أكل الأطفال من سن أربعة أشهر

[Alattar]

السلام عليكم

الأستاذ عبد الرحمن بصراحة صعب عليا..بنقعد ناكل قدامه أنا و أمه و هو عمال يبصلنا..وبعدين يبدأ في العياط..زي ما يكون عاوز ياكل معانا

هو لسه مكمل 4 شهور من يومين

كنت عاوز منكم بس شوية معلومات عن الطفل 4 شهور..هل ممكن ياكل أي حاجة دلوقتي؟..ولا يفضل علي لبن الأم كمان شوية؟

فيه ناس نصحتني بالسيريلاك..بس مش عارف..هل أي نوع هينفع؟..ولا لازم نوع معين؟

و بعدين سمعت ان فيه أطفال بياكلوا بطاطس مهروسة و خضار ..طب ده دلوقتي؟..ولا لما يكبر شوية ان شاء الله؟

و جزاكم الله خيرا

[Alshiekh]

السلام عليكم

الطفل في السن ده 4 شهور وطالع ممكن تجرب معاه حاجة حاجة ، يعني مش وجبة متكاملة ، زي مابنقول نطعم له الأكل

وعموما بتبدأ مع الطفل بالأكل الناعم ، بطاطس مهروسة ، بطاطا بتاعتنا الحلوة ، موز ، كمثرى ناعمة مش خشابي طبعا ، كوسة مسلوقة . زبادي منزوع الدسم.

المهم في البداية تحاول تأكله حاجة واحدة بس لمدة كام يوم وتشوف لو الأمور مشيت طبيعية ( مفيش اسهال ، حساسية ، الحاجات اللي زي كده ) ممكن تغيير لنوع تاني من الأكل لمدة كام يوم ايضا وهكذا الى ان تجد ان الأكل ملهوش تأثير سلبي عليه.

بعد كام شهر ممكن تبدأ معاه انواع تانية من الخضار والفواكه ، لحوم ، بيض لكن بالتدريج ودايما تراقب الطفل ان مفيش نوع من الأكل بيسبب له حساسية أو متاعب صحية ، مع ملاحظة طبعا ان الأكل ده بيبقي مش هو الأساس ، يعني ده بيساعد فقط مع لبن الأم او اللبن الصناعي لو كان مش بيرضع من الأم.

ده كده من تجربتي الشخصية مع عيالي اللي هما قدكم دلوقتي.

وربنا يخلي لك عبدالرحمن أفندي

[Alattar]

السلام عليكم

الطفل في السن ده 4 شهور وطالع ممكن تجرب معاه حاجة حاجة ، يعني مش وجبة متكاملة ، زي مابنقول نطعم له الأكل

وعموما بتبدأ مع الطفل بالأكل الناعم ، بطاطس مهروسة ، بطاطا بتاعتنا الحلوة ، موز ، كمثرى ناعمة مش خشابي طبعا ، كوسة مسلوقة . زبادي منزوع الدسم.

المهم في البداية تحاول تأكله حاجة واحدة بس لمدة كام يوم وتشوف لو الأمور مشيت طبيعية ( مفيش اسهال ، حساسية ، الحاجات اللي زي كده ) ممكن تغيير لنوع تاني من الأكل لمدة كام يوم ايضا وهكذا الى ان تجد ان الأكل ملهوش تأثير سلبي عليه.

بعد كام شهر ممكن تبدأ معاه انواع تانية من الخضار والفواكه ، لحوم ، بيض لكن بالتدريج ودايما تراقب الطفل ان مفيش نوع من الأكل بيسبب له حساسية أو متاعب صحية ، مع ملاحظة طبعا ان الأكل ده بيبقي مش هو الأساس ، يعني ده بيساعد فقط مع لبن الأم او اللبن الصناعي لو كان مش بيرضع من الأم.

ده كده من تجربتي الشخصية مع عيالي اللي هما قدكم دلوقتي.

وربنا يخلي لك عبدالرحمن أفندي

جزاك الله خير الجزاء يا أستاذ محمد..وربنا يباركلك في أولادك..

وان شاء الله هحاول أبدأ النهاردة زي ما حضرتك قلت..و ربنا ييسر الحال و الأمور تمشي تمام..أحسن موضوع اللبن بس ده بيخليه يرجع كتير..و أنا سمعت من دكتور ان موضوع التقيؤ ده بسبب ان المعدة ما بيدخلهاش غير سوائل بس..و انه لما يبدأ ياكل ان شاء الله الموضوع ده هيقل شوية عنده..

ربنا يكرمك يا أستاذ محمد و شكرا مرة أخري علي ردك

[ابو محمد بن مصطفي]

بص يا استاذ عطار ...

كلام استاذ محمد مفيد جدا وممكن ازيد عليه

تجنب تحلية الاكل بالسكر (السكر يؤدي الي عزوف الطفل عن الرضاعة الطبيعية)

تجنب تجربة نوعين من الطعام في نفس الوقت

السيريلاك يكون البداية مع نوع واحد وهو القمح (الخاص بالشهر الرابع)

استعمال الليمون بدلا من الملح

استعمال عسل النحل بدلا من السكر (بس مش من الشهر الرابع)

وطبعا ربنا يخلي لك عبده باشا

[عطر الجنة]

يصح كده يا حريم المنتدى

اخوكم بيسأل سؤال من صميم عملكم و لا احد يجيب

شوف اخى الفاضل

الاطفال انواع ... ففى اطفال بيتقبلوا جميع انواع الطعام و فى اطفال بيرفضوا بعض الطعوم

لكن البداية بتكون بكمية اقل من ملعقة الشاى الصغيرة من الكوسة المسلوقة و عليها نقطتين فقط من الليمون ... لماذا لان الكوسة سهلة الهضم و بها مادة مفيدة لدماغ الطفل و كمان الليمون بديل للملح

طبعا بكرر ده مع عصير البرتقال المخفف بنفس الكمية لانه خفيف

بتجنب اى نشويات لانها بتسبب بدانة و لا تمد الجسم بمكونات كثيرة

فى كمان الكمثرى المسلوقة

ولا اضيف سكريات لان طعم لبن الام قليل السكر حتى لا يرفض

عدم الاعتماد على تلك الكميات و تقليل كمية الرضاعة

فى اولاد بيحبوا جدا الزبادى بدون وجه اى منزوع او قليل الدسم مع العسل الابيض فمثلا ابنى كان بيحبه جدا ... لكن ابنتى لم تتقبله

مع مرور الوقت وعدم وجود تحسس من اى طعام بنزود كميته و بنوع للطفل لانه بيمل مثلنا و كمان لنمده بجميع المكونات اللازمة لجسمه

كمان بنراقب براز الطفل و هل اختلف ... فى الاول سنرى الطعام بدون هضم ... ثم شئ فشئ سيتحسن الهضم ... المهم عدم وجود امساك او اسهال

تحياتى