القوى السياسية الى اين؟؟؟

[abobakr]

انا شايف ان القوى السياسية انحرفت على المسار المفروض اللي يمشوا فيه

شايف انهم بيدورا على مصلحتهم قبل مصلحة الوطن

شايف ان كل واحد عاوز يعمل زعيم وهوا اللي خلع مبارك

ليه يا جماعة التفكك ده؟؟؟

ليه الاخوان خلاص اخدت جنب العسكر وحبيبنا يا عسكر

ليه السلفيين واخدين جنب ومش بيطلعوا في مليونيات عشان السبب ان اللي دعى للمليونية ليبرالين او علمانين رغم ان مطالب المليونية الكل متفق عليها

ليه 6 ابريل متنزلش اخر مليونية بحجة ان الدعوة جت متأخر هوا انتوا مدعوين لفرح والبدلة مش نضيفة؟؟

بجد يا جماعة انا شايف ان القوى السياسية بدأت تدور على مصلحتها وبس

والمشكلة ان فيه ناس من متبعين القوى السياسية مش بيشوفوهم غلطوا

يعني بعد ما هانزل الموضوع بتوع الاخوان هايهجموني ويقولوا الاستقرار

والسلفيين هايهجموني ويقولوا لازم مش نمشي ورا واحد كافر

و6 ابريل هايهجموني ويقولوا الجيش ضاغط علينا

ابعدوا عن التحزب اللامحمود واحسبوها صح وشوفوا مصلحة بلدك فين

[ابو محمود]

انا شايف ان القوى السياسية انحرفت على المسار المفروض اللي يمشوا فيه

شايف انهم بيدورا على مصلحتهم قبل مصلحة الوطن

شايف ان كل واحد عاوز يعمل زعيم وهوا اللي خلع مبارك

ليه يا جماعة التفكك ده؟؟؟

لأن هناك مراهقة فكر سياسيى

ليه الاخوان خلاص اخدت جنب العسكر وحبيبنا يا عسكر

انا شايف ان الأخوان طالبو اول الطريق الى تنظيم الصفوف لكن ما حدث من هجوم على التيار الاسلامى جعلهم يحسبوها كويس وهناك قوى كانت تعمل على محاولة اصتدامهم بالعسكر بجرهم الى مليونيات بدون هدف

ليه السلفيين واخدين جنب ومش بيطلعوا في مليونيات عشان السبب ان اللي دعى للمليونية ليبرالين او علمانين رغم ان مطالب المليونية الكل متفق عليها

السلفيين ليس لهم خبرة ولهم تجربة مريرة مع الامن وبيخافو يرجع الوزمن الى الوراء فيشربو كما شرب الاخوان سابقآ لان الجيش لا يسلم من يقف ضدة لا دلوقتى ولا سابقآ وبعدين هم نزلو حين نزل الاخرون

ليه 6 ابريل متنزلش اخر مليونية بحجة ان الدعوة جت متأخر هوا انتوا مدعوين لفرح والبدلة مش نضيفة؟؟

6ابريق دى بقى حكاية حركة كانت ممتازة وعندما تمت الثورة اول من بدأ فى التقسيم والأقصاء هم بدليل انهم انقسمو على انفسهم واول من وقف امام القطر الجيش فى العباسية فهل كانت نتائجها سليمة ومن يقف بجانبهم لما تركهم ؟؟؟

بجد يا جماعة انا شايف ان القوى السياسية بدأت تدور على مصلحتها وبس

دة كان واضح والجيش بة من الخبثاء ما يجعلنا نكتشف ان ما كان يحدث من اطلاق بيانات كانت بالونات اختبار حتى يخطيء من يخطيء ويتم تنحيتة جانبآ بجوار بعض الحركات ودة ما حدث اذآ من يعرف انة اقوى لا بد ان يحافظ على قوتة لاننا فى تجربة يمكن ان نخسر كل شيء بالاستعجال والانانية والحصول على مكاسب يحتاج الى ترشيد فكر

والمشكلة ان فيه ناس من متبعين القوى السياسية مش بيشوفوهم غلطوا

هتلاقى كتير مسيريين لا يرون الا الثورية والحنجورية

يعني بعد ما هانزل الموضوع بتوع الاخوان هايهجموني ويقولوا الاستقرار

غلط الاستقرار يجب ان يكون بالتجمع والأتحاد اما المليونات والاعتصام سيؤخر الطريق الى الهدف ودة رآيواحد غير اخوانى

والسلفيين هايهجموني ويقولوا لازم مش نمشي ورا واحد كافر

سبق انى قلت بمشاهدتى لما يحدث انهم بدون خبرة سياسية يعنى لسة كي جي تو سياسة

و6 ابريل هايهجموني ويقولوا الجيش ضاغط علينا

6 ابريق يجب ان يراجعو ما فعلوة فسيعلمون انهم من ساهمو فى ما نحن فية من تعصب واقصاء

ابعدوا عن التحزب اللامحمود واحسبوها صح وشوفوا مصلحة بلدك فين

دة رآي واحد محايد ليس لة ميول حزبية لكنى اشاهد الجميع عرايا بمفهوم سياسى يعتمد على تسجيل نقاط لكل منافس ... الجميع يخطأ لكن المهم ان نسمح لة ان يعتذر فهل نشاهد من يعطى فرصة للأعتذار

هناك من صدق نفسة انة سياسيى واتضح للجميع نخبة واحزاب حتى من لهم خبرات من الصراع مع النظام انهم حريفة سياسة لكننا نشاهد الان كيف وصلو الى طريق مسدود الخروج منة بالتوحد او الالتزام بة ودة ممكن نرجع ونحاسب بعض علية ومن كان يريد ان يكون الفرقاء السياسيين متوحدين حتى نخرج من عنق الزجاجة ودة ممكن تعرفو لو رجعنا الى الوراء بعدما تم الخلوع وهتعرف مين قام بتلفيق مشاهد فيديو وعندها بدأت الحرب بين التيارات الى الان

تم تعديل 18 سبتمبر 2011 بواسطة محمودمصطفى