، وقدمت إليكم لأنى أشعر أنكم أهلى، كلامى لكم من القلب للقلب، وأشكركم على استقبالكم لى بهذه الحفاوة فى هذا الحر الشديد.

-------------------------------------------------------------------------------

عائلات الصف وأطفيح فى استقبال «شفيق»: أنت رئيس الشعب

-----------------------------------------------------------------------------

أسوأ الكوابيس

أحزاب الفلول أغلبية في البرلمان

و أحمد شفيق رئيسا

عشان نقول زي الرومانين (( لقد أصبحت ثورتنا أضحوكة العالم ))

ده الخطر الحقيقي

[م تيمور المراغي]

كلامك مهم وجميل يا احمد واطمنك اننا عاملين حمله موازيه اسمها ( الدائرة السوداء ) بنحصر فيها من خلال مندوبنا في كل دايره من يتقدم للترشح وله سابقة تورط او انتماء الى الحزب الوطني لكي نكشف للناخبين حقيقة المرشح بالتوازي مع الضغط على المجلس لاعلان عدم احقية اعضاء الوطني السابقين في ممارسة العمل السياسي او الترشح لدوره برلمانيه واحده عى الاقل

بس بيني وبينك حتعمل ايه لو الناس اللي كارهه الثورة والثوار اختاروا رموز النظام القديم عندا وكيدا في الثائرين !

وعلى فكره كلامك عن شفيق بيوضح ان فعلا الشعب ده - وربنا يستر - عنده استعداد نفسي عجيب لان يصبح من الفلول ! :happy:

[Ahmed Anwer]

الثورة المصرية تنتهج منهج الثورة الرومانية بدأت بثورة بيضاء وتوسطها حكم الجيش الرومانى وانهيت بحكم نفس رموز النظام البائد

و بأختصار الثورة الرومانية قامت على حكم ديكتاتورى فاسد زى اللى كان عندنا و بدأت بمدينة صغيرة دفاعا عن قس ثم تحولت الى العاصمة بوخارست و زى مصر فكانت ثورة سلمية و عدد القتلى قريب الالف زى مصر

المهم بعد ما نجحوا فى خلع الديكتاتور بتاعهم مع فرق بسيط ان الديكتاتور بتاعهم خذلوا محاكمة على السريع مع حكم اعدام ليه و لزوجته و تم تنفيذه بسرعة غريبة

المهم تم تشكيل ما يسمى جبهة الخلاص الوطنى و ديه كانت عبارة عن قيادات الصف الثانى فى الحزب الشيوعى اللى بينتمى ليه الديكتاتور بتاعهم يعنى هو الحزب الوطنى عندنا و الجبهة ديه تم تشكيلها بناءا على توجيهات و اوامر جنرالات(لواءات)الجيش الرومانى

و العجيب و الطريف و شوف مدى التطابق ان اللى تولى مقاليد الامور هناك هو شخص اسمه إيون إيليسكو و كان عضو فى اللجنة العليا للحزب الشيوعى اللى هو حزب الديكتاتور و خرج فى اخر المظاهرات و الاحتجاجات و بعد ما تم خلع الديكتاتور تولى هو الامور ثم سيطر على وسائل الاعلام و بدأ فى قهر كل المعارضين بتكييل الاتهامات لهم و تفتيتهم و التنكيل بهم و خصوصا من الاحزاب الديموقراطية

و اجرى الانتخابات الرئاسية و فاز بنسبة تقارب ال 85% و هذه الانتخابات كانت يشوبها الكثير من اللغط و الانتقادات

و لكن الشباب الثائر هناك لم يعترض لانه ايقن انهم اقلية فيما عدى بعض الشباب اللى خرجوا فى مظاهرات منددين بأختطاف ثورتهم و عملوا اعتصام محدود

فكان من تفكير هذا الرئيس هو تقليب الشعب على بعضه فقام بدفع عمال المناجم بالنزول الى العاصمة و اشاعة الفوضى و خلف هذا الموضوع عدد من القتلى و قريب الالف جريح فيما عرف بأنه اعنف مسيرة لعمال الناجم

