عمل المرأة في الإسلام

[Alshiekh]

صحيح المرأة غير ملزمة بعمل المنزل في حالة كون زوجها قادر انه يجيب ليها خادمة ، و كام في المية بقي من الشعب المصري يقدر يجيب خادمة ، و الاعلان موجه لكل الناس ، اهي عايزة الستات تتمرد و خلاص

يبقى المفروض تشترطي على رئيس الجمهورية القادم يوفر لكل أسرة خادمة فليبينية على حساب بيت المال أو ماتنتخبيهوش

[جويرية]

مشكلة عمل المرأة دي مشكلة صنعتها الحكومة ، ده من غير الحكومة المشكلة دي غير موجودة علي الاطلاق

و ادينا شايفين هوه القطاع الخاص بيشغل انساء اصلا ، واحد بعد ما يشغل موظفة عنده و بعد ما تاخد خبرة و يعلمها الشغل ممكن تقعد في البيت لي سبب ،

اما القطاع العام بتاع الحكومة فده تكية ، يعني الحكومة الحرامية سايبة شوية من الفتات اللي بيسرقوا و بيوزعوها علي الشعب في صورة مرتبات ، اما الموظفات دول بيشتغلوا ولا لأ ده مش مهم اهي سياسة الدولة انها تشغل الستات و خلاص

و قوانين اجتماعية بقي زي 3 شهور بمرتب للي تولد و ساعة رضاعة و كمان الدولة بتعمل حاضنات علي حسابها من فلوس وزارة الشئون الاجتماعية ، طيب هل يجوز ان الدولة تاخد فلوس دافعي الضرائب و تمعل بيها ملاجئ لأطفال ابوهم و امهم علي قيد الحياة ، اما اللي سمي الحضانة دي ملجأ ، دي واحدة زميلتي ، كانت بتقول انا راحة الملجأ اجيب بنتي انا جاية من الملجأ

المهم الميغة بتاعة الميري دي محدش بيحصلها غير المحظوظين و بقية الستات بيقعدوا في البيت ، من غير شغل

الظلم البين اني اخد تعليم زيي زي الراجل و في نفس الوقت انا غير مطلوبة للعمل

و يستمر الظلم و مفيش فايدة مش شايفة حد يقدر يصلح وضع المرأة غير لو جيه الاسلاميين الحكم

[pink rose]

طبعا الموضوع اتفصفص و كل الاخوة ابدوا اراء محترمة جدا

بس انا حابة اقول رأيي

لو قولنا و عممنا ان بيت المرأة اولى بيها و مهنتها الاساسية الاهتمام بزوجها و اولادها

كلام محترم اوي

بس سؤال لو كل الستات قعدت في بيوتها عشان تفسح مجال للشباب العاطل اولى و الكلام دا

طيب لو واحدة ست دخلت تولد مثلا يبقى اللي هايولدها طبيب و طقم التمريض رجالة كله

في رأيي دي مصيبة

لازم من وجود الطبيبة و الممرضة عشان في مهن ما ينفعش تبقي كلها رجالة

لازم وجود المدرسة عشان مدارس البنات و منع الاختلاط

بصراحة في مهن لابد من وجود المرأة فيها و بقوة و تمكن

لكن دا في حدود عدم التعارض مع واجبها في بيتها و اهتمامها بجوزها و تربية اولادها

و بالتالي انا مع ان عمل المرأة يكون قبل ما تتجوز لعدم وجود مسؤولية مباشرة عليها

و كمان لو امرأة ربنا لم يرزقها باولاد الاهتمام بالبيت و الزوج في الحالة دي بيكون اسهل

او لما الاولاد يعدوا مرحلة احتياجهم و اعتمادهم الكامل علي الام

في الحالات دي ايه اللي يمنع من شغلها طالما ملتزمة بالضوابط الشرعية

الوسط حلو في كل شيئ

خلونا ناخد من كل رأي المفيد و الوسط

لان ما ينفعش نمنع علي الاخر و ما ينفعش نسيب علي الاخر

خير الامور الوسط

علي جنب

يا دكتورة نوران حضرتك طبيبة امراض جلدية انا شعري بيوقع اعمل ايه ؟؟؟

[مغتربة]

بداية حمدا لله علي السلامه

نورتي الموضوع

تعليقي علي كلامك اللي تحته خط

اذا كان الزوج ميسور ماديا , وجب عليه توفير خادمه لزوجته

طيب ولو كان فقير , يبقي ايه الوضع ؟؟

ودلوقتي , نسبة أد ايه من الازواج يقدر يوفر خادمه للزوجه ؟؟

لو الرجل فقير , احسن له ما يفكرش في الزواج علي كده

الله يسلمك

علشان الموضوع ميتشتتش ممكن نفتح موضوع للجزئيه دى

لكن لو حبينا نتكلم فيها بما يخص الموضوع الى احنا فيه دلوقتى هنقول انه لو هو فقير و زوجته خرجت للعمل يبقى اذن هى خرجت للحاجه الماديه لمساعدته فى توفير احتياجات الحياه و فى الحاله دى تكون من المستثنى الكلام عنهم زى ما اتفقنا قبل كدا

مفيش تشتيت ولا حاجه

انا ما قصدتش هنا ان الزوج فقير وزوجته خرجت تشتغل وتساعده

انا قصدت انه فقير مكفي بيته يدوب وزجته مش بتشتغل ، مين هيقوم بشغل البيت هنا

هو ما يقدرش ماديا يجيب لها خادمه ولا يقدر يساعدها عشان بيشتغل مطحون بره البيت ، وهي مش ملزمه تعمل شغل البيت ولا حتي ليها دعوه بالعيال - وده كلامك - يبقي كده البيت مش هيعمر

