عرض من الكويت

[saka]

انا لسه عضو جديد معاكم و بجد ليا الشرف انيي تقبلوني اخ جديد ليكم

ان شاء الله تعالي و بحول الله وقوته بإذن الله انا قريب حكون معاكم في الكويت

برجاء من الأخوة الافاضل جزاكم الله كل خير الرد علي استفساراتي الأتية و ياريت ماحدش يقولي ابص علي ال 263 صفحة اللي فاتو لأني قريتهم كلهم و برضه ما وصلتش غير لجزء صغير من استفساراتي :

انا إن شاء الله و بفضله مهندس ميكانيكا خبرة 8 سنوات و منهم سنة و نص في أبو ظبي الامارات

انا جايلي offer بـــ 500 دينار كويتي في شركة الخليج الهندسية للمقاولات

السكن عليا بس مكتوب في العقد إنهم حيسلموني سيارة بمجرد إستخراجي لرخصة كويتيه و في اجازة سنوية 30 يوم مدفوعة الأجر و تذاكر الطيران علي حسابهم بس طبعا بنزين العربية عليا لكن صيانتها عليهم و الحوادث عليهم و التأمين سواء العربية أو الصحي عليهم

الإسئلة :

- هل العقد ده مناسب لظروف المعيشة في الكويت و لعدد سنين خبرتي (انا عازب)

- ياريت حد يقولي كام ايجار ستوديو أو غرفة ماستر (غرفة بحمام خاص و منفصل) في منطقة حولي أو السالمية (مرفوض بالنسبة لي مبدأ المشاركة في المكان أفضل العيش بمفردي)

-مصاريف الأكل و الشرب (الحمد لله لا أحب التغليل علي نفسي) اما بنعمة ربك فحدث

-مصاريف البنزين شهريا بالتقريب و مصاريف كروت الشخن شهريا

-عاوز أعرف بكام دينار استطيع شراء خط تليفون (فيفا) رقم عادي طبعا

-الشركة بتاعتي مقرها الصفاة هل هذه المنطقة قريبة من حولي و السالمية

-يتم دفع الايجار في السكن سنوي ولا شهري ؟

-سؤال أخير : سمعت من ناس و الله أعلم إن نسبة الأمن و الأمان في الكويت ضعيفة مش زي الامارات و لازم في السكن أراعي النقطة ده لأن معدل الجريمة منتشر هل الكلام ده صحيح ولا اي هبل لأن انا اعرف ان كل دول الخليج مفيهاش معدل جريمة مرتفع و الله أعلم

- انا معايا رخصة مصرية هل من السهل إستخراج رخصة كويتيه ولا صعب زي الامارات و كام تكلفة إستخراج الرخصة بالتقريب و خلال كام يوم ممكن استخرجها ؟

بالله عليكم لا تبخلوا بالردود و (كان الله في عون العبد طالما كان العبد في عون أخيه) و جزاكم الله خير الجزاء

اتشرفت بمعرفتكم كلكم

[مصري أصيل]

انا لسه عضو جديد معاكم و بجد ليا الشرف انيي تقبلوني اخ جديد ليكم

ان شاء الله تعالي و بحول الله وقوته بإذن الله انا قريب حكون معاكم في الكويت

برجاء من الأخوة الافاضل جزاكم الله كل خير الرد علي استفساراتي الأتية و ياريت ماحدش يقولي ابص علي ال 263 صفحة اللي فاتو لأني قريتهم كلهم و برضه ما وصلتش غير لجزء صغير من استفساراتي :

انا إن شاء الله و بفضله مهندس ميكانيكا خبرة 8 سنوات و منهم سنة و نص في أبو ظبي الامارات

انا جايلي offer بـــ 500 دينار كويتي في شركة الخليج الهندسية للمقاولات

اولاً مرحباً بيك في المحاورات و ان شاء الله نرحب بيك لما توصل الكويت بالسلامه

أحب أقول لحضرتك ان الراتب بالنسبة للكويت مش قوى بس لو كانت الشركة دي فيها آلية لزيادة المرتبات بشكل سنوى بالتاكيد هيكون كويس و بعدين أنت ممكن تجرب نفسك فيها و لو الموضوع مش عاجبك ممكن تحول علي شركة تانيه بعد سنة.

السكن عليا بس مكتوب في العقد إنهم حيسلموني سيارة بمجرد إستخراجي لرخصة كويتيه و في اجازة سنوية 30 يوم مدفوعة الأجر و تذاكر الطيران علي حسابهم بس طبعا بنزين العربية عليا لكن صيانتها عليهم و الحوادث عليهم و التأمين سواء العربية أو الصحي عليهم

ليه طبعاُ البنزين عليك؟؟

لأ في العاده لو كان لك شغل تبع الشركة خارجي بيكون البنزين عليهم و لكن لو شغلك هيكون في الشركة فقط بيكون البنزين عليك

الإسئلة :

- هل العقد ده مناسب لظروف المعيشة في الكويت و لعدد سنين خبرتي (انا عازب)

