اذهب إلى المحتوى
محاورات المصريين

لو معاك 5 مليار هتعيش إزاي؟

Dreamwithme

بواسطة Dreamwithme
في موضوعات خفيفة

 مشاركة

Recommended Posts

Dreamwithme عضو جديد

Dreamwithme

بتاريخ:
  • كاتب الموضوع
بتاريخ:

تعرفى يادريم ..

موضوعك ده يعنى فعلا صدفة غريبة جدااااا

لنا يومين ابنتى الكبرى وانا نتحدث عن هذا الموضوع ..والسبب؟؟

هى ذهبت كالعادة لقضاء اسبوعين فى احدى القرى القريبة .

هى قرية بها عائلات محدودة ........كلهم بدون اى استثناء من اصحاب الملايين فعلا .......اقل واحد عنده ميتين وخمسين الف يورو سيولة غير منزله واراضيه.

الشئ الغريب جداااا.....ان كلهم يزرعون اراضيهم بنفسهم .

تقول لى ...ياماما نفسى تشوفى الملياردير اللى ماشى بالقميص برة البنطلون من ناحية والناحية التانية جوة البنطلون وكأنه مجرد اجير ......وف ايده شوية حاجات واخدها من الأرض والا شايل ف سبت شوية خضار ..حاجات عجيبة ....وزوجته بتعمل مربات ومخللات وكل ده من مزروعاتهم...اشجار عندهم ونخيل وكل شئ ..

ابنتى رأيها ........دى ناس خلاص متعرفش تعيش عيشة الأغنياء او ( ينزهوا نفسهم ) ليه مش بيروحوا يسافروا ويشوفوا الدنيا؟؟

مغيروش العربية لهم عشرين سنة وتشوفيها تقولى جديدة ..

وأرد عليها.......لكنهم مش بخلاء ........وبيوزعوا كتير من كل اللى عندهم...هما مش محتاجين ينزهوا نفسهم بطريقة تانية .مش محتاجين يسافروا او يتفرجوا على بلاد تانية ..

هما حاسين بالقناعة ..

شوفى يادريم...

جميل ان يبقى عندك مليار( مش خمسة ؟؟؟) ....بس الأجمل انك تفكرى ان حد يشاركك الاستمتاع بالفلوس دى ..

يعنى مش عايزة تانى اقول ..(( اخواننا....اللى عندهم ملايين جت لهم فجأة ...فلوس من تحت الأرض محدش تعب فيها ...هههه )) شوفى بيصرفوا فلوسهم ازاى ؟؟؟؟

ياعلى المغنيين ياعلى تملك كراسى دهب واعمدة فضة او سيارات فارهة تتحط ف جراجات مقفولة ..وتتفرجى على العجب.

يعنى اللى عنده مليارات ...وعنده ضمير......لازم يساعد غيره ويعمل حاجة مفيدة للناس بالفلوس دى ...ومش شرط يحرم نفسه وف نفس لوقت يتصرف بسفه.

احلى حاجة انى اكون عايشة بدون اى قلق .....واكون راضية عن نفسى

لو معايا مليار ؟؟؟....مش خمسة ؟؟؟

اكييييد حاعيش بطريقة احسن حسب مفهومى انا ...

حاعمل مستشفى مجانى او معهد تأهيل مهنى او اى شئ يرضينى واحس بيه انى اسعدت غيرى .

طبعاااااااا.............اول شئ اكتب لولادى ربع مليار ..

بس.

مش جدعنة انى ادى لولادى فلوس كتير متعبوش فيها ...

وده بقى موضوع كبير لوحده.....هههههههههههه

المفروض نسيب لولادنا جزء بسيط وهم يعتمدوا على نفسهم ويكبروه بقى بطريقتهم..

الخلاصة يعنى .......

الأغنياء جدااا وعندهم اخلاق ..بتبقى عنيهم مليانة زى ما بيقولوا ..وبيعيشوا بكل بساطة وهدوء .

لكن؟؟

الأغنياء جدااا ومش بيشبعوا وهما اساسا كانوا محرومين....مفيش منهم فايدة ...وبس تلاقيهم بيحاولوا يظهروا بمظاهر خادعة ...على طول يهمهم المظهر مش الجوهر .

مساء الرضا ... :clappingrose: :clappingrose: :clappingrose: :clappingrose:

مساء الرضا والجمال ياماما سلوي :give_rose:

مداخلة حضرتك درس مش محتاج تعليق

أجمل حاجة إن الواحد يكون عنده القدرة علي الاستمتاع بما يملك

يا أما أصحاب مليارات لكن هم من جواهم فقراء وخايفين من الفقر وماعندهمش الرضا ولا حب الاستمتاع

ويا أما فقراء لكن عارفين يستمتعوا بالجنيه اللي معاهم

تحياتي لحضرتك :give_rose:

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك
  • الردود 41
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