وفيه من المثال ده كتير

ما احنا اتفقنا ان الحاجات بتتفسر تحت مظله مفهوم الاسلام للزواج و انه موده و رحمه

يعنى هى فى الحاله دى اكيد هتقوم من نفسها بشغل البيت

بس برضه هيكون تطوع منها تثاب عليه

السيده فاطمه عندما ذهبت للرسول تطلب منه ان يعين لها خادم يعينها فى امور المنزل

الرسول صلى الله عليه و سلم دلها على فائده تعينها بدون تعيين خادم

لكن ايضا فى ذات الوقت لم ينكر عليها طلبها لخادم

وى برضه ما اتكلمنا قبل كدا على ان النفقه حق للزوجه على زوجها بما فى ذلك كسوتها مثلا

لكن مش معنى كدتا انها تروح تطلب منه 5000 جنيه مثلا علشان تشترى كسوه ليها و هى عارفه ان مرتبه 500 جنيه لكن لو هى عارفه ان مرتبه 5000 فى الشهر يبقى من حقها تطلب كدا و اكتر كمان علشان تشترى

مادام هى اخداه من الاول و موافقه فقير او اقرب للفقر يبقى هى موافقه ضمنيا انها تتنازل عن بعض حقوقها برضاها

و هى حره فى دا

لكن ساعتها لو خرجت للشغل علشان تساعد مينفعش نقولها لا انت قصرتى فى شغل بيتك

مش عارفه فكرتى كدا وضحت ليكى و لا لسه

اختلف معك تماما في الجزئيه دي

وظيفة المرأه الاساسيه هي الاعتناء بزوجها وتربية ابنائها وطبعا الرضاعه من واجبات الأم الأساسيه مش الاهتمام بالزوج وبس

فتربية الابناء لا تقوم بها مربيه او دور حضانه بل هو دور الأم وواجبها

والأب يشترك معا ولكن بقدر أقل بحكم ظروف عمله

والرضاعه من واجبتها طبعا ويرزقها الله لبن الرضيع بعد الولاده , وطبيا ده أول رابط نفسي وعاطفي بين الأم وطفلها مافيش أي بديل له

ان الله ذكر في كتابه الكريم ان ترضع له أخري في سورة الطلاق يعني اذا حدث طلاق

برضه علشان منتخلش فى مواضيع فرعيه

رضاعه الام لاطفالها من الامور التى اختلف فيها بين فقهاء الاسلام

ما بين راى يقول انها واجبه عليها و لا تاجر عليها الا فى حاله الطلاق

و ما بين من قال انها غير واجبه عليها و لها ان تطلب اجرتها عليها فى جميع الاحوال

و ممن افتى بذلك ابن عثيمين

و المعروف انه فى حاله اختلاف الاراء تقبل كلها

كمان هنا مختلفه معاكي

ايوه الأم اللي تدي جزء من وقتها لشغلها علي حساب أطفالها خصوصا لو لسه صغيرين تبقي انانيه وده رأيي

والأم اللي بتربي ولادها كويس وتعلمهم دينهم صح , ربنا بيرزقها برهم مش العكس

واذا حصل العكس , فأجرها عند ربنا ومش في انتظار المقابل من حد

بالتاكيد رايك الشخصى ليه كل احترامه

لكن راى انا على النقيض تماما

الموروث الشرقى هو الى بيخلينا نفكر بالطريقه دى

لو كل أم ربت ولادها علي العطاء مش علي الأخذ وبس وعلمتهم دينهم صح

هيبروها وده رأيي

مش شرط فى كل الاحيان

سيدنا نوح كان من الانبياء و خرج ليه ابن كافر

و برضه فى سوره الكهف قصه الغلام الى قتله سيدنا خضر لان ابويه صالحين و لو كان كبر كان هيرهقهم طغيانا و كفرا

و عندنا مثل شعبى بيقول بيخلق من دهر العالم فاسد

ومالو لما نزيده قتلا ونسمع آراء جديده

اكيد مفيش مشكله لكن الافضل ان الوقت الى بيستقطع لدا يوجهه لحاجات افيد للبلد فعلا

للتفكير مثلا فى حلول حقيقيه لمشاكلها

او تقديم افاده حقيقيه ليها سواء براى او بفعل

يعنى ترتيب الاولويات

هو ده رأي ناس كتير مش رأيي لوحدي علي فكره

لا يستدل على صحه الفكره بكثره معتنقيها

المهم سلامه منطقها

بس لما الفكره تكون مدعومه بآراء علماء ثقات وفيه إجماع علي رأي واحد وهو عمل المرأه لضروره

الفكره هنا بتكون منطقيه

لا احنا كدا مختلفين

منطقيه الفكره لا يستدل عليها من اجماع او كثره

و انما من توافقها مع المنطق

تحياتى

انت ما ردتيش عليا في الجزئيه دي :

4- بشكل عام عن نفسى ارى ان الموضوع لا يصح فيه القولبه بمعنى ان نقول ان عمل المراه على علته مرفوض او مقبول و لكن لكل حاله ما يناسبها و من الخطا التعميم

هنا كمان العلماء اجمعوا علي وجود ضروره لعمل المرأه وكمان لو هتشتغل فبضوابط كتير

وأنا مش بجادل طالما فيه إجماع

........................................................

وأخيرا يهمني أعرف رأيك في كلام الشيخ الشعراوي في الفيديو اللي في بداية الموضوع

شكرا ليكي

هى الاشكاليه جايه من طريقه التفكير

انت بنفسك صرحت بطريقه تفكيرك و هى ان اهم حاجه عندك هى وجود اجماع

و بالتالى لما تلاقى اجماع مش بتجادلى

لكن انا على العكس

انا ما يهمنى فى المقام الاول سلامه الفكره و منطقيتها

و هذا بالطبع لا يدخل فيه الامور التعبديه او المحدده بنص حتى لا ندخل فى متاها لا مخرج منها

ما يدخل فى باب الاجتهاد

فانا اهتم بشكل الاجتهاد و ملائمته للعقل و توافقه مع المنطق

لا بكثره او بقله السالكين

حتى لو سلمنا جدلا بفكره الخروج لضروره

فهذا يحيلنا لاشكاليه اكبر

و هى معنى الضروره و من الذى يحددها

و اليس استفاده الامه الاسلاميه من علم و عقل فتياتها و بناتها و سيداتها بما يساهم فى تقدمها و رفعتها ضروره و ملحه ايضا