هو طبعاً بتفرق كتير جداً لو كنت عازب او معاك أسره بس المفروض أن الراتب ميكونش ليه علاقه بده عموماً من خلال الاجابات علي اسئلتك اعتقد انك ممكن تحكم ان كان مناسب و لا لأ

- ياريت حد يقولي كام ايجار ستوديو أو غرفة ماستر (غرفة بحمام خاص و منفصل) في منطقة حولي أو السالمية (مرفوض بالنسبة لي مبدأ المشاركة في المكان أفضل العيش بمفردي)

بالنسبة لإيجار الأستديو أعتقد بيكون من 100 الي 120 دينار بس ده بالنسبة لأماكن زي الفروانيه بس السالميه و حولي ممكن حد من الزملاء يفيدك بس أعتقد مش هتزيد كتير

-مصاريف الأكل و الشرب (الحمد لله لا أحب التغليل علي نفسي) اما بنعمة ربك فحدث

بالنسبة للنقطه دي انت اللي ممكن تتحكم فيها يعني لو هتقضيها مطاعم و تيك أواي اكيد هتتكلف كتير و لو ناوي تتشجع و تدخل المطبخ اكيد الكلفه هتكون أقل عموماً تكلفة الأكل و الشرب في الكويت تعتبر وسط بين السعوديه و الأمارات يعني لا هي عاليه جداً ولا نازله جداً

[مصري أصيل]

أنا إضطريت اجزء المشاركة عشان عدد الاقتباسات المسموح بيه

-مصاريف البنزين شهريا بالتقريب و مصاريف كروت الشخن شهريا

-

مصاريف البنزين هتكون في حدود ال 25 دينار على اقصي تقدير

أما كروت الشحن فللأسف الكويت مازالت غاليه و العروض فيها قليله جداً بالمقارنه بالسعوديه مثلاً و برضه دي على حسب اتصالاتك و فيه حالياً في الكويت اتصالات عن طريق أشخاص بيكون في كل منطقه واحد ممكن تعمل اتصالاك من عنده بخمسين فلس للدقيقه و فيه كمان الاتصال عن طريق الكمبيوتر و ده تقريباً ال 80 دقيقه بدينارين و نص بس لازم يكون عندك نت

عاوز أعرف بكام دينار استطيع شراء خط تليفون (فيفا) رقم عادي طبعا

بدينارين تلاته تقدر تجيب خط

-الشركة بتاعتي مقرها الصفاة هل هذه المنطقة قريبة من حولي و السالمية

الصفاه دي في الكويت العاصمه و هي قريبه من حولي أكتر من السالميه و عموماً الكويت صغيره و أي مشوار مش هيكون اكتر من نص ساعه على اكبر تقدير

-يتم دفع الايجار في السكن سنوي ولا شهري ؟

شهري

-سؤال أخير : سمعت من ناس و الله أعلم إن نسبة الأمن و الأمان في الكويت ضعيفة مش زي الامارات و لازم في السكن أراعي النقطة ده لأن معدل الجريمة منتشر هل الكلام ده صحيح ولا اي هبل لأن انا اعرف ان كل دول الخليج مفيهاش معدل جريمة مرتفع و الله أعلم

- انا معايا رخصة مصرية هل من السهل إستخراج رخصة كويتيه ولا صعب زي الامارات و كام تكلفة إستخراج الرخصة بالتقريب و خلال كام يوم ممكن استخرجها ؟

مين قال لحضرتك كده الكويت أمان جداً مفيش كلام من ده نهائي

بالنسبة للرخصة الأجراءات ممكن تكون طويله شويه بس مش مستحيله و كمان الاختبار بيكون صعب حبتين بس في الاخر بتمشي ما تحملش هم النقطه دي

و فيه ناس بتخلص نفسها بدرى بدرى و بتروح مدرسة المرور و دي النجاح فيها مضمون بس بتتكلف شويه أما الرخصة بدون مدرسة مش بتتكلف غير تكلفة طابع الاختبار لو انا مش ناسي يعني كل مره مش هتعدي من الاختبار هتدفع طابع عشرة دنانير

بالله عليكم لا تبخلوا بالردود و (كان الله في عون العبد طالما كان العبد في عون أخيه) و جزاكم الله خير الجزاء

اتشرفت بمعرفتكم كلكم

احنا اللي لينا الشرف

و عموما لما توصل الكويت بالسلامه اي سؤال أو اي شيء احنا في الخدمه

تم تعديل 15 سبتمبر 2011 بواسطة مصري أصيل

[pocy]

جزاك الله كل الخير مصري أصيل ......كفيت ووفيت بسم الله ماشاء الله

ولكن انا من منظورى ان مهندس ميكانيكا خبره 8 سنوات ومرتب 500 دينار هيبقي قليل وخصوصا ان للاسف المصريين بيوافقوا لانهم بيحسبوها بالمصري ولان حضرتك عازب فالمبلغ هيبقي كويس بالنسبه للمعيشه والتوفير ان شاء الله وافضل من ان تكون تعيل اسره واتمنى ان تكون هناك زياده سنويه حيث ان المدرس الان يقبض اكثر من 500 دينار

بالنسبه للبنزين فالمفروض البنزين بيكون على الشركه او بيدوا لحضرتك كارت بنزين بما يوازى 20 دينار فلو زاد عن ذلك انت اللى بتدفع وده الطبيعي والمعروف هنا وبالاخص للمهندسين واتمنى انك مش تتنازل عن حقك حتى ولو كان فى 100 فلس

ولى عوده ان شاء الله لباقي الاسئله ..............

