أسعار مكالمات الموبيل الجديدة في السعودية

[se_ Elsyed]

بشرى لمستخدمي الموبيل في السعودية والرايح يقول للجاي ..

إبتداءً من تاريخ 26/10/2004 سوف يتم تخفيض الرسوم الشهرية ورسوم مكالمات الموبيل والتي ستكون على النحو التالي :

1- الرسوم الشهرية ستنخفض من 60 ريال إلى 45 ريال وفي هذه الحالة ستكون المكالمة بـ 35 هللة / دقيقة .

2- او ممكن تختار تبقى 35 ريال / الشهر ... وفي هذه الحالة المكالمة هاتبقى بـ 45 هللة .

3- الرسالة الداخلية من 30 الى 25 هللة ... والدولية من 70 هللة إلى 60 .

4- المكالمة من ثابت لموبيل من 45 إلى 40 هللة / دقيقة .

5- الإنترنت هايبقى مجاني لا ISP ولا غيره والدقيقة هاتبقى بـ 5 هللات ... ولو مصمصم تتعامل مع ISP يبقى في تخفيض 25 % .

6- على نهاية السنة دي هاتنخفض جميع المكالمات الدولية بمقدار 15 % .

7- وطبعاً بقى لهم فترة خط الموبيل ببلاش .. وخط الهاتف الثابت ببلاش ... تروح تقدم وتشيل على طول .. او تقدم عن طريق النت .

7- معلومة هامة وخطيرة ....

حسب كلام رئيس شركة الإتصالات إن أكثر ناس بيتكلموا دولي هنا في المملكة هما

آن آن

المصريين اهما ..... بيعملوا كام بقى الأشاوس ؟

... 30 مليون دقيقة في الشهر ... يعني متوسط كده بالصلاتو عالحبيب 90 مليون ريال ( 24 مليون دولار ) .

تعرفوا كل ده ليه .. لإن بقى فيه هنا رعب من الشركة الامارتية ( أتصالات ) التي فازت بتنفيذ المرحلة الثانية من شبكة الجوال ( دفعت للسعودية مبلغ 12.5 مليار ريال تقريباً ) وأصبحت منافس قوي للشركة السعودية التي كانت محتكرة وهاتبدأ شغل من بداية العام القادم وطرحت بالفعل أسهم بمقدار 7 مليار ريال ( بس ) وقيمة السهم 50 ريال .

[Mohammad Abouzied]

على فكرة البطاقات السابقة الدفع اضافوا عليه من اول رمضان خمسون في المائة لوحدها

يعني لو بتشغل ببطاقة دفع مائة ريال هتلاقيها زادت قيمتها خمسون ريال على طول الان

على فكرة لم يحدد بالظبط متى سوف يعملون بهذه التخفيضات

[se_ Elsyed]

على فكرة لم يحدد بالظبط متى سوف يعملون بهذه التخفيضات

إتنشرت في كل الجرايد إمبارح إن التخفيضات هاتبدأ من تاريخ 26/10/2004 .

[MZohairy]

لما كنت في مصر اخر اجازه من سنتين كنت بشتري كارت تليفون ب 110 جنيه رغم انه مكتوب عليه 100 جنيه

والاكاده ان الرصيد بالكارت 80 جنيه فقط........... حاجه صعبه صعبه صعبه

[فــيــروز]

يا جماعه رفقا باخوانكم فى مصر .. lo::

شركات جديده و تحسين خدمه وعروض محترمه واحنا مفيش عندنا غير ام نبيل وفوده فون mf(

حسبنا الله ونعم الوكيل mc:

[se_ Elsyed]

ولمزيد من القهر أحب أقول إن صافي ربح شركة الإتصالات السعودية خلال الـ 9 شهور الأخيرة بلغ 2 مليار دولار ( ده ربح مش إيراد )

اللهم صلي عالنبي .. حاجة حلوه وقشطة بالمهلبية .. لا تقولي بترول ولا أوبك .

لما كنت في مصر اخر اجازه من سنتين كنت بشتري كارت تليفون ب 110 جنيه رغم انه مكتوب عليه 100 جنيه

والاكاده ان الرصيد بالكارت 80 جنيه فقط........... حاجه صعبه صعبه صعبه

يا فندم ما انت عندك ضريبة مبيعات وضريبة رؤوس وضريبة دخل .. أومال تتكلم ببلاش ؟

[se_ Elsyed]

أحبائي كل أفراد الأسرة ... اللي عايشين في السعودية آه .. اللي عايشين في حتة تانية لأ ...

