الليفنج رووم

[rewsha]

بما إني استوليت علي الليفنج روم وقبل ما ريمو تيجي تقفشني

أحب أشغلكم أغنية لذيذة تغير المود شوية

http://www.youtube.com/watch?v=-RP19fnff_c&feature=player_embedded

ياريت حد يجي يرغي معايا هنا

ايه يا دريم

ماتلمي السناجب بتاعتك دي من المحاورات

انا كل ما اروح مكان الاقيكي فيه انت وهمه سوا

انا هاروح اصور التورتايه بتاعتي واجي اوريهالك هنا

بس الصبر جميل

انا لسه هاتعلم ارفع الصور

يعني لو وراكي حاجه روحي اعمليها وتعالي

[Dreamwithme]

طيب ياروشة هألم السناجب بتوعي وأديني قاعدة مستنية صورة التورتة

[rewsha]

خلاويص يا دريم ؟

لميتيهم كلهم؟

ها؟

اسمي وادخل برجلي اليمين؟

انا شيلت اسمي بالفوتو شوب وحطيت بداله اسمي اللي هنا

تم تعديل 4 يناير 2012 بواسطة rewsha

[Dreamwithme]

الله جميلة قوي يا روشة

ما تجيبي حتة يا بنتي ....أنتي بتحنسيني

ويا عم ياعم علي شغل الفوتوشوب ... وتقولي لي لسه هأتعلم أرفع الصور وحركات وأنت ياعم محترف فوتوشوب

ربنا يارب يسعد قلبك يارب ويخلي أيامك كلها أعياد

تعرفي فكرة تصوير التورتة وحطها في المحاورات دي تاهت عن بالي في حفلة خطوبتي

كنت صورتلكم التورتة اللي مكتوب عليها اسمي أنا والعريس وكنت نزلتهالكم

ملحوقة إن شاء الله نبقي نعمل كده في الفرح .... :P

لا الفرح بقي تبقوا معايا إن شاء الله يارب

[عبير يونس]

انا جيت يا بنات

زهقت من حالة الملل اللي عندي

وقلت آجي افك معاكوا هنا

جبتلكوا معايا

جمبري البيك

والبيك ده مطعم شهير جدا في مكة وجدة

هو أصلا بيقدم فراخ زي كنتاكي كده و برضه بيقدم سمك فيليه و جمبري

مع سلطة الكولسلو

اتفضلوا

[Dreamwithme]

جوعتيني يا بيرو ... خاصة إني بأموت في السي فودز

بما إنكم نورتم الليفنج رووم عايزة أفضفض معاكم في موضوع كده مش عايزة أفتح توبيك له

في إنسانة قريبة جدا ليا بتبعد عني نفسيا وحاسة إني بأخسرها

ولما بأتكلم معاها مباشرة بتنفي إنها زعلانة مني وفي نفس الوقت بتقول لحد تاني إنها زعلانة مني

مش عارفة أعمل إيه ....الموضوع بقاله فترة طويلة ومش بيتحسن

بصوا الصراحة هي أختي الكبيرة ....كل ما نختلف في الرأي وما أسمعش كلامها تبعد عني وتأخد جنب

هي بالنسبة ليا أعز أصحابي وأختي في نفس الوقت وأحيانا مامتي .... بس هي مش بتحترم إني بيبقي ليا وجهة نظر مختلفة عنها

فيا إما أسمع الكلام وما أناقشهاش يا إما ما نبقاش أصحاب والعلاقة تبقي رسمي

مش عارفة فعلا أعمل إيه ؟ وحشتني جامد ....أنا بأكتب الكلام ده وأنا بأعيط علي فكرة

لأن بالرغم من إننا بنشوف بعض وبنكلم بعض علي طول لكن هي بتبعد عني نفسيا

ومش عارفة هل أنا حساسة زيادة عن اللزوم ولا إيه ... ماما بتقولي ما يصعبش عليكي من حد

