منع سير التوك توك في شوارع القاهرة بشكل نهائي

[se_ Elsyed]

حظر سير ''التوك توك'' في شوارع القاهرة نهائياً

مصراوي : ارسل9/18/2011 4 القاهرة - أ ش أ

أكد الدكتور عبد القوي خليفة محافظ القاهرة على مدير الإدارة العامة لمرور القاهرة بتفعيل قانون المرور بعدم السماح نهائيا بسير مركبات التوك توك بشوارع القاهرة والقضاء على ظاهرة انتشاره في بعض أحياء العاصمة ، والتنسيق مع الأحياء وشرطة المرافق في ضبط والتحفظ على "التوك توك"؛ حيث أن القاهرة لم تصدر ترخيصا واحدا بسيره في شوارعها.

وأشار المحافظ فى تصريحات له - الأحد - إلى ضرورة عودة الإنضباط إلى الشارع القاهري بتفعيل القانون وتنفيذه بكل حزم ضد المخالفين سواء، مشددا على ضرورة مراقبة خطوط سير سيارات السرفيس والميكروباصات بمعرفة جهاز النقل الجماعي بالمحافظة والتحفظ على كافة السيارات التي لا تحمل أرقاما وإلزام السائقين بأماكن الإنتظار المخصصة لهم وكذلك خطوط السير المحددة بالتراخيص مع الإلتزام بالتسعيرة المحددة.

وجاءت تصريحات المحافظ عقب جولة ميدانية مفاجئة بحي المقطم استمع خلالها المحافظ لشكاوى المواطنين ومعاناتهم من انتشار التوك توك واستغلال سائقي الميكروباص بعدم الإلتزام بالتسعيرة المحددة من قبل جهاز النقل الجماعي بالمحافظة.

قرار خاطيء مليون المية

وكلام سمعناه مليون مرة في عصر الظلام الماضي ولم تستطع الدولة بهيلمانها وعدتها وعتادها أن تمنع التوك توك أو الميكروباص من السير في شوارع القاهرة

التوك توك ظاهرة غير حضارية بالمرة .. وظاهرة خطرة جداً جداً لأن سائقيها معظمهم من الأطفال أو من البطجية ومدمني المخدرات

لكن عندما نتحدث الحق فلابد ان نعرف ان مثل تلك الوسائل قد حلت مشكلة كبيرة جداً في منظومة النقل المتهالكة في مصر .. لانها تصل إلى مناطق ليست موجودة على الخريطة بالنسبة للدولة بالاضافة إلى تعريفة ركوبها البسيطة والمناسبة لذوي الدخول البسيطة

وفوق كل هذا ... فماذا عن المئات التي تعمل في تلك المهنة .. ويمكن تلاقية شاري التوك توك بالتقسيط وبيته هايتخرب .... على فكرة وصل سعر التوك توك إلى 20 الف جنيه ... بالرغم من إن تكلفته بسيطة جداً لكن الطلب عليه وصل سعره لتلك الاسعار الضخمة

إذن على أي اسا تم إتخاذ هذا القرار يا سيادة البيه المحافظ ؟

هل وفرت لهؤلاء بديلاً لفتح بيوتهم ؟

وهل وفرت لمستخدمي التوك توك بديلاً ينقلهم إلى وجهتهم ؟

وهل بالفعل أنت قادر على تنفيذ هذا القرار أم هو حبر على ورق ؟

[عادل أبوزيد]

"طق حنك" أكثر الأوصاف أدبا لهذه التصريحات.

ما سبق كان إستهلالا لابد منه

الجميع يعلم مدى التسيب الأمنى القائم الآن بل أن التسيب الأمنى أكبر من كل تصوراتنا قرأت خبر إن عميد شرطة فى سجن طرة تم القبض عليه لضلوعه مع عصابات سرقة السيارات ، عندما كان الأمن مستتب فى العهد السابق لم يتمكن أى من المسئولين أن يوقف مسيرة التوكتوك فى نفس الوقت ترسخت إستخدامات التوكتوك فى المناطق الشعبية أمام عيون الجميع .... كل هذا فى العهد البئد و فى العهد الحالى إزدهرت صناعة و إستخدامات التوكتوك ووصلت إلى الشوارع الرئيسية.

المرور العادى أقصد حالة المرور العادى غير مستتبة و الكل متأكد من ذلك و يأتى محافظنا الهمام بتصريحاته و أوامره العنترية.