اليس حاجه البلد لفكر و علم بناتها ضروره

هل يجب ان احرم البلد من فكر بنت لها او من عملها او من علمها

هل يجب ان احرم البشريه من دواء كان من الممكن ان تكتشفه سيده او من كتاب كان يمكن ان تؤلفه سيده او من اكتشاف يفيد البشريه او او

لمجرد ان جلوسها فى البيت اولى

اى منطق هذا

هذا الحديث ذكرنى بمناقشه شبيها دخلت فيها منذ عده سنوات للاسف مع بنت و ليس رجل

و كانت تعيد نفس الكلام بحذافيره

و عندما ضاقت بها السبل فى الرد بشكل منطقى

انهت كلامها قائله يا ستى يعنى هى الستات الى بتشتغل دى هى الى هتخترع الذره

ابتسمت فى نفسى حينها طويلا

لانها ربما لا تدرى ان مكتشف الذره فعلا هى سيده

هى مدام مارى كورى

تحياتي

[جويرية]

صحيح المرأة غير ملزمة بعمل المنزل في حالة كون زوجها قادر انه يجيب ليها خادمة ، و كام في المية بقي من الشعب المصري يقدر يجيب خادمة ، و الاعلان موجه لكل الناس ، اهي عايزة الستات تتمرد و خلاص

يبقى المفروض تشترطي على رئيس الجمهورية القادم يوفر لكل أسرة خادمة فليبينية على حساب بيت المال أو ماتنتخبيهوش

هههههه

شغل البيت ده بيدي نشاط و صحة للمراة و اهو ارحم من تمارين الجيم اللي بتقطع النفس

و بعدين العلاقة بين الزوجين مش موضوع حقي و حقك ، و بعدين هيا الست لما تخدم ولادها دي حاجة مهينة ، دي هيا بتعمل كل حاجة بحب و بتبقي سعيدة

و بعدين لو هيا عارفة حقوقها كويس بقي و حتشرط موضوع الخادم ده و ندور في الكتب القديمة و نشوف حق الزوج و حق الزوجة

حتلاقي ان الزوج مش مكلف بكل النفقة اللي بينفقها علي الزوجة و ان كل اللي بينفق عليها ده فضل منه

[نوران]

طبعا الموضوع اتفصفص و كل الاخوة ابدوا اراء محترمة جدا

بس انا حابة اقول رأيي

لو قولنا و عممنا ان بيت المرأة اولى بيها و مهنتها الاساسية الاهتمام بزوجها و اولادها

كلام محترم اوي

بس سؤال لو كل الستات قعدت في بيوتها عشان تفسح مجال للشباب العاطل اولى و الكلام دا

طيب لو واحدة ست دخلت تولد مثلا يبقى اللي هايولدها طبيب و طقم التمريض رجالة كله

في رأيي دي مصيبة

لازم من وجود الطبيبة و الممرضة عشان في مهن ما ينفعش تبقي كلها رجالة

لازم وجود المدرسة عشان مدارس البنات و منع الاختلاط

بصراحة في مهن لابد من وجود المرأة فيها و بقوة و تمكن

لكن دا في حدود عدم التعارض مع واجبها في بيتها و اهتمامها بجوزها و تربية اولادها

و بالتالي انا مع ان عمل المرأة يكون قبل ما تتجوز لعدم وجود مسؤولية مباشرة عليها

و كمان لو امرأة ربنا لم يرزقها باولاد الاهتمام بالبيت و الزوج في الحالة دي بيكون اسهل

او لما الاولاد يعدوا مرحلة احتياجهم و اعتمادهم الكامل علي الام

في الحالات دي ايه اللي يمنع من شغلها طالما ملتزمة بالضوابط الشرعية

الوسط حلو في كل شيئ

خلونا ناخد من كل رأي المفيد و الوسط

لان ما ينفعش نمنع علي الاخر و ما ينفعش نسيب علي الاخر

خير الامور الوسط

علي جنب

يا دكتورة نوران حضرتك طبيبة امراض جلدية انا شعري بيوقع اعمل ايه ؟؟؟

رأيك ُيحترم يا ريم

بالنسبه لسقوط الشعر ، ممكن يكون سببه فيسيولوجي زي الحمل والإرضاع

فنتأكد الأول من موضوع الحمل ده

وممكن يكون سببه نفسي

يعني لو فيه حاجه مزعلاكي أو مشدوده ممكن الشعر يقع بزياده

كمان الإرهاق والمجهود الزياده

وأهم سبب عضوي هو الأنيميا ، ودي هتحتاج تحليل نسبة الهيموجلوبين وصورة دم

لو فيه لا قدر الله أي أمراض بتأثر برضو حتي لو درس مسوس ومش متعالج

لو محتاجه نظاره ومش عاملاها أو مش بتلبسيها

أي حاجه من اللي قلتهم لازم تتعالج وبعد كده فيه تشكيلات فيتامينات ومعادن زي hair and nail أو mineravit أو أي أنواع أخري

ودي بتتاخد كبسوله يوميا بعد الغداء

ويا ريت تاكلي فاكهه وخضار فريش كتير

كمان فيه العلاجات الموضعيه ، زي diprosalic وده مش غالي وزي regain

ودول لتدليك فروة الرأس مرتين يوميا

والنتيجه بتبدأ تبان بعد 3 - 6 شهور من بداية الاستخدام

وفي النهايه هو أساسا الشعر بيتلكك عشان يقع

كلنا كذلك ، ما تقلقيش

أي خدمه يا أم مريم

[abaomar]

السلام عليكم

الاخوه الكرام جزاكم الله خيرا

الله يسامحك يا قاسم يا امين

ادى قرن عدى و المرأه خرجت من بيتها فعلى ماذا حصلت

صارت سلعه و اعلان عن الكاوتش و الايسكريم و بلدوزرات رصف الطرق

فضلا عن امتهانها فى ما هو مخالف تماما لطبيعتها و دورها فى الحياه الذى اختاره لها خالقها

.