وما تخليش حد يسيطر عليكي والظروف بتخلي الناس تتلهي في حالها

بس أنا عايزة صحبتي اللي متعودة إنها تكون جنبي .... مش عارفة أعمل إيه بجد

مؤخرا بقي كل الحوار اللي بينا لوم وتهزيق من جانبها عشان أنا ما بأسمعش الكلام وبأمشي بدماغي

وفي نفس الوقت بقيت بأخاف أحكيلها علي حاجة أنا عارفة إنها مش هتعجبها عشان ما يحصلش مشكلة بينا

مش عارفة أعمل إيه ؟ قولوا لي أعمل إيه؟

[rewsha]

كده يا عبير

بتحرقي لي التورتايه بتاعتي

مين هايسيب الجمبري وياكل تورته

طب مش لاعبه

___________________________________________

الا اذا.............

نعمل صفقه سو ا gsp_)

تديني الجمبري بسلطاته بباباغنوجوه

وبعدين نقطع التورته

__________________________________________

عل فكره انا اول ماشوفت العلبه بتاعتها اتخضيت

لاقيت حاجه كده بتاعت متر الا ربع داخله عليه في علبه

شكل البنات كل واحد جاب واحده وسط وبباهم جاب واحده كمان ولزقوها في بعض

يعني انت الكسبانه

بس تديني الجمبري كله :yes:

[Dreamwithme]

أفيدوني في مشكلتي أفادكم الله وإلا هأعيط وألم عليكم المحاورات :unsure:

[عبير يونس]

روشة حبيبتي

بعتلك علبتين جمبري على حفلتك هناك

اجري بسرعة خبيهم

رغم اني حذرت هناك انهم بتوعك

بس برضه الأمر ما يسلمش

:unsure:

دريم حبيبتي

الظاهر انك مش مذاكرة قانون الجذب كويس

ارجعي لكلامك و شوفي العبارة دي

فيا إما أسمع الكلام وما أناقشهاش يا إما ما نبقاش أصحاب والعلاقة تبقي رسمي

ده اللي انت معتقداه فيها

و هو ده يقينك

وده بالضبط اللي بتجذبيه منها

ما تجربي تغيّري الفكرة

و تقنعي نفسك بعكسها

و شوفي

مش انتي لسه كاتبة في موضوعي اللي قاله باولو كويلو

الملل ليس في العالم

بل في الطريقـة التي نـرى بها العالم

و ده بقى ينطبق على كل شيء

المشكلة مش في أختك

و لكن في الطريقة اللي انتي بتشوفيها فيها

جرّبي مش حتخسري

وحذاري من الأفكار الثابتة اللي بتجرنا دون أن نشعر للقوالب

ربنا يخليكم لبعض يارب

آمين

[rewsha]

جوعتيني يا بيرو ... خاصة إني بأموت في السي فودز

بما إنكم نورتم الليفنج رووم عايزة أفضفض معاكم في موضوع كده مش عايزة أفتح توبيك له

في إنسانة قريبة جدا ليا بتبعد عني نفسيا وحاسة إني بأخسرها

ولما بأتكلم معاها مباشرة بتنفي إنها زعلانة مني وفي نفس الوقت بتقول لحد تاني إنها زعلانة مني

مش عارفة أعمل إيه ....الموضوع بقاله فترة طويلة ومش بيتحسن

بصوا الصراحة هي أختي الكبيرة ....كل ما نختلف في الرأي وما أسمعش كلامها تبعد عني وتأخد جنب

هي بالنسبة ليا أعز أصحابي وأختي في نفس الوقت وأحيانا مامتي .... بس هي مش بتحترم إني بيبقي ليا وجهة نظر مختلفة عنها

فيا إما أسمع الكلام وما أناقشهاش يا إما ما نبقاش أصحاب والعلاقة تبقي رسمي

مش عارفة فعلا أعمل إيه ؟ وحشتني جامد ....أنا بأكتب الكلام ده وأنا بأعيط علي فكرة

لأن بالرغم من إننا بنشوف بعض وبنكلم بعض علي طول لكن هي بتبعد عني نفسيا

ومش عارفة هل أنا حساسة زيادة عن اللزوم ولا إيه ... ماما بتقولي ما يصعبش عليكي من حد