مبلغ العلم فى هذه التصريحات أنها "برو ملامة"

[وطني حر]

هو هذا اللي قدرك ربنا عليه يا سياده المحافظ ... جت على التكتوك ........... كبر مخك

الله اكبر على محافظي الثوره ؟؟؟؟؟؟؟؟ لم تبقي في محافظه القاهره من المخالفات الا انت يا تكتوك .

[م تيمور المراغي]

مستقبلي راح :sad:

[raouf]

الحل فى نظرى ان نعامل مثل البنأدمين اللى عايشين فى كل الدنيا ويشيلوا جمارك السيارات النقل والميكروباص وتخفيض جمارك الملاكى

نصوروا ان لو رفع الجمارك يعر السيارات المينى فان الصغيرة واشهرهم السوزوكى يصل الى 30 الف جنيه فقط ؟

يعنى بالعقل توك توك ولا سيارة ميكروباص صغيرة ادمية مكيفة

انا اعتبر التوك نوك من الوسائل التى استغلها النظام لذل الشعب المصرى واستمرار مهانته

التوك توك كان من اكثر مظاهر الفساد فى عهد حسنى مبارك

كل المحافظين منعوه

كل الوزراء منعوه

المرور بيقبض على اللى راكبه ويصادره

ومع كل ده انتشر ومحدش عارف لحد الان مين اللى بيدخله البلد وازاى بيدخل رغم منعه

متاكد لو تتبعنا الخيط هايطلع حرامى من الحزب الوطنى او من الوزراء اللى صدعوا دماغنا بمحاولة منعه

حكومتنا القديمة والظاهر ان الجديدة اتعدت منها ذكية جدا جدا فى حمع الفلوس وفرض الضرائب وغبية جدا فى كل القرارات الاخرى

ملحوظة على جنب : خد عرف ان الضرائب العقارية رجعت وسيبدأ تطبيقها بدءأ من يناير 2012 !!!!! لا وايه بدون حتى اى تعديل !!!! رغم حكم المحكمة بعدم دستوريته

فعلا بقد قام الشعب المصرى بثورة لتغيير حسنى مبارك واحمد عز وصفوت الشريف

تم تعديل 18 سبتمبر 2011 بواسطة raouf

[Ahmed Anwer]

* اللي بيدخله يا أ / رؤوف

رؤوف غبور أكبر تاجر سيارات في مصر

يعني مش بيخش تهريب

و ده العبط ،، يعني هما يدخلوه و التاجر يكسب و الغلابة يشتروه بالغلا

و بعدين يمنعوه و الغلابة بس اللي يشيلوا حساب المشاريب

طيب ما كنت تمنع إستيراده من الأول !!!!

[raouf]

* اللي بيدخله يا أ / رؤوف

رؤوف غبور أكبر تاجر سيارات في مصر

يعني مش بيخش تهريب

و ده العبط ،، يعني هما يدخلوه و التاجر يكسب و الغلابة يشتروه بالغلا

و بعدين يمنعوه و الغلابة بس اللي يشيلوا حساب المشاريب

طيب ما كنت تمنع إستيراده من الأول !!!!

بلاش استاذ دى يا حج احمد قول رؤف على طول

مش غبور بس اللى بيدخله انا فيه واحد من الشرقية استورده وصنعه لحسابه فى الصين وهو عضو حزب وطنى برضوا وكان امين الحزب تقريبا

وغبور مش اول من ادخله على فكره هو بدأ اللعبة مع بداية انتشاره

[ابو محمود]

سائقو التوك توك هم من الصبية ومن المسجلين ومن اصحاب او ارباب الاعمال البسيطة مكوجى او عامل او عاطل بيشترو النوك توك بالتقسيط اذآ هم اضعف حلقات مقاومة الشرطة وبما ان الشرطة حاليآ وقبل الانتخابات محتاجة تورى بعضآ من المستفذين لها من الخطرين على الامن وشباب الثورة ان لها انياب وممكن تكشر عنهم يبقى لازم نشوف اضعف حلقة فى سلسلة الشعب المصرى ونشد عليها ولن يجدو منا الا الترحيب كما شاهدنا من ردود ومشاهدات اذآ سنجد تطبيق صارم بهذة القرارات وحرب الشرطة والتوك توك وتبقى الشرطة اتنصرت على المشاكل بعدما تم الرد عليها فى 9/9 بمهاجمة وزارة الداخلية بعد اعتدائها على جماهير الالتراس الاهلاوى دة فى رآيي الهدف من الصدام مع الغلابة مش مع التوك توك ودة نظام الفكر الحاكم بمصر الذى لم ولن يتغير مهما حدث من ثورات التغيير لابد ان يكون فى الكوادر الحاكمة للمنظومة وليس توزيع اماكنهم ربنا يسامحة مبارك ومن سبقة من حكام مصر انتجو لنا كوادر فقيرة العقول نحن نحتاج الى ثورة عقول جديدة اعتقد ان ثمنها اغلى من ثورة 25 يناير ووقتها لم يحن بعد لاننا بصراحة حتى فى ثورتنا فشلنا ان نجتمع على هدف فتشتت الجهد وضاعت الاحلام والان نتذلل للمجلس العسكرى ان يقيم انتخابات تتوافق مع قليل من طموحاتنا وناتج هذا تقاتل الجميع نخب جاهلة وتيارات فكرية عقيمة وغير ناضجة لله الامر من قبل ومن بعد