Salwa
Salwa

تعرفى يادريم .. موضوعك ده يعنى فعلا صدفة غريبة جدااااا لنا يومين ابنتى الكبرى وانا نتحدث عن هذا الموضوع ..والسبب؟؟ هى ذهبت كالعادة لقضاء اسبوعين فى احدى القرى القريبة . هى قرية بها عائلات محدودة

احمد رضوان
احمد رضوان

لو معايا المبلغ ده حاديه لجماعة 6 إبريل وأبلغ عنهم واعيش زي ما انا على فيض الكريم

نوران
نوران

هتبرع ب 4,5 للصومال وهشيل ال500 مليون في الدولاب واعيش بقي أصرف بقي وادلع العيال واسيبلهم الباقي بعد عمر طويل ان شاء الله إيييييه الله يجازيكي يا دريم خليتي الواحد يحلم

Dreamwithme عضو جديد

Dreamwithme

بتاريخ:
  • كاتب الموضوع
بتاريخ:

أووووووووووبس 5 مليار !!

أول حاجة نصهم كدا ( 2.5 مليار ) متوزعين علي الدول المسلمة الفقيرة و طبعاً فلسطين المحتله ..

النص الثاني بقا ..

الثلاث أرباع أستثمار عقاري ( هبني برجين بالظبط ) هخصص نصهم إيجار و النص التاني تمليك ..

و الربع الأخير هفتح شركة استيراد مودا غذائية و فواكه أي حاجة فيها أكل و شرب ..

و نبدأ نشتغل بقا مممم !

طبعاً كل دا في الإمارات مش في مصر ، دا لو عايز أنجح ياعني و محدش يضايقني من أين لك هذا و الباقي انتوا عارفينه

طب بص ياعمدة ربنا يباركلك وأبقي شغلني عندك :give_rose:

وجزاك الله خيرا علي التذكرة بإن المال فتنة

أنا شخصيا حسافر كل بلاد العالم

يعنى مش حسيب بلد

مش بس للفسحة وان كانت سبب

بس كمان لخدمة البشرية

يعنى ممكن اكون في الصومال او جنوب افريقيا او اي بلد تحتاج مساعدة

مش عارفة ليه بيجذبني الاجانب اللى بيقدروا يقدموا خدمات من هذا النوع في هذه البلاد

احساس جميل انك تقدر تعمل شيئ له معنى

انك تقرب منهم وتجعلهم يثقوا بك

وكمان للاستجمام والفسحة ورؤية معالم وثقافات البلاد المختلفة

بس فين الفانوس السحري

ميرسي دريمي على حلم للحظة

أنا فعلا بيعجبني الأجانب اللي بيلفوا العالم يساعدوا الدول الفقيرة

وبأستغرب ليه معندناش إحنا العرب حد كده ...ما أحنا عندنا مليونيرات برضه ويقدروا يساعدوا

حلم جميل ربنا ينولهولك يانور وربنا يسعدك :give_rose:

لو معايا خمسة مليار

صلوا على النبي

هاشتري ارض 100 فدان في الصحرا

هادخلها المرافق و الذي منه

هاخصص ربعها زراعة هاجيب مهندسين زراعيين اوائل زراعة و دكاترة زراعة اللي عاملين ابحاث مرمية في معهد البحوث و اجيب فلاحين بجد مش الافنديات اللي لابسين بناطيل لا فلاحين من اللي لسا محافظين علي هويتهم

و يقعدوا مع بعض بقي يبظبطولي ال 25 فدان دول بحيث الارض دي تطلع محصول يعملي اكتفاء ذاتي في المدينة اللي هابنيها على 25 فدان

اهم ما في الموضوع ان الزراعة تكون بسماد عضوي متاخد من مزرعة العجول اللي جيالكم في الكلام عنها

كمان هاجيب الاخوة بتوع الانتاج الحيواني و نعمل مزرعة تسمين عجول و نفس المطلوب اكتفاء ذاتي من الثروة الحيوانية

مزرعة على مستوي عالي و اجهزة حلب متطورة عشان تغطي متطلبات مصنع منتجات الالبان اللي هافتحه في المدينة

نيجي بقى للمشروع السكني مجموعة عماير كلها نفس التصميم العمارة 6 ادوار علي 3 شقق

بين كل مجموعة عماير حديقة فيها قعدات حلوة و العاب للاطفال

نادي محترم فيه كل الرياضات اللي تتخيلوها و مدربين علي اعلي مستوي لان دا هايخدم على مجموعة المدارس و الجامعة اللي ناوية افتحهم

مدارس من اول كي جي لحد ثانوي مش مدارس عادية نووو

هاجيب اكبر دكاترة في مجال التعليم و الاجتماع و علم النفس يحطولي برنامج و مناهج لخلق جيل عنده قيم و اخلاق متزن و متدين محب للعمل

نيجي بقي للمدرسين هاجيب شباب الخريجين من كليات التربية الحاصلين علي امتياز في الكلية و معاهم علي الاقل ماجستير في تخصصهم و كمان هاعملهم اختبارات نفسية و تربوية اللي هاينجح فيها هو اللي هايتعين