وما تخليش حد يسيطر عليكي والظروف بتخلي الناس تتلهي في حالها

بس أنا عايزة صحبتي اللي متعودة إنها تكون جنبي .... مش عارفة أعمل إيه بجد

مؤخرا بقي كل الحوار اللي بينا لوم وتهزيق من جانبها عشان أنا ما بأسمعش الكلام وبأمشي بدماغي

وفي نفس الوقت بقيت بأخاف أحكيلها علي حاجة أنا عارفة إنها مش هتعجبها عشان ما يحصلش مشكلة بينا

مش عارفة أعمل إيه ؟ قولوا لي أعمل إيه؟

اسمعي كلام مامتك يا دريم

والا هاتفضلي طول عمرك بتحاولي تراضي فيها

بصي

انا اصغر اخواتي

والفرق بينا في السن كبير

يعني اخويا واختي بيهم سنتين

وانا بيني وبينهم 10 سنوان و12 سنه

اخويا اصغر من اختي

بس معودهم عندنا في البيت انه ماشي بدماغه وبياخد قرارات كتيره احنا غير مقتنعين بيها

في الاول ماما كانت بتزعل منه وبابا وانا

بعد كده اتعودنا

وبقى بالنسبه لينا اي قرار ياخده هوه حر فيه ومسؤل عنه

في المقابل بقى

اختي اكبر منه ومتجوزه هيه كمان وليها بيتها وحياتها

بس علشان عودت ماما وبابا انها بتسمع الكلام ولازم تعمل اللي بيقولوا عليه

بقوا ممكن يتدخلوا في شؤنها اكتر من اللازم

ويزعلوا منها في حاجات لو اخويا اللي عملها مش هايزعلوا منه (لانه عودهم انه مستقل)

انا عارفه ان الموضوع صعب عليكي

بس بكره يبقى لك بيت واولاد ان شاء الله وهايبقى لك حياتك المستقله برضو

[لونا]

كويس إنكم رجعتم تقعدوا في الليفنج تاني

شوفي يا دريم يا حبيبتي

ما دامت أختك بتحاول تتعامل معاكي عادي

و مش بتقول لك إنها زعلانة

حاولي إنت كمان تتعاملي معاها عادي

و ما تتكلميش عن موضوع إنك حاسة إنها متغيرة و لا الكلام ده

و في وسط الكلام بينكم حاولي تحشري في وسط الحديث .. قد إيه إنت استفدتي منها في الموقف الفلاني

أو إنك اتعلمتي منها حاجة معينة ..في التعامل مع الناس .. في العبادة .. إن شالله حتى في المطبخ

إفتكري معاها ذكريات قديمة جميلة بينكم إنتم الإتنين

يعني في الآخر وصلي لها إنك اتعلمتي منها كتير

و مش معنى إنك مش بتسمعي كلامها في بعض الحاجات إنك مش بتحبيها أو مش حتستشيريها تاني

بالعكس استشيريها في حاجة إنت متوقعة إن رأيها حينفع تنفذيه .. و تنفذيه فعلًا

[Dreamwithme]

شكرا جدا ليكم يا جماعة علي مشورتكم بجد نورتوني وخلتوني أفكر بطريقة مختلفة

ربنا ما يحرمنيش منكم أبدا

[لماضة مصرية جدا]

السلام عليكم و رحمة الله و بركاته

صباح الخير بالليل

طب انا داخلة ارغي معاكي يا دريمي شوية الاقيكي لميتي التعابين...ما علينا

هقول برضه اللي في نفسي و امري علي الله

من فترة عندي مشكلة ما و اللي مزود وجعي مش المشكلة في حد ذاتها بقدر ما هو احساس المخدة اللي انا عايشاه

