قشطة خالص ... أمن الدولة يهاجم مقر قناة الجزيرة مباشر ويستولي على المستندات ويغلق القناة

[Dreamwithme]

جرالكم أيه يا جماعة ...ليه الناس فرحانة كده في الجزيرة

هو أحنا دلوقتي في الجزيرة ولا في مبدأ حرية الرأي وحرية الاعلام

أنا بجد مصدومة بصراحة

اللي فرحان في الجزيرة وشايف إنها صح تتقفل يجري يقفل حسابه علي الفايسبوك

وتويتر أو يتعهد إنه مايتكلمش في السياسة خالص لا هنا ولا في أي موقع

ولا حتي يفكر يكون له رأي مخالف لرأي المجلس العسكري

الموضوع إحنا بنتقدم لقدام ولا بنرجع لورا

بعد الثورة وتنحي مبارك في شخص عزيز عليا جدا مشهور جدا غير مصري

كتب علي حسابه علي الفايسبوك إن المصريين ضيعوا نفسهم لأنهم رجعوا للوراء بإعادة حكم العسكر

وإنهم سوف يندمون

أنا مصدقتوش وزعلت منه جدا لكن واضح إني كنت هابلة وإننا فعلا بنرجع لورا

وإن الثقة في المجلس العسكري كانت في غير محلها وإننا محتاجين ثورة تانية سواء بقي إحنا

أو الأجيال الجاية بس واضح إن البلد كلها لبست جيش

[Ahmed Anwer]

قشطاااات ألحق أخزن شوية نت في الثلاجة يمكن أحتاجلهم

الغريبة إن الجزيرة مباشر كانت بتخلي بالها مية مية في الكلام عن المجلس العسكري

الأغبياء بيحفروا قبورهم بأيديهم

فكروني بيوم 25 في أوله لما الجزيرة كانت مطنشة

و أول ما شوشوا عليهم اشتغلوا

[mfarag]

عدو عاقل خير من صديق جاهل

الجمعة دى مش جمعة تصحيح المسار

دى حاجة من اتنين

جمعة حكم العسكر

او

جمعة اشعال البلاد

ليهم حق اسماء و عادل يبقوا برة البلد فى الوقت دة

[دكتور عادل الليثي]

أستغرب أن يكون مواطنا عاديا معاديا لثورة تنادي بالحرية والعدالة الاجماعية

كما أستغرب أن يكون نفس المواطن ضد محطة تليفزيون تذيع كل الأخبار وعلى الهواء مباشرة

في حين أن القاعدة هي أن يكون متوفرا للجميع كل الأخبار في كل مكان

لأن سيولة المعلومات كل المعلومات صغيرها وكبيرها مطلوبة لتبني رأيا أو تتخذ قرارا ما

كما أستغرب أيضا مقارنة مصر بقطر ... كمن يقارن بين رجل كبير وطفل .... فسكان قطر الأصليين لا يزيدوا عن نصف مليون .... ومتوسط الدخل السنوي للفرد هو الأكبر في العالم ... يعني مش محتاجين ديموقراطية ... لأن الهدف النهائي للديموقراطية هو هذا الدخل

الشيء الآخر هو أنه لو كان لدينا إعلام محترف وحر لم نكن في حاجة لأي إعلام آخر ... وكان الآخرون هم الذين يحتاجون لإعلامنا

[Dreamwithme]

[moamana]

انا عندى نظرية بس مش عارفة ممكن من كثر مع اتفرجت على نظريات المؤمرات وفى الايام اللى فاتت بقت عندى عقدة المهم اسمعوا عقدتى

الجيش عايز يحكم البلد بس مش عارف يجيبها ازاى خاصة ان كل يوم مطالب الناس بتزيدو عيونهم بتوسع و بيطالبوا بالتصحيح السريع و بيفتشوا فى كل حته و بعدين الدنيا لازم تتلم

فاكرين حكاية الجزائر و مشجعينها االلى كانوا تبع الجيش ايايا

اه اكبر مجموعة ممكن تعمل بلاوى فى مصر هم مشجعين الكورة و خاصة انهم عيال تحت 18 و السيطرة على عقولهم الفاضية سهلللللللل