و دول سكنهم في المدينة هايكون جنب المدرسة و عليا انا كادو المهم يطلعولي المنتج اللي عاوزاه زي ما حددته فوق

الجامعة نفس الشئ بالنسبة للدكاترة و المعيدين عشان عاوزة المنتج يكون انسان مؤهل لسوق العمل و الابداع في مجاله

هاتقولولي الجامعة دي هاتتكلف كتير هاقولكم هانعوضها في بيع الشقق ما تقلقوش هههههههههه

هاتفق مع الحكومة اني اوفرلها مكان زي مجمع التحرير كده بس مصغر فيه مكاتب لكل ما يحتاجه المواطن من اوراق و طبعا يكون موظفينه من ساكني المدينة عشان لا الموظف يتعب و لا المواطن اللي عاوز ورق حكومي يتمرمط في المشاوير

طبعا مسجد و كنيسة دا شئ مفروغ منه في المدينة

الفقراء و اعمال الخير ليها نصيب طبعا لاني هاقتطع مبلغ اعمله زي وقف يعني مشروع دخله بالكامل للفقراء بس مش مجرد فلوس تتوزع لأ مشاريع يشتغلوا فيها دا افيدلهم

الا صحيح هما 5 مليار جنيه و لا دولار يا دريمي؟؟؟؟؟؟

خير اللهم اجعله خير زي ما اكون كنت باحلم

بصي يا بينكي يابنتي ده توبيك لوحده مدينة الأحلام اللي أنتي عايزة تعمليها

حلم جميل جدا ومتشكرة جدا ليكي إنك عايشتينا معاكي فيه ولو للحظات

ربنا يجعله حقيقة وعشان خاطرك ياستي هأخليهملك 10 مليار بس شدي حيلك وسكنيني معاكي :give_rose:

هجيب 5 كيلو مانجة فص واقعد امزمز فيهم وانا بفكر اعمل ايه بالخمسة مليار

وطبعا قبل ما اخلص المانجة اكون صحيت من النوم

:Head:

يا أستاذي أحلم وشاركنا بالحلم .....المشاركة دي مش محسوبة مستنية حضرتك بحلمك :) :give_rose:

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك
Dreamwithme عضو جديد

Dreamwithme

بتاريخ:
  • كاتب الموضوع
بتاريخ:

هتبرع ب 4,5 للصومال

وهشيل ال500 مليون في الدولاب واعيش بقي

دولاب ايه ده اللى هايشيل 500 مليون !!!!

اذا كان بوتجاز قضية طلعت مصطفى بجلالة قدره واكيد 6 شعله مش اى حاجة كان طاقته الاستيعابية 2 مليون دولار يعنى 12 مليون جنيه

فاكرين سؤال زمااااااااااااااااان عن هاتعمل ايه بمليون جنيه كان بيسهرنا ازاى ؟ ونقعد نحكى ونتحاكى واحلااااااااام ومسلسل رحلة المليون وكنبة سنبل دى اللى ملاها فى الاخر وذل لطفى ... هههههه

كلنا اكيد حلمنا بالكنبة ... وفى بيوت كتير اعرفها اشتروا الكنبة السحارة مخصوص استعدادا للضيف السعيد اللى هايجى ان شاء الله فى يوم من الايام ...

ومن سنتين فى قضية طلعت مصطفى صدمنى موضوع ان 12 مليون بقوا ممكن يخلوا بوتجاز ... فأول حاجة عملتها اشتريت بوتجاز جديد وقعدت احلم بيه مليان :wub:

من غير قتل طبعا .. هههههههههه

تقوموا دلوقتى تقولولى 5 مليار ... ده كلام برضو ... bsh:)

أحطهم فين دول ؟ !!! ... ده ولا خزنة عم دهب :Head:

تصدق يا أستاذ عصام إني ماأخدتش بالي من كلمة نوران إنها هتحط 500مليون في الدولاب

مشكلة فعلا هنحط الفلوس دي كلها فين :unsure:

أيه يا أستاذي العصر الحجري اللي أنت عايشتني فيه ده دولاب وكنبة وبوتاجز :blink:

راح فين البنك والكريدت كارد

أه ياني يا أماه :Head:

أه نسيت خد دي يا أستاذ عصام :give_rose:

شوفي ا أخت دريم

لو معايا المبلغ ده ... باختصار شديد .. هخلي 5 مليون منه ليا .. اشطب بيهم البيت بتاعي في القاهرة الجديدة وأكمله .. وابني كمان بيت كويس في القرية اللي أنا اتولدت واتربيت فيها .... واحط عليه يافطة رخام اكتب عليها ... ( منزل الحاج فلان ) .. اللي هو والدي ( الله يرحمه )... وبعدين أظبط مصدر كويس للدخل ( مشروع بسيط يعني في مجال عملي ) .. يدخل لي دخل كويس يعيشني أنا وأسرتي حياة كريمة.

وأما الباقي ... هبتدي أشوف ايه المشاريع اللي قريتي واللي القرى اللي جنبها واللي المدينة عاصمة المحافظة بتاعتي محتاجاها .. واللي المحافظة بتاعتي ككل محتاجاها .. وهجيب شركات عالمية كبرى هي اللي تتولى عمل المشاريع دي وأقدمها للدولة مجانا ... بس.