[ابراهيم عبد العزيز]

أختلف معك يا أخ سي السيد

أنا أشد على أيدي محافظ القاهرة على هذا القرار

فانا أحزن كلما رأيت التوك توك وهو يسير في الشوارع الرئيسية فى العاصمة المصرية

لان ذلك مظهر غير حضاري بالمرة ولا يليق بالقاهرة أعرق عواصم العالم ولا يمكنك أن تراه فى اى عاصمة أخرى

يا أخي كل ما تعانية القاهرة منذ سنوات من فوضى عارمة ومظهر ردىء سببه الرئيسي الجملة التي قلتها ( هل وفرت لهؤلاء بديلاً لفتح بيوتهم )

الباعة الجائلين احتلوا الميادين الرئيسية والأرصفة فى مصر فى مشهد قمىء وكلما حاول مسئول ازالة التعديات يجد الرفض تحت تبرير عدم قطع الارزاق

التوك توك والكارو تسببو فى فوضى مرورية عارمة فى القاهرة ناهيك عن مظهرهم المقزز وهم يسيرون فى الشوارع الرئيسية وعندما ياتي مسئول لتصحيح الوضع يجد المعارضة تحت تبرير عدم قطع الارزاق

المقاهي فى مصر التهمت الأرصفة التي أمامها ( بالكراسي والطاولات ) فى انانية شديدة و مظهر مسىء جدا لمصر وعندما ياتي مسئول ليصحح الوضع يجد المعارضة تحت تبرير عدم قطع الأرزاق

طيب هل معنى هذا أنني نشجع على قطع الأرزاق عياذا بالله ؟

بالطبع لا , ولكن هذه مشكلة وتلك مشكلة اخرى

نحل فوضى القاهرة العارمة بشكل منفصل

ونحل مشكلة من فقدوا مصدر دخلهم بشكل منفصل أيضا

المهم عندي يا اخي ان أرى عاصمتي مدينة نظيفة وجميلة , وعندما أسير فى شوارعها اجد رصيفا أمشى عليه حتى لا أكون مضطرا أن أسير فى نهر الطريق كما يحدث الان مما يعرض حياتنا للخطر

تم تعديل 19 سبتمبر 2011 بواسطة ابراهيم عبد العزيز

[se_ Elsyed]

أنامختلف تماماً معكم عندما نقارن ظاهرة التوك توك بظاهرة الباعة الجائلين أو العشوائيات

يا جماعة الموضوع كان لازم يتم دراسته قبل إتخاذ القرار

البيه المحافظ سمعته إمبارح على الحياة اليوم بيقول إن كل واحد معاه توك توك مش مسموح له من بكره إنه يتواجد في القاهرة وممكن يروح يشغله في الاقاليم

أه .. يبقى انا ساكن في الزاوية الحمرا أو الوايلي النهاردة وعندي توك توك .. أبقى أخده على كتفي وأروح به محافظة الغربية بكره وأشتغل هناك .. هل هذا يُعقل ؟

ولماذا لم نُعطي لهؤلاء مُهلة حتى يتم توفيق أوضاعهم ؟

طب واللي عليه اقساط يا جماعة وفاتح بيت يعمل إيه ؟

إنتو عارفين إننا محتاجين في القاهرة لوحدها قوات بعدد الجيش والشرطة لمطاردة التكاتك دي كلها اللي منطورة في المناطق الشعبية زي التراب ؟

يا جماعة الموضوع أخطر من ذلك وسيخلق طبقة من اللصوص والناقمين على المجتمع نتيجة لإنهم قعدوا في بيوتهم ...