احساس المخدة ده بقي

كان فيه اوبريت زمان بتاع نيللي...هي واقفة في النص و كل واحد بيشدها زي المخدة من ناحية

لغاااااااااااااااية في الاخر ما اتقطعت و القطن اللي جواها اتنطور علي الارض

طب بعيد عن شغل المنجدين دوت

هقولك خلاصة اللي وصلتله...بس اخد مني وقت كبير و طاقة و وجع كنت في غني عنه...(مش لازم تخبطي نفس المشوار...رفقا بنفسك شوية)

الاهل بيحبونا اوي

دي مسلمة مش هنقدر نتجادل فيها و لا نفنطها

ماما بتحبك بطريقتها

اتك بتحبك بطريقتها و بقلبها و بتشوف ان حبك ليها او (عدمه) هو في اد ايه بتسمعي الكلام

نفس المنطق الطفولي بتاع...اشرب اللبن يا حبيبي علشان احبك

جملة كانت بتتقال لينا و احنا صغيرين....و للاسف صدقناها و كبرنا عليها...

حقيقي بطلنا نشرب اللبن....بس بقي اللبن حاجات كتير

يا تعملي كذا علشان احبك

يا تقعدي جنبك علشان احبك

يا تتجوزي فولان علشان احبك

يا تخشي الكلية دي اللي جنب البيت علشان احبك

سلسلة طويلة اوي من....الجمل....اللي بيتغير مكان اللبن....بحاجات تانية...بس دايما بتنتهي علشان احبك

هقولك انا عملت ايه

و قيسي عليه موقفك

انا بقيت

احبني

انا

بقيت عايزة ابقي مبسوطة انا

بقيت مستعدة دلوقتي اخد قراري...حتي لو كان اغبي قرار علي وجه الارض...مش عند...بس علشان هو مساحتي انا...اني اختار اللبن اللي اشربه

ده لازم تحسميه مع نفسك

الموضوع

انتي عايزة فيه ايه تحديدا

النقطة الاهم

هي الطريقة اللي بتوصليها للي قدامي...و بتتواصلي معاهم ازاي

يعني مثلا

شخص بحبه جدا....و موقنة تماما انه بيحبني فوق السما...بس طريقته في انه يقولك انه بيحبك و خايف عليكي....مؤلمة فوق الوصف...عاملة زي البركان

ببساطة

اقعدي مع اختك

اتواصلي معاها

بس مش تسترضيها

الموقف كذا و كذا و كذا

و انا شايفة اني عايزة كذا و كذا

من غير حمقة

و منغير عصبية

و اكدلها انك فاهمة اوي اد ايه هي خايفة عليكي و بتحبك

و انتي كمان

قوليلها عمرك ما هتستغني عنها و لا عن خبرتها

بس انتي محتاجة تعيشي الحياة انتي...مش حد تاني يعيشها بدالك

و هتحتاجيها في كل خطوة

هتحتاجي تيجي عندها....و قوليلها انا محتاجة اجي عندك و ارمي نفسي فيكي.... و احكي....محتاجة ده جدا

بس مش رح تقدري تعمليه غير لما تحسي انها فاتحة ليكي دراعاتها

قوليلها انتي محتاجة ده

بس متستطعفيهاش

انتي لازم يكون ليكي مساحة....تغلطي فيها و تقعي و تتعلمي...بس انتي محتاجاها تكون مستنياكي في اخر الطريق علشان لو وقعتي بعد الشر عنك تبقي متطمنة اوي ان فيه حد هترمي حمولك عنده

صدقيني مجرد احساسك ان فيه حد مستنيكي و هيقلبك بكل غبائك و عيوبك و اخطائك...و هيفهم انتي عملتي ده ليه و في الاخر يطبطب عليكي