مشاركة في الجون يا أستاذ شرف وحلم جميل ...حلم البيت الدافئ وحب العائلة ومساعدة الآخرين

ربنا يؤجرك علي النية إن شاء الله :give_rose:

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك
Howayda Ismail عضو جديد

Howayda Ismail

بتاريخ:
بتاريخ:

انا بقى طول عمرى فقرية ومحبش الفلوس

لانها بالنسبة لى مش اكتر من وسيلة احقق بيها اللى انا عوزاه ولو مافيش خلاص

وعمرى ماحلمت يكون عندى فلوس اشترى ايه او اجيب ايه

المهم عندى الستر وراحة البال

انا حتى مابحاولش اعرف جوزى شايل كام او عندنا ايه

لان اللى يخصنى بيجيب لى اللى انا عوزاه حتى من غير مااطلب

من صغرى جوايا اعتقاد غريب ان الفلوس مبتجبش الا الهم ووجع الدماغ خصوصا لو كتير

ولما اخترت زوجى ماخترتش الغنى بالعكس اخترت اللى قلبى اختاره وكان وقتها لسة

فى بداية حياته والحمد لله ربنا رضانا بعد كده وفتحها علينا من وسع

افتكر لما كنت باشتغل ومرتبى كان كبير وبالدولار وزوجى طلب منى اسيب الشغل رغم ظروفه

من غير تفكير ولا ندم قدمت استقالتى لان شفت سعادتى فى بيتى مع جوزى مش فى الفلوس

وقتها كتير من اصحابى قالوا لى انت فقرية وعبيطة حد يسيب وظيفة بالمرتب ده

ده مستقبلك وامان ليكى لكن وجهة نظرى اللى حاموت بيها ان راحة البال اهم من كنوز الدنيا

:give_rose:

خواطر swan
رابط هذا التعليق
شارك
ذهبية عضو جديد

ذهبية

بتاريخ:
بتاريخ:

اولا هاخد مليار هيتوزع كالاتى

هتبرع بالتساوى الى 1- مستشفى السرطان للاطفال لان شوفت فى العيلة العذاب بعينة من هذا المرض اللعين

2- مستشفى الكبد فى المنصورة

3- مستشفى القصر العينى

4- مستشفى الكلى بالمنصورة

هاحط مليار فى البنك و العائد بتاعة هيروح لمشاريع الشباب و زواج و تجهيز البنات

جزء هيروح السيدات المحبوسين فى السجن لعدم سداد شيكات عليهم

و جزء تانى هيروح للاجهزة التعويضية

وجزء هيروح لشراء ابقار فى البلد للسيدات التى تعول الاسرة لوفاة زوجه

هاشترى عمارة الم فيها اسرتى كلها

هاعلم ولادى احسن تعليم فى الخارج

هاساهم بجزء فى مشروع زويل

هاحط جزء فى مشروع

هاشترى ارض باسم ولادى

بيهايلى الفلوس هتكون خلصت لاى حلم تانى ا

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك
pink rose عضو جديد

pink rose

بتاريخ:
بتاريخ: (معدل)

عشان بس تعرفوا ان مش انا لوحدي اللي باحلم

ادي ناس حلموا و بيحاولوا يحققوا الحلم

مدينة 25 يناير

http://m.facebook.com/?w2m&_rdr#!/home.php?sk=group_234230433277271&refid=27

تم تعديل بواسطة pink rose
رابط هذا التعليق
شارك
عبير يونس عضو مبتدئ

عبير يونس

بتاريخ:
بتاريخ:

أنا بقى مستعدة ل 50 مليار مش خمسة بس

و عندي أفكار ملهاش آخر حأعمل بيهم ايه

خلينا في حدود موضوعك خمسة مليار

اول حاجة حأقسمهم نصفين

2500 مليون حيبقوا للانفاق على أسرتي

و حنرجع لهم بعدين

أما النصف الثاني



اول حاجة خمسهم بالضبط يعني 500 مليون

حيكونوا للعمل الخيري

عمل خيري مستمر مش تبرع و خلاص

يعني مشاريع خيرية توظف ناس وتجمع تبرعات تروح لمشاريع خيرية أخرى و هكذا

و 500 مليون حأوجههم للتعليم و التدريب

طبعا لأسرتي أولا أعلّم ولادي أحسن تعليم و الباقي منح دراسية لكل اللي محتاجين التعليم و مش معاهم فلوس

وحأدي المنحة للي رغبته قوية حتى لو درجاته ما كانتش عالية

و حأعمل مؤسسة خاصة بكده و يبقى فيها مقابلات شخصية لمنح المنح

دي غير اني حافتح اكبر معهد تعليم و تدريب على مستوى العالم أجيب فيه كل الكفاءات و اللي يتخرج يشتغل فيه و يقوم بالتدريب