على ما فهمت و قرأت الاسلام يبيح عمل المرأه فى حالتين اثنين فقط

عند حاجتها الشديده للعمل ان لم تجد من يعولها

عند حاجه عمل ما للمرأه لا يقوم به غيرها او يفضل ان تقوم هى به كتدريس البنات و النساء و طب النساء او ما شابه ذلك

.

عدا ما سبق لم تجنى المرأه و الاسره بالتبعيه من عمل المرأه الا الخراب و الدمار

و انظروا الى الغرب نفسه و نساء الغرب انفسهن و كيف هى الدعوه و الرغبه للعوده للبيت و كيف انهار المجتمع الغربى برمته

و الانحلال الاخلاقى و اولاد الزنا و العلاقات المحرمه وو الكثير مما نراه و نسمع عنه

.

كل ميسر لما خُلِقَ له

عمل المرأه فى بيتها مناسب تماما لطبيعتها و خلقتها و لا ينقص من قدرها او مكانتها ان تطبخ و تنظف او تحمل و تلد و ترضع

تستطيع المرأه ان تحمل و تتحمل ما لا يتحمله الرجال فى الحمل و الولاده تسعه اشهر و عامين للرضاعه

و اعوام للتربيه و المثابره مع الاولاد فى لوقت الذى لا تتحمل ان تعمل فى المعمار مثلا و تحمل

قصعه ..مونه.. لدورين فضلا عن اكثر بل انها لا تتحمل الطلوع للدور الثانى مثلا بانبوبه البوتاجاز

.

يا ساده و يا سيدات

لقروووووون طويله و حتى اليوم و غدا و الى قيام الساعه للمرأه مكانها و دورها و للرجل كذلك

و ما خربت الاسره الا بتلك الدعاوى التى رأينا باعيننا زيفها و فشلها .

.

الاخت الفاضله مغتربه

مدام كورى عالمه و مجتهده لا شك فى ذلك و هى استثناء ضيق جدا يؤكد القاعده و رغم ذلك

تابعى قصه حياتها قبل و بعد زواجها من بيير كورى زوجها الذى شاركها فى جائزه نوبل الاولى التى حصلت عليها

ستجدى ان دور بيير كورى فى حياتها كان له الاثر الكبير فى نبوغها و شهرتها و ان لقب كورى هو لزوجها كحال الغرب

الذى ينسب المرأه لزوجها قسرا و يهيل التراب على اصل نسبها و هو ابوها و يا لذلك من ظلم و امتهان للمرأه .

تم تعديل 20 سبتمبر 2011 بواسطة abaomar

[نوران]

عزيزتي مغتربه

رأيك محل احترام وتقدير

وأنا أهم جزئيه كنت بتكلم بخصوصها هي لما يكونوا الأطفال صغيرين وفي حاجه لتفرغ أمهم

والحاله الماديه تسمح إنها تسيب شغلها عشان أطفالها ، وده من وجهة نظري أهم بكتير من الشغل

ولو كنت قرأتي مداخلاتي في الأول كنتي عرفتي اني قلت إن أنا شخصيا هنزل الشغل تاني بس لما أقدر أسيب ولادي لوحدهم وانا مطمئنه ، وعارفه إنهم يقدروا يعتمدوا علي نفسهم

بالنسبه لطريقة تفكيري ،فأنا مش بفرضها علي غيري ، لكن شايفه إن الإجماع دايما بيكون علي حق مش باطل

والغريب ان الشيخ الشعراوي ، رحمه الله ، كان رأيه الأكثر تشددا عن شيوخ السلفيه اللي دايما الناس بتتهمهم بالتشدد

لدرجة انه وصف خروج ابنتا سيدنا شعيب لسقاية الغنم بالمصيبه وكان هناك اضطرار لأن ابوهما شيخ كبير

وذكر ان من واجب المجتمع المسلم انه يوجد حلول لأي امرأه بدون عائل بحيث يغنيها عن الأضطرار للنزول للعمل ، رحمة الله عليه

تحياتي

تم تعديل 20 سبتمبر 2011 بواسطة نوران

[جويرية]

الاخوة الموافقون علي ان المرأة تقعد في بيتها افضل من العمل

هل يا تري بيفكروا يرحموا بناتهم من عناء اطنان الكتب اللي مفروض تتحفظ و نكتفي بشهادة الثانوية العامة مثلا

بلتأكيد حيكون الرد لا ، عشان طبعا اما ييجليها عريس يبقي في نفس المستوي الاجتماعي و عشان محدش ضامن الظروف وممكن تحتاج للشغل

طب و ايه الحل ، حنفضل في الدائرة دي لغاية امتي بدون مخرج

تم تعديل 20 سبتمبر 2011 بواسطة جويرية

[لماضة مصرية جدا]

السلام عليكم و رحمة الله و بركاته

الحقيقة انا بقترح ان التوبيك يكون في باب موضوعات شخصية

و ده لاني بشوف ان عمل البني آدم سواء رجل او امراة هو قرار شخصي

و مش محتاج اني ادور علي فتوي هنا و لا هناك علشان احلل بيها شيء او احرمه من وجهة نظر تانية

المووضع الجدلي بتاع "عمل المرأة" بلاقيه كل مرحلة بيطلع علي السطح و دايما بينتهي بفريقين ناس تؤيد و ناس تعارض و الكل بيتسابق انه يجيب دليل من الدين ان وجهة نظره هي الصح

وجهة نظري الشخصية

محدش سأل نفسه بدل ما يا تري هو اني احسن للست تركب الاتوبيس و لا تسوق العربية بنفسها...(ده قياسا علي الامور الجدليه اللي بنشغل نفسنا بيها)

ليه منسالشي نفسنا....احنا بنشتغل ايه

يا تري انا كبني ىدم راجل او ست بقدر اغير في المجتمع اللي انا عايش فيه

و المجتمع ده يعني مش لازم يكون الكون بحاله ...لكن ممكن يكون دايرة الناس اللي مسئولين مني و انا مسئولة منه

