سلفيو كوستا \ فيلم اين محلي :)

[م تيمور المراغي]

http://www.youtube.com/watch?v=_smyfU7pXV0&feature=share

[se_ Elsyed]

فيلم ظريف وواقعي وهو ده اللي لازم يحصل لأن ما فيش حد في مصر يقدر يُقصي الأخر لإننا كلنا ركاب سفينة واحدة بغض النظر عن وجهات نظرنا أو إنتماءتنا

[Alshiekh]

ياريت فيلم زى ده يتعرض فى الفضائيات والتليفزيون المحلي

وياريت يتشطروا ويعملوا لنا فيلم " أين عقلي " للناس اللي مصرة تسيب الأقفال على عقولها

[م تيمور المراغي]

اظرف تعليق لما كلهم بصوا للشاب المسيحي وقالوا له : واسمك انطونيادس كمان !!! :happy:

واحلى مشهد لما السلفي داخل المخبأ بيتلفت حواليه عشان يجيب كتاب الاذكار والحوار اللي دار بينه وبين مهربين الكتب الدينية

اكيد التوك شو حيجيبهم ويعرض الفيلم زي ماعملوا في فيلمهم اللي فات

[mekkawy]

سلام عليكم و صباح الخير عليكم

اول ما قريت العنوان قلت يا فتاح يا عليم يا رزاق يا كريم .. خناقة جديدة مع تيمور و زمبور و زن على خراب مالطة

بس لما شفت الفيلم الصراحة عجبني و حسيت اني ممكن اعمل حاجة زي دي و قعدت أدور على اي مخالفة شرعية ما لقتش .. و قلت في عقل بالي أكيد الاخوة دول حريصين على عمل حاجة مفيدة بدون الوقوع في مخالفات .. رحت منفضلي بأة و قعدت اتفرج .. بجد بجد برافو عليهم و يا ريت ده يحصل بشكل حقيقي .. هو مش سهل لكنه مش مستحيل.

شكراً يا تيمور على النقل.

[مغتربة]

رائع بالفعل

مش هتكلم عن الفكره الى بيناقشها الفيلم رغم تميزها

لكن عايزه اتكلم عن فكره الفيلم ذاته

الفكره الخاصه بضروره التعايش بين مختلف الاتجاهات الفكريه دون اقصاء تم المطالبه بها على نطاق كبير قبل ذلك اكثر من مره

لكن الجميل فى الموضوع هو انهم تعدوا مرحله الكلام او الكتابه للتعبير بشكل اكبر و بفكره ملموسه اكتر

بشيىء فيه جهد و فى تنفيذ و تصميم و اخراج

احنا عايزين من دا كتير

عايزين ننمى فكره اننا مش بس نعبر عن راينا

و انما نتخطى دا لمرحله اكبر شويه

و هى اننا نجتهد فى التعبير عن الراى دا باكتر من شكل و وسيله بحيث ان احنا نتاكد انه وصل لاكبر شريحه ممكنه

مش كفايه ان احنا نحلم بالرساله و انما لازم نجتهد فى توصيلها

[م تيمور المراغي]

العفو يا ميكو

وهيا دي الروح الجميله اللي المفروض تكون بيننا كلنا

ده الفيلم الاولاني بتاعهم للي ماشافهوش او عاوز يتفرج عليه تاني

http://www.youtube.com/watch?v=Boj07ZU4L7s