أسبوع سيادة الشعب .. مسيرات ليلية

[Simba]

مسيرات ستنطلق كل يوم بعد صلاة المغرب من كل أماكن التجمع المعتادة و لمدة أسبوع حتى نعيد الثورة للشارع و نوقظ من استكان من الشعب ....

بهتافنا هنوعى الناس ..... أحييوا ثورتكم ... فان الله لم يخلق شعوبا تستكين

المطالب :

-استقلال القضاء و الغاء وزارة العدل

-وقف المحاكمات العسكرية للمدنيين فورا، و اعادة محاكمتهم أمام قاضيهم المدنى .

- وضع جدول زمنى محدد لتسليم السلطة الى سلطة مدنية منتخبة

- تطهير الداخلية من كل لواءات و عمداء حبيب العادلى و اعادة هيكلتها بالكامل .

- انتخاب جميع القيادات الجامعية

ستنطلق المسيرات كل يوم عقب صلاة المغرب مباشرة

___________

رأيكم ايه

انا عن نفسسي متحفظ خصوصا بعد احداث السفارة

المسيرات اكيد سلمية بس لو حد حب يستغلها استغلال سيئ اكيد هيقدر والناس هتكره الثورة علي اليوم اللي قامت فيه الثورة

كمان علشان لما بيحصل قلق شباب كتير بيتاخد ويتحاكم عسكريا وانا اللي بيصعب علي اهله اللي بيطلع عينهم وراه

[نورالعين]

تم اطفاء شوارع القاهرة امس ليلا عند الجامعة وكوبري الجامعة

ظهرت القاهرة حزينة دامعة

ربما تعيد لها تلك المسيرات بعضا من الحياة

ستكون سلمية بنشر الوعي كما كنا بالميدان واللجان الشعبية

[وطني حر]

اخي سمبا .. راي الشخصي قبل جمعه تصحيح مسار الثوره انا موافق علي المسيرات قلبا وقالبا

لكن الي حصل في جمعه تصحيح مسار الثوره حاجه غريبه جدا جداا. لازم وقفه تقييم لتلك المسيره واعاده ترتيب اوراق هل الي حصل وقتها من ضمن اهداف المسيره ..؟؟؟؟؟؟؟؟؟

او كان هناك ايادي خفيه حرفت مسار الجمعه .؟؟؟؟؟

ايا كانت النتيجه . فانا اقول الشعب انسرق مش الثوره انسرقت ....؟؟

محتاجين ثوره اكبر من ثوره 25 لكن امتي ..؟؟؟؟ الله اعلم

[doctor ayman]

ياعم ابوس اديكم كفايه

انا قولت قبل جمعه تصحيح المسار ان هيحصل بلاوي

ودلوقتي عاوزين البلاوي والفوضي تكون اليله وكل ليله

هو انتم مافيش عندكم مخ خالص

اذاي سيادتك هتحافظ علي سلميه المظاهرات دي

اذاي هتتاكد ان مش هيحصل اللي حصل يوم الجمعه

لا وانا متاكد ان هيحصل اسواء بكتير

يكفي فقط ان شاب متهور من بتوع الالتراس يضرب عسكري

والعسكري يرد عليه وعد باه ياعم القتلي والشهداء

ابوس اديكم بلاش

واستعدوا لانتخابات مجلس الشعب ذي ماالاخوان بيعملوا

لان عندما يتكون مجلس الشعب المنتخب سيكون له هو فقط الحق

في الحديث باسم الشعب ولا حد هيسمع 6 ابريل ولا 6 فبراير

[Simba]

ياعم ابوس اديكم كفايه

انا قولت قبل جمعه تصحيح المسار ان هيحصل بلاوي

ودلوقتي عاوزين البلاوي والفوضي تكون اليله وكل ليله

هو انتم مافيش عندكم مخ خالص

اذاي سيادتك هتحافظ علي سلميه المظاهرات دي

اذاي هتتاكد ان مش هيحصل اللي حصل يوم الجمعه

لا وانا متاكد ان هيحصل اسواء بكتير

يكفي فقط ان شاب متهور من بتوع الالتراس يضرب عسكري

والعسكري يرد عليه وعد باه ياعم القتلي والشهداء

ابوس اديكم بلاش

واستعدوا لانتخابات مجلس الشعب ذي ماالاخوان بيعملوا

لان عندما يتكون مجلس الشعب المنتخب سيكون له هو فقط الحق

في الحديث باسم الشعب ولا حد هيسمع 6 ابريل ولا 6 فبراير

هو حضرتك بتكلم مين بالظبط يا دوك

انا ناقل خبر من النت واقرا اخر سطرين لية الموضوع لابداء الرأي مش الدعوة للمسيرات

[mfarag]

برافو

البعض مصر على رفض تحول مصر الى دولة ديمقراطية

و

اغراقها فى حمامات دم