[saka]

أخي الكريم بجد مش عارف اقولك ايه بس بجد ربنا يبارك فيك و يعطيك الخير

انا عازب و كنت شايف ان العرض م بطال هو مش مناسب لسنوات الخبرة بس انت عارف الوضع هنا في مصر بعد الثورة سيء للغاية و مفيش شغل خالص كفاية اني اقولك اني بقالي 5 شهور من غير شغل و الامارات قافلة الفيز للمصريين وده يعتبر احسن عرض جالي احسن من عرض السعودية كان ب 5000 ريال و عرض قطر 9000 ريال قطري بس الحياة في قطر غالية جدا و تقريبا نفس الشروط و كمان من غير تسليم سيارة

انا نسيت اقولك اني العرض عن طريق شركة سفريات و حتاخد مني نص راتب يعني 5500 جنيه

وانا اديتهم الباسبور و خلصت كل الورق و مستني يجبولي الفيزا

مدير المشاريع قالي ان في زيادة سنوية و كمان في بونص كل سنة

و ربك يكرم

شو حنسوي يا معلم مكتوب ع المهندسين المرمطة و الحمد لله علي كل شيء

دعواتكم معانا و مع مصر

و مرة تانية شكرا يا اخي الحبيب علي اهتمامك و ردك

[مصري أصيل]

أخي الكريم بجد مش عارف اقولك ايه بس بجد ربنا يبارك فيك و يعطيك الخير

انا عازب و كنت شايف ان العرض م بطال هو مش مناسب لسنوات الخبرة بس انت عارف الوضع هنا في مصر بعد الثورة سيء للغاية و مفيش شغل خالص كفاية اني اقولك اني بقالي 5 شهور من غير شغل و الامارات قافلة الفيز للمصريين وده يعتبر احسن عرض جالي احسن من عرض السعودية كان ب 5000 ريال و عرض قطر 9000 ريال قطري بس الحياة في قطر غالية جدا و تقريبا نفس الشروط و كمان من غير تسليم سيارة

انا نسيت اقولك اني العرض عن طريق شركة سفريات و حتاخد مني نص راتب يعني 5500 جنيه

وانا اديتهم الباسبور و خلصت كل الورق و مستني يجبولي الفيزا

مدير المشاريع قالي ان في زيادة سنوية و كمان في بونص كل سنة

و ربك يكرم

شو حنسوي يا معلم مكتوب ع المهندسين المرمطة و الحمد لله علي كل شيء

دعواتكم معانا و مع مصر

و مرة تانية شكرا يا اخي الحبيب علي اهتمامك و ردك

لا شكر على واجب أخي الكريم و الشركة اللى حضرتك جاي عليها من الشركات الكويسه جداً وان شاء الله ربنا يوفقك و زي ما قلت لحضرتك أى شيء أنا فى الخدمه

تقبل تحياتي

[mezo]

الاخوة وفوا هنا بصراحة فى كل الاسئلة وربنا يوفقك ان شاء الله وانت بس حط رجلك فى الكويت وبعدها ان شاء الله لو الراتب مازدش هتلاقى فرص كتيير ان شاء الله وبراتب اعلى وبعد ماتكون اخدت خبرة البلد وده حصل مع ناس كتيير وحتى لو عقدك مش اهالى الى تقدر تنقل منه كفالة على حد تانى ربك بييسرها وقتها وخصوصا ان قوانين العمل ونقل الكفالة فى الكويت تعتبر من احسن دول الخليج واحسن من الامارات الى كنت فاكرها احسن والاسعار فعلا مابين الامارات والسعودية لانى عشت فى التلاتة والرخصة فى الغالب علشان تبقى عارف فى الغالب بتمشى بالرشوة فده طبيعى فى الكويت ووقتى كانت بتتكلف 150 دينار رشوة والورق والطوابع دخلوا فى حدود 30 دينار بس الكويت من غير سيارة عذاب هى فيها اه اتوبيسات بس مش ادمية زى مصر كدة وخصوصا انت اكيد شوفت الاتوبيسات فى الامارات والتكسيات اقل مشوار بدينار بس نصيحتى لو لاقيت حد مشاركة فى السكن وانت عازب بتبقى افضل وبتبقى فرصة انك تكون معارف هناك بس تختار الجار قبل الدار ولو معجبكش الوضع دور على حد تانى انا على فكرة احسن صحاب طلعت منهم من الكويت من مشاركة السكن الى مفيش اسهل منها وبتلاقى اعلانتها فى الوسيط كل يوم خميس وربنا يوفقك يا باشا ان شاء الله والكويت عموما تتحب وروحها حلوة