10 سنين لأحمد عز وعمرو عسل ... و 15 سنة لرشيد محمد رشيد في قضية ترخيص مصنع الحديد

[se_ Elsyed]

أخيراً والحمد لله

10 سنين سجن مشدد لعز .. و زيهم لعمرو عسل رئيس هيئة التنميو الصناعية وإلزامهما متضامنان برد 660 مليون جنية للدولة لخزينة الدولة ورد ترخيص شركتي العز للحديد المدرفل

و15 سنة سجن مشدد لرشيد محمد رشيد وألزامه برد مليار و414 مليون جنية للدولة ورد رخصة حديد بشاي

اووووووووووووووووووف

الكلاب الانجاس طبخوها مع بعض ومنحوا أحمد عز ترخيص لمصنع حديد في السويس لإنتاج نوع معين من الحديد المدرفل ... وهما عارفين إن القزم الفاسد هايعمله مصنع جديد تسليح

وده له إجراءات والتاني له إجراءات

وده له رسوم تُدفع للدولة ... والتاني له رسوم

وخسروا البلد اكتر من تلك المبالغ . وكسبوا كلهم مليارات طائلة

حسبي الله ونعم الوكيل

اتمنى من كل قلبي ان تنتهي إجراءات النقض والأستئناف بسرعة عشان الدولة تاخد حقها وتصادر ممتلكاتهم لو ما قدروش يدفعوا

[عماد حمدي]

بداية الغيث قطرة .. عقبال الباقي بقا

ودا مصدر الخبر إضغط هنـا

[عماد حمدي]

http://www.youtube.com/watch?v=jCjEEeMlMVk&feature=player_embedded

[ozoozo]

سياخك طولها كام

فاكرين الاعلان ده

ياتري الاسياخ دي هاتروح فين دلوقتي

احنا اسفين ياسيخ

http://www.youtube.com/watch?v=TyOF1ttLvic&NR=1

[عماد حمدي]

سياخك طولها كام

فاكرين الاعلان ده

ياتري الاسياخ دي هاتروح فين دلوقتي

احنا اسفين ياسيخ

http://www.youtube.com/watch?v=TyOF1ttLvic&NR=1

اللهم ما أغزيك يا شيطان .. إن بعض الظن إثم

[se_ Elsyed]

النهاردة عزوز هايلبس لبس التشريفة الازرق

يا الله

بعد العز والعنجهية والكبر ... أهو هاينام على البورش الحقيقي مش بتاع الاحتياطي

فاكرين زغره لكل أعضاء مجلس الشعب ومناخيرة اللي مرفوعه في السما وكلامه من طراطيف تنتوفة معاميه ؟

سبحان المُعز المُذل

[Simba]

سياخك طولها كام

فاكرين الاعلان ده

ياتري الاسياخ دي هاتروح فين دلوقتي

احنا اسفين ياسيخ

http://www.youtube.com/watch?v=TyOF1ttLvic&NR=1

انا كنت بدور علي الاعلان ده ومش لاقيه

تشكرات افندم

[وطني حر]

الحكم الحمد لله انا شايف انه مقنع الي حد كبير وخصوصا المده عشر سنوات ومبلغ الغرامه جامد ..

دي الوقت عز اصبح مجرم بدل متهم . اتمني من قلبي ان لا يصدر من الاسئناف حكم مخفف لتلك العقوبه .؟

يا جماعه فيه حاجه محيره . وهي رشيد كان رجل اعمال قبل الوزاره وليه مشاريع كبيره ورجل اعمال ناجح ف اسكندريه وكلنا نعرف هذا ..

مبلغ المليار و4 مئه مليون مبلغ كبير . هو لحق يلهفه بالسرعه ..؟؟

[ذهبية]

احمد عز اتحاكم و معروف لية عقبال الباقى يارب

طيب لية رشيد محمد رشيد واخد حكم اكتر منة فى السجن و فى الغرامة

دة علشان هو هربان و لا للحكم ابعاد اخرى

ياريت افهمها و اية السبب فى الاختلاف دة