و 500 مليون حأحطهم في البنوك إدخار


و 500 مليون حأوجههم للاستثمار


و 500 مليون حأوجههم لمتع الحياة

لي و لأسرتي و لأي حد في الدنيا نفسه ينبسط عن طريق اختيارات عشوائية أو مسابقات من غير ما يدفعوا طبعا أو لتحقيق أحلام الناس

و طبعا حيبقى في مؤسسة متخصصة تتقبل طلبات و أحلام الناس



نرجع لل 2500 مليون الأولى

و اللي حأتصرف فيهم لي و لأسرتي

طبعا حأجيب بيوت مش بيت واحد في أكثر من مكان في العالم

و كل بيت حيبقى معاه بيت للضيوف

حأستقبل أي حد عايز يجيلي و يقضي يومين حلوين استجمام

من قرايبي جيراني و أصدقائي

طبعا حيكون في بيت كبيرفي مكة و حاستقبل كل اللي يجي عمرة يقيموا عندي و اوفر لهم الخدمة و المواصلات و توصيل للمطار بعد اما

يخلصواعمرتهم بالسلامة

و طبعا حأعمل حملات حج فاخر برضه بمؤسسة تختار الناس و يكون بالتكلفة بس لميسوري الحال

ومجانا لغير القادرين و اللي نفسهم يؤدوا الفريضة

طبعا حأعمل بيوت لكل و لادي

انا بأموت في العربيات

حأبدع في العربيات

و خصوصا الفور باي فور

طبعا لكل واحد من ولادي عربية

وحيبقى عندي سواقين و يسكنوا عندي في عمارة مخصوصة للموظفين جنب بيتي بأسرهم مش حأجيب سواق و الا موظف و أحرمه من أسرته

طبعا حأقيم حفلات ليل و نهار

بأموت في الحفلات و الضيوف

بس حأعمل حفلات زيها و أحلى منها للفقراء

و حأستقبلهم و أقعدهم في الصالونات و أضيّفهم بنفسي

و كل ست تدخل يدولها فستان شيك و يعملولها شعرها و يضبطوها

طبعا حأهتم جدا بالقرآن الكريم و حأعمل دار تحفيظ و حلقات للتدارس

دي النقاط الرئيسية

و التفاصيل كتييييييييييييير

و مش حقول صحيت من النوم

عشان كل ده حيبقى حقيقة بإذن الله


طبعا لازم اقول ان التقسيم بالنسب دي أخذته من كتاب " أسرار عقول المليونيرات" للمدرب الكندي تي هارف ايكر


و طبقته و لقيت نتائج مبهرة بفضل الله تعالى ثم أفكار الكاتب الرائعة

ميرسي يا دريم على المساحة

:give_rose:

أعد شحن طاقتك

حدد وجهتك

و اطلق قواك

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

حاعمل زي مليونيرات أمريكا المحترمين

حاعمل مشروع محترم يلحق به مركز تدريب ومركز بحثي للمتفوقين، جزء من أرباحه يخصص لي ولأسرتي ، والباقي يكون وقفا لأعمال الخير في مصر أولا ثم للدول المجاورة بنسب تقوي علاقة مصر بالخارج.

بس ياريت تكبروا المبلغ شوية علشان التوسع في أعمال الخير والتي تتجه بالأساس لتدريب الناس بالمجان على مهن وحرف يتكسبون منها

وعلى فكرة ده كان حلمي منذ كنت صغيرا ، ولكن للأسف لم أستطع تحقيقه حتى الآن

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
عماد حمدي عضو جديد

عماد حمدي

بتاريخ:
بتاريخ:

الموضوع دا هيطلّع منه أفكار جامدة ..

استمروا .. إحلموا .. إن شاء الله ربنا يحقق لكم كل أحلامكم و أمانيكم

طول ما إحنا عايشين و بنتنفس .. يبقي فيه أمل ( أنه يتحقق حلمنا ) ..

فوتوكوا بعافية :give_rose:

رابط هذا التعليق
شارك
ابو محمد بن مصطفي عضو جديد

ابو محمد بن مصطفي

بتاريخ:
بتاريخ:

يا أستاذي أحلم وشاركنا بالحلم .....المشاركة دي مش محسوبة مستنية حضرتك بحلمك

لو علي الاحلام بص.

بعد ما اخد جزء من المبلغ لي والاسرة

الباقي هيبقي وقف .

الهدف من الوقف ده الاستثمار والعائد منه ينفق علي المشاريع الانسانية

جامعة خاصة علمية فقط للنابغين من الطلاب

مركز لرعاية ذوي الاحتياجات الخاصة

مستشفي لعلاج غير القادرين و عمل ابحاث طبية بالتعاون مع الجامعات للوصول لعلاج الامراض المختلفة(زي مستشفي 57357)

فكرة بنك الطعام ده هيبقي جزء والجزء التاني هيبقي علي طريقة التيكية المصرية بتاعة زمان.