لإن البائع الجائل ممكن يسرح بالخضار أو الفاكهة طول اليوم ومالوش مكان ثابت ... لكن سواق التوك توك ده يعمل إيه ؟

أنا مع منع التكاتك على الطرق الرئيسية بالتأكيد

لكن هل نغض الطرف جميعنا عن مناطق كثيرة جداً جداً عشوائية وطرقها غير صالحة للإستخدام الادمي وبالتالي لا تستطيع أن تستغنى عن تلك الوسيلة البدائية اللي هي التوك توك ؟

المحافظ إتكلم امبارح عن بدائل أكثر اماناً من التوك توك .... اه والله وقطم كلامه لحد كده .. طب إيه هي يا سيادة المحافظ البدائل ؟.

يا جماعة مش عشان كل واحد فينا معاه عربية أو ساكن في منطقة بتصلها المواصلات العادية يبقى خلاص نوافق كده وخلاص بغض النظر عن العشوائيات اللي مفحوته وساكنين في مناطق لا تصلها أي مواصلات

كنت أتمنى أن يتم تقنين تلك الظاهرة ... وقصرها فقط على المناطق التي لا تصلها مواصلات .. ويكون هناك ترخيص للتوك توك ويكون في رقابة عليهم ... ويا سيدي في القاهرة والجيزة يتم إعطاءهم مهلة سنتين عشان يسددوا ديونهم لأننا خلاص هانلغي التوك توك في المحافظتين الكبيرتين دول

حرام والله وطريقة معالجة غبية وتذكروا جميعاً رد الفعل العنيف اللي سيحدث لو تم إلغاء التوك توك بهذا الشكل الفجائي

---------

خدوا بقى الكلام الواقعي ده

- أحد زملائي نزل مصر عشان يختار محاسبين لشركته وكان معاه تأشيرات واللي جاي مش هايدفع ولا مليم في تكلفة الفيزا .. بس المرتب ضعيف جداً ... تخيلوا إن من الناس اللي أختبرهم وطبعاً كلهم محاسبين ومؤهلات عُليا وبكالوريسات تجارة - والله ورخصت يا خيار والدنيا غدرت بيك ... عاجبك كده يا ست عبير ؟ خريجي التجارة الافاضل اللي كانوا فخر للبلد .. بقوا سواقين تكاتك ؟ وتقول لي ذاكر وإجتهد يا احمد عشان تطلع الاول وهات كشكول المحاضرات بتاعك عشان إنت أشطر مني ... أهي أخرتها بقيت سواق كتكوت أهو - ..

المهم الشباب دول اول ما عرفوا الراتب قالوا له يفتح الله يابا ... ده أقل دخل بيطلع من التوك توك للواحد هو 70 ج يومياً

يعني اكتر من إتنين باكو في الشهر يبقى يتغرب ويتنيل ليه ؟

[وطني حر]

سؤال يختلف ايه التكتك عن الموتر سكل .؟؟؟

اش معني دا يسمح له ودا ممنوع ؟؟

[hOuSsAm]

سائقو التوك توك هم من الصبية ومن المسجلين ومن اصحاب او ارباب الاعمال البسيطة

حرام عليك يا استاذ محمود صبية وصيع ايه بس

اعرف كتير اصحاب كتاكت مدرسين ومحاسبين وموظفين فى وظايف حكومية بس قلة الرزق بيخليه يسعى فى حاجة بالليل تجيبله دخل اضافى وبالعكس فى الاقاليم بركب مع ناس كتيرة فيهم بيبان عليهم انهم ولاد ناس ومحترمين بس بلدك وحكومتك اللى بهدلت فيهم

وعندى يقين لو فلترتهم هتلاقى نسبة كبيرة جدا منهم معاهم تعليم عالى

--------

منكرش ان فيه نسب من الصيع والصبية دول لكن دول عدد قليل اوى والغالب هما المحترمين

لسبب بسيط جدا ان شغله مرهق جدا ومحتاج صبر والمسجلين خطر دول يعرفوا يجيبوا اضعاف اللى بيجيبه التوك توك وهو حاطط رجل على رجل

---------------------------

أحد زملائي نزل مصر عشان يختار محاسبين لشركته وكان معاه تأشيرات واللي جاي مش هايدفع ولا مليم في تكلفة الفيزا .. بس المرتب ضعيف جداً ... تخيلوا إن من الناس اللي أختبرهم وطبعاً كلهم محاسبين ومؤهلات عُليا وبكالوريسات تجارة - والله ورخصت يا خيار والدنيا غدرت بيك ... عاجبك كده يا ست عبير ؟ خريجي التجارة الافاضل اللي كانوا فخر للبلد .. بقوا سواقين تكاتك ؟ وتقول لي ذاكر وإجتهد يا احمد عشان تطلع الاول وهات كشكول المحاضرات بتاعك عشان إنت أشطر مني ... أهي أخرتها بقيت سواق كتكوت أهو - ..