يبقى فيه مين اكبر عدد التراس هو الاهلى بس لقينها سيب عليهم الامن يوم الماتش

بعدها عصفورة خبيثة تجى تزن فى دماغهم وتقولهم عارفين جمعة تصحيح المسار احسن فرصة تاخدوا حقكم روحوا هاجموا الامن عشان تاخدوا حقكم

و طبعا بالمرة لماحودوا على السفارة سواء بالصدفة اولما العصفورة حرضتهم برده ديه احلى حاجة سيبوهم يعملوا اللى هم عاوزينه فى السفارة عشان المشكلة تكبر

رائع الان الموقف محتاج قانون الطوارىء و حد يحمى مصر و مين هيحميها غير جيشها و مشيره الهمام

يا رب تكون نظرية المؤمرات و الفوضى الخلاقة اثرت على عقلى فقط و مكنش الموضوع مترتب .

بس المصيبة مترتب و لا لا اتضحت ان العقلية لسه هى هىهو الدنيا هتولع زيادة ربنا يستر

[se_ Elsyed]

أسامه هيكل على قناة الحياة بيقول إن الجزيرة مباشر بتشتغل من غير ترخيص فعشان كده قفلناها

وهما ردوا وقالوا ما حصلش ... لإننا تقدمنا إلى الجهات المختصة للحصول على ترخيص فقالوا لنا إحنا في ظروف مش مواتيه الان إشتغلوا والترخيص هايطلع لكم هههههههههههههه

مصدقك يا ريس ... بس إشمعنى دلوقت ؟

وإيه لسه فاكر ؟

ويعني إيه أمن الدولة هو اللي يهاجم القناة ؟؟؟؟؟؟؟؟؟

[ابو محمد بن مصطفي]

اصل فيه بعض الناس لما بتلاقي كاميرات بتصور الموضوع عندها بيزيد شوية (بعض مش كل)

يوم الهجوم علي مديرية امن الجيزة وفي وسط الاحداث قبل الفجر بشوية كده واثناء النقل وفي وسط الكر والفر عرضت القناة مجموعة من الشباب شالين شاب مصاب مرابعة والواد مفرفر .... وجم عند الكاميرا وقاموا خالعين له الجازمة والشراب علشان الكاميرا تعرض الاصابة بتاعته ..... والله الواد رجليه كانوا زي الفل الفل ومفيهاش اي حاجة ... فالكاميرا سابته لنقل باقي الاحداث .... تعرفوا الواد قام وجري زي الرهوان لما شاف ان بتاع الكاميرا مش معبره

[se_ Elsyed]

اصل فيه بعض الناس لما بتلاقي كاميرات بتصور الموضوع عندها بيزيد شوية (بعض مش كل)

يوم الهجوم علي مديرية امن الجيزة وفي وسط الاحداث قبل الفجر بشوية كده واثناء النقل وفي وسط الكر والفر عرضت القناة مجموعة من الشباب شالين شاب مصاب مرابعة والواد مفرفر .... وجم عند الكاميرا وقاموا خالعين له الجازمة والشراب علشان الكاميرا تعرض الاصابة بتاعته ..... والله الواد رجليه كانوا زي الفل الفل ومفيهاش اي حاجة ... فالكاميرا سابته لنقل باقي الاحداث .... تعرفوا الواد قام وجري زي الرهوان لما شاف ان بتاع الكاميرا مش معبره

الموضوع مش كده خالص يابو محمد

الموضوع يتعلق بالحريات

الموضوع يتعلق بقرارات تعيدنا 100 سنة للوراء مرة أخرى

الموضوع يتعلق بفكر جامد متخلف عاوز يوقف حركة الزمن ويمنع ويبطش ويعتقل

يا راجل ما هو بشار الكلب مانع التغطيات الاعلامية وكذلك ابو زنجا المجنون ... فهل منع ذلك النقل الفوري للأحداث ؟

أنت الان منعت إصدار تراخيص قنوات جديدة

شوف الذكاء ... ليه مافيش إختراع إسمه عرب سات ولا هوت بيرد ولا جن أزرق ؟

يا راجل بتتكلموا في إيه ؟

الموضوع بالظبط زي قانون الطواريء ... طب ما هو مبارك طبقة لمدة 30 سنة ... فهل إنت منعت حوادث الارهاب او تجارة المخدارات أو أو أو أو