يا قدس يا سيدتي معذرة فليس لي يدان ،

وليس لي أسلحة وليس لي ميدان ،

كل الذي أملكه لسان ،

والنطق يا سيدتي أسعاره باهظة ، والموت بالمجان ،

سيدتي أحرجتني، فالعمر سعر كلمة واحدة وليس لي عمران ،

أقول نصف كلمة ، ولعنة الله على وسوسة الشيطان ،

جاءت إليك لجنة، تبيض لجنتين ،

تفقسان بعد جولتين عن ثمان ،

وبالرفاء و ا لبنين تكثر اللجان ،

ويسحق الصبر على أعصابه ،

ويرتدي قميصه عثمان ،

سيدتي ، حي على اللجان ،

حي على اللجان !

رابط هذا التعليق
شارك
ViralMind عضو جديد

ViralMind

بتاريخ:
بتاريخ: (معدل)

استاذة عبير.. حضرتك ما شاء الله عندك رؤية واضحة..

انا كمان كنت بفكر فى حاجة زى جامعة ستانفورد او هارفرد... و نجيب العلماء و احسن دكاترة يدرسوا هنا فى مصر..

موضوع التعليم جوهرى, و شىء مؤلم لما حد يتحرم منه.. ايا ما كان سبب الحرمان.

بالنوسبة للكتاب.. مفيش لينك احمله منه :closedeyes:

تم تعديل بواسطة ViralMind
رابط هذا التعليق
شارك
عبير يونس عضو مبتدئ

عبير يونس

بتاريخ:
بتاريخ:

استاذة عبير.. حضرتك ما شاء الله عندك رؤية واضحة..

انا كمان كنت بفكر فى حاجة زى جامعة ستانفورد او هارفرد... و نجيب العلماء و احسن دكاترة يدرسوا هنا فى مصر..

موضوع التعليم جوهرى, و شىء مؤلم لما حد يتحرم منه.. ايا ما كان سبب الحرمان.

بالنوسبة للكتاب.. مفيش لينك احمله منه :closedeyes:

شوف حضرتك الكتاب موجود في موقع أمازون ب 9 دولارات تقريبا

انا مش بحب تحميل كتب من النت

عشان حقوق الملكية الفكرية

في موضوع كنت فتحته أول الصيف عن الكتاب

" أسرار عقول المليونيرات " كتاب سيقلب حياتك

بإذن الله استكمل الكتابة فيه

و صدقني ما تتهاونش في حكاية حقوق الملكية الفكرية

لأن ممكن الكتاب اللي يتاخد بالطريقة دي يعمل ضدك

بموجب قانون الجذب

ياريت تطلع على الموضوع ده

قوة الاعتقاد

أعد شحن طاقتك

حدد وجهتك

و اطلق قواك

رابط هذا التعليق
شارك
Alattar عضو جديد

Alattar

بتاريخ:
بتاريخ: (معدل)

أول حاجة..هي إخراج حق الله تعالي في الفلوس دي

وثانيا.. بما إني زهقت من شغلتي..فبالتأكيد تاني حاجة هعملها ان شاء الله هعمل شركة برمجة عشان أبقي مدير بأه لأول مرة في حياتي..مش معقول هفضل طول حياتي مبرمج علي ما تفرج كده..

ومعاها ان شاء الله أعمل مركز تدريب يكون معتمد من كل الشركات العالمية زي ما يكروسوفت و أوراكل و صن مايكروسيستيمز..و أشوف الناس المبرمجين و متخصصين في كل مجال من مجالات الآي تي .. و ندي دورات للشباب في مصر بأسعار مخفضة جدا..و ممكن مجانية كمان لفترة من الزمن..

وان شاء الله لما أفطر ممكن يجيلي أفكار تانية..

تم تعديل بواسطة Alattar

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
Dreamwithme عضو جديد

Dreamwithme

بتاريخ:
  • كاتب الموضوع
بتاريخ:

انا بقى طول عمرى فقرية ومحبش الفلوس

لانها بالنسبة لى مش اكتر من وسيلة احقق بيها اللى انا عوزاه ولو مافيش خلاص

وعمرى ماحلمت يكون عندى فلوس اشترى ايه او اجيب ايه

المهم عندى الستر وراحة البال

انا حتى مابحاولش اعرف جوزى شايل كام او عندنا ايه

لان اللى يخصنى بيجيب لى اللى انا عوزاه حتى من غير مااطلب

من صغرى جوايا اعتقاد غريب ان الفلوس مبتجبش الا الهم ووجع الدماغ خصوصا لو كتير

ولما اخترت زوجى ماخترتش الغنى بالعكس اخترت اللى قلبى اختاره وكان وقتها لسة

فى بداية حياته والحمد لله ربنا رضانا بعد كده وفتحها علينا من وسع

افتكر لما كنت باشتغل ومرتبى كان كبير وبالدولار وزوجى طلب منى اسيب الشغل رغم ظروفه

من غير تفكير ولا ندم قدمت استقالتى لان شفت سعادتى فى بيتى مع جوزى مش فى الفلوس

وقتها كتير من اصحابى قالوا لى انت فقرية وعبيطة حد يسيب وظيفة بالمرتب ده

ده مستقبلك وامان ليكى لكن وجهة نظرى اللى حاموت بيها ان راحة البال اهم من كنوز الدنيا