يا تري انا قادر سواء راجل او ست اني اكون انسان ايجابي و اعيش الدين باخلاقي و اكون الدين اللي بيمشي علي رجلين بروحه الحقيقية

يا تري انا قادر اتفاعل مع معطيات الواقع بتاعي بكل ايجابية سواء انا قاعد في البيت و لا ماشي في الشارع و لا حتي بره المكان و في مكان تاني خالص

يا تري انا بني آدم سواء راجل او ست قادر اني اوظف كل اللي ربنا حباني بيه من عقل و روح و فكر اني اكون سبب انور الطريق للي حواليا حتي عابري السبيل....يمكن بكلمة....و يمكن بفعل و يمكن بدعوة صادقة من القلب

المشكلة مش ان احنا نتجادل هي الست تشتغل و لا لا

انا شخصيا بشوفه قرار شخصي بحت...و مش عارفة بتتكلموا ليه من ناحية دينية...الدين يجي لما حد يسالني يا تري بتراعي ربنا في شغلك....يا تري بتراعي ربنا في ولادك يا تري بتراعي ربنا في ابوكي و امك

لكن اني انزل من بيتي و اشتغل...هو قرار زي اي قرار تاني في الحياة...يستوي فيه الراجل و المرأة....و اللي هياخده يتحمل تبعاته و مسئولياته و التزاماته

و لو وصل لمرحلة انه هيتراجع عن القرار ده يبقي برضه حرية شخصية و شخصيا لا اراه انه هو ده الطريق اللي هيقرب لربنا

انا ممكا اقعد في البيت و مكونشي بصلي....موجود

و ممكن اقعد في البيت و اكون منارة انور الطريق مش بس لغيري...اكون قادرة اني انمي قدراتي و عقلي و مهاراتي

و ممكن برضه انزل الشغل و ابقي زي اي جماد عمري ما هضف اي حاجة و هتمر بيا السنين...في دوامة الروتين

و ممكن اكافح علشان اصنع حلقة التغيير اللي من وجهة نظري جزء من "استخلاف ربنا ليا في الارض لاعمارها"

كله موجود

و كله قائم

و ده قرار شخصي

و دي وجهة نظري الخاصة مش راح افرضها علي اي بني آدم سواي

تحياتي

[لماضة مصرية جدا]

الاخوة الموافقون علي ان المرأة تقعد في بيتها افضل من العمل

هل يا تري بيفكروا يرحموا بناتهم من عناء اطنان الكتب اللي مفروض تتحفظ و نكتفي بشهادة الثانوية العامة مثلا

بلتأكيد حيكون الرد لا ، عشان طبعا اما ييجليها عريس يبقي في نفس المستوي الاجتماعي و عشان محدش ضامن الظروف وممكن تحتاج للشغل

طب و ايه الحل ، حنفضل في الدائرة دي لغاية امتي بدون مخرج

السلام عليكم و رحمة الله و بركاته

استوقفتني عبارة حضرتك اللي لونتها باللون الاحمر و تذكرت موضوع كنتي حضرتك فتحتيه قبل كده عن ايه لزمة تعليم البنت القراية و الكتابة

مصيبة لو هنقول ان التعليم مجرد قراية و كتابة و اطنان كتب و حفظ و نقف عند الثانوية العامة

اعذريني في اللفظ استاذتي

بس فعلا مش لاقية غيره

لان حضرتك كده بتقدمي صورة هزيلة و هشة جدا للبنت المسلمة...اللي بنختزلها في ماكنة فقط لحفظ الكتب و بعدين حفظ الطعام في الثلاجة...(مش حضرتك بتقولي تبقي قاعدة مستنية العريس...يبقي اكيد هي كمان راح تتحفظ في التلاجة و يقف نموها لغاية ما سبع الرجالة يهل عليها)

الدواير المفرغة اللي حضرتك افترضتيها بتكون من صنع الانسان و افكاره و ليست من صنع الدين و لا المجتمع

احنا اللي بنحط نفسنا في قالب و بنصر نلف و ندور حواليه

و بدل ما نكون علي قدر من الصراحة مع نفسنا....و نكون من الشجاعة ان احنا ناخد قراراتنا و نتحمل تباعاتها بنستسهل ان احنا نلقي المسئولية يا علي الدين يا علي المجتمع

البنت او المرأة المسلمة من وجهة نظري قادرة انها تغير شكل الكون بحاله بافكارها و طريقة تفكيرها و علمها

و ده مش وقف علي وجوده في البيت او خروجها للشارع

المرأة كيان رائع و ليست قطعة جسد مجرد تواجدها في الشارع كفيل باثارة الفتنة

فكرة سقيمة بنروج ليها و مالهاش اي اساس من الصحة لغاية ما صدقناها و عشنا بيها و ابتدينا نزرعها قهرا و قسرا في دماغ كل بنت

المرأة في الاسلام...اعظم تأثيرا و أكثر عمقا من ان احنا نختصرها في يا تري هتقعد في البيت و لا هتنزل في الشارع

دي وجهة نظري

و لكي مني كل الاحترام

[abaomar]

الاخوة الموافقون علي ان المرأة تقعد في بيتها افضل من العمل

هل يا تري بيفكروا يرحموا بناتهم من عناء اطنان الكتب اللي مفروض تتحفظ و نكتفي بشهادة الثانوية العامة مثلا

بلتأكيد حيكون الرد لا ، عشان طبعا اما ييجليها عريس يبقي في نفس المستوي الاجتماعي و عشان محدش ضامن الظروف وممكن تحتاج للشغل

طب و ايه الحل ، حنفضل في الدائرة دي لغاية امتي بدون مخرج

السلام عليكم

ابنتنا العزيزه جويريه :) ..رزقك الله رزق امك .جويريه بنت الحارث .. أمين

لا تعارض إطلاقابين تربيه و تثقيف و تأهيل البنت دينيا و دنيويا حتى الى ارقى الدرجات

و بين ان تتفرغ الى اهم وظائفها فى الحياه ان تكون زوجه صالحه وام رؤوم متفرغه لاجل الوظائف

الا و تنشئه و تربيه المجتمع المسلم الصالح لتأديه وظيفته فى الحياه من الاستخلاف و عماره الارض فى

للوصول للهدف و الغايه من الخلق ..عباده الله ..عز و جل كما امر ووجه .

