أمامي غربة اعمل فيها العمل الذي احبه و لكني خائف من الغربة علي ابنتي و اشياء اخري...

[rashadelsaq]

أنا معيد في الجامعة و سافرت احضر ماجستير و دكتوراه و الحمد لله حصلت علي الدرجة العام الماضي وكان مفروض ارجع الجامعة في مصر العام الماضي لانتهاء فترة الإجازة لكن عملت تمديد للإجازة لأني حصلت علي فرصة اقامة بحث مشترك مع أستاذي هنا. و عدت سنة التمديد و الان لابد من الرجوع للجامعة في مصر لكن جالي عرض من جامعة هنا للتعيين فيها علي درجة استاذ مساعد ، تعيين كامل و ليس عقد مؤقت و هي دي المشكلة اني بالتعيين ده ما اقدرش أستقيل بسهولة ، لان الجامعة نفسها حديثة النشأة و تؤسس لقسم جديد فيها و هاكون أنا نواة القسم مع استاذ كبير في السن ....علي الاقل محتاجيين 10 سنوات لخلق جيل معاه دكتوراه متدرب علشان يشيل القسم.

مشكلتي الشخصية هي اني متزوج أجنبية من 8 سنوات و تعرف لغة عربية بسيط بحكم اننا عشنا في مصر سنتين قبل البعثة و عندي بنت عمرها 3 سنوات ، بنتي لا تعرف من العربية عير التحيات و بعض الأسماء و البسملة و الحمدلله ... بفضل تواجد أمي معي هنا.

فانا خائف البنت ما تعرفش عربي خالص و تبقي مشكلة لما نرجع مصر و تدخل مدرسة في مصر ساعتها هاتكون في اعدادي... دي اول مشكلة

تاني مشكلة علي حسب موقف جامعتي في مصر لانهم لو رفضوا تمديد اجازتي و رفدوني، رجوعي مصر هايبقي صعب لأني هاكون عاطل و أنا مش اشتغل اي حاجة غير البحث و التدريس

أخيرا طبعا لا يخفي عليكم حال البحث العلمي في مصر ، يعني حتي لا يوجد اماكن للجلوس في الجامعة و ليس للبحث و الدراسة، لكن الجامعة هنا هاتوفرلي غرفة بحث خاصة و مناخ جيد و تمويل للأبحاث و تامين و بدللات و مرتب عالي

فالمشكلة الاخيرة هي انه هل يمكن أخذ إجازة من الجامعة كرعاية والدين( والدتي تعالج هنا في نفس الوقت) او اي شيئ من هذا القبيل لكي أتمكن من الحفاظ علي مكاني في مصر كي استطيع العودة من غير استقرار نهائي هنا.

  أسف عليالاطالة و لكي أوجز مشكلاتي هي كالاتي:

مستقبل اللغة والثقافة العربية للبنت

البحث عن طريقة للحفاظ علي شغلي في مصر

و شكرًا جزيلا

[م تيمور المراغي]

رأي هو انك ما تتركش الفرصه دي ابدا خصوصا زي ما بتقول انك ستكون من مؤسسي احد الاقسام في تلك الجامعه الحديثة وده شيئ محفز ومشرف ,,

بالنسبه للبنت ربنا يحفظها اقترح الوالده الفاضله تيجيي تعيش معاكم وتتولاها برعايتها واكيد فيه مدارس خاصه بالمسلمين وياريت المصريين عندكم

وعموما القيم مش بالبلد ولكن بالتربيه ودي واضح انها قويه ماشاء الله ربنا يديم ويبارك ,,

[ViralMind]

اوعى ترجع يا راجل يا طيب. :)

طالما ان الجامعة هتبقى ملتزمة معاك بعقد, يبقى مفيش مشكلة باذن الله, و تكون دى انطلاقة و مرحلة جديدة فى مستقبلك المهنى.. و تفتخر بيها بعدين.

الانسان بيتقدم مش بيتأخر.. و طالما جت لك الفرصة دى, اثبت نفسك فيها و اعمل كل اللى تقدر عليه علشان التجربة تنجح, و اكيد هيجى لك مع الوقت فرص افضل كمان..