إليكم التخفضيات الجديدة على المكالمات الدولية لمصر والتي ستطبقها شركة الإتصالات السعودية إعتباراً من تاريخ 13/12/2004

- المكالمة في الوقت العادي 3 ريال/دقيقة ...

- المكالمة في وقت التخفيض 2.6/دقيقة

( وقت التخفيض من 11 مساءً إلى الثامنة صباحاً ولغوا حكاية إن في وقتين للتخفيض ، الأول كان من 11 إلى 3 صباحاً وبعدين من 3 إلى الثامنة صباحاً )

وبالنسبة لأمريكا لو عايز تكلم حد امريكاني بس تكون بتعرف إنجليزي :

- السعر العادي 2.5 ريال/ق

- سعر التخفيض الأول ... زي ما هو 2.5

- سعر التخفيض الثاني .... 2.4 ... مارحتش بعيد كلها هلالات .

لو حد عنده إستفسار عن سعر المكالمات الجديد لأي دولة يبعتلي ... يعني مثلاً لو حد عايز يكلم لبنان ( سامعني يابني هناك يابو قميص أخضر ) أنا تحت امره ونبعت له الريت الجديد .

[shabana]

ياريت حد يقولنا اخر الاسعار

وفى كم شركه وايهما احسن العروض بالنسبى للدولى والداخلى

[بندق أفندى]

شركة موبايلى تحقق أرباح فى 2008 قيمتها 2.09 مليار ريال .. وهى يعنى يا دوب بقالها سنتين

الأسعار والعروض المنافسة على أشدها

موبايلى تشحن ب 240 ريال تاخد 150 ريال مجانا

الاتصالات السعودية تشحن ب 300 ريال تاخد 150 مجانا

زين اللى تتكلم بيه الخميس والجمعة يضاف ضعفه لرصيدك فى الأسبوع اللى بعده

موبايلى وزين التجوال مجانا .. يعنى تجيبلك موبايل وخط تبعتهم بلدك وتتكلم بسعر الدقيقة المحلية .. بس

[somayasaleh]

شركة موبايلى تحقق أرباح فى 2008 قيمتها 2.09 مليار ريال .. وهى يعنى يا دوب بقالها سنتين

الأسعار والعروض المنافسة على أشدها

موبايلى تشحن ب 240 ريال تاخد 150 ريال مجانا

الاتصالات السعودية تشحن ب 300 ريال تاخد 150 مجانا

زين اللى تتكلم بيه الخميس والجمعة يضاف ضعفه لرصيدك فى الأسبوع اللى بعده

موبايلى وزين التجوال مجانا .. يعنى تجيبلك موبايل وخط تبعتهم بلدك وتتكلم بسعر الدقيقة المحلية .. بس

طيب يا استاذ بندق.....سعر الدقيقه كام؟

والسعر طول اليوم او بالليل ارخص؟

وينفع من الجوال لموبيلي في مصر؟ او لازم نفس الشركه... موبيلي -موبيلي؟

:unsure: :blink:

[se_ Elsyed]

وينفع من الجوال لموبيلي في مصر؟ او لازم نفس الشركه... موبيلي -موبيلي؟

الشريحة اللي هاتبعتيها مصر يا مدام سُميه لو :

1- موبيلي ... يبقىهناك تختاري شبكة إتصالات مصر ( تجوال الدولي ) ... وتتصلي عليها من أي مكان في العالم .... ولو من السعودية بتتحسب محلي طبعاً على المُتصل والدقيقة حسب الباقة اللي إنتي مشتركه فيها ... يعني غالباً بتبقى ما بين 35 إلى 45 هلله ....

أنا بأروح أي بقالة دلوقت بأحصل على شريحة موبيلي ثمنها 25 ريال ... 15 رصيد .. والولد بيكسب له فيها 10 ريال ... وفيها صلاحية حوالي 4 شهور ... أنا مش محتاج رصيد فيها لإن أنا اللي بأتصل عليها من هنا ... وبأروح بالشريحة اي مكتب موبيلي أغيرها بإسمي وانا واقف .. وبعدين أبعتها لحبايبي في مصر ... وهما هناك يجيبوا أي موبيل بتلاتة تعريفة ويحطوا الشريحة فيه ويخلوه معاهم عشان إتصالتنا ..