وإنتو يا حلوين يا مجلسيين ... إستخدمتوا المحاكم العسكرية لمحاكمة البلطجة ... فهل توقفت البلطجة ؟ بالعكس دي زادت ..... لانك لم تطبق القانون لتمنع الجريمة قبل حدوثها وأكتفيت فقط بالقبض على البلطجية إذا أمكن بعد ما يكونوا عملوا المصيبة

إذن الخلاصة هي إن أي دولة محترمة تحتاج إلى تطبيق القوانين .. وليس إصدار المزيد من القوانين

[ابو محمد بن مصطفي]

اصل فيه بعض الناس لما بتلاقي كاميرات بتصور الموضوع عندها بيزيد شوية (بعض مش كل)

يوم الهجوم علي مديرية امن الجيزة وفي وسط الاحداث قبل الفجر بشوية كده واثناء النقل وفي وسط الكر والفر عرضت القناة مجموعة من الشباب شالين شاب مصاب مرابعة والواد مفرفر .... وجم عند الكاميرا وقاموا خالعين له الجازمة والشراب علشان الكاميرا تعرض الاصابة بتاعته ..... والله الواد رجليه كانوا زي الفل الفل ومفيهاش اي حاجة ... فالكاميرا سابته لنقل باقي الاحداث .... تعرفوا الواد قام وجري زي الرهوان لما شاف ان بتاع الكاميرا مش معبره

الموضوع مش كده خالص يابو محمد

الموضوع يتعلق بالحريات

الموضوع يتعلق بقرارات تعيدنا 100 سنة للوراء مرة أخرى

الموضوع يتعلق بفكر جامد متخلف عاوز يوقف حركة الزمن ويمنع ويبطش ويعتقل

يا راجل ما هو بشار الكلب مانع التغطيات الاعلامية وكذلك ابو زنجا المجنون ... فهل منع ذلك النقل الفوري للأحداث ؟

أنت الان منعت إصدار تراخيص قنوات جديدة

شوف الذكاء ... ليه مافيش إختراع إسمه عرب سات ولا هوت بيرد ولا جن أزرق ؟

يا راجل بتتكلموا في إيه ؟

الموضوع بالظبط زي قانون الطواريء ... طب ما هو مبارك طبقة لمدة 30 سنة ... فهل إنت منعت حوادث الارهاب او تجارة المخدارات أو أو أو أو

وإنتو يا حلوين يا مجلسيين ... إستخدمتوا المحاكم العسكرية لمحاكمة البلطجة ... فهل توقفت البلطجة ؟ بالعكس دي زادت ..... لانك لم تطبق القانون لتمنع الجريمة قبل حدوثها وأكتفيت فقط بالقبض على البلطجية إذا أمكن بعد ما يكونوا عملوا المصيبة

إذن الخلاصة هي إن أي دولة محترمة تحتاج إلى تطبيق القوانين .. وليس إصدار المزيد من القوانين

استاذ احمد .... مساء الرضا

انا طبعا ضد القرار ومش معني كلامي ان انا مع القرار

وهو من امتي الشرطة بتمنع وقوع الجريمة الحاجة الوحيده اللي تشل حركة الشرطة ومن زمان هي المواجهة المباشرة

المجلس العسكري يستخدم الشرطة بنفس فكر النظام القديم وهو تصدير الشرطة في جميع المشاكل

يعني موضوع السفارة وشهداء سيناء كان حل المشكلة عند وزارة الخارجية مش الداخلية

الاعتصامات الان يصدر ليها الشرطة

نفس فكر مبارك

[se_ Elsyed]

وهو من امتي الشرطة بتمنع وقوع الجريمة الحاجة الوحيده اللي تشل حركة الشرطة ومن زمان هي المواجهة المباشرة

مصر كلها بدون إستثناء صوتها راح وهي بتقول إن البلطجية ليسوا نبت شيطاني ظهر بين عشية وضحاها .. بل أنا جميعهم بدون إستثناء معروفين بالأسم لدى جهاز الشرطة ...

ومع ذلك مازالوا أحرار طلقاء وهم من يحكمون الشارع المصري الان ..