و امامى نموذج عايشته

ام اولادى جزاها الله كل الخير صيدلانيه متفوقه فى دراستها و عملها

تفرغت للبيت بعد زواجنا و اتم الله عليها نعمته بحفظ القرأن كاملا فضلا عن متابعه و تلقى العلوم الشرعيه

فى معاهد متخصصه و لله الحمد تتابع اولادى فى ذلك فاتمت ابنتى الكبرى حفظ القرأن كله و هى دون ال 14 سنه

و اخوتها على الطريق بفضل الله

يا جويريه من يريد و يصدق النيه يفعل و بالمناسبه التعليم ليس سبب لجلب الرزق ..كم من جهلاء يرزقهم الله .

[مغتربة]

.

الاخت الفاضله مغتربه

مدام كورى عالمه و مجتهده لا شك فى ذلك و هى استثناء ضيق جدا يؤكد القاعده و رغم ذلك

تابعى قصه حياتها قبل و بعد زواجها من بيير كورى زوجها الذى شاركها فى جائزه نوبل الاولى التى حصلت عليها

ستجدى ان دور بيير كورى فى حياتها كان له الاثر الكبير فى نبوغها و شهرتها و ان لقب كورى هو لزوجها كحال الغرب

الذى ينسب المرأه لزوجها قسرا و يهيل التراب على اصل نسبها و هو ابوها و يا لذلك من ظلم و امتهان للمرأه .

مدام كورى ليست استثناء الا لمن يريد ان يراه كذلك

كل يوم ملايين النساء يثبتن جدارتهن فى شتى ميادين عملهن

و كل يوم تحصد الكثيرات منهن جوائز تقديرا لما قدمته للعلم او للعمل

و لدينا فى مصر مارى كورى الخاصه بنا و هى سميره موسى

و غيرهن كثيرات

و يجب عند التقييم ان يكون التقييم مع مراعاه الاطار الزمنى الذى سمح للنساء فيه بالعمل بحريه و هو لا يتعدى قرن من الزمان فى عمر البشريه المقدر بالاف السنين

اما عن موضوع رعايه زوجها لها فلا افهم ما علاقته بالموضوع

اذا كانت تفوقت لان زوجها رعاها و ساندها فهذا ايضا ينطبق على الالاف الرجال الذين تفوقوا و ايضا كان بجانبهم زوجاتهم ترعاهم و تساندهم فى مسيرتهم

و مقوله وراء كل عظيم امراه لم تاتى من فراغ

المهم انها هى بنفسها من بحثت و جدت و لم يسلفها احد عقله بل وصلت لما وصلت له بعقلها و علمها هى

اما موضوع كنيه الزوجه بلقب عائله زوجها فى الغرب فلا ارى له اى علاقه بالموضوع

فلا هذا سبب تقدم الغرب و لا تخلفهم

و لا ينطوى الامر على اى امتهان للمراه

هى مجرد عادات و تقاليد لديهم

كما انها لها الحريه فى اختيار الكنيه التى تنادى بها و اذافضلت الاحتفاظ بكنيتها الاصليه فلها هذا

فلا هو اجبار او امتهان

و اذا كنت انت تفسره بالشكل هذا فكثيرون يفسرونه انه نوع من انواع التودد لتلك الزوجه الجديده

فاضافتها لكنيه عائله الزوج

تعنى ان عائله زوجها اصبحت تعتبرها واحده منهم تماما كابنها و ليس كما انت فسرتها

و فى النهايه كما قلت لها الحق فى اختيار كنيتها و لا تجبر عليها

و ليس هذا بالامر الذى نتوقف عنده من الاساس عند مناقشه تجربه المراه فى الغرب

[abaomar]

السلام عليكم

اختى الفاضله مغتربه

لو لاحظتى انى ذكرت موضوع الانتماء لعائله الزوج فى اخر الكلام و لم اتوقف عنده كثيرا و كان غرضى

بيان وجه اخر من اوجه عدل الاسلام و تكريمه للمرأه التى امتهنها الغرب و حضارته بدء من الغاء اصلها و فصلها

بتغيير كنيتها الى زوجها و ليذهب ابوها الى حيث شاء ..مرورا بمستوى الرواتب وصولا الى الميراث و قوانينه الجائره

و بينها امتهان شديد للمرأه ووضعها فى الصوره المهينه التى نراها اليوم تحت شعار و إطار المساواه التى

يستحيل تحقيقها بكل المقاييس و الاعراف و كوارث الغرب و مأسيه بسبب اخراج المرأه من مكانها و مكانتها غنيه عن الاسهاب فيها.

ثم اى جداره تتحدثين عنها و اشهر مصممى الازياء النسائيه و اغلبهم من الرجال

بل و اغلب و اشهر الطهاه من الرجال ..و ازيدك اشهر اطباء النساء و الوليد على مستوى العالم من الرجال

لا ينفى هذا وجود نماذج استثنائيه جدا تؤكد القاعده ان الرجل خلقه الله لوظائف معينه لا تقدر عليها المرأه

و العكس صحيح ايضا و لا يعيب احدهما عمله ووظيفته

و كون هناك من يستنكف ان تطبخ المرأه و تعمل فى بيتها و تربى ابنائها فذلك قصور لديه يخالفه فطره

عاشتها البشريه حتى من قبل الاسلام الذى جاء و قنن و اكرم المرأه و اعطاها ما لم تعطها اياه حضاره او تشريع اخر

و ارجع و اقول اعملى احصائيه عن الاسماء البارزه فى اى مجال من النساء و قارنى المقابل لها من الرجال

تجدى لا مقارنه رغم ان المقارنه جائره جدا فى حق المرأه التى خلقها الله عز و جل لوظيفه و مكان محدد و معروف

يناسب فطرتها و خلقتها و اى تعد على ذلك يؤدى الى ما نراه .

