المراحل السبعة للزواج

[لونا]

أجرى الباحثون دراسة حديثة على مجموعة من المتزوجين في فترات زمنية مختلفة - من الشباب ومن الأكبر سناً - ثم قسموا المراحل التي يمر بها الزواج إلى سبع مراحل.

وذلك على ضوء النتائج التي توصلوا إليها.

وهذه المراحل هي:

المرحلة الأولى: السنوات الوردية الحالمة، وهي تمتد من بداية الزواج وحتى سنتين أو ثلاث. وفيها يرى كل من الزوجين في شريكه أنه فتى (أو فتاة) أحلامه، فيشعر برضا وارتياح لاختياره وتوفيقه مع شريك حياته.

المرحلة الثانية: وهي تبدأ بعد سنتين أو ثلاث ، وتمتد حتى سبع سنوات بعد الزواج. وهي مرحلة اختلاف وجهات النظر. ويعتبرها الباحثون مرحلة هامة إذ تكثر فيها - بناء على نتائج الإحصائيات - حالات الانفصال أو الطلاق. ويفسر العلماء هذه النتائج إذ إنه بانتهاء الفترة الحالمة يبدأ الزوجان في مواجهة الواقع، وملاحظة الاختلافات الصغيرة أو الكبيرة في شخصية كل منهما. وعادة ما يتوافق ذلك زمنياً مع ازدياد الأعباء عند قدوم الطفل الأول.

المرحلة الثالثة: وهي تبدأ من سبع إلى اثنتي عشرة سنة بعد الزواج .. وتزداد فيها حدة المناقشات أو الاختلافات في محاولة كل طرف من الطرفين أن يسود رأيه ويثبت شخصيته. وإذا ترك الزوجان نفسيهما فريسة للغضب والمشاحنات والخلافات بدون معالجة، ازدادت حدة هذه الخلافات، وتضخمت رؤية كل منهما لعيوب الآخر دون مميزاته.

المرحلة الرابعة: وهي من 12 حتى 15 سنة زواج، ويسود فيها نوع كبير من الألفة والهدوء وتحكيم العقل قبل اتخاذ أي قرار وذلك حفاظاً على هدوء بنيان الأسرة وتماسكه. وهي أيضاً مرحلة ينشغل فيها كل من الزوجين في أمور بناء مستقبله وبناء مستقبل الأسرة، فلا يهتم بالتدخل في كل كبيرة وصغيرة في خصوصيات شريكه.

المرحلة الخامسة: من 15 حتى 17 سنة زواج، وقد يبدأ في هذه المرحلة ظهور مشكلات من نوع آخر بسبب وصول الزوجين لمرحلة عمرية تختلف في خصائصها عن المرحلة الماضية، بالإضافة إلى نمو الأبناء ووصولهم إلى مرحلة المراهقة بما تحمله من تغيرات في شخصيتهم، وملامحهم، ومزاجهم، وعلى الزوجين أن يتفقا على أسلوب ثابت في توجيه الأبناء وحفظ الهدوء والتماسك للأسرة كلها.

المرحلة السادسة: وهي من 17 حتى 23 سنة زواج. وتسمى بمرحلة "العودة"، وفيها يشعر الزوجان برغبة في العودة للحياة الهادئة والاستقرار بعد كثرة الانشغال بضغوط العمل، والانشغال بالأبناء وبمستقبلهم وبزواجهم .. فيتوجه تفكير الزوجين إلى الرغبة في العيش معاً في هدوء بعيداً عن أي مشكلات.

المرحلة السابعة: وقد سماها الباحثون مرحلة "السلام" وهي تبدأ بعد 23 سنة من الزواج. وفي هذه المرحلة يصبح كل من الزوجين محتاجاً أشد الاحتياج إلى شريكه وإلى رفقته معه دائماً، فيصبح مهتماً بصورة أكبر بصحته وبسعادته، وبأموره كلها، وبخاصة بعد زواج الأبناء، وانتهاء جزء كبير من المسئوليات، ووجود فراغ كبير في الوقت .

