إضحك مع التعليم في مصر في عصر ما بعد الثورة والحداثة

[se_ Elsyed]

مش هاتكلم كتير

ده غلاف كتاب الفلسفة بتاع أول ثانوي ... وأول تاني بالتحديد عشان ده كان دايمماً فصل الشطار

أديها تعليم ومما ترحمهاش يا معلم

[se_ Elsyed]

حاجه أقذر من القذارة مش كده ؟

البهوات بيعبوا الكتب كأنهم بيعبوا شوال بطاطس

مش مهم بقى بططساية بايظة أو مدودة ... اهم حاجه يعبي الشوال وخلاص

وحتى على أيام الزعيم الخالد مبارك ... كان ليه يتكتب مقتطفات من كلام سيادته اللي كله حكم وفلسفة على ضهر الكتاب ؟

وفرقنا إيه عن إبن المجنونة القذافي اللي التليفزيون والاذاعة والمجاري طول اليوم بيذيعوا مقتطفات من الكتاب الاسود اللي مأله ؟

وفين الأخ وزير التعليم من ده كله ؟

سيبكوا من موضوع غلاف كتاب أو غلاف جوي ... فين وزير التعليم يكلمنا عن تعليم ما بعد الثورة وإيه طريقنا دلوقت ؟

تصدقوا بالله ؟

كل ما بأشوف مسئول دلوقت ... حتى عصام لا مؤخذه شرف .. بأقول " اللي خلف ما متش " ومبارك خلف فعلاً ... بس خلف شوية مسئولين زبالة

الافندي وزير التعليم طالع أول أمبارح على التليفزيون وبيقول إن المدرسين اللي عاملين إضراب هم قلة مندسة

نفس النغمة ونفس العنجهية .. ونفس الغباء ... لا زاد غباوة ولا نقص غباوة

من الدروس التاريخية اللي لازم نعلمها لولادنا " ما فيش ثائر بيعمل ثورة حق على الظلم يسيب الثورة لوحدها في الشارع ويروح وغيره يركب الثورة تحت مُسمى حماة الثورة أو تحقيق اهداف الثورة ... خصوصاً لما يكون غيره دول هما الفلول "

[mustafagamiel]

ازيدك من الشعر بيت

ايضا الصف الاول الابتدائي

مكتوب كده

من هو رئيس مصر الحالي جنبها صورة الاي مايتسمى

[hOuSsAm]

هو الراجل اللى اسمه وزير التعليم ده مينفعش يتاحكم بسبب الجلدة دى

ازاى يكتب عالكتاب الرئيس محمد حسنى مبارك وهو اتخلع وبيتاحكم

ازاى يخليه قدوة لطلاب هما اصلا بيكرهوه واسقطوا نظامه

--------------

بصراحة بجاحة

واحد اتخلع وبيتاحكم ومنتظر عقوبة اعدام اقوم احطه للطلاب واقولهم خذوه قدوة

حسبى الله ونعم الوكيل اللى اختشوا ماتوا

[ابراهيم عبد العزيز]

نظام التعليم عندنا

تم تعديل 19 سبتمبر 2011 بواسطة ابراهيم عبد العزيز

[م تيمور المراغي]

شباب 6 أبريل تطلب من وزارتي التعليم تدريس مادة (الديمقراطية وثقافة الإختلاف ) كجزء من المناهج المصرية \\الرباط الخاص بي

[وطني حر]

كتاب الصف الثالث الاعدادى فى مادة التاريخ تحدث عن الحزب الوطنى قائلاً إن الحزب الوطنى هو حزب شعبى يهتم ببناء الانسان المصرى

وضمان حريته وكفالة رفاهية المصريين وتحقيق العدالة الاجتماعية وسيادة القانون ..

و غلاف فلسفة أولى ثانوي: مقتطفات من حديث الرئيس حسنى مبارك

[مصطفى يونس]

فى مناهج التربية والتعليم مبارك مازال رئيساً لمصر

ومصدر بالوزارة يؤكد: الدولة تعاني مصاعب مالية ولا يُمكن إهدار المال لإضافة كلمة واحدة "والعالم كله وليس مصر فقط يعرف أن مبارك بات رئيسًا سابقًا"

[se_ Elsyed]

خالد صلاح يكتب.. "كلمة واحدة": صور وزير التعليم

الثلاثاء، 20 سبتمبر 2011 -

وسط الأجواء الساخنة لإضراب المعلمين، والتراشق بالكلمات بين وزير التعليم وقادة الإضراب، لم يلفت انتباهى سوى هذه الصور المدهشة للسيد الوزير فى جولاته على المدارس. مدهش حقاً مستوى الفصول التى اختارها الوزير للتصوير، ومبهرة بالفعل حالة المدارس التى طالعناها فى الصور، فالطلاب جالسون فى وداعة، وأمامهم أجهزة «لاب توب» حديثة، والمقاعد نظيفة، ولا يجلس عليها سوى تلميذ واحد لكل مقعد، والفصول مزينة باللوحات والكتب، وزجاج النوافذ بلا أى خدش أو تكسير.