تحياتى

[عبير يونس]

ماذا عن النساء المطلقات و الأرامل و اللاتي لم ينجبن؟؟

و ماذا عن الزوجات اللائي لم يرزقهن الله بالأبناء؟

ماذا عن من لم تتزوج أصلا و فاتها قطار الزواج كما يقول مجتمعنا ؟

ماذا عن هؤلاء؟

أهن ضد الفطرة يا أستاذي الفاضل؟

و ماذا يا ترى دورهن في الحياة بدون وجود الرجل؟

ثم من قال أن الزواج أصلا فرض؟

هل تأثم من لم تتزوج لتقوم بالدور الذي تحدثت عنه حضرتك؟

أريد إجابة

[abaomar]

ماذا عن النساء المطلقات و الأرامل و اللاتي لم ينجبن؟؟

و ماذا عن الزوجات اللائي لم يرزقهن الله بالأبناء؟

ماذا عن من لم تتزوج أصلا و فاتها قطار الزواج كما يقول مجتمعنا ؟

ماذا عن هؤلاء؟

أهن ضد الفطرة يا أستاذي الفاضل؟

و ماذا يا ترى دورهن في الحياة بدون وجود الرجل؟

ثم من قال أن الزواج أصلا فرض؟

هل تأثم من لم تتزوج لتقوم بالدور الذي تحدثت عنه حضرتك؟

أريد إجابة

السلام عليكم

اختى الكريمه بارك الله فيكى

كتبت اعلاه اننى فهمت و قرأت ان الاسلام يبيح عمل المرأه فى حالتين لا ثالث لهما

حاجه المرأه للعمل حين لا تجد من لا يعولها

حاجه عمل ما للمرأه كتلك المختصه بالنساء كالتعليم و التطبيب ..

على ذلك الاستثناءات التى تفضلتى بذكرها يمكنك وضعها فى اى اطار مما سبق

ذكره و التى فى كل الاحوال لن تغير من الفطره و المبدأ الذى سارت عليه الدنيا منذ نشأتها

و هى ان لكل مكانه و مكانته ووظيفته التى حددها

من رفع السماء بغير و ان اى عبث فى تلك

الفطره رأينا اثره بأم اعيننا ليس فقط فى الغرب منتكس الفطره بل فى بلاد الاسلام

فلماذا الاصرار على إعاده اختراع العجله

الاغرب من كل هذا حاله الاستنكاف و الازدراء من ان يكون للمرأه وظيفه اساسيه فى بيتها

هى رعايه هذا البيت و القيام على شئونه و كأن ذلك يجعلها فى مكانه اقل من الرجل و هذا شئ عجيب

على هذا فلن يتغشى الرجل زوجته لينجب منها فذلك يجعله ..بهذا المنطق .. اعلى منها مكانه ..!!!!!

و هذا غير مقبول عند البعض :closedeyes: .

اما موضوع الزواج و فرضيته و سنيته فهى فتوى لا استطيع الرد عليها و لنرجع الى اهل الذكر بخصوص ذلك لو تكرمتى ..

تم تعديل 20 سبتمبر 2011 بواسطة abaomar

[جويرية]

الاخوة الموافقون علي ان المرأة تقعد في بيتها افضل من العمل

هل يا تري بيفكروا يرحموا بناتهم من عناء اطنان الكتب اللي مفروض تتحفظ و نكتفي بشهادة الثانوية العامة مثلا

بلتأكيد حيكون الرد لا ، عشان طبعا اما ييجليها عريس يبقي في نفس المستوي الاجتماعي و عشان محدش ضامن الظروف وممكن تحتاج للشغل

طب و ايه الحل ، حنفضل في الدائرة دي لغاية امتي بدون مخرج

السلام عليكم و رحمة الله و بركاته

استوقفتني عبارة حضرتك اللي لونتها باللون الاحمر و تذكرت موضوع كنتي حضرتك فتحتيه قبل كده عن ايه لزمة تعليم البنت القراية و الكتابة

مصيبة لو هنقول ان التعليم مجرد قراية و كتابة و اطنان كتب و حفظ و نقف عند الثانوية العامة

اعذريني في اللفظ استاذتي

بس فعلا مش لاقية غيره

لان حضرتك كده بتقدمي صورة هزيلة و هشة جدا للبنت المسلمة...اللي بنختزلها في ماكنة فقط لحفظ الكتب و بعدين حفظ الطعام في الثلاجة...(مش حضرتك بتقولي تبقي قاعدة مستنية العريس...يبقي اكيد هي كمان راح تتحفظ في التلاجة و يقف نموها لغاية ما سبع الرجالة يهل عليها)

الدواير المفرغة اللي حضرتك افترضتيها بتكون من صنع الانسان و افكاره و ليست من صنع الدين و لا المجتمع

احنا اللي بنحط نفسنا في قالب و بنصر نلف و ندور حواليه

و بدل ما نكون علي قدر من الصراحة مع نفسنا....و نكون من الشجاعة ان احنا ناخد قراراتنا و نتحمل تباعاتها بنستسهل ان احنا نلقي المسئولية يا علي الدين يا علي المجتمع

البنت او المرأة المسلمة من وجهة نظري قادرة انها تغير شكل الكون بحاله بافكارها و طريقة تفكيرها و علمها

و ده مش وقف علي وجوده في البيت او خروجها للشارع

المرأة كيان رائع و ليست قطعة جسد مجرد تواجدها في الشارع كفيل باثارة الفتنة

فكرة سقيمة بنروج ليها و مالهاش اي اساس من الصحة لغاية ما صدقناها و عشنا بيها و ابتدينا نزرعها قهرا و قسرا في دماغ كل بنت

المرأة في الاسلام...اعظم تأثيرا و أكثر عمقا من ان احنا نختصرها في يا تري هتقعد في البيت و لا هتنزل في الشارع