:give_rose:

حضرتك مش فقرية ولا حاجة وكلنا بنحب الفلوس حتي حضرتك لأنك أكيد لا تكرهيها

لكن المسألة ترتيب في القيم والأولويات

واختلاف معني الفلوس بالنسبة ليكي ....الفلوس بالنسبة ليكي وسيلة تحققي بها اللي أنتي عايزة

فعمرك ما فكرتي فيها في حد ذاتها

ربنا يرزقك رزق واسع من كل نوع يارب

احلمي معنا وشاركينا في الحلم :give_rose:

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك
Dreamwithme عضو جديد

Dreamwithme

بتاريخ:
  • كاتب الموضوع
بتاريخ:

اولا هاخد مليار هيتوزع كالاتى

هتبرع بالتساوى الى 1- مستشفى السرطان للاطفال لان شوفت فى العيلة العذاب بعينة من هذا المرض اللعين

2- مستشفى الكبد فى المنصورة

3- مستشفى القصر العينى

4- مستشفى الكلى بالمنصورة

هاحط مليار فى البنك و العائد بتاعة هيروح لمشاريع الشباب و زواج و تجهيز البنات

جزء هيروح السيدات المحبوسين فى السجن لعدم سداد شيكات عليهم

و جزء تانى هيروح للاجهزة التعويضية

وجزء هيروح لشراء ابقار فى البلد للسيدات التى تعول الاسرة لوفاة زوجه

هاشترى عمارة الم فيها اسرتى كلها

هاعلم ولادى احسن تعليم فى الخارج

هاساهم بجزء فى مشروع زويل

هاحط جزء فى مشروع

هاشترى ارض باسم ولادى

بيهايلى الفلوس هتكون خلصت لاى حلم تانى ا

ماتخافيش يا ذهبية الفلوس مش هتخلص لو خلصوا هأديكي 5 مليار كمان عشان أنتي حبيبتي :happy:

أعجبني جدا إحساسك العالي بناس ممكن يكون المجتمع نسيهم وسط الزحمة

ربنا يؤجرك علي نيتك :give_rose:

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك
Dreamwithme عضو جديد

Dreamwithme

بتاريخ:
  • كاتب الموضوع
بتاريخ:

عشان بس تعرفوا ان مش انا لوحدي اللي باحلم

ادي ناس حلموا و بيحاولوا يحققوا الحلم

مدينة 25 يناير

http://m.facebook.com/?w2m&_rdr#!/home.php?sk=group_234230433277271&refid=27

بينكي اللينك مش راضية تشتغل معايا ....بتفتح علي صفحة الفايسبوك بتاعتي أنا

لو المشروع مشابه لفكرتك ما تفكري تفتحي توبيك يتكلم عن المشروع ده وأهي فكرة ممكن تشجع ناس تانية تطبق نفس المشروع في أماكن تانية :give_rose:

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك
Dreamwithme عضو جديد

Dreamwithme

بتاريخ:
  • كاتب الموضوع
بتاريخ:

أنا بقى مستعدة ل 50 مليار مش خمسة بس

و عندي أفكار ملهاش آخر حأعمل بيهم ايه

خلينا في حدود موضوعك خمسة مليار

دي النقاط الرئيسية

و التفاصيل كتييييييييييييير

و مش حقول صحيت من النوم

عشان كل ده حيبقى حقيقة بإذن الله

طبعا لازم اقول ان التقسيم بالنسب دي أخذته من كتاب " أسرار عقول المليونيرات" للمدرب الكندي تي هارف ايكر

و طبقته و لقيت نتائج مبهرة بفضل الله تعالى ثم أفكار الكاتب الرائعة

ميرسي يا دريم على المساحة

:give_rose:

الحلم ما لوش حدود..... وأنا سعيدة جدا إنك منظمة جدا في أفكارك وعندك خطة واضحة

وده يخليني واثقة إن ربنا هيرزقك أكثر وأكثر وربنا يبارك

شجعتينا كلنا إننا نقرأ الكتاب .....أنتي جبتيه منين من جرير ولا دار نشر تانية؟

صباح الفل :give_rose:

حاعمل زي مليونيرات أمريكا المحترمين

حاعمل مشروع محترم يلحق به مركز تدريب ومركز بحثي للمتفوقين، جزء من أرباحه يخصص لي ولأسرتي ، والباقي يكون وقفا لأعمال الخير في مصر أولا ثم للدول المجاورة بنسب تقوي علاقة مصر بالخارج.