أسأل فقط: هل هذه الفصول فى مصر، أم أن الوزير التقط هذه الصور فى عاصمة أوروبية؟ وأسأل أيضاً: هل تعنى هذه الصور أن الوزارة لن تلتفت إلى مأساة الأبنية التعليمية، وما تعانيه المدارس من خلل فى المرافق والأدوات والتكدس، ومن ثم جاءت الصور لتبعد المشهد المظلم للأبنية التعليمية عن العقول والأذهان؟

الدكتور جمال الدين موسى كان قد دعانى فور توليه المنصب إلى لقاء موسع مع قيادات الوزارة، ليطلع الصحف على تحديات التعليم فى مصر، وكان على رأسها فقر الأبنية التعليمية، وأقول هنا: هل خرجنا بتصور شامل لمواجهة هذه التحديات، أم أن صور الوزير ستغطى على المأساة، وتؤجلها إلى أجل غير مسمى؟!

[se_ Elsyed]

نحن بالفعل نعيش في كارثة حقيقية

كارثة بكل معنى الكلمة وتحتاج من الشعب كله للمليونيات ..

مليونيات لكشف تلك الوجوه القبيحة التي قفزت على الكراسي بعد الثورة لتُعيد أمجاد ما قبل الثورة وتنتهج نفس المنهج القذر

وعلى سبيل المثال الاخ اللي هارينا زيارات لمدارس هوليودية للتصوير فقط ... وظهورة في برامج التليفزيون كل يوم .. بل في اليوم الواحد أكثر من مرة ...

والمحصلة التعليمية = تحت الصفر

كنت أظن أن هناك ثورة ستحدث في التعليم بعد الثورة ... لكن ببساطة مازالنا نتراجع للوارء وبسرعة الصاروخ

أقسم بالله العظيم .. وقسم مُغلظ ... لو الوزير ورئيس الوزارة والسادة أعضاء مجلس الأنس كانوا شافوا المدرسة التي تبنتها قناة CBC وتحديداُ برنامج هنا العاصمة التي تقدمه لميس الحديدي في محافظة الجيزة وتحديداً منطقة أبو النمرس ... لو كان الناس اللي على قلبها مراوح دي شافوا المدرسة .. كانوا خدوا بعدهم على كوبري قصر النيل ورموا نفسهم وأنتحروا من سكات

البرنامج مش برنامج خدمي أو بيجمع تبرعات أو أو او ..

لكنه برنامج توك شو للتعليق على الاحداث الجارية في مصر ... لكن الظاهرة إنهم تلقوا طلبات كثيرة من الاهالي هناك عشان ينظروا نظرة للمدرسة دي

والله يا جماعة شيء بشع فوق ما تتخيلوا

ومش عاوز أشبهة بحظيرة مواشي ...

أنا ذو أصول ريفية .. وشوفت حظائر مواشي كتيرة في منتهى الجمال .... لدرجة بأقول لواحد قريبي السنة اللي فاتت إبقى هات لي كرت من أي بقرة عندك أخليه معايا يمكن أحتاجها كواسطة في أي مصلحة ... من كتر النضافة ... ومن كتر ما هم بيهتموا بنظافة البقر وبيحموه بالديتول والمناديل المعقمة ... أه والله

المدرسة دي منسوب الصرف الصحي الطافح فيها سواء في الوحش او الفصول نفسها وصل إلى أكثر من متر ... والزبالة داخلها لا توصف ... والفصول كلها عبارة عن خرابات .... وما يعرفوش طبعاص حاجه إسمها حمامات .... وكان المفروض طبعاً إنها في الخطة عادي والدراسة هاتبدأ فيها أمبارح ومافيش مشكلة ... والكلام ده من فترة مش من قريب والدنيا ماشيه زي الفل واطفال الابتدائي هايذهبوا إليها ليتلقوا العلم ودعه يتعلم دعه يمر

فتبنوا الموضوع وجابوا مقاولين يشتغلوا فيها 34 ساعة لحد ما خلوها عروسة مش مدرسة في خلال أسبوع ..

