اذا اجتمع خمسة

[pink rose]

إذا اجتمع 5 صينيين .. كتبوا حكمة

إذا اجتمع 5 يابانيين .. اخترعوا آلة

إذا اجتمع 5 امريكان .. صنعوا فيلم

إذا اجتمع 5 بريطانيين ..ألّفوا كتاب

.

.

.

.

.

.

.

.

.

.

.

إذا اجتمع 5 مصريين...اعرف ان الطواري هتلمهم

منتشرة اوي النكتة دي اليومين دول

بس مش عارفة ما قدرتش اضحك عليها نوهائي

قعدت فكرت

لو اجتمع خمسة مصريين و ما لمتهمش الطوارئ

ايه الانجاز اللي هايقدموه للبشرية؟؟؟

ساعدوني في الاجابة على السؤال دا لو سمحتم

[Alattar]

بالتأكيد يا أم مريم الجملة من أولها لآخرها هي نكتة..ونكتة فقط

!لأنه مش معقول انه كلما اجتمع 5 يابانيين اخترعوا آلة..

بس المقولة بتتكلم عن اللي بيتشهر بيه أهل البلد..و ما هو مشهور عنهم..

دلوقتي..اذا اجتمع خمسة مصريين..فأعتقد انهم للأسف هيتكلموا في السياسة..و المشهد الضبابي اللي فيه البلد دلوقتي..و مش مخلية حد عارف احنا داخلين علي ايه بالظبط

بعد ما الظروف دي تنتهي ان شاء الله..يمكن نقدر فعلا نعمل حاجة مفيدة نتشهر بيها..زي بقية الجنسيات المذكورة أعلاه..

و كلي ثقة في الله تعالي..اننا هنبقي حاجة تانية خالص..بس البلد تستقر بس بإذن الله

[pink rose]

ما انا فاهمة يا اخي العطار انها نكتة و عارفه بالتأكيد ان خمسة رقم و خلاص

و ان المقصود الحاجه اللي بتشتهر بيها البلد

سيبك من الحالة الضبابية و كلام السياسة

احنا المصريين ايه اللي احنا فالحين فيه و بنقدمه نخدم بيه البشرية

ايه اللي احنا المصريين مشهورين بيه

يا خوفي لا يتقال لو اجتمع خمسة مصريين هايألفوا نكتة

و يبقى اخرنا كده

[نوران]

مش عارفه يا بينك لو اجتمع خمسه مصريين هيعملوا إيه الصراحه i*:

متهيألي لو انتمائتهم السياسيه مختلفه - خصوصا لو معاهم حد 6 ابريل - هيقعدوا يتخانقوا po::

هو ده اللي احنا فالحين فيه دلوقتي

تم تعديل 18 سبتمبر 2011 بواسطة نوران

[raouf]

مش عارفه يا بينك لو اجتمع خمسه مصريين هيعملوا إيه الصراحه i*:

متهيألي لو انتمائتهم السياسيه مختلفه - خصوصا لو معاهم حد 6 ابريل - هيقعدوا يتخانقوا po::

هو ده اللي احنا فالحين فيه دلوقتي

نصيحة من اخ استخبى بسرعة احسن تيمور زمانه جاى

[م تيمور المراغي]

حد ليه شوق في حاجه ! :happy:

[المطحون]

اعتقد انه لو اجتمع خمس مصريين اكيييييييد هتلاقيهم بيتكلموا عن واحد مصرى مش معاهم

[عنبو]

اذا اجتمع 5 مصريين اكيد معاهم حشيش يا معلم

[SoSo R]

اذا اجتمع 5 مصريين اكيد معاهم حشيش يا معلم

باروا عليك يا عنب باشا هو دة النص الصحيح للنكتة إلي أختنا ريم حورتو ....

و هنا لنا وقفة...هو الحشيش يا معلمي عادي كدة ذي البونبون...أصل كل كل الافلام الحديثة حسستني إن مفيش حد في مصر مش بيضرب حشيش !!!!

و كئنو من أساسيات الحياة لأ و اه كل طبقة الشعب ...كان زمان يقتصر على العواطلية و أصحاب المهن الحرفية !!

دلوقتي باءة روشنة !!

