مصر مش حينصلح حالها غير لما ,, !!!!!!

[Simba]

انا شايف ان مصر هيتصلح حالها اوي لما وهيبقي فيه افكار وتنوع لما ترحل بجد دولة العواجيز ويحكمها شوية العيال السيس اللي اتربوا علي تويتر والفيس بوك

http://www.youtube.com/watch?v=Rn9Fo1lQ02U

[Diab]

شكلها هتقلب بغم :sad:

[مغتربة]

موضوع لذيذ

طيب شويه اضافات

لما نبطل نقول سنسله بدل سلسله

بروفل بدل بلوفر

عيلاء بدل علاء

مرفت بالفاء بدل ميرفت بالعلامه الصوتيه المكافئه لل v

[Howayda Ismail]

مصر مش حينصلح حالها الا لما

لما نرتفع بالذوق العام ونبطل نسمع اغانى من عينة كوكا وحجرين ع الشيشة

لما تركب مواصلات عامة ومتلاقيش واحدة حامل واقفة ولا شايلة عيل والبيه قاعد مطنش او عامل نايم

لما الشاب الصغير يحترم اللى اكبر منه وميقلش ادبه عليه ويطاول

لما الناس والجيران يسألوا على بعض محبة مش عشان له مصلحة عندك

لما تحس بجارك لما يغيب مش تفاجئ ان جنازته النهاردة

لما تطمن بنتك ولا مراتك تمشى فى الشارع من غير اى رزيل يمد ايده يشد طرحتها ولا يزق صاحبه عليها

لما الشباب يبطل يقف على النواصى يعاكس اللى رايحة واللى جاية

لما الاولاد تحترم اهاليها ومتعليش صوتها عليهم بدعوى ايامنا غير ايامكم

لما ميبقاش التسول والشحاتة مهنة لناس مش محتاجة وقادرة تشتغل

لما اللى مش محتاج يعف نفسه وميقفش فى طوابير توزيع الصدقات وشنط رمضان

لما نبطل فشخرة بموائد الرحمن ونعمل بدلها مشروع يشغل مئات المحتاجين ويعفهم

لما نبطل نبص فى اللى فى ايد غيرنا ونستكتر عليه نعمته

لما نبطل نقول على الغلط ده العادى دلوقت ياعم كبر

لما كل واحد يبطل يفكر فى نفسه ويشوف مصلحته وبس ويكش تولع البلد

لسة فى سلبيات كتيرة وللاسف كلها تمس الاخلاق

مصر مش حتصلح الا لما نصلح اخلاقنا

[Simba]

وهيتصلح حالها لما الناس تبطل لهجة التخوين وتحط ايديها في ايد بعض

http://www.youtube.com/watch?v=_smyfU7pXV0&feature=related

[ابراهيم عبد العزيز]

مكروباظ = ميكروباص

تم تعديل 19 سبتمبر 2011 بواسطة ابراهيم عبد العزيز

[وطني حر]

انا كدا هكتب بالمقلوب الي ستحاله تسمعها

تروح كدا لاخرالفلاحين وتسال سؤال

انا اشتريت طياره ومش عارف اجيبها على وراء . هتلاقي الف من يرد عليك واستحاله تسمع

انا مش عارف او معنديش فكره

[م تيمور المراغي]

انا كدا هكتب بالمقلوب الي ستحاله تسمعها

تروح كدا لاخرالفلاحين وتسال سؤال

انا اشتريت طياره ومش عارف اجيبها على وراء . هتلاقي الف من يرد عليك واستحاله تسمع

انا مش عارف او معنديش فكره

آخ يا ني

فكرتني يا وطني

كان عندي مشكله كبيره في الجوازات

وربنا ابتلاني بواحد من اللي بتقول عليهم دول

اشرح له الموضوع قد ايه معقد

يقوم مركز بعينيه في الارض ومضيق حواجبه

ثم اذ فجاة !!!

- صلي ع النبي يا بشمهندس

يقوم البشمهندس متنفض خابط في السقف ونازل ع الكرسي تاني

- عليه افضل الصلاة والسلام

والمهم يتوه اللي جابوا المهندس في مشاواير وحواديت

وتضيع الاسابيع والشهور والفلوس في لاشيئ

[pink rose]

مصر مش هاينصلح حالها الا لما يكون ناسها قدوتهم هو محمد صلى الله عليه و سلم

[وطني حر]

قبل سنتين تقريبا . رحت مكه في رمضان ليله 27 مع مجموعه اصحاب كانو نازلين زياره فقلت ناخذهم علي مكه يومين

اول ما احرمنا من الميقات . ونا بقول لهم يا جماعه لو تهنا من بعض اسالو علي باب السلام

اسمه ايه .. باب السلام

وكل شوي افكرهم بيه واقول لهم الحرم زحمه وممكن نفترق في الطواف فلو حد مننا تاه عن الاخر نروح نقعد عند العسكري الي عند باب السلام

المهم فضلت اكرر باب السلام

اول ما وصلنا الحرم وهللنا لما شفنا الكعبه المشرفه . سالت ؟ لو تهنا من بعض نلتقي فين

.محنا عارفين ياريس .

مش قلت لنا قبل كدا .

طب فين يا جماعه

قال اخونا بالله

عند العسكري عليه افضل السلام

قلت ما فيش فايده ......فكرت في الحل .. .. الحل كان ايه

يا جماعه انا مش قادر على الزحمه وخايف اتخنق والناس تدوسني شدوني عشان انا ممكن يغمي عليا ..

فضلو شادين لحد ما خلصنا طواف . والحمد لله

تم تعديل 19 سبتمبر 2011 بواسطة وطني حر

[مسافر زاده الخيال]

انا ارى ان من جمال (اللهجة المصرية/او القاهرية) هذه التنويعات الغريبة في اللغة المحية.....حيث انها تعطي حيوية و قدح لزناد الفكر ((و للمتعمق فهي تحوي على كمية فلسلفية كبيرة جدا)..............مثل

ايون

بير الزلم

سكسه

شهاته اﻻصانص

العلوان

لكلوك

و اغاني هوبا و عبد الباسط حموده ال...خ (تعكس بصدق فئات و طبقات معينة) فانا احب الفطرية و السجية ((اما التزويق و التنميق فلها اوقاتها)) ففي بداية عملي الذي تطلب السفر كثيرا بين القرى و البلدات البعيدة كنت دائما ما اضع اشرطة عدوية و شعبان عبدالرحيم فليس من المنطق-بالنسبة لي-اﻻستماع لمقطوعة هكذا تكلم زرادشت او اغنية يا سماء الشرق خلال القيادة المملة