حقنا فى شراء سيارة بدون جمارك

[osaimi]

لماذا لا نطالب بحق المغترب الذي أمضي علي الاقل 5 سنوات بالحق فى شراء سيارة معفاة من الجمارك مثل باقي الدول العربية ، ممكن ان نفتح صفحة علي الفيس بوك للمطالبة بهذا الحق كما انه لنا الحق ايضا فى وجود مدارس تدرس المنهج المصري بدلا من البهدله اللي احنا فيها

مطلوب آرائكم وكيفية تفعيل هذة المطالب

[egyptawy]

انا شايف انه مش وقته خالص البلد عمالة تضيع وكل فئة بتنادى بحقوقها

خلينا نبنى البلد ونوقفها على رجليها وبعدين كل واحد ياخد حقه

[المهندس تك]

Egyptawy أنت صح :unsure:

[osaimi]

انا مش بقول هنعمل مظاهرات ولا اعتصامات ولا حاجه احنا بعيد عن البلد ومافيش في ايدينا اصلا حاجه نعملها دا حتي حقنا فى الانتخابات مش عارفين هناخده ولا لأ . كل الموضوع هو طلب ... طلب من المغتربين مش أكتر ، دا جزء من حقنا المهدر

كفاية انهم ضاحكين علينا من عشرات السنين بفرق العملة

ولو مش دلوقتي بس عاوزين نفكر ايه هي الآلية وامتي ؟؟؟