انتي مش محتاجة اكتر من كده علشان تفوتي في الدنيا بقلب جامد

قوليلها ده

و بعدين سيبيها هي تقرر

متاخديش قرار هي المفروض تاخده و تحسه

و في نفس الوقت

افضلي حبيها

بطريقتك

لغاية هي ما توصل لنقطة في النص تقدروا تتقابلوا فيها

الحب....محتاج صبر

الحب....محتاج.....صبر

الحب محتاج صبر

علشان لما بنحب اوي...بنكون في حالة "هشة"....و بنتوجع اوي

و للاسف الوجع بيجي من القريب...للروح

رغيت جدا

بس اعتبريني

بكلم نفسي

و اعتبريني

كنت معدية رايحة اوضتي و حودت علي الليفنج

الله يسعد قلبك

علشان قلبك لسه اخضر

صباحك........ماء القلب:)

[Dreamwithme]

السلام عليكم و رحمة الله و بركاته

صباح الخير بالليل

طب انا داخلة ارغي معاكي يا دريمي شوية الاقيكي لميتي التعابين...ما علينا

هقول برضه اللي في نفسي و امري علي الله

من فترة عندي مشكلة ما و اللي مزود وجعي مش المشكلة في حد ذاتها بقدر ما هو احساس المخدة اللي انا عايشاه

احساس المخدة ده بقي

كان فيه اوبريت زمان بتاع نيللي...هي واقفة في النص و كل واحد بيشدها زي المخدة من ناحية

لغاااااااااااااااية في الاخر ما اتقطعت و القطن اللي جواها اتنطور علي الارض

طب بعيد عن شغل المنجدين دوت

هقولك خلاصة اللي وصلتله...بس اخد مني وقت كبير و طاقة و وجع كنت في غني عنه...(مش لازم تخبطي نفس المشوار...رفقا بنفسك شوية)

الاهل بيحبونا اوي

دي مسلمة مش هنقدر نتجادل فيها و لا نفنطها

ماما بتحبك بطريقتها

اتك بتحبك بطريقتها و بقلبها و بتشوف ان حبك ليها او (عدمه) هو في اد ايه بتسمعي الكلام

نفس المنطق الطفولي بتاع...اشرب اللبن يا حبيبي علشان احبك

جملة كانت بتتقال لينا و احنا صغيرين....و للاسف صدقناها و كبرنا عليها...

حقيقي بطلنا نشرب اللبن....بس بقي اللبن حاجات كتير

يا تعملي كذا علشان احبك

يا تقعدي جنبك علشان احبك

يا تتجوزي فولان علشان احبك

يا تخشي الكلية دي اللي جنب البيت علشان احبك

سلسلة طويلة اوي من....الجمل....اللي بيتغير مكان اللبن....بحاجات تانية...بس دايما بتنتهي علشان احبك

هقولك انا عملت ايه

و قيسي عليه موقفك

انا بقيت

احبني

انا

بقيت عايزة ابقي مبسوطة انا

بقيت مستعدة دلوقتي اخد قراري...حتي لو كان اغبي قرار علي وجه الارض...مش عند...بس علشان هو مساحتي انا...اني اختار اللبن اللي اشربه

ده لازم تحسميه مع نفسك

الموضوع

انتي عايزة فيه ايه تحديدا

النقطة الاهم

هي الطريقة اللي بتوصليها للي قدامي...و بتتواصلي معاهم ازاي

يعني مثلا

شخص بحبه جدا....و موقنة تماما انه بيحبني فوق السما...بس طريقته في انه يقولك انه بيحبك و خايف عليكي....مؤلمة فوق الوصف...عاملة زي البركان

ببساطة

اقعدي مع اختك

اتواصلي معاها

بس مش تسترضيها

الموقف كذا و كذا و كذا

و انا شايفة اني عايزة كذا و كذا

من غير حمقة

و منغير عصبية

و اكدلها انك فاهمة اوي اد ايه هي خايفة عليكي و بتحبك

و انتي كمان

قوليلها عمرك ما هتستغني عنها و لا عن خبرتها

بس انتي محتاجة تعيشي الحياة انتي...مش حد تاني يعيشها بدالك

و هتحتاجيها في كل خطوة

هتحتاجي تيجي عندها....و قوليلها انا محتاجة اجي عندك و ارمي نفسي فيكي.... و احكي....محتاجة ده جدا