انا مش عارف اذا كانت زوجتك مسلمة ولا لا.. و لكن لازم تخصص وقت لبنتك تروح فيه المركز الاسلامى, و تندمج مع اطفال عرب و مصريين فى نفس سنها.. و تعمل لها جو من الصحبة الصالحة.

بالتوفيق باذن الله.

[احمد رضوان]

الغربة يا عزيزي زي الإدمان مش بسهولة يخرج من دمك وكمان زي الرمال المتحركة الىى كل ما نزلت فيها اكتر يبقى صعب إنك تخرج منها وانت مغترب أصلاً ، مغترب في المكان ، والأهل ، والعمل ومن الواضح إن الكلام ده من فترة مش قصيرة ... انت الوحيد اللى تقدر تجاوب على السؤال ده، أرجع ولا لأ ؟ لأن الوحيد اللى حيعيش التضحية هو إنت وأسرتك.

الغربة = حياة سهلة ، رغدة ، راحة نفسية ، ومادية ، مكانة علمية ، مستقبل مضمون بإذن الله

الغربة = إغتراب الذات ، وحدة ، برود ، تقطع صلة الرحم ، تغير عادات وتقاليد ، ومع الوقت قطع الصلات بالوطن الأم

الرجوع = الأهل ، الدفئ ، الحميمية ،

الرجوع = الحياة الصعبة ، المستقبل المبهم ، الصراع اليومي مع كل ما يحيط بك ، الندم على تفويت الفرصة ، إغتراب الزوجة والأبناء

القرار لك انت شوف انت عايز ايه وحاول تتخيل رؤيتك لحياتك بعد 20 سنة تكون إزاى ومن خلال الرؤية تقدر تحدد المحطات اللى عايز توصلها والأهداف اللى لازم تتحقق وبعد كده توكل على الله.

[rashadelsaq]

رأي هو انك ما تتركش الفرصه دي ابدا خصوصا زي ما بتقول انك ستكون من مؤسسي احد الاقسام في تلك الجامعه الحديثة وده شيئ محفز ومشرف ,,

بالنسبه للبنت ربنا يحفظها اقترح الوالده الفاضله تيجيي تعيش معاكم وتتولاها برعايتها واكيد فيه مدارس خاصه بالمسلمين وياريت المصريين عندكم

وعموما القيم مش بالبلد ولكن بالتربيه ودي واضح انها قويه ماشاء الله ربنا يديم ويبارك ,,

شكرًا جزيلا علي الرد، فعلا زي ما حضرتك ذكرت انها فرصة و هو ده اللي مخليني متردد

لكن للأسف المدينة اللي عايش فيها لا يوجد بها مسلميين كثيرين و لا يوجد الا مسجد يسيطر عليه بعض الجنسيات الآسيوية و الافريقية ( كله انجليزي غير التشدد في الفكر قليلا)

بنتي حاليا في حضانة انترناشونال و أكيد هاتكمل فيها لانه لا يوجد لا مدارس ع او مصرية

والدتي طبعا حاليا عايشة معايا مؤقت لكن هاترجعمصر بعد علاجها.

[rashadelsaq]

اوعى ترجع يا راجل يا طيب. :)

طالما ان الجامعة هتبقى ملتزمة معاك بعقد, يبقى مفيش مشكلة باذن الله, و تكون دى انطلاقة و مرحلة جديدة فى مستقبلك المهنى.. و تفتخر بيها بعدين.

الانسان بيتقدم مش بيتأخر.. و طالما جت لك الفرصة دى, اثبت نفسك فيها و اعمل كل اللى تقدر عليه علشان التجربة تنجح, و اكيد هيجى لك مع الوقت فرص افضل كمان..

انا مش عارف اذا كانت زوجتك مسلمة ولا لا.. و لكن لازم تخصص وقت لبنتك تروح فيه المركز الاسلامى, و تندمج مع اطفال عرب و مصريين فى نفس سنها.. و تعمل لها جو من الصحبة الصالحة.

بالتوفيق باذن الله.

شكرًا علي النصيحة لكن بقدر ما هي فرصة بقدر ما هي مخاطرةو المخاطرة هاتكون علي حساب غيري

زوجتي كانت مسيحية و لكنها اسلمت نعد زواجنا بسنة و كم شهر.