ممكن تشرحلي بما انك لسة جاي من مصر قريب

[Abu Reem]

طيب انا عاوز اكمل الخمسات دي

- لو اجتمع خمس صينيين هيفتحوا ورشة او صنع لتقليد ما اخترعه الخمسة اليابانيين

- لو اجتمع خمسة يارازيليين : هيلعبوا كورة

- لو اجتمع 5 هنود هيقفوا في وسط الشارع يتكلموا في نفس واحد

- لو اجتمع 5 من روسيا هيقعودا يألفوا كتاب في الكيمياء العضوية

- لو اجتمع 5 فلبينين هيشغلوا الكاسيت ويرقصوا وبعدين يروحوا يلعبوا سلة او تنس

- أما لو اجتمع خمس مصريين

معروفة يعني مش محتاجة تفكير

أكيد يعني معروف هيعملوا ايه

طبعا لو اجتمع خمس مصريين

هيعملوا

....................

هيعملوا ...طابور ويقفوا فيه...........

:waving:

عادي يعني ...

تم تعديل 18 سبتمبر 2011 بواسطة Abu Reem

[pink rose]

باروا عليك يا عنب باشا هو دة النص الصحيح للنكتة إلي أختنا ريم حورتو ....

قولي و الله

طب و ربنا ما اعرف ان النكتة كده اصلا

هي وصلتني زي ما كتبتها يا ست سوسو يا اختي

بس منكم نستفيد

مش ناوية تنورينا في الليفنج يا سوسو؟؟؟؟؟؟؟

وحشانا اوي و الله

[mamdowh]

إذا اجتمع خمسة مصريين.......... وانا جيت بقينا سته نعمل جمعيه والقبض كل 15 يوم bv:-

[م تيمور المراغي]

إذا اجتمع خمسة مصريين.......... وانا جيت بقينا سته نعمل جمعيه والقبض كل 15 يوم bv:-

انا اللي حقبضها الاول

[Alshiekh]

- أما لو اجتمع خمس مصريين

معروفة يعني مش محتاجة تفكير

أكيد يعني معروف هيعملوا ايه

طبعا لو اجتمع خمس مصريين

هيعملوا

....................

هيعملوا ...طابور ويقفوا فيه...........

:waving:

عادي يعني ...

وبعدين إثنين أو ثلاثة من آخر الطابور حايطلعوا بره الطابور علشان يدوروا على معرفة يمشيهم الأول

[الســـاري]

لو اجتمعوا خمسة سعوديين اعرف ان سادسهم صحن كبسة معتبر

ومش هتغلبونا

:closedeyes:

[م تيمور المراغي]

لو اجتمعوا خمسة سعوديين اعرف ان سادسهم صحن كبسة معتبر

ومش هتغلبونا

:closedeyes:

اذا اجتمع 5 سعوديين يبقى توزيعهم كالتالي

3 على الكنبه الخلفيه

واحد بجوار السائق

+ سائق بيفحط بالسياره امام الدوريه :happy:

[عنبو]

اذا اجتمع 5 مصريين اكيد معاهم حشيش يا معلم

باروا عليك يا عنب باشا هو دة النص الصحيح للنكتة إلي أختنا ريم حورتو ....

و هنا لنا وقفة...هو الحشيش يا معلمي عادي كدة ذي البونبون...أصل كل كل الافلام الحديثة حسستني إن مفيش حد في مصر مش بيضرب حشيش !!!!

و كئنو من أساسيات الحياة لأ و اه كل طبقة الشعب ...كان زمان يقتصر على العواطلية و أصحاب المهن الحرفية !!

دلوقتي باءة روشنة !!

ممكن تشرحلي بما انك لسة جاي من مصر قريب

سوسو هانم كندا واهل كندا

احساسك فى محله ان الحشيش بقى فى متنازل الجميع وخصوصا طلبة الجامعات وبالاخص كليات القمه كمان وشباب الخريجين

لحد لما واحد من الحراميه الكبار قرر يستورد ترامادول من الصين فكان لازم يختفى الحشيش من مصر وعلشان كده فعلا اختفى الحشيش تماما من مصر وتقريبا سعره وصل خمس اضعاف ومبقاش موجود فاتجه الناس اليى الترامادول الصينى واحد هيقولى طيب ليه الصينى هقولك لان الشركات المصريه اليى كانت بتنتجه خلوا عيلها قيود لانتاجه فالبتالى الشركات قالت بلا دوشه وبكده مبقاش فيه منافس للصينى المستورد وهذه هى قصة اختفاء الحشيش من مصر

يلا اى خدعه يا دكتره معلومات عن مصر وكأنك عايشه فى مصر

تحياتى

المعلم عنبو