بس ياريت تكبروا المبلغ شوية علشان التوسع في أعمال الخير والتي تتجه بالأساس لتدريب الناس بالمجان على مهن وحرف يتكسبون منها

وعلى فكرة ده كان حلمي منذ كنت صغيرا ، ولكن للأسف لم أستطع تحقيقه حتى الآن

نورتنا يا أستاذ محمد وطبعا عشان خاطر حضرتك المبلغ بقي 50مليار مش خمسة بس هو أنا أقدر أرفضلك طلب

ربنا يرزقك تحقيق حلمك يارب :give_rose:

حضرتك لاحظت معايا إن كلنا فكرنا في الجانب الخيري وخدمة المجتمع وبالذات جانب التعليم

الحمد لله ده يثبت إن البلد دي لسه فيها خير وربنا يكرم يارب

يا أستاذي أحلم وشاركنا بالحلم .....المشاركة دي مش محسوبة مستنية حضرتك بحلمك

لو علي الاحلام بص.

بعد ما اخد جزء من المبلغ لي والاسرة

الباقي هيبقي وقف .

الهدف من الوقف ده الاستثمار والعائد منه ينفق علي المشاريع الانسانية

جامعة خاصة علمية فقط للنابغين من الطلاب

مركز لرعاية ذوي الاحتياجات الخاصة

مستشفي لعلاج غير القادرين و عمل ابحاث طبية بالتعاون مع الجامعات للوصول لعلاج الامراض المختلفة(زي مستشفي 57357)

فكرة بنك الطعام ده هيبقي جزء والجزء التاني هيبقي علي طريقة التيكية المصرية بتاعة زمان.

شفت الحلم حلو إزاي يا أستاذ أبو محمد ربنا يؤجرك علي نيتك يارب :give_rose:

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك
Dreamwithme عضو جديد

Dreamwithme

بتاريخ:
  • كاتب الموضوع
بتاريخ:

أول حاجة..هي إخراج حق الله تعالي في الفلوس دي

وثانيا.. بما إني زهقت من شغلتي..فبالتأكيد تاني حاجة هعملها ان شاء الله هعمل شركة برمجة عشان أبقي مدير بأه لأول مرة في حياتي..مش معقول هفضل طول حياتي مبرمج علي ما تفرج كده..

ومعاها ان شاء الله أعمل مركز تدريب يكون معتمد من كل الشركات العالمية زي ما يكروسوفت و أوراكل و صن مايكروسيستيمز..و أشوف الناس المبرمجين و متخصصين في كل مجال من مجالات الآي تي .. و ندي دورات للشباب في مصر بأسعار مخفضة جدا..و ممكن مجانية كمان لفترة من الزمن..

وان شاء الله لما أفطر ممكن يجيلي أفكار تانية..

فكرة ممتازة يا أستاذ العطار وإحنا فعلا محتاجينها

ربنا يعينك ويؤجرك علي نيتك :give_rose:

في انتظارك بعد الفطار بأفار أكثر وأكثر

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك
الدكتور ياسر عضو جديد

الدكتور ياسر

بتاريخ:
بتاريخ:

اتوجه بالشكر للاخت دريم على هذا الموضوع الذي أظهر لنا جميعا ان الدنيا لسه بخير

و أبشر اخوانى الذين تمنوا لو ينفقوا هذه الاموال في وجوه الخير ببشرى رسول الله صلى الله عليه وسلم لهم حين قال

مثل هذه الأمة كمثل أربعة نفر: رجل آتاه الله مالا وعلما . فهو يعمل في ماله ينفقه في حقه . ورجل آتاه الله علما ولم يؤته مالا ، فهو يقول : لو كان لي مثل هذا عملت فيه مثل الذي يعمل ، قال رسول الله صلى الله عليه وسلم : فهما في الأجر سواء \" رواه ابن ماجه وغيره وقال الألباني : صحيح

فكل من تمنى المال لانفاقه في الخير يؤجر إن شاء الله بنيته فهذا فضل الله عليكم . :clappingrose:

وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لَا يُظْلَمُونَ

رابط هذا التعليق
شارك
عبير يونس عضو مبتدئ

عبير يونس

بتاريخ:
بتاريخ:

الحلم ما لوش حدود..... وأنا سعيدة جدا إنك منظمة جدا في أفكارك وعندك خطة واضحة

وده يخليني واثقة إن ربنا هيرزقك أكثر وأكثر وربنا يبارك

شجعتينا كلنا إننا نقرأ الكتاب .....أنتي جبتيه منين من جرير ولا دار نشر تانية؟

صباح الفل :give_rose:

ميرسي يا حبيبتي

الكتاب اشتريته هنا في السعودية من جرير

بنفس القيمة

حوالي حاجة و اربعين ريال مش فاكرة بالضبط

ده لينك الكتاب في مكتبة امازون

http://www.amazon.com/gp/product/B00517P4ZS/ref=pd_lpo_k2_dp_sr_2?pf_rd_p=486539851&pf_rd_s=lpo-top-stripe-1&pf_rd_t=201&pf_rd_i=0060763280&pf_rd_m=ATVPDKIKX0DER&pf_rd_r=0J8WMBTSERA7WPG57128

و في صورة في موضوعي كانت اختنا بركة تفضلت ووضعتها للكتاب مترجم بالعربي

asrar3a8lmilonair.jpg

أعد شحن طاقتك

حدد وجهتك

و اطلق قواك

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...