مش حتمسكوها يا مجلس العسكر !

[م تيمور المراغي]

أبو إسماعيل: "العسكري" وراء أحداث الجمعة..وعلينا الاستعداد لمواجهته عاجلا أم آجلا \\ الرباط الخاص بي

[الدكتور ياسر]

أبو إسماعيل: "العسكري" وراء أحداث الجمعة..وعلينا الاستعداد لمواجهته عاجلا أم آجلا \\ الرباط الخاص بي

قراءة واعية للاحداث تعكس فكرا راقيا منظما يتمتع به هذا الرجل .. أسأل الله أن يكرم مصر به .. , ولا إيه رأيك يا أستاذ تيمور؟ :)

تم تعديل 11 سبتمبر 2011 بواسطة الدكتور ياسر

[ابراهيم عبد العزيز]

أبو إسماعيل: "العسكري" وراء أحداث الجمعة..وعلينا الاستعداد لمواجهته عاجلا أم آجلا \\ الرباط الخاص بي

قراءة واعية للاحداث تعكس فكرا راقيا منظما يتمتع به هذا الرجل .. أسأل الله أن يكرم مصر به .. , ولا إيه رأيك يا أستاذ تيمور؟ :)

الدكتور حازم ابو اسماعيل هو شخص يجبرك على احترامه حتى ولو اختلفت معه

هو شخصية محترمة بمعنى الكلمة , وانسان له موقف واضح وصريح ولا يسير مع الرايقة

[م تيمور المراغي]

أبو إسماعيل: "العسكري" وراء أحداث الجمعة..وعلينا الاستعداد لمواجهته عاجلا أم آجلا \\ الرباط الخاص بي

قراءة واعية للاحداث تعكس فكرا راقيا منظما يتمتع به هذا الرجل .. أسأل الله أن يكرم مصر به .. , ولا إيه رأيك يا أستاذ تيمور؟ :)

قلتها اكتر من مره اني رغم اني ليبرالي وبرادعاوي لكن مواقف الشيخ حازم فعلا من قويه لاقوى وانا بعتبر التصريح ده اقوى تصريح ضد مجلس التآمر لحد دلوقتي ,,

تصريح ابو اسماعيل اعاد الامل للنشطاء بعد ان خذلهم الشعب اللي بيلعنهم دلوقتي ,,

[رضوي]

طبعاً ملعوووووبة ومتوقعة كمان جدا جدا جدا

شوية بلطجية يطلعوا علي وزارة الداخلية يكسروها .... واهالي عابدين هما اللي يقفوا

وشوية يطلعوا علي السفارة يقتحموها ويرموا منها قال ايه مستندات ...... بالشفا ان شاء الله

وشوية يطلعوا علي مديرية أمن الجيزة والسفارة السعودية اللي هما في نفس مكان السفارة الاسرائيلية تقريباً

قوم اييييييييييه ........... الاعلام يصور ويظهر شباب مصر الثوري بلطجية ومجرمين

قوم عمو اوباما بشهامته المعروفة للجميع ........ يتطوع ويقول ندخل قوات حفظ الامن ( علي اساس ان الامن عندنا وحش وان ماحدش قادر يمشي في الشوارع )

قوم اونكل نينياهو بطيبته المعهودة يقول اننا بنحمي السفارة المصرية في تل أبيب ونفسنا سفيرنا يرجع مصر تاني علشان احنا بنحافظ علي معاده السلام

ودة كله يحصل ........... وسيادة المشير يعتذر النهاردة عن الادلاء بشهادته ............ ليه بقي ؟؟؟؟؟؟؟؟؟ علشان الحالة الامنية في مصر خاصة في القاهرة مش اد كدة يعني ؟؟؟؟؟؟؟؟؟؟؟؟؟؟؟؟

يادي المصيبة ؟؟؟؟؟؟؟؟ حالة ايه وهباب ايه بس

الحالة الامنية في مصر كلها وفي القاهرة بالذات عادية جدا .......... ولا فيه اي حاجة في اي حته ......... انا خرجت يوم الجمعة بعد المغرب علشان ازور جدتي المريضة واطمن عليها في الهرم .......... ورجعت البيت حوالي الساعة 10 مع عيلتي والدنيا في منتهي الامان والناس عايشة حياتها جدا ( مع العلم ان الهرم قريب من مكان الاحداث مش بعيد يعني )