و بعد اكثر من عشرين عاما لم يقتص اهالى الضحايا من قاتليهم و لم يتغير شيئ فى رومانيا حتى قال الرومانيين ان ثورتنا اصبحت اضحوكة العالم

منقووول

[م تيمور المراغي]

ماكانش عند الرومانيين شباب 6 ابريل :happy:

واللي دبح الغول يدبحه مره تانيه وتالته ورابعه

[mfarag]

يعنى حضرتك عايز ديمقراطية ذات اتجاة واحد

ديمقراطية اة

انتخابات اة

الشعب يختار حد مش على مزاجى لا

من حكم مبارك الديكتاتورى الى حكم الثوار الديكتاتورى

اية الفرق

و بعدين سوال

هو الشعب المصرى شعب عظيم و لا مبعرفش يختار و لازم يمشى وراء النخبة

حضارة 7000 سنة ولا جاهل وامى و بيبيع صوتة بازازة زيت

جاهز للديمقراطية ولا لا

هيعرف يختار و لا لسة صغنن و الشيوخ و السلفيين هيضحكوا علية و هيسقوة حاجة اصفرا

شعب بميت لون

[م تيمور المراغي]

بالعكس يا فرج

انا قلت بالحرف الواحد

""ليه الشعب مش هو اللي يحكم ويخرج من بطنه كما عودنا سياسيين عظام لم يكونوا محسوبين على تيار سياسي معين قبل ذلك !""

يعني كلامنا واحد

[م تيمور المراغي]

6 إبريل تطلق حملة الدوائر السوداء والبيضاء لتعقب فلول الوطنى \\ الرباط الخاص بي

[م تيمور المراغي]

[Ahmed Anwer]

تمام

صفحة للدائرة البيضا بقه علي الفيس بوووك

و صفحة للدايرة السودا

و اكاونت لكل واحد عالتويتر

صفحات مستقلة عن صفحات 6 ابريل

لسهولة المتابعة

[Ahmed Anwer]

قائمه بأسماء نواب الحزب الوطنى لعدم انتخابهم

[م تيمور المراغي]

تسلم ايديك يا احمد وبالفعل بنظبط الصفحات والجروبات ,,

ابعتلي اكاونتك ع الفيس عشان ادخلك ادمن لو حبيت

[se_ Elsyed]

طب إسمعوا أخر نُكتة وإبكوا بدل ما تضحكوا

عبد الرحيم الغول رشح نفسه في الإنتخابات ... فاكرين عبد الرحيم الغول

وهو أحد أقطاب الحزب الوثني وأحد الضالعين في حادثة مذبحة كنيسة نجع حمادي

وفي واحد تاني لوا برضوا مرشح نفسه في الصعيد إسمه اللواء محمد عبد الفتاح عمر كنت متغاظ منه من زمان لإن كان رئيس لجنة الدفاع القومي في مجلس الشعب .. وحزب وطني طبعاً ...

كان عبارة عن شخص ما تقلعوش من رجلك .... وكان من نوادره إن حادثة سفاح المعادي اللي حدثت من كام سنة إتهم فيها الاخوان المسلمين وقال إن السفاح ده لازم يكون إخواني ... وكمان عندما بدأت إضطرابات عمال المحلة ونزل الامن المركزي ضربهم بالنار وكان من ضمن القتللة طفل صغير واقف في يلكونة بيتهم وواحد ظابط ضربة طلقه .. طلع الجزمة ده وسمعته بوداني وهو بيقول : أحسن يستاهل ايه اللي خلاه يبص من البلكونة

[se_ Elsyed]

الحاج محمد الحنفي بتاع كله

قبل الثورة شغال .. وطني وحبيبي والمجتمع والناس ومن غير شنب

الثورة قامت ورمت الوطني في الزبالة ... تفتكروا الحج حنفي يسكت ؟

لأ طبعاً .. ودي تيجي

راح مربي شنبه عشان يتنكر وما نعرفوش يعني وضارب شعار جديد زي " من أجل ثورة مصر رشحت نفسي " ...

