سبوبة الجمارك ... سكة كلها مسالك

[se_ Elsyed]

أنا بصراحة ما كنتش مصدق لحد مما شوفت بعيني

معروف إن الجمارك بتبقى من أهم المؤسسات حساسية في الدولة ... وممكن تحصل كوارث لو لم يتم رقابة تلك المنافذ بشكل دقيق للغاية ..

لكن للأسف

وأقول بكل أسى ... الجهاز ده كان طايلة فاسد للرُكب برضوا طوال فترة حكم الظالم الديكتاتور ....

فما بالنا بعد ما حدث تفكك لبعض مؤسسات الدولة وبقت الدنيا هيصة بعد ثورة يناير .... وكل ده نتيجة تخاذل الفاسدون وتخليهم عن مواقعهم عشان يخلونا نكره الثورة ... وهي أساساً كانت ثورة عليهم هما لانهم من رموز الفساد أيضاً ..

- فكنت في مصر من قريب لقيت واحدد صاحبي بيقول لي : ما تقدرش تبعت لنا أي كونتينرات يا معلم من بره فيها أي بضاعة وإحنا نسلكها لك ؟

فقولت له : يا عم حل عني أنا لاقي أكل أساساً ... والحاجات دي بتسلكوها إزاي إن شاء الله ؟

أجاب : كله موجود ... تخيلوا ؟ أي كونتينر ولو معبي جواه دهب والماظات وحركات .. بيتسلك بـ 200 دولار بس ... وعيش يا معلم

بصراحة سمعت الكلام بأستخفاف وقولت أهو كلام إبن عم حديث

لحد ما شوفت بعيني ما حدش قال لي من أسبوعين هنا في الرياض ... وحتى الان عرض مستمر

واحد صاحبي بينزل عربيات لمصر دلوقت ... وبتتسلك بطريقة معينة ....

من المعروف إن العربية عشان تنزلها مصر ييبقى لازم حضرتك تكون مالك اول لها .. وتملكها في نفس سنة الموديل ... يعني حتى لو حبيت أجيب عربية جديدة وأنا في 2011 .. ما ينفعش أجيبها 2010 ..

ولازم طبعاً تكون أقل من 1600 سي سي .. وإلا هاتدخل في نفق مظلم مع الجمارك

حبيبنا بيعمل إيه ؟

بيجيب اللعربية ... تحت 1600 سي سي ... أي موديل ... يعين نقول مثلاُ هوندا سيفيك أو إلنترا موديل 2005 .... الموديلات اللي زي دي .. لو نضيفة قوي .. والعربية كمان بتقول بابا وماما وبتتشقلب ... يبقى مش هاتزيد عن 12 الف ريــال....

وصاحبنا اللي له علاقات في الجمارك عمولته 12 الف جنيه ..

جنيه مش ريــال

ويستلمها منك هنا .. واخدين بالكم .. يعني لا مصاريف شحن ولا يحزنون

وهو بيشحنها على السويس .. ويجمركها لك كمالك أول ... ويقدم لك فاتورة الجمارك والترخيض وكل حاجه وإنت تدفع رسوم الجمارك طبعاً

يعني بالمختصر ... ثمن العربية 12 الف ريـال .. نقول 19 الف جنيه مصري + عمولة الاقندي 12 الف جنيه + 31 الف .. + الجمارك التي لن تزيد عن 25 الف جنيه

يبقى المجموع 56 الف جنيه

والالنترا أو السيفيك دي نفسها لو جبتها من مصر نفس الموديل .. فلن تقل عن 70 الف جنيه ... بالإضافة إلى اهم ميزة وهي إنها مواصفات خليجي ..

والعب يا فوزي ...

وخلي الدولة تتعنت مع المغتربين ويقعد يقول لك حماية الصناعة الوطنية .. ومالك اول ومالك أمري وكلام الاغاني ده

[شرف الدين]

عزيزي سين سين

مش هينفع كل حاجة نقول الدولة الدولة الحكومة الحكومة ... واحنا واقفين ساكتين

أنا قلت قبل كده إنه فاقد الشيء لا يعطيه .. وإننا إذا شفنا الفساد وسكتنا عليه ... يبقى ما ينفعش نطلب من الحكومة إنها تحاربه ..

دلوقت عندنا لعب بيحصل في جمارك السويس في شحن العربيات ...

يبقى بكل بساطة بلاغ يتقدم للنائب العام إنه في لعب في جمارك السويس في شحن السيارات من المملكة العربية السعودية.

يا ريت لو حد من إخوانا القانونيين يقدم بلاغ للنائب العام بالأمر ده.. ونشوف..

[raouf]

أنا بصراحة ما كنتش مصدق لحد مما شوفت بعيني

معروف إن الجمارك بتبقى من أهم المؤسسات حساسية في الدولة ... وممكن تحصل كوارث لو لم يتم رقابة تلك المنافذ بشكل دقيق للغاية ..