2- زين ... يبقى تختار هناك شبكة موبينيل ... وموبينيل أتاحت شحن البطاقة هناك ببطاقات موبينيل نفسها ..

أنا بقى لي 12 سنة مع شركة STC وبصراحة خدماتهم ممتازة وباقاتهم ممتازة جداً أيضاً ومنها مثلاً :

الدخول على هذا الرابط لمعلومات أكثر

STC

[بندق أفندى]

شركة موبايلى تحقق أرباح فى 2008 قيمتها 2.09 مليار ريال .. وهى يعنى يا دوب بقالها سنتين

الأسعار والعروض المنافسة على أشدها

موبايلى تشحن ب 240 ريال تاخد 150 ريال مجانا

الاتصالات السعودية تشحن ب 300 ريال تاخد 150 مجانا

زين اللى تتكلم بيه الخميس والجمعة يضاف ضعفه لرصيدك فى الأسبوع اللى بعده

موبايلى وزين التجوال مجانا .. يعنى تجيبلك موبايل وخط تبعتهم بلدك وتتكلم بسعر الدقيقة المحلية .. بس

طيب يا استاذ بندق.....سعر الدقيقه كام؟

والسعر طول اليوم او بالليل ارخص؟

وينفع من الجوال لموبيلي في مصر؟ او لازم نفس الشركه... موبيلي -موبيلي؟

:lol: :P

سعر الدقيقة دولى 1.8 والمخفض 1.7 ريال وممكن الاستفادة من خدمة الأهل والأصدقاء للحصول على تخفيض 20% فى أى وقت وهو رقم واحد دولى لسوا ورقمين على ما أعتقد للجوال المفوتر ..

لكن أرخص طريقة كما أسلف س س تجيبى حضرتك شريحة موبايلى أو زين وسعر الدقيقة هيكون 65 هللة فقط

[se_ Elsyed]

لكن أرخص طريقة كما أسلف س س تجيبى حضرتك شريحة موبايلى أو زين وسعر الدقيقة هيكون 65 هللة فقط

طب وعشان خاطرنا يا شيف ؟ :lol:

سعرك علاي قوي .. إنت بتقصد البري بايد كارد ولا إيه ؟

لإن الدقيقة في الخط مش الفاتورة حوالي 35 هلله فقط ...

يعني سعر المكالمة من الكرت ضعف الفاتورة تقريباً ..

[se_ Elsyed]

إوعى وشك يابو اشرف

عرض جديد من الإتصالات السعودية stc..

" إتكلم دولي لأي دولة في العالم أجمع بسعر 50 هلله بعد الدقيقة الرابعة .. سواء من خط فاتورة أو كرت أو عفريت أزرق .. لمدة شهر أعتباراً من 21/3 وست الحبايب يا حنانا نيننا "

يعني إذا كانت الدقيقة لمصر بـ 1.2 ريال .. فأول أربع دقايق هايتحسبوا كده .. والباقي بنص ريال ..

مش عارف هو لسه في حد عايش ما عندوش خط موبايلي أو زين هناك وبيتصل به من هنا بسعر المحلي ؟ :blink:

لكن أهو .. زيادة الخير خيرين ..

[السندباد]

السلام عليكم

عرض جديد من شركة موبايلى

اتصل دوليا من الساعة الثامنة مساء وحتى الثامنة صباحا فقط ب55 هللة للدقيقة

فى الفترة من 19 ابريل 2009 م الى 18 مايو 2009 م ( اى لمدة شهر )

واللى معاة شريحة موبايلى فى مصر يركنها شوية

يلا اتصالات

[السندباد]

تمت التجربة امس

وكانت فل الفل :o

[خالد شحاته]

السلام عليكم ورحمة الله جميعاااااااااااااااااا

خط زين الي زين في مصر 30 هلله انما لو اتصلت من اي خط اخر الي زين في مصر بيخسم عليك سعر المكلمه المحليه ويخصم من خط زين في مصر 55 هلله انما لو من اي خط زين لزين لم يخصم اي شي من الخط الا موجود في مصر اما الاتصالات السعوديه

لقد نزلت عرض لعملاء التميز وهي استقبل جميع المكلمات في جميع العالم مجانا معدا الهند وباكستان وكم دوله اخري

تم تعديل 21 أبريل 2009 بواسطة خالد شحاته