بالاضافة إلى الـ 23 الف مجرم خطر اللي هربوا من السجون

كل ده والشرطة بتعاقبنا بهم وفرحانا فينا

[mfarag]

الموقف الآن مشتعل على تويتر

كل شباب وبنات الثورة بيتنادوا على الشهادة

تابعوا الموضوع

يعني إيه يتنادوا على الشهادة ؟

الشهادة في سبييل الله يعني ؟

هو دة اللى قعدنا نقولة

حرب اهلية

او دولة بوليسية

مبروك ل 6 ابريل

[Simba]

الاعلام البديل

انا عن نفسي مش بشوف الجزيرة مباشر خالص ولا الجزيرة نفسها كل الاخبار بعرفها من تويتر والفيس بوك واليوتيوب

التضييق علي الاعلام مش هيكون الحل ابدا فيه اكتر من وسيلة لمعرفة الخبر الحل ان يكون عندنا قناة تنافس البي بي سي في حيادها ونقلها للاخبار لا مع ده ولا مع ده

انا قريت في مشاركة حد كاتب الرعونة اللي في مصر

بس مستغرب رعونة ايه وفيه اكتر من 12000 الف شخص اتخبط حكم عسكري !!

[أسد]

في 1952 كان هناك إنقلاب عسكري في مصر ... قاده مجموعة من ضباط الجيش المصري متمردون على الأوضاع في البلاد ..

تحول هذا الإنقلاب العسكري إلى ثورة بعدها بفترة .. بعد أن صدرت قوانين ثورية تغير من هيكل المجتمع المصري ...

ثم قام العسكر على إدارة شئون البلاد باعتبار أن فهمهم للأمور أنهم أفضل من سيدير شئون البلاد ...

في عام 2011 قامت في مصر ثورة شعبية ... قادها كل الشعب المصري أو أغلبه ... وكان الجميع غاضبون ومتمردون من أوضاع البلاد ... والفساد المستشري فيها ..

ولما لم يكن هناك قيادة واضحة لتلك الثورة .. وكانت مطالب الثوار بسيطة ومبدئية .. في تحقيق الحرية والعدالة الإجتماعية ..

قام العسكر (في صيغة المجلس العسكري) بإدارة شئون البلاد ..

ولما كان العسكر المصريون يظنون ويعتقدون أنهم خير من يدير شئون البلاد .. وأنهم الأجد والأحق بذلك .. وحيث أنه لم تكن هناك رؤى واضحة لدى القوى السياسية في مصر .. حيث تم تجريف العقول المصرية على مدار عقود من حكم مستبد ..

ولما كان الوعي السياسي والإجتماعي بين طبقات الشعب المصري متدني لدرجة كبيرة نتيجة لعمليات تجريف وتسطيح وتهجين المصريين خلال العقود المظلفة السابقة ..

فقد قرر العسكر تحول الوضع إلى إنقلاب عسكري .. والسيطرة على حكم البلاد في مصر ...

هم كانوا يظنون أنهم الأقدر على حكم مصر .. والأكفأ لذلك ..

أرى أن هذا ما سيقرأه أبناؤنا وأحفادنا في ما قد يكتب لاحقاً لتأريخ عقود مرة مرت على مصر

http://www.youtube.com/watch?v=SAiy_rFNB-Y&feature=share

[م تيمور المراغي]

الشعب اللي قام بالثورة لن يسمح ان تسرق منه

وسيتوحد بكل اطيافه وايدلوجياته كما كان في 25 يناير

و كما كتب التاريخ ان مينا وحد القطرين

سيكتب ان طنطاوي وحد السلفيين والليبراليين

[mekkawy]

الشعب اللي قام بالثورة لن يسمح ان تسرق منه

وسيتوحد بكل اطيافه وايدلوجياته كما كان في 25 يناير

و كما كتب التاريخ ان مينا وحد القطرين

سيكتب ان طنطاوي وحد السلفيين والليبراليين

تصدق أول مرة يا ريس أحس إنك شايف صح .. عرفت باة يا تيمور بيك فين الإن .. الحمد لله و إن شاء الله يتحقق ما قلت.

[doctor ayman]

في 1952 كان هناك إنقلاب عسكري في مصر ... قاده مجموعة من ضباط الجيش المصري متمردون على الأوضاع في البلاد ..

تحول هذا الإنقلاب العسكري إلى ثورة بعدها بفترة .. بعد أن صدرت قوانين ثورية تغير من هيكل المجتمع المصري ...