وقد علَّق الباحثون بعد الوصول لهذه النتائج بأنه ليس من المفروض أن يمر كل زوجين بهذه المراحل كلها، وفي نفس الفترة الزمنية. ولكن الملاحظ أن وجود المشكلات التي تبدأ صغيرة بعد الزواج دون حل أو علاج، يجعلها تتضخم ويصبح استمرار الحياة الزوجية هادئة، أمراً صعباً. أما علاج كل مشكلة من بدايتها بحب وغفران ومصارحة فيهون الكثير من الصعوبات والمشكلات في الحياة، ويفتح الباب دائماً للسعادة الزوجية .

تم تعديل 19 سبتمبر 2011 بواسطة لونا

[لونا]

المرحلة الأولى: السنوات الوردية الحالمة، وهي تمتد من بداية الزواج وحتى سنتين أو ثلاث. وفيها يرى كل من الزوجين في شريكه أنه فتى (أو فتاة) أحلامه، فيشعر برضا وارتياح لاختياره وتوفيقه مع شريك حياته.

و محاولات التقريب بين وجهات النظر

المرحلة الثانية: وهي تبدأ بعد سنتين أو ثلاث ، وتمتد حتى سبع سنوات بعد الزواج. وهي مرحلة اختلاف وجهات النظر. ويعتبرها الباحثون مرحلة هامة إذ تكثر فيها - بناء على نتائج الإحصائيات - حالات الانفصال أو الطلاق. ويفسر العلماء هذه النتائج إذ إنه بانتهاء الفترة الحالمة يبدأ الزوجان في مواجهة الواقع، وملاحظة الاختلافات الصغيرة أو الكبيرة في شخصية كل منهما. وعادة ما يتوافق ذلك زمنياً مع ازدياد الأعباء عند قدوم الطفل الأول.

بجد كانت فترة صعبة .. و عايزة حذر و حكمة لعبور المرحلة دي بسلام

المرحلة الثالثة: وهي تبدأ من سبع إلى اثنتي عشرة سنة بعد الزواج .. وتزداد فيها حدة المناقشات أو الاختلافات في محاولة كل طرف من الطرفين أن يسود رأيه ويثبت شخصيته. وإذا ترك الزوجان نفسيهما فريسة للغضب والمشاحنات والخلافات بدون معالجة، ازدادت حدة هذه الخلافات، وتضخمت رؤية كل منهما لعيوب الآخر دون مميزاته.

المرحلة الرابعة: وهي من 12 حتى 15 سنة زواج، ويسود فيها نوع كبير من الألفة والهدوء وتحكيم العقل قبل اتخاذ أي قرار وذلك حفاظاً على هدوء بنيان الأسرة وتماسكه. وهي أيضاً مرحلة ينشغل فيها كل من الزوجين في أمور بناء

مستقبله وبناء مستقبل الأسرة، فلا يهتم بالتدخل في كل كبيرة وصغيرة في خصوصيات شريكه.

بالتأكيد كل حالة و لها خصوصيتها

لكن بوجه عام..

يا ريت كل واحد يقول رأيه .. هل الكلام ده حقيقي و لا إيه

و يا ترى المراحل اللي بعد كدة شكلها إيه طمنونا .. الله يطمنكم

عن نفسي المرحلة دي ما كانتش وردي أوي كدة .. بالعكس كان فيها طبعًا خلافات كتير .. بسبب اختلاف الطباع

المرحلة دي مظبوطة جدًا..

في المرحلة دي كانت الحياة من ده على ده .. ما أقدرش أقول إن الخلافات هي الأغلب

أنا بدأت في المرحلة دي.. و يا رب تكون فعلًا مرحلة هدوء و سلام

تم تعديل 19 سبتمبر 2011 بواسطة لونا

[لماضة مصرية جدا]

السلام عليكم و رحمة الله و بركاته

حلوة اوي حكاية المراحل السبعة للجواز ديت...مش عارفة ليه جه في بالي مراحل النمو و التكاثر لذبابة الفاكهة....(وش ساااااامح في مرسيحة سك علي بناتك)

شفتوني بقي و انا رومانسية اخر سبع حاجات...(وش حد مصدوم في نفسه اوي)

قريت السبع مراحل و سالت نفسي

ليه 7....يمكن علشان الدنيا و الكون بحاله اتبني في سبع ايام و بالتالي العلاقة الانسانية ديت محتاجة كمان انها تتبني في مراحل و تكبر زي النبتة بتدريج معين