المهم الشباب دول اول ما عرفوا الراتب قالوا له يفتح الله يابا ... ده أقل دخل بيطلع من التوك توك للواحد هو 70 ج يومياً

وده للاسف قصر النظر اللى عمله فينا نظام مبارك واللى ضيع جيل باكمله خلاه مشوه ومعتش حد بيشتغل بكليته

الشباب للاسف طالع مش صابر على رزقه - فاكر يا سين سين زمايلك اللى بداوا ب 140 جنيه فى الشهر وصبروا واستحملوا المرمطة ودلوقتى بياخد فى الشهر ماشاء الله 15000 جنيه

انا اعرف واحد بردوا كان بدا ب 100 جنيه فى الشهر ودلوقتى ماشاء الله مرتبه اكتر من 30 الف جنيه وعمره لا يتعدى 35

الناس دى بكالريوسات تجارة زى بتوع التكاتك بس واحد طموحه انه يبقى مدير والتانى طموحه التوك توك

-----------------------

حاسس ان ثورة الجياع قربت والضغط بيزيد ومحدش فى حكومة شرف راضى يشغل دماغه

مش عارف هيودونا لفين

[raouf]

أنامختلف تماماً معكم عندما نقارن ظاهرة التوك توك بظاهرة الباعة الجائلين أو العشوائيات

يا جماعة الموضوع كان لازم يتم دراسته قبل إتخاذ القرار

البيه المحافظ سمعته إمبارح على الحياة اليوم بيقول إن كل واحد معاه توك توك مش مسموح له من بكره إنه يتواجد في القاهرة وممكن يروح يشغله في الاقاليم

أه .. يبقى انا ساكن في الزاوية الحمرا أو الوايلي النهاردة وعندي توك توك .. أبقى أخده على كتفي وأروح به محافظة الغربية بكره وأشتغل هناك .. هل هذا يُعقل ؟

ولماذا لم نُعطي لهؤلاء مُهلة حتى يتم توفيق أوضاعهم ؟

طب واللي عليه اقساط يا جماعة وفاتح بيت يعمل إيه ؟

إنتو عارفين إننا محتاجين في القاهرة لوحدها قوات بعدد الجيش والشرطة لمطاردة التكاتك دي كلها اللي منطورة في المناطق الشعبية زي التراب ؟

يا جماعة الموضوع أخطر من ذلك وسيخلق طبقة من اللصوص والناقمين على المجتمع نتيجة لإنهم قعدوا في بيوتهم ...

لإن البائع الجائل ممكن يسرح بالخضار أو الفاكهة طول اليوم ومالوش مكان ثابت ... لكن سواق التوك توك ده يعمل إيه ؟

أنا مع منع التكاتك على الطرق الرئيسية بالتأكيد

لكن هل نغض الطرف جميعنا عن مناطق كثيرة جداً جداً عشوائية وطرقها غير صالحة للإستخدام الادمي وبالتالي لا تستطيع أن تستغنى عن تلك الوسيلة البدائية اللي هي التوك توك ؟

المحافظ إتكلم امبارح عن بدائل أكثر اماناً من التوك توك .... اه والله وقطم كلامه لحد كده .. طب إيه هي يا سيادة المحافظ البدائل ؟.

يا جماعة مش عشان كل واحد فينا معاه عربية أو ساكن في منطقة بتصلها المواصلات العادية يبقى خلاص نوافق كده وخلاص بغض النظر عن العشوائيات اللي مفحوته وساكنين في مناطق لا تصلها أي مواصلات

كنت أتمنى أن يتم تقنين تلك الظاهرة ... وقصرها فقط على المناطق التي لا تصلها مواصلات .. ويكون هناك ترخيص للتوك توك ويكون في رقابة عليهم ... ويا سيدي في القاهرة والجيزة يتم إعطاءهم مهلة سنتين عشان يسددوا ديونهم لأننا خلاص هانلغي التوك توك في المحافظتين الكبيرتين دول

حرام والله وطريقة معالجة غبية وتذكروا جميعاً رد الفعل العنيف اللي سيحدث لو تم إلغاء التوك توك بهذا الشكل الفجائي