[rashadelsaq]

الغربة يا عزيزي زي الإدمان مش بسهولة يخرج من دمك وكمان زي الرمال المتحركة الىى كل ما نزلت فيها اكتر يبقى صعب إنك تخرج منها وانت مغترب أصلاً ، مغترب في المكان ، والأهل ، والعمل ومن الواضح إن الكلام ده من فترة مش قصيرة ... انت الوحيد اللى تقدر تجاوب على السؤال ده، أرجع ولا لأ ؟ لأن الوحيد اللى حيعيش التضحية هو إنت وأسرتك.

الغربة = حياة سهلة ، رغدة ، راحة نفسية ، ومادية ، مكانة علمية ، مستقبل مضمون بإذن الله

الغربة = إغتراب الذات ، وحدة ، برود ، تقطع صلة الرحم ، تغير عادات وتقاليد ، ومع الوقت قطع الصلات بالوطن الأم

الرجوع = الأهل ، الدفئ ، الحميمية ،

الرجوع = الحياة الصعبة ، المستقبل المبهم ، الصراع اليومي مع كل ما يحيط بك ، الندم على تفويت الفرصة ، إغتراب الزوجة والأبناء

القرار لك انت شوف انت عايز ايه وحاول تتخيل رؤيتك لحياتك بعد 20 سنة تكون إزاى ومن خلال الرؤية تقدر تحدد المحطات اللى عايز توصلها والأهداف اللى لازم تتحقق وبعد كده توكل على الله.

جزاك الله خيرا حضرتك ضغط علي مكان الوجع

و لو تخيلت نفسي بعد 20 او 30 سنة متخيل نفسي سعيد جدا بعملي و ابحاثي يعني كفرد هاكون سعيد حتي لو عشت عمري الباقي هنا مدام جنب شغلي اللي بحبه

لكن لو تخيلت بنتي بعد 20 سنة احس بالذنب لانها هاتكون بلا هوية و اصبحت أجنبية

علي الجانب الاخر لو رجعت لمصر و تخيلت نفسي بعد 20 سنة احس بالإحباط لأنه لا مكاتب و لا مكتبات و لا مراجع و لا ابحاث و لا مرتبات و لا اي حاجة غير الصراعات التافهة و الحرب و اللوائح علشان تبقي استاذ مساعد .....الخ

لكن بنتي بعد 20 سنة هاتكون عروسة و ادامها الاختيارات من نفس دينها و نفس ثقافتها يعني الدنيا واسعة أمامها

احتمال حل المشكلة يكون في اني أحاول اعمل كل اللي أنا عاوزه هنا لمدة 10 سنوات بعدها احتمال وضع البحث العلمي يتحسن في مصر ارجع أعيش في مصر

و الحل ده يتطلب اني الاقي طريقة اني أخذ إجازة للمدة دي لكن مش لاقي السبب القانوني اللي أحافظ بيه علي وظيفتي في الجامعة في مصر لحين العودة

تقبل تحياتي

[ViralMind]

ليه حضرتك معتقد ان لو بنتك عاشت فى الغرب هتكون بلا هوية؟

هل الامريكى المسلم بلا هوية؟ هل الفرنسى المسلم بلا هوية؟ بالتأكيد لا..

هى قدرها انها تكون لام اجنبية و تعيش فى دولة فى الغرب.. صحيح ان ده هيأثر على طباعها و حياتها, و لكن ده دور حضرتك فى ان تحافظ على البصمة الاسلامية بداخلها.

اهم حاجة ان حضرتك تغرس فيها القيم الجميلة و تبذل شوية مجهود و تخصص لها وقت سواء مرتين فى الاسبوع او كما يتناسب مع وقتك, و تبدأ تحكى لها قصص الانبياء.. تقرأ معاها قرآن.. و غيره من الامور الجميلة.. صحيح هى مش هتبقى فاهمة المغزى من هذه الامور الان, و لكن لما تكبر هتفيدها كل هذه القيم و تحميها من اى انحراف.

بالتوفيق باذن الله.