بس مش رح تقدري تعمليه غير لما تحسي انها فاتحة ليكي دراعاتها

قوليلها انتي محتاجة ده

بس متستطعفيهاش

انتي لازم يكون ليكي مساحة....تغلطي فيها و تقعي و تتعلمي...بس انتي محتاجاها تكون مستنياكي في اخر الطريق علشان لو وقعتي بعد الشر عنك تبقي متطمنة اوي ان فيه حد هترمي حمولك عنده

صدقيني مجرد احساسك ان فيه حد مستنيكي و هيقلبك بكل غبائك و عيوبك و اخطائك...و هيفهم انتي عملتي ده ليه و في الاخر يطبطب عليكي

انتي مش محتاجة اكتر من كده علشان تفوتي في الدنيا بقلب جامد

قوليلها ده

و بعدين سيبيها هي تقرر

متاخديش قرار هي المفروض تاخده و تحسه

و في نفس الوقت

افضلي حبيها

بطريقتك

لغاية هي ما توصل لنقطة في النص تقدروا تتقابلوا فيها

الحب....محتاج صبر

الحب....محتاج.....صبر

الحب محتاج صبر

علشان لما بنحب اوي...بنكون في حالة "هشة"....و بنتوجع اوي

و للاسف الوجع بيجي من القريب...للروح

رغيت جدا

بس اعتبريني

بكلم نفسي

و اعتبريني

كنت معدية رايحة اوضتي و حودت علي الليفنج

الله يسعد قلبك

علشان قلبك لسه اخضر

صباحك........ماء القلب:)

صباحك سكر يا لمضمض ....نورتي الليفنج يا حبي

كلامك لمسني قوي وحسيته جدا ....أنا فعلا بأحاول أعمل كده بس من جوايا بيصعب عليا

يعني أنا الحب بالنسبة لي إني أتقبل اللي بأحبه بكل مافيه حتي لو عمل حاجة غلط أتقبلها

وأفضل جنبه ...طول عمري كده مع أخواتي وأصحابي كده ...ما أحبش مبدأ أشرب اللبن عشان أحبك

يعني أنا أقول رأيي وأنصح اللي قدامي بس لو مسمعش كلامي عمري أبدا ما أزعل منه ولا أقوله مش قولتلك

فبالتالي بيصعب علي نفسي لما أحس إن حد عايز يصلح في ومش متقبلني زي ما أنا

الأنسان بيبقي محتاج لصديق حائط يتسند عليه ويتقبله زي ما هو حتي لو كان بيمر بلحظات ضعف

فصعب عليا إني مش لاقية ده منها لكن أنا عارفة كويس مقدار حبها لي وحنانها علي

[عبير يونس]

نفس المنطق الطفولي بتاع...اشرب اللبن يا حبيبي علشان احبك

جملة كانت بتتقال لينا و احنا صغيرين....و للاسف صدقناها و كبرنا عليها...

حقيقي بطلنا نشرب اللبن....بس بقي اللبن حاجات كتير

يا تعملي كذا علشان احبك

يا تقعدي جنبك علشان احبك

يا تتجوزي فولان علشان احبك

يا تخشي الكلية دي اللي جنب البيت علشان احبك

سلسلة طويلة اوي من....الجمل....اللي بيتغير مكان اللبن....بحاجات تانية...بس دايما بتنتهي علشان احبك

علشان لما بنحب اوي...بنكون في حالة "هشة"....و بنتوجع اوي

و للاسف الوجع بيجي من القريب...للروح

الكلام ده صح اوي

سوبر لايك

[لماضة مصرية جدا]