---------

خدوا بقى الكلام الواقعي ده

- أحد زملائي نزل مصر عشان يختار محاسبين لشركته وكان معاه تأشيرات واللي جاي مش هايدفع ولا مليم في تكلفة الفيزا .. بس المرتب ضعيف جداً ... تخيلوا إن من الناس اللي أختبرهم وطبعاً كلهم محاسبين ومؤهلات عُليا وبكالوريسات تجارة - والله ورخصت يا خيار والدنيا غدرت بيك ... عاجبك كده يا ست عبير ؟ خريجي التجارة الافاضل اللي كانوا فخر للبلد .. بقوا سواقين تكاتك ؟ وتقول لي ذاكر وإجتهد يا احمد عشان تطلع الاول وهات كشكول المحاضرات بتاعك عشان إنت أشطر مني ... أهي أخرتها بقيت سواق كتكوت أهو - ..

المهم الشباب دول اول ما عرفوا الراتب قالوا له يفتح الله يابا ... ده أقل دخل بيطلع من التوك توك للواحد هو 70 ج يومياً

يعني اكتر من إتنين باكو في الشهر يبقى يتغرب ويتنيل ليه ؟

اختلف معك يا سين سين

البلد مليانة اخطاء والسبب فيها النظام السابق

لتصحيح هذه الاخطاء يجب ان يكون ضحايا

كمثال العمارات اللى اتبنى فيها ادوار مخالفة مهو كان بعلم الحى صح ؟

طيب كلنا بنظالب الان بتطبيق القانون وازالة هذه الادوار ص ولا هانقول حرام اللى فيها يناموا فى الشارع ؟

اعتقد ان سواء سائقى التوك توك او اللى ساكنين فى الادوار المخالفة مش ضحايا هاقولك ليه لانهم وقت شراء التوك تةوك عارف انه مش هايترخص وعارف انه مخالف وومنوع يمشى فى القاهرة من زمان

واللى اشترى شقة مخالفة عارف انها مخالفة ومش هايتوصل ليها مرافق وهياخد توصيلة من جاره

انا فى مصر تشوف العجب شقتين فى عمارتين متجاورتين فى نفس الشارع ونفس المساحة وسعر الشقة ضعف الاخرى والسبب انها فقط مرخصة يبقى تلوم على اللى اشترى الرخيصة وخد العملسة نظام صابت او خابت ولوى ذراع الدولة او دفع الرشاوى لتوصيل المرافق ؟

معظم اموال حرامية الدولة الكبار من هذه الحركة يضع يده على ارض ويضع الدولة امام الامر الواقع

ولو فاكر ارض طريق اسماعيلية مش بعيد عننا

بتتباع عينى عينك واعلانات ملاية الدنيا ومين اللى بيشربها ؟ اللى اشترى وعارف انها ارض زراعة وبيحلم ان بالرشوة تتحول مبانى يبقى لو الدولة رفضت تديهم رخصة هل من حقهم البكاء والعويل ان ده شقى العمر وبيت اسرة المستقبل والكلام ده ؟

صدقنى لا يوجد افضل من تطبيق القانون بصرف النظر عن الضحايا لانهم عارفين ان ده هايحصل عاجلا ام اجلا بعد الشراء

تم تعديل 19 سبتمبر 2011 بواسطة raouf

[ابراهيم عبد العزيز]

أنامختلف تماماً معكم عندما نقارن ظاهرة التوك توك بظاهرة الباعة الجائلين أو العشوائيات

الاثنين نفس الشىء يا أخ سي السيد , ما الفرق بينهم ؟؟

إذا رضينا باستمرار مخالفات التوتوك لكي لا نقطع أرزاقهم فلما نرفض مخالفات الباعة الجائلين ونقطع أرزاقهم طبقا لنفس التبرير ؟

تم تعديل 19 سبتمبر 2011 بواسطة ابراهيم عبد العزيز

[mfarag]

و من ترك هذة الظاهرة تكبر و تستفحل تحت اعين الدولة

اللى طبعا كان اصابها العجز و كان لا قانون مطبق فى الشارع

اعتقد اننا قد نختلف فى مسالة السماح بالتوتوك كليا او منعة نهائيا او منعة جزئيا فى المدن الكبرى و عواصم المحافظات

الا انى لا اعتقد اننا قد نختلف على ضرورة و على الاقل ترخيصة - منعا للفوضى و كم الجرائم الذى يرتكب بواسطتة ومن اجلة

و دمتم بخير