كنت زمان بقرا عن ان السنة السابعة هي السنة الفيصل و كدهوت لو الناس عدت منها تبقي تاخد القلادة و تطلع من عنق الزجاجة

شخصيا....بشوف ان كل مرحلة ليها حلاوتها و ليها طعمها و ليها متعتها انك تعيدي اكتشاف و حب زوجك ب "نكهة" و طعم جديد

السنة الاولي اعتقد انها بتكون الاصعب و الاكثر تحديا و الاكثر توجيها للعلاقة...يا هنبنيها لقدام يا هنقف و نتوتر و نبتدي نسال نفسنا كان قرار صح و لا لا و خصوصا طالما مافيش اطفال

السنة الاولي بشوفها هي الارض الطين اللي كل طرف جاي من بيئة تانية خالص و افكار تانية خالص و تفاصيل صغيرة او كبيرة و توقعات عن الحياة بشكل عام و الجواز بشكل خاص...كل دولم نضربهم في الخلاط و هتطلع لينا تقاوي نزرعها في الارض الطين دي

و لان احنا اصلا مبنعرفشي نتواصل في فترة الخطوبة....(لانها كلها بتعتمد علي الكلام البوقيقي...يعني ما فيش مواقف حياتية حقيقية تحسسك انك فعلا في كتف الراجل اللي راح تشيلي اسمه...مش عارفة تشيلي اسمه توديه فين يعني...بس بسمعهم بيقولوا كدهوت)

بيبقي المحك الحقيقي لما بيتقفل عليكوا باب و نبتدي نعيش الحياة من اول صباح الخير...(مين دي اللي انا بصطبح بيها كل يوم..وش اي واحدة لسه قايمة من النوم و في عينيها جمال رباني فزززززيع)....و مرورا بهناكل ايه النهاردة و نهاية في اخر اليوم....وحشتني....وحشتيني...يومك كان شكله ايه..(ده اصلا لو حد لحق يقولها و متخمدشي و نام من كتر السحل طول النهار)

اوقات كتير ببص للابحاث من النوعية دي انها بتحد قدرة المتجوزين انهم يبدعوا و يتخيلوا حياتهم...لانها بتحطهم في صناديق تفكير و بتخليهم يتقولبوا في توقعات مسبقة

رايي الشخصي....كل اتنين ليهم ظروف حياتهم...ممكن ياخدوها في مرحلتين...ممكن ياخدوها في 7 و ممكن ياخدوا الاكسبرس و ينزلوا في اول محطة

بس اهم حاجة....كل طرف عنده الرغبة انه يبني العلاقة دي....يكبرها...يرعاها....يا تري كل طرف اخد قرار دلوقتي مع نفسه انه مش هيعيش لنفسه و لا مع نفسه و دلوقتي بقي قادر انه "يشارك" و يتشارك حياته...مع نفس تانية....مش بس روح عايشة معاه في البيت....لا ده بني آدم ليه توقعات و عيوب و لحظات جنون و لحظات فرح و اوقات بيبقي فيها لمؤاخذة غبي و اوقات بيبقي فيها قط اليف و اوقات بيبقي فيها بيفكر صح و احيانا بيفكر بهبل...(هو ده مش احيانا الحقيقة...ما علينا)

لو كل حد اخد قرار انه هيبني و يشارك مع بني ادم تاني

حقيقي هيحتاجوا مراحل....مش علشان يبصوا فيها علي بعض....لا علشان اللي بيكبر بنهم بيبقي عامل زي البيبي اللي بيتولد....قلبك متعلق بكل سنتي هو كبره و بكل كلمة جديدة هو قالها و بكل خطوة ضرب بيها برجله علي الارض

هي كده

الجواز.....بيبي بيتولد بين اتنين....فيه ملامح من كل واحد فينا

وبيفضل يكبر....و بنفضل باصين عليه و بنحبه في كل مرحلة بيمر بيها

رغيت كتير....(بس تقريبا دي اثار الزكام)

صباحكم...مساكم....مشاعر بريئة لسه بتكبر تاتا....تاتا:)