لكن للأسف

وأقول بكل أسى ... الجهاز ده كان طايلة فاسد للرُكب برضوا طوال فترة حكم الظالم الديكتاتور ....

فما بالنا بعد ما حدث تفكك لبعض مؤسسات الدولة وبقت الدنيا هيصة بعد ثورة يناير .... وكل ده نتيجة تخاذل الفاسدون وتخليهم عن مواقعهم عشان يخلونا نكره الثورة ... وهي أساساً كانت ثورة عليهم هما لانهم من رموز الفساد أيضاً ..

- فكنت في مصر من قريب لقيت واحدد صاحبي بيقول لي : ما تقدرش تبعت لنا أي كونتينرات يا معلم من بره فيها أي بضاعة وإحنا نسلكها لك ؟

فقولت له : يا عم حل عني أنا لاقي أكل أساساً ... والحاجات دي بتسلكوها إزاي إن شاء الله ؟

أجاب : كله موجود ... تخيلوا ؟ أي كونتينر ولو معبي جواه دهب والماظات وحركات .. بيتسلك بـ 200 دولار بس ... وعيش يا معلم

بصراحة سمعت الكلام بأستخفاف وقولت أهو كلام إبن عم حديث

لحد ما شوفت بعيني ما حدش قال لي من أسبوعين هنا في الرياض ... وحتى الان عرض مستمر

واحد صاحبي بينزل عربيات لمصر دلوقت ... وبتتسلك بطريقة معينة ....

من المعروف إن العربية عشان تنزلها مصر ييبقى لازم حضرتك تكون مالك اول لها .. وتملكها في نفس سنة الموديل ... يعني حتى لو حبيت أجيب عربية جديدة وأنا في 2011 .. ما ينفعش أجيبها 2010 ..

ولازم طبعاً تكون أقل من 1600 سي سي .. وإلا هاتدخل في نفق مظلم مع الجمارك

حبيبنا بيعمل إيه ؟

بيجيب اللعربية ... تحت 1600 سي سي ... أي موديل ... يعين نقول مثلاُ هوندا سيفيك أو إلنترا موديل 2005 .... الموديلات اللي زي دي .. لو نضيفة قوي .. والعربية كمان بتقول بابا وماما وبتتشقلب ... يبقى مش هاتزيد عن 12 الف ريــال....

وصاحبنا اللي له علاقات في الجمارك عمولته 12 الف جنيه ..

جنيه مش ريــال

ويستلمها منك هنا .. واخدين بالكم .. يعني لا مصاريف شحن ولا يحزنون

وهو بيشحنها على السويس .. ويجمركها لك كمالك أول ... ويقدم لك فاتورة الجمارك والترخيض وكل حاجه وإنت تدفع رسوم الجمارك طبعاً

يعني بالمختصر ... ثمن العربية 12 الف ريـال .. نقول 19 الف جنيه مصري + عمولة الاقندي 12 الف جنيه + 31 الف .. + الجمارك التي لن تزيد عن 25 الف جنيه

يبقى المجموع 56 الف جنيه

والالنترا أو السيفيك دي نفسها لو جبتها من مصر نفس الموديل .. فلن تقل عن 70 الف جنيه ... بالإضافة إلى اهم ميزة وهي إنها مواصفات خليجي ..

والعب يا فوزي ...

وخلي الدولة تتعنت مع المغتربين ويقعد يقول لك حماية الصناعة الوطنية .. ومالك اول ومالك أمري وكلام الاغاني ده

الله عليك يا كبير شوف لينا الراجل ده وانا اخد عمولة كمان 12000 وليك زيهم واجيب ليك ناس عندها استعداد تدفع 200 الف وتنزل عربيتها

بالمرة وبحكم الاخوية والعشرة اسال لى الراجل يسلك الاكسبدشن بتاعتى ويهبر كام بدل ما انا محتاس فيها

وموافق يكتب موتورها ان شالله 1000 سى سى مش 6400

[se_ Elsyed]

لا يا رؤوف ... الراجل سكته في الـ 1600 بس ...

إنما إكسبديشن والحاجات دي .. يبقى أطبخي يا جارية وكلف يا معلم

يعني حاجه عالية زي دي ممكن جماركها تعدي 200 الف مثلاً

---------

[Ahmed Anwer]

سيبك من الكلام ده ،،،

ممكن تعرفني علي صاحبك :)

بس الصراحة مش مقتنع بالحكاية دي ،،

أقصي حاجة عرفتها في الجمارك لو عربية فولكس جيتا مثلا 2000 سي سي

ممكن تلعب و يكتبوهالك في الجمارك 1600 سي سي عشان التراخيص و الجمارك آلخ

و طبعا محدهش هيعرف يقيس سعة المحرك و تفضل طول عمرها ترخصها 1600 سي سي

لكن مالك أول و نفس موديل السنة ده محتاج يضرب بطريقة ما ،،، ورق كتير

[اسامه نور]

1300cc انا معايا تويوتا يارس

موديل 2012 موش مالك اول ممكن ينزلهالى وازاى