وتاني يوم السبت كنت في التحرير وروحت البيت في منتهى الامان ( علي الرغم من وجود مظاهرات في السيدة زينب والقصر العيني )

والنهاردة الاحد خرجت من البيت عادي جدا في معادي روحت شغلي ورجعت البيت عادي جدا برده ومافيش اي حاجة في اي حته في اي مكان ( مع اني الصبح كنت متردده اني اخرج علشان قرب بيتي من مكان المحاكمة والنهاردة كانت قضية موقعة الجمل وكدة يعني )

طيب فيييييييييييين بقي قلة الأمن في القاهرة اللي مخوفهم

كفاية حجج بقي

وهرجع اقول تاني ان الثوار ليهم ايد في اللي حصل ............ ودة نتيجة نزولهم يوم الجمعة وانهم اتاحوا المجال الخصب للتخريب .......... اصل سهل ان البلطجية ينزلوا وسط الناس عادي ........ لكن استحالة ينزلوا لوحدهم كدة يعني ........... الجمع ياجماعة لازم تبقي بحسااااااااااااااااب مش كل شوية جمعة جمعة جمعة .......... اكيد دة مش صح

وادي قانون الطواريء بالمرة بقي علشان تبقي كملت ................ كانت سلمية سلمية ............. وعايزينها تفضل سلمية سلمية

ربنا يستر

[الدكتور ياسر]

أبو إسماعيل: "العسكري" وراء أحداث الجمعة..وعلينا الاستعداد لمواجهته عاجلا أم آجلا \\ الرباط الخاص بي

قراءة واعية للاحداث تعكس فكرا راقيا منظما يتمتع به هذا الرجل .. أسأل الله أن يكرم مصر به .. , ولا إيه رأيك يا أستاذ تيمور؟ :)

قلتها اكتر من مره اني رغم اني ليبرالي وبرادعاوي لكن مواقف الشيخ حازم فعلا من قويه لاقوى وانا بعتبر التصريح ده اقوى تصريح ضد مجلس التآمر لحد دلوقتي ,,

تصريح ابو اسماعيل اعاد الامل للنشطاء بعد ان خذلهم الشعب اللي بيلعنهم دلوقتي ,,

ماشى يا أستاذى من حقك تنتخب من تراه فهذا حقك ... بس بلاش ننسى للراجل الفاضل ده مواقفه الشجاعة بعد كدة و نقول عليه مرة

( لمامة ) ونمسكله على الواحدة زى حكاية البيبسي.. الرجال يعرفون في الشدائد ..إوعى تزعل منى

تم تعديل 11 سبتمبر 2011 بواسطة الدكتور ياسر

[م تيمور المراغي]

فيه مفاجأة بتتجهز لمجلس الانس بس ايه

حتطلع من نافوخه :happy:

انتظرونا !

[التونسى]

على رأى المثل ((بتصرف))

((((تكون ثورتك .. وتقسم لجيشك ))))

[mfarag]

فيه مفاجأة بتتجهز لمجلس الانس بس ايه

حتطلع من نافوخه :happy:

انتظرونا !

و يا ترى فى المفاجاءة دى كام واحد يموت

3 زى المرة اللى فاتت و لا اكتر

كفاية مفاجاءت اللى بتموت المصريين

و يا ترى محمد عادل و اسماء هيحضروا الحدث ولا وراهم حاجات اهم

و حضرتك هتكون فى مصر عشان تحضر المفاجاءة ولا ظروف قهرية مانعة حضرتك تشارك فى الاحداث اللى بتدعو اليها و يموت و يتصاب فيها مصريين

[م تيمور المراغي]

على رأى المثل ((بتصرف))

((((تكون ثورتك .. وتقسم لجيشك ))))

ده تغير جذري في رؤيتك السياسيه يا تونسي اولا بحييك عليه ثانيا اسألك

هو حصل ايه !

