على فين يا مصر

[عصام مرزوق العويضى]

على فين يا مصر رايحه وشدة الرحال

على فين رايحين ولادك ....بعدك يا غاليه محال

يا مصر احنا شبابك ....واقفين نحمى ترابك

غاليه وام الرجال ...على فين يا مصر رايحه

شايفك باكيه ونايحه ...شهور على ده الحال

شامم ريحة خيانه....وناس خانوا الامانه

وطلقة الغدر طالعة ....من بندقيه جبانه

شهور جرحك بينزف ...وقلبى عليكى بيرجف

خايف تمشى فى سكه....رجوعك منها محال

يا مصر لمى ولادك ...وفى حضنك ضمى عليهم

فى ليالى الشتا القاسى ....بنفسهم ادفى بيهم

حنى وخافى عليهم...على فين يا غاليه رايحه

رايحه وشده الرحال...يامصر يامى بعدك والله محال

شايفه يامى حفيدك ....جايلك اهو من بعيد

عرفتيه يا امى ده ابن ابن الشهيد...فاكره الشهيد ؟؟

اللى دمه سال فى الميدان..عشان يحافظ عليكى ويحسوا ولاده الامان

كان واقف وفى عز الثوره ضربه واحد جبان

ولاده خايفين عليكى...جايين جرى ينادوكى

جايين يبوسوا ترابك ....ومن همك يخرجوكى

ماتبكيش عارف ...كل الى بيحصل هم وثقل عليكى

وهمك يا امى زاد...شايله حملك لوحدك وبتلفى بيه البلاد

هانت جيشك الله واكبر...حامى ولادك واكتر

عارف صعبان عليكى الضحايا...دا لكل واحد حكايه

اللى ساب ولاده ودمه عالارض سال...واللى عجز وفى رقبته أورطة عيال

واللى كان عريس وبانى عليكى الامال...واللى.... واللى ؟؟؟؟؟؟

وماتنسيش يا امى برضو المخرب..اللى تنصحيه يشرق يغرب

واللى من عدوك يا امى بيقبض

والبلطجى الى بنحبسه ومن سجنه دايما بيهرب

والمدسوس وسط ولادك...عاوز يدمر شبابك

مايستاهلش يلمس ترابك...ومايستاهلش حتى عتابك

ولادك قادرين وعليكى وعلى الحق خايفين

وان كان واحد مخرب ...هما بالملايين

ان كان وفدى او حتى حركى او اخوان مسلمين

قادرين نلملم جراحك ونرجع ونرجعك لعز شبابك

بس خليكى جنبنا ونحميكى بعون ربنا

ونرجع ونرجعك لايامك ونرجع احنا لعزنا

ده الدم فى حبك يهون وعشانك يهون دمنا

كلمات

عاشق مصر

عصام العويضى