ثم قام العسكر على إدارة شئون البلاد باعتبار أن فهمهم للأمور أنهم أفضل من سيدير شئون البلاد ...

في عام 2011 قامت في مصر ثورة شعبية ... قادها كل الشعب المصري أو أغلبه ... وكان الجميع غاضبون ومتمردون من أوضاع البلاد ... والفساد المستشري فيها ..

ولما لم يكن هناك قيادة واضحة لتلك الثورة .. وكانت مطالب الثوار بسيطة ومبدئية .. في تحقيق الحرية والعدالة الإجتماعية ..

قام العسكر (في صيغة المجلس العسكري) بإدارة شئون البلاد ..

ولما كان العسكر المصريون يظنون ويعتقدون أنهم خير من يدير شئون البلاد .. وأنهم الأجد والأحق بذلك .. وحيث أنه لم تكن هناك رؤى واضحة لدى القوى السياسية في مصر .. حيث تم تجريف العقول المصرية على مدار عقود من حكم مستبد ..

ولما كان الوعي السياسي والإجتماعي بين طبقات الشعب المصري متدني لدرجة كبيرة نتيجة لعمليات تجريف وتسطيح وتهجين المصريين خلال العقود المظلفة السابقة ..

فقد قرر العسكر تحول الوضع إلى إنقلاب عسكري .. والسيطرة على حكم البلاد في مصر ...

هم كانوا يظنون أنهم الأقدر على حكم مصر .. والأكفأ لذلك ..

أرى أن هذا ما سيقرأه أبناؤنا وأحفادنا في ما قد يكتب لاحقاً لتأريخ عقود مرة مرت على مصر

http://www.youtube.com/watch?v=SAiy_rFNB-Y&feature=share

اسمحلي اختلف معاك

حكم العسكر لاي دوله كانت موضه الستينات وبطلت

خلاص يااستاذي مفيش دلوقتي دوله بيحكمها العسكر

المجتمع الدولي بيرفض التعامل مع اي دوله يحكمها العسكر

ماعتشي فاضل غير كوبا ودي في جزيره لوحدها

وبعدين ليه احنا مانطلبش من الشباب الثائر يهدي الامور ويوقف المظاهرات حتي ميعاد انتخابات مجلس الشعب

ياسيدي خليك مع الكداب لحد باب الدار

ماتخليش حجه للمجلس العسكري علشان يتحجج بيها انه يؤجل الانتخابات

وبعدين رفض او اجل الانتخابات بدون حجه ساعتها الشعب كله هيثور عليه

لكن الوضع الحالي هيخلي الناس هيه اللي تطلب من المجلس يسني شويه

[نورالعين]

وجهت الحكومة في اجتماعها يوم الاربع اللي فات تحذير شديد اللهجة لعدد من المذيعيين والإعلاميين خصوصاً مذيعيين التوك شو، بسبب خروجهم عن النص وتجاوزاتهم في برامجهم ومهاجمتهم للحكومة والمجلس العسكري بشكل مبتذل، ومن الإعلاميين دول المذيعة " هالة سرحان " اللي بتقدم برنامجها " ناس بوك " علي قناة روتانا مصرية واللي بتستضيف ضيوف بيهاجموا المجلس العسكري والحكومة بشكل مثير وبتعرض فيديوهات هدفها هو اثارة المواطنين والناس ضد الحكومة وتحريضها علي الاثارة دايماً، وبرضه حذرت الإعلامي " محمود سعد " اللي بيقدم برنامجه علي قناة التحرير حيث إنه استضاف في حلقة شخص بينتقد المجلس العسكري والحكومة والإعلام الرسمي وقال إن الشرطة هي المسئولة عن انهيار السياحة بسبب اعتداء رجال الشرطة علي السياح في منطقة الهرم، ووجهت للإعلامي " توفيق عكاشة " انذار بسبب الفاظه الخارجة وهجومه الجارح علي الشخصيات العامة والسياسية بشكل لايليق والفاظه الخارجة ضد الجيش والمجلس العسكري، وكانت الحكومة وجهت انذارها لعدد تاني من الإعلاميين عشان يهدوا شوية ويحافظوا علي اداب المهنة علي الهواء عشان مايستفزوش المشاهدين والمواطنين خصوصاً إن البلد بتمر بظروف صعبة الأيام دي

الرباط.