صباحك سكر يا لمضمض ....نورتي الليفنج يا حبي

كلامك لمسني قوي وحسيته جدا ....أنا فعلا بأحاول أعمل كده بس من جوايا بيصعب عليا

يعني أنا الحب بالنسبة لي إني أتقبل اللي بأحبه بكل مافيه حتي لو عمل حاجة غلط أتقبلها

وأفضل جنبه ...طول عمري كده مع أخواتي وأصحابي كده ...ما أحبش مبدأ أشرب اللبن عشان أحبك

[/uote]

دريمي انا كنت رايحة اتقوقع في اوضتي بس قولت اعدي ارش عليكم مية و امشي

و لقيتك كتبتي البوقين اللي فوق

اقريهم تاني

بصوت عالي

انتي بتعملي نفس المنطق اللي اختك بتعاملك بيه

انتي شايفة ان طريقة الحب هي التقبل

و هي شايفة طريقة الحب التملك

كل واحد شايف بطريقته

و الادهي كل واحد عايز التاني يتغير علشانه

طب خلاصة الليلة

محدش بيتغير علشان حد

محدش بيتغير

يمكن اللي انت شايفاه جميل و حلو و ناس كتير متفقة عليه

بس فيه ناس

متقدرش تعمله

عارة ليه

مش عشان هي قاصدة توجع اللي بتحبه

لا

علشان هي ببساطة متعرفشي

مش عارفة

فبتعمل اللي تعرفه

و بتفتكر ان ده هو الصح

زمان كانت اتقالتي جملة حلوة اوي

I Love you but I care more about you

الاهتمام اوقات كتير اهم مليون مرة من الحب

الحب ليه موجات

ليه تقلبات

ليه جنون

ليه تساؤلات مش لازم نلاقي ليها اجابة لانها بعيدة عن اي منطق عاقل

اما الاهتمام

فده القرب...منك....علشان انتي....انتي...مش علشان بحبك او بكرهك او بستلطفك او بستخف دمك...

الاهتمام اني قادرة ادي من نفسي....لحد تاني...علشان انا مهتمة بيه او بيها

رغيت كتير

بس انا حبيت اقولك يا دريم

انا مهتمة

I do care

و كمان بحبك

هيصي بقي ياستي:)

مساكي كل الرضا و راحة البال

امشي في الدنيا يا دريمي....بلاش حكاية الصوعبانية....قلبك راح يوجعك اوي

انتي اشربي بيريل و قووووووولي هوووووووووووب علشان الدم يفط

هروح اوضتي اقفل عليا....و محدش يخبط عليا غير لو هتحطوا اكل....او مزيكا.....عالية اوي

خلي بالك من روحك

سلام

تم تعديل 5 يناير 2012 بواسطة لماضة مصرية جدا

[Om Zayd]

*************

محدش بيتغير علشان حد

محدش بيتغير

يمكن اللي انت شايفاه جميل و حلو و ناس كتير متفقة عليه

بس فيه ناس

متقدرش تعمله

عارة ليه

مش عشان هي قاصدة توجع اللي بتحبه

لا

علشان هي ببساطة متعرفشي

مش عارفة

فبتعمل اللي تعرفه

و بتفتكر ان ده هو الصح

*******************

صح مضبوط تمام

و يا سلام لو فعلا نفتكر ده ساعة الخلاف .. قبل ما تتسع الفجوة

مهم جدا نقدر ناخد القرار في الوقت الصح

عايزين ايه و ازاي و امتى

دريم .. أختك هتفضل تحبك .. و لو بعدت قربي .. بس من غير ما تتنازلي

و فعلا محتاجة صبر أوي

اصبري و ادعي و حاولي بهدوء

ربنا يجعله في ميزان حسناتك

[عادل أبو عمر]

السلام عليكم و رحمة الله و بركاته

سؤال وهامشي على طول هو فين الناس اللي كانت هنا ؟؟؟

بجد حاجة غريبة لم يسبق الغياب الجماعي لأخواتنا الفاضلات بهذا الشكل ... لعل المانع خيرا للجميع

كل التحية و الاحترام