[لماضة مصرية جدا]

بمناسبة اني بحب الصور واني كائن فيجيوال يعني...(دي حاجة كده معناها انه بينضحك عليا بسهولة اوي لما بشوف اي تصويرة حلوة يعني:)

حبيت اشارككم التصويرة ديت

كل مرحلة....ليها تفاصيلها....الحلوة

سهل اوي ان احنا نبعد

بس الاصعب

و الاحلي

و الابقي

ان احنا نقترب....و يكون لسه عندنا القدرة ان احنا ننبسط بابسط التفاصيل

صباحكم...مساكم...مراحل...قرب...و تفاصيل دافية

[لونا]

حمدًا لله على سلامتك يا جميل

و أنا أقول باب الأسرة و الطفل منور و مزهزه كدة ليه؟

بجد طلتك ليها بهجة غيييير

طيب أنا أقول إيه بعد الكلام الجميل و الإبداع اللي كتبتيه .. و ذبابة الفاكهة و المرسحيات

السلام عليكم و رحمة الله و بركاته

و عليكم السلام و رحمة الله و بركاته

حلوة اوي حكاية المراحل السبعة للجواز ديت...مش عارفة ليه جه في بالي مراحل النمو و التكاثر لذبابة الفاكهة....(وش ساااااامح في مرسيحة سك علي بناتك)

شفتوني بقي و انا رومانسية اخر سبع حاجات...(وش حد مصدوم في نفسه اوي)

قريت السبع مراحل و سالت نفسي

ليه 7....يمكن علشان الدنيا و الكون بحاله اتبني في سبع ايام و بالتالي العلاقة الانسانية ديت محتاجة كمان انها تتبني في مراحل و تكبر زي النبتة بتدريج معين

كنت زمان بقرا عن ان السنة السابعة هي السنة الفيصل و كدهوت لو الناس عدت منها تبقي تاخد القلادة و تطلع من عنق الزجاجة

بصي يا قمر .. خديها قاعدة .. في العلاقات الإنسانية .. ما فيش قاعدة

ممكن المرحلة تزيد سنة تنقص سنة ..

شخصيا....بشوف ان كل مرحلة ليها حلاوتها و ليها طعمها و ليها متعتها انك تعيدي اكتشاف و حب زوجك ب "نكهة" و طعم جديد

السنة الاولي اعتقد انها بتكون الاصعب و الاكثر تحديا و الاكثر توجيها للعلاقة...يا هنبنيها لقدام يا هنقف و نتوتر و نبتدي نسال نفسنا كان قرار صح و لا لا و خصوصا طالما مافيش اطفال

السنة الاولي بشوفها هي الارض الطين اللي كل طرف جاي من بيئة تانية خالص و افكار تانية خالص و تفاصيل صغيرة او كبيرة و توقعات عن الحياة بشكل عام و الجواز بشكل خاص...كل دولم نضربهم في الخلاط و هتطلع لينا تقاوي نزرعها في الارض الطين دي

هي في الغالب السنتين مش السنة الأولى بس اللي بيبقوا أهم و أصعب مراحل الزواج

لأن دول اللي بنحط فيهم الأساس اللي حنبني عليه شكل العلاقة لسنين قدام

و لان احنا اصلا مبنعرفشي نتواصل في فترة الخطوبة....(لانها كلها بتعتمد علي الكلام البوقيقي...يعني ما فيش مواقف حياتية حقيقية تحسسك انك فعلا في كتف الراجل اللي راح تشيلي اسمه...مش عارفة تشيلي اسمه توديه فين يعني...بس بسمعهم بيقولوا كدهوت)

بيبقي المحك الحقيقي لما بيتقفل عليكوا باب و نبتدي نعيش الحياة من اول صباح الخير...(مين دي اللي انا بصطبح بيها كل يوم..وش اي واحدة لسه قايمة من النوم و في عينيها جمال رباني فزززززيع)....و مرورا بهناكل ايه النهاردة و نهاية في اخر اليوم....وحشتني....وحشتيني...يومك كان شكله ايه..(ده اصلا لو حد لحق يقولها و متخمدشي و نام من كتر السحل طول النهار)