وإنزل الانتخابات يا حج حنفي ... ومن النهاردة ما فيش حنفي

[م تيمور المراغي]

طب إسمعوا أخر نُكتة وإبكوا بدل ما تضحكوا

عبد الرحيم الغول رشح نفسه في الإنتخابات ... فاكرين عبد الرحيم الغول

وهو أحد أقطاب الحزب الوثني وأحد الضالعين في حادثة مذبحة كنيسة نجع حمادي

وفي واحد تاني لوا برضوا مرشح نفسه في الصعيد إسمه اللواء محمد عبد الفتاح عمر كنت متغاظ منه من زمان لإن كان رئيس لجنة الدفاع القومي في مجلس الشعب .. وحزب وطني طبعاً ...

كان عبارة عن شخص ما تقلعوش من رجلك .... وكان من نوادره إن حادثة سفاح المعادي اللي حدثت من كام سنة إتهم فيها الاخوان المسلمين وقال إن السفاح ده لازم يكون إخواني ... وكمان عندما بدأت إضطرابات عمال المحلة ونزل الامن المركزي ضربهم بالنار وكان من ضمن القتللة طفل صغير واقف في يلكونة بيتهم وواحد ظابط ضربة طلقه .. طلع الجزمة ده وسمعته بوداني وهو بيقول : أحسن يستاهل ايه اللي خلاه يبص من البلكونة

الاول موجود في القايمه عندنا يا س

*نجع حمــــادي

23-عبدالرحيــم الغــــــــــــــــــــــــــول

لكن التاني مش موجود تسلم ايدك ححط اسمه

لو عندك تاني يا ريت تبعت هنا او ع الفيس زي ما تحب

[م تيمور المراغي]

الحاج محمد الحنفي بتاع كله

قبل الثورة شغال .. وطني وحبيبي والمجتمع والناس ومن غير شنب

الثورة قامت ورمت الوطني في الزبالة ... تفتكروا الحج حنفي يسكت ؟

لأ طبعاً .. ودي تيجي

راح مربي شنبه عشان يتنكر وما نعرفوش يعني وضارب شعار جديد زي " من أجل ثورة مصر رشحت نفسي " ...

وإنزل الانتخابات يا حج حنفي ... ومن النهاردة ما فيش حنفي

عندك فكره هو من الدلنجات !

اللي عندي اسمه

33-محمد موسى أبو العينين/الدلنجان

عموما حضيف اسمه وتسلم ايديك يا س ضربة المعلم بـ 1000 :happy:

[م تيمور المراغي]

المواعيد الكاملة لانتخابات الشعب والشوري \\ الرباط الخاص بي

[Simba]

الحاج محمد الحنفي بتاع كله

قبل الثورة شغال .. وطني وحبيبي والمجتمع والناس ومن غير شنب

الثورة قامت ورمت الوطني في الزبالة ... تفتكروا الحج حنفي يسكت ؟

لأ طبعاً .. ودي تيجي

راح مربي شنبه عشان يتنكر وما نعرفوش يعني وضارب شعار جديد زي " من أجل ثورة مصر رشحت نفسي " ...

وإنزل الانتخابات يا حج حنفي ... ومن النهاردة ما فيش حنفي

ده صابغ زي المخلوع

[se_ Elsyed]

أحترس ... أمامك احزاب للفلول المفلفلة

1- حزب الحرية

2- حزب المواطن المصري

3- حزب البداية

4- حزب نهضة مصر الديمقراطي

5- حزب مصر الحديثة

6- حزب مصر القومي

7- حزب مصر النهضة

8- حزب مصر التنمية

9- حزب مصر الكنانة

10- حزب الاتحاد

1 _ حزب الحرية

وكيل المؤسسين معتز محمد محمود أمين عام الحزب الوطني المنحل بقنا ، وقد رفضه لجنة الأحزاب السياسية ، برئاسة المستشار كمال محمد نافع ، في العشرين من يونيو الماضي تأسيس الحزب ، وقضت المحكمة الإدارية العليا ، برئاسة المستشار مجدي العجاتي ، في الثالث من يوليو ، بإشهار الحزب ، وإلغاء قرار لجنة شئون الأحزاب ، بالاعتراض علي تأسيس الحزب ؛ الذي يضم عدداً كبيراً من أعضاء الحزب الوطني المنحل .