كل ده والوزارة ولا هي هنا ومشغولة بالهجوم على القلة المندسة من المدرسين اللي بيقول جاييييييييي إحنا ببني أدمين وبصوا لنا بصه يا أهل الوزارة

فعلاً هي دي الموضوعات اللي تحتاج إلى مليونيات

[ابراهيم عبد العزيز]

"التعليم" تسحب 80 ألف كتاب من المدارس بسبب صور مبارك

أكدت مصادر مطلعة بوزارة التربية والتعليم أن الدكتور أحمد جمال الدين موسى أصدر تعليمات بسحب 80 ألف نسخة من كتب مادتى التاريخ والتربية الوطنية المقررة على طلاب مرحلة الثانوية العامة من المدارس، نظراً لوجود عبارات وصور للرئيس المخلوع محمد حسنى مبارك على أغلفتها.

وقالت المصادر إن هذه الكتب طُبِعَت فى صيف 2010- قبل اندلاع ثورة 25 يناير- ولكنها لم تُستخدَم العام الماضى، لأنها كانت فائضة عن حاجة الطلاب، فتم الاستعانة بها بداية العام الدراسى الجارى، لتوفير قيمة طبع نسخ بديلة عنها، إلا أن الوزارة اكتشفت مع بدء الدراسة أنها تحمل مجاملة، وفق تقدير الوزير، للرئيس المخلوع.

وأوضحت المصادر لـ"اليوم السابع" أن "جمال الدين" أمر بسرعة سحب النسخ من المديريات التعليمية، وطبع نسخ بديلة عنها خالية من المجاملات للرئيس المخلوع بقيمة مالية تقارب الـ 200 ألف جنيها بعد تعدد شكاوى المدرسين وأولياء الأمور من هذه الكتب والتى قالوا إنها تحمل مغالطات تاريخية تؤثر سلباً على استيعاب الطلاب، وأضافت المصادر أن النسخ التى قرر الوزير سحبها مصنَّفة لـ 30 ألف كتاب تاريخ تحمل أغلفتها صوراً لـ"مبارك" و50 ألف كتاب تربية وطنية تحتوى على صفحة بعنوان "مأثورات لمبارك عن التربية الوطنية".

وبحسب المصادر يصل عدد النسخ الفائضة من العام الدراسى الماضى إلى 30 مليون نسخة رأت "التربية والتعليم" الاستعانة بها خلال العام الدراسى الجارى لتوفير 120 مليون جنيها قيمة طبع نسخ بديلة عنها، وتؤكد المصادر أن المديريات التعليمية استعملت نسخ العام الماضى باعتبارها مطابقة من حيث المحتوى للنسخ الجديدة، إلا أنه، ومع بدء العام الدراسى الجديد، طلب الوزير سحب 80 ألف نسخة منها فقط خاصة بالتاريخ والتربية الوطنية وطبع بديل عنها مع الاستمرار فى استعمال المتبقى من الـ 30 مليون نسخة طالما لا توجد أخطاء بها، وتضيف المصادر أن "جمال الدين" طلب تصميم غلاف لكتاب التاريخ يركز على الأحداث التاريخية وليس الحكام ليبتعد الطلاب عن ثقافة تمجيد الأشخاص، كما أمر بسرعة طبع النسخ الجديدة وتعويض الطلاب بأخرى مؤقتة خالية من المغالطات لحين استلام الجديدة.

من جهته دعا الدكتور عاصم الدسوقى، المؤرخ المعروف والمشارك فى تعديل كتابى التاريخ للشهادتين الابتدائية والاعدادية، إلى عدم تدريس حقبة سياسية داخل المدارس إلا بعد انتهائها حتى لا تتكرر مجاملات المناهج لحاكم بعينه مثل حسنى مبارك، وأكد "الدسوقى"، لـ"اليوم السابع"، أن الطريقة الأمثل لكتابة التاريخ تعتمد على سرد الحقائق دون إدخال آراء المؤلفين فى الكتب بغرض توجيه الطلاب.

وتوضح الإحصاءات الرسمية أن وزارة التربية والتعليم طلبت من المطابع طبع 153 مليون كتاب للعام الدراسى الجديد واستعانت بـ 30 مليون نسخة من العام الماضى بعد تأكيد مستشارى المواد تطابق مضمون النسختين.

[احمد ابو يوسف]

ربنا يرحمنا منه بقي ويصلح حال البلد