اوقات كتير ببص للابحاث من النوعية دي انها بتحد قدرة المتجوزين انهم يبدعوا و يتخيلوا حياتهم...لانها بتحطهم في صناديق تفكير و بتخليهم يتقولبوا في توقعات مسبقة

رايي الشخصي....كل اتنين ليهم ظروف حياتهم...ممكن ياخدوها في مرحلتين...ممكن ياخدوها في 7 و ممكن ياخدوا الاكسبرس و ينزلوا في اول محطة

بس اهم حاجة....كل طرف عنده الرغبة انه يبني العلاقة دي....يكبرها...يرعاها....يا تري كل طرف اخد قرار دلوقتي مع نفسه انه مش هيعيش لنفسه و لا مع نفسه و دلوقتي بقي قادر انه "يشارك" و يتشارك حياته...مع نفس تانية....مش بس روح عايشة معاه في البيت....لا ده بني آدم ليه توقعات و عيوب و لحظات جنون و لحظات فرح و اوقات بيبقي فيها لمؤاخذة غبي و اوقات بيبقي فيها قط اليف و اوقات بيبقي فيها بيفكر صح و احيانا بيفكر بهبل...(هو ده مش احيانا الحقيقة...ما علينا)

لو كل حد اخد قرار انه هيبني و يشارك مع بني ادم تاني

حقيقي هيحتاجوا مراحل....مش علشان يبصوا فيها علي بعض....لا علشان اللي بيكبر بنهم بيبقي عامل زي البيبي اللي بيتولد....قلبك متعلق بكل سنتي هو كبره و بكل كلمة جديدة هو قالها و بكل خطوة ضرب بيها برجله علي الارض

هي كده

الجواز.....بيبي بيتولد بين اتنين....فيه ملامح من كل واحد فينا

وبيفضل يكبر....و بنفضل باصين عليه و بنحبه في كل مرحلة بيمر بيها

جميل التشبيه ده يا ريهام

الشطارة إننا نقدر نطلع الإبن ده بار .. يحمينا في الشيخوخة

مش يكون عاق و يجور علينا و على حقوقنا

و عشان كدة لازم الاتنين يتشاركوا و كل طرف يعمل اللي يقدر عليه علشان البيبي ده

رغيت كتير....(بس تقريبا دي اثار الزكام)

سلامتك يا حبيبتي

صباحكم...مساكم....مشاعر بريئة لسه بتكبر تاتا....تاتا:)

تم تعديل 20 سبتمبر 2011 بواسطة لونا

[ViralMind]

السلام عليكم..

انا حاسس ان الدراسة دى نظرية.. او مينفعش تتحدد بالشكل ده..

عن تجربة شخصية.. ممكن الامور تمشى بشكل متسارع.. فتلاقى نفسك عديت على كل المراحل فى سنة واحدة بس :blink:

و كمان لما بيكون فيه هدف واحد بيجمع الطرفين و بيسعوا ليه بقوة.. الموضوع بيكون غير.

عموما الموضوع بيعتمد على العلاقة بين الطرفين.. و كان شكلها ايه قبل الجواز.. و مدى توافقهم مع بعض من الاساس.

[Advisor]

موضوع عمره يقترب من الخمس سنوات و هو من الموضوعات المتعلقة. بنا كلنا ك بشر

[باهى الطائر الحزين]

http://www.neelwafurat.com/itempage.aspx?id=egb198234-5211406&search=books

 

لا تتزوج وعش سعيدا

كتاب نصحني بقراءته صديق

رحمة الله عليه خلف ستة ابناء ...

[emadez]

تعتبر ادارة الموارد البشرية من اهم واحدث الادارات كما انها توفر التدريبات والمهارات اللازمة للالمام بادارة الموارد البشرية وكيفية التعامل معها

 

كورسات تنمية بشرية فى مصر كورسات موارد بشرية فى مصر كورسات محاسبة فى القاهرة كورسات توحد وتخاطب فى مصر دبلومة التنمية البشرية فى القاهرة دورات تنمية بشرية فى القاهرة دورات اداراة الاعمال فى القاهرة كورسات المحاسبة فى القاهرة افضل مركز للتنمية البشرية فى القاهرة استشارات زوجية