دي وجهة نظري

و لكي مني كل الاحترام

ازيك يا ريهام عاملة ايه

و الله يا ريهام احنا قاعدين بناقش حاجة مش موجودة

الستات مفيش حد بيشغلهم اصلا بصي علي اي شركة ولا مصنع و لا فندق و شوفي كام عدد الستات للرجالة ، كام واحد لمية

انا طبعا بتكلم عن الاعمال المحترمة اللي مش بتعتمد علي شكل المرأة ، خدي بالك وظايف كتير المرأة بتاخد نصف مرتب الراجل ، ليه بقي عشان فيه منها كتير قاعدين من غير شغل

انا طبعا بتكلم عن القطاع الخاص ، صاحب العمل الخاص حريص علي ماله و عارف بيصرفه ازاي ،

هل ممكن يشغل واحدة لو عنده ضغط شغل تقوله لأ اسفة مقدرش اتأخر عن الساعة كذا ، هل ممكن يشغل واحدة ممكن في اي وقت تقرر انها تتفرغ لبيتها وولادها و تسيبله الشغل

هل غلط اني اقول حرام تدونا تعليم و احنا غير مطلوبين للعمل

اما القطاع العام فده قصة اخري زي ما ذكرتها في مداخلة سابقة

اهو انا كنت مدرسة كمبيوتر ، كنت بعلم الولاد برامج الوورد و الاكسل و قواعد البيانات و البور بوينت ،

و الطالب لما يتخرج مش بيستخدم الكلام ده في عمله ، يبقي ايه الفايدة اللي انا عملتها ، ايه الانجاز اللي انا فدت بيه مجتمعي

اهو قاعدين بنحفظ الطلبة و خلاص ، و بعد كدة يخرج يلاقي الدنيا و الشغل غير كدة خالص

[جويرية]

السلام عليكم

ابنتنا العزيزه جويريه ..رزقك الله رزق امك .جويريه بنت الحارث .. أمين

لا تعارض إطلاقابين تربيه و تثقيف و تأهيل البنت دينيا و دنيويا حتى الى ارقى الدرجاتو بين ان تتفرغ الى اهم وظائفها فى الحياه ان تكون زوجه صالحه وام رؤوم متفرغه لاجل الوظائف

اشكرك جزاك الله خيرا

ارقي الدرجات يعني ازاي ، يعني مثلا ممكن واحد بعد ما فني عمره في دراسة الطب أقوله لأ انا قررت انك تبتدي دراسة الهندسة

اذا كان حضرتك مقتنع ان المرأة في بيتها افضل ، يبقي الشهادة الدراسية دي عبارة عن حلية ولا زينة ، بس هيا حلية مكلفة جدا بصراحة

الاخوة السلفيين عندهم قدرة انهم يخالفوا مجتمعهم و يفعلوا ما يروه صواب ،

انا شايفة ان لو كذا اسرة مقتنعين ، ان الشهادة دي حاجة ملهاش لازمة ، ممكن يزوجوا بناتهم من بعض ، يبقي كدة رحموا بناتهم من عناء المذاكرة و الحفظ ، وريحوا نفسهم من مصروفات الدراسة

[نوران]

معاكي حق يا بركة

و احنا قلنا كده في اول الموضوع

انما نوران مصرة تقنعنا برأيها ان هو فقط الصح

و ده خللى من الطبيعي ان كل واحد يدافع عن وجهة نظره

اقول لك حاجة يا نوران

انا عارفة ان قلبك طيب

و ناوية خير

بس بجد رأيك يخللي كل واحدة بتشتغل عشان الحاجة المادية نفسها تنكسر

و متقبلش على العمل

و تحس انها انحرمت من نعمة المال اللي يخلليها تقعد في البيت و ما تحتاجش تخرج

خصوصا لو كانت مجبرة على الشغل

حبيبتي عبير

أول مرة أشوف المداخله دي النهارده

وحبيت أأكد إن الكلام اللي قلته قبل كده ده مش رأيي خالص

ده رأي علماء وشيوخ محترمين

أنا فقط نقلته ، لا أكثر ولا أقل

وعشان كده ، هدي الإسلام كان هو أنسب مكان للموضوع ده

وفيديوهات بعض الشيوخ موجوده في أول صفحه

بأكد ان ده مش رأيي اللي بفرضه عليكم ، ده رأي علماء وشيوخ انا نقلته وبس

و لو قلتي مش باوجه لها الكلام

يبقى بتجرحيها اكتر

لأنها حقيقة مجتمعية و نسبتها كبيرة جدا

بجد ، مش قادره أفهم فين هو الجرح ده وازاي يعني

لما هي الشرع استثناها تنزل لضروره ، يبقي انا جرحتها في إيه

كلامك موجه لفئة معينة من الناس

و بجد ما ينفعش تعميمه

و إفراده بالتحليل

تحياتي

الكلام موجه لنسبه كبيره

بتقصر في حق أسرها عشان شغلها

تحياتي

تم تعديل 21 سبتمبر 2011 بواسطة نوران

[جويرية]

ماذا عن النساء المطلقات و الأرامل و اللاتي لم ينجبن؟؟

و ماذا عن الزوجات اللائي لم يرزقهن الله بالأبناء؟

ماذا عن من لم تتزوج أصلا و فاتها قطار الزواج كما يقول مجتمعنا ؟

ماذا عن هؤلاء؟

أهن ضد الفطرة يا أستاذي الفاضل؟

و ماذا يا ترى دورهن في الحياة بدون وجود الرجل؟

ثم من قال أن الزواج أصلا فرض؟

هل تأثم من لم تتزوج لتقوم بالدور الذي تحدثت عنه حضرتك؟

أريد إجابة

يعني في الحالة دي ممكن يكون الشغل كويس لها ، و برضو ممكن يكون الشغل بمشاكله اليومية بالمجهود الذهني و الجسماني اللي فيه برضو ممكن يبقي عبأ عليها ، و هيا الواحدة تشوف الانسب لها ، لو عندها حياة اجتماعية مستقرة و اهلها حواليها يبقي ممكن مش تشتغل ، لا حتقعد طول اليوم وشها في وش الحيطة يبقي الشغل حتي لو فيه مشاكل اصلح لها