وقد كشف المهندس أبو العلا ماضي ، رئيس حزب الوسط في الثاني والعشرين من مارس ، عن قيام فلول الوطني بعقد اجتماعات مكثفة آنذاك ، لجمع أموال ضخمة لتدشين حملة إعلامية للترويج عن حزب جديد باسم حزب " الحرية " . وقال في تصريح له ، إن تلك المجموعة استطاعت خلال شهر واحد من الاجتماعات جمع مبلغ ضخم يصل إلي نحو مليار جنيه تقريبا علي حد قولة .

2 _ حزب المواطن المصري

يضم أكثر من أربعة عشر ألف ، من أعضاء الحزب الوطني المنحل من مختلف المحافظات ، ومن أبرزهم الدكتور " محمد رجب " النائب الوطني المعروف ، و "أحمد أبو حجي" نائب الطلقات ، الذي طالب بإطلاق النار علي المتظاهرين قبل انهيار نظام مبارك وأطلق علية اسم نائب الرصاص .

3 _ حزب البداية

يضم الكثير من أعضاء الحزب المنحل ، وقد قدم المحامي ياسر عبد الحكيم الديب ، طلباً للجنة شئون الأحزاب ، طلب فيه بعدم الموافقة علي تأسيس الحزب ، وبرر ذلك بأن حزب البداية ، ليس إلا وجه أخر للحزب الوطني ، حيث صرح بأن كافة المؤسسين للحزب ، ينتمون للحزب الوطني المنحل .

4 _ حزب نهضة مصر الديمقراطي

مؤسسه أحمد أبو النظر ، أحد كوادر الحزب الوطني المنحل بالإسكندرية

5_ حزب مصر الحديثة

مؤسسه نبيل دعبس صاحب جامعة مصر الحديثة ، ووالد وليد دعبس صاحب قنوات مودرن الرياضية ، والجدير بالذكر أنه قد تم طرده من ميدان التحرير بعد تأييده للرئيس المخلوع ، وكان أحد الداعمين لجريدة الوطني اليوم التابعة للحزب الوطني المنحل والتي كانت تصدر وتتحدث بلسان الحزب في عهد المخلوع مبارك .

6 _ حزب مصر القومي

مؤسسه طلعت السادات أخر أمين عام للحزب الوطني المنحل ويضم الحزب عدداً من قيادات عديدة و أعضاء مجلس شعب سابقين من الحزب المنحل ، ذلك بالإضافة إلي توفيق عكاشة رئيس قناة الفراعين الفضائية والذي يعتبر من ممولي الحزب الوطني والذي نجح في انتخابات مجلس الشعب الأخيرة والتي كانت من ضمن الأسباب الرئيسية لاشتعال الأوضاع في مصر بسبب ما شابها من تزوير .

7 _ حزب مصر النهضة

مؤسسه الدكتور حسام بدراوي أمين عام الحزب الوطني المنحل السابق

8_ حزب مصر التنمية

رئيسته يمن الحماقي ( الولية دي كانت بتدرس لي في الجامعة .. وشكل التدريس ما بياكلش عيش فقالت أبقى فلول أسهل ) عضو مجلس شوري سابقاً ، وعضو الأمانة العامة بالحزب الوطني المنحل .

9 _ حزب مصر الكنانة

رئيسه أشرف ذكي بارومة

10 _ حزب الإتحاد

وكيل المؤسسين دكتور حسام بدراوي !