وللجميع ,,

الثورة تمر بمرحلة حرجة جدا

والعودة الي الخلف هتنجح اذا لم تتكاتف كل القوي السياسية والشعبية لايقاف هذه الردة

[م تيمور المراغي]

الشيخ حازم شومان هو كمان دخل في المواجهه هو كمان و بيخاطب العسكري

http://www.youtube.com/watch?v=QBg_6o2vi2w

[م تيمور المراغي]

اتوقع زيارة اردوغان بكره لمصر كام يوم حتخللي العسكري يلم نفسه عن الثوره والثوار ,,

[م تيمور المراغي]

انا زعلان من الشعب المصري اوي ,,

[م تيمور المراغي]

رسائل المجلس العسكري :

الرسالة الاولي : جمعة 29\7 الشهيرة بجمعة قندهار

المرسل إليه : الأقباط

... نص الرسالة : يإما إحنا .. يإما الدقون .. والله الموفق والمستعان

__________

الرسالة الثانية : المباديء الفوق دستورية

المرسل إليه : الإخوان والسلفيين والقوي الدينية

نص الرسالة : انا هنا .. واوعوا تفتكروا في يوم انكم تحكموا .. والله الموفق والمستعان

__________

الرسالة الثالثة : أحداث الحدود مع إسرائيل

المرسل إليه : الثوار والقوي السياسية

نص الرسالة : البلد دي عاوزة عسكري اللي يحكمها .. والله الموفق والمستعان

_________

الرسالة الرابعة : إقتحام السفارة الإسرائيلية

المرسل إليه : أمريكا والعالم الغربي

نص الرسالة : يإما احنا .. يإما تهديد مصالحكم في مصر .. والله الموفق والمستعان

________

الرسالة الخامسة : إغلاق قناة الجزيرة مباشر مصر

المرسل إليه : الإعلام وقنوات التوك شو

نص الرسالة : اتلموا بدل ما اعكنن علي اللي جابكو .. والله الموفق والمستعان

________

الرسالة السادسة : البلطجة وإنعدام الأمن في الشارع المصري

المرسل إليه : الشعب المصري العظيم

نص الرسالة : لو مشينا .. مش هتشوفوا لا عسكري شرطة ولا جيش وابقوا قضوها لجان شعبية .. والله الموفق والمستعان

[م تيمور المراغي]

مصدر أمني : "رئيس وزراء عسكري" لمصر قريبا ! \\الرباط الخاص بي

[capitshino]

مصدر أمني : "رئيس وزراء عسكري" لمصر قريبا ! \\الرباط الخاص بي

الظاهر ان المجلس السمكرى مش ناوى يجيبها لبر .

[م تيمور المراغي]

مصدر أمني : "رئيس وزراء عسكري" لمصر قريبا ! \\الرباط الخاص بي

الظاهر ان المجلس السمكرى مش ناوى يجيبها لبر .

ربنا يعيننا كلنا

معارضين و مرحبين

لان الاتنين حيتظبطوا

[م تيمور المراغي]

[م تيمور المراغي]

بسْمِ اللّهِ الرَّحْمَنِ الرَّحِيمِ

وَاعْتَصِمُواْ بِحَبْلِ اللّهِ جَمِيعًا وَلاَ تَفَرَّقُواْ وَاذْكُرُواْ نِعْمَةَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ (103) آل عمران

اللهم وحدنا على الحق كما كنا أيام الثورة ...

اللهم وحدنا على الحق .. كي نستعيده من جديد

اللهم انصرنا

[فوس فوس]

الجيش كيان مستقل له اقتصاده ورأس ماله ودخله الخارجي والداخلي...وله التحكم في كامل الاراضي المصرية ..يعني دولة داخل دولة ...عسكرية داخل مدنية...

وبصفته محرر مصر والوريث الشرعي لها ،هل من السهولة يتنازل عن كل تلك الصلاحيات والمزايا ويقعد بعيد عن ادارة شئون البلاد؟...انا رأي نعم ممكن من السهولة..بس بنص في الدستور يحمي الجيش ويحمي له حقوقه الشرعية من اي نظام حاكم .. ويقولنا سلامو عليكم...