أختكو محتاااااااااااسة.......حوسة الكتاكيت وسط المحيط!!!!

[مصرية و أفتخر]

ازيكو يا أعضاء أحلى منتدى

أنا عضوة جديدة و ده أول موضوع ليا فى المنتدى,بس بصراحة أنا كنت باتابع المنتدى باستمرار و استفدت منه فى كذا موضوع.....شكراً للجميع

طيب.....هادخل فى الموضوع من غير رغى كتير

أنا و جوزى نوينا و النية على الله اننا نبدأ فى إجراءات الهجرة إلى كندا......و ده لاعتبارات كتير أعتقد انها مشتركة مع أغلبكم

المهم....ابتدت الحيرة...

جوزى راح قابل وهيب يوسف و عجبه كلامه جدا

و بعدين لما أنا دعبست و قريت,لقيت شكاوى كتير منه

إحنا كنا بنفكر نمشى معاه عشان يريحنا من الاجراءات و الدوشة بصراحة

دلوقتى أنا حابة أحكيلكم و ضعنا و تفيدونى بخبراتكم أفادكم الله

أنا و جوزى صيادلة

و معانا خبرة اكتر من 10 سنين

عندنا طفلين

مستوى الانجليزى بالنسبة لى كويس اوى-ان لم يكن ممتاز- و بالنسبة لجوزى كويس

عمى معاه جنسية كندى,بس هو مش مقيم فى كندا دلوقتى

طلباتى منكم......

نقدم مع نفسنا و نتوكل على الله؟؟؟؟ ولا نشوف حد محترم يقدملنا و يتابع معانا الاجراءات؟؟؟؟

لو ربنا كرمنا و قدمنا......متوقع الموضوع ياخد وقت اد ايه لحد ما ناخد الفيزا ان شاء الله؟؟؟

موضوع عمى.....هل الأحسن انى اقدم أنا الطلب باسمى عشان عمى يدينى نقط زيادة؟؟؟

أفيدونى أفادكم الله لأننا بجد متلخبطين و تايهين

جزاكم الله خيراً مقدماً

[أدهم الشرقاوى]

رأيى الشخصى المتواضع..

أول كلمة إتقالتلى أول ما بدأت مشوار الهجرة: قدم بنفسك تنجح. و كمان أنت و أولادك أولى بالفلوس اللى هيلهفها الأستاذ المحامى من غير أى داعى ولا مجهود يذكر و المنتدى هنا و غيرة كفيلين جداً إنهم يعملوا من أى حد بيقرا شوية أكبر محامى هجرة, صدقينى بلاش محامى هيسرقكوا و هياخد منك الكام ألف دولار ع الفاضى و كمان الإنترنت دلوقتى ماخلاش حد فى نفسه حاجة يعنى ممكن أصلا تهاجرى من الليفينج روم بالشبشب و هدوم البيت. المحامى هيكون بالظبط الميل بوكس بتاع حضرتك بيبعت الوق بدالك و يستقبله بدالك و ملوش أى قيمة ولا قدرة على تعجيل الملف أو تأخيره و قرفه أكتر بكثير من الفوايد اللى هتيجى منه و الحكاوى بالهبل على منتديات الهجرة من المساخر اللى شافوها من المحاميين و المشاكل و التنطيط و الإبتزاز و السرقة و يحسسك إنه علامة و هو اللى هيجيب الديب من ديله و كله هجص.

كون عمك عنده جنسية كندية, غالباً لن تفيدك بأى شىء فى ملفك و لكن لو حد من إخوتك عنده الجنسية ممكن تفيدك و على فكرة مهنتكم موجودة فى لستة الفيدرالى الجديدة يلا قدموا بسرعة قبل ما اللستة تقفل و العدد يخلص.

الوقت, تقريباً 4 سنين أو أكثر من يوم إرسال الفايل إلى يوم إستلام الفيزا و صدقينى شوية قراية و مخمخه على المحاورات و المطاريد هيخليكى أصلاً تفكرى تفتحى أنت مكتب محامى و الكلام دة عن تجربة شخصية بس حطى الموضوع فى دماغك.

تقبلى تحياتى.

تم تعديل 20 سبتمبر 2011 بواسطة أدهم الشرقاوى

[مصرية و أفتخر]

رأيى الشخصى المتواضع..

أول كلمة إتقالتلى أول ما بدأت مشوار الهجرة: قدم بنفسك تنجح. و كمان أنت و أولادك أولى بالفلوس اللى هيلهفها الأستاذ المحامى من غير أى داعى ولا مجهود يذكر و المنتدى هنا و غيرة كفيلين جداً إنهم يعملوا من أى حد بيقرا شوية أكبر محامى هجرة, صدقينى بلاش محامى هيسرقكوا و هياخد منك الكام ألف دولار ع الفاضى و كمان الإنترنت دلوقتى ماخلاش حد فى نفسه حاجة يعنى ممكن أصلا تهاجرى من الليفينج روم بالشبشب و هدوم البيت. المحامى هيكون بالظبط الميل بوكس بتاع حضرتك بيبعت الوق بدالك و يستقبله بدالك و ملوش أى قيمة ولا قدرة على تعجيل الملف أو تأخيره و قرفه أكتر بكثير من الفوايد اللى هتيجى منه و الحكاوى بالهبل على منتديات الهجرة من المساخر اللى شافوها من المحاميين و المشاكل و التنطيط و الإبتزاز و السرقة و يحسسك إنه علامة و هو اللى هيجيب الديب من ديله و كله هجص.

كون عمك عنده جنسية كندية, غالباً لن تفيدك بأى شىء فى ملفك و لكن لو حد من إخوتك عنده الجنسية ممكن تفيدك و على فكرة مهنتكم موجودة فى لستة الفيدرالى الجديدة يلا قدموا بسرعة قبل ما اللستة تقفل و العدد يخلص.

الوقت, تقريباً 4 سنين أو أكثر من يوم إرسال الفايل إلى يوم إستلام الفيزا و صدقينى شوية قراية و مخمخه على المحاورات و المطاريد هيخليكى أصلاً تفكرى تفتحى أنت مكتب محامى و الكلام دة عن تجربة شخصية بس حطى الموضوع فى دماغك.

تقبلى تحياتى.

ألف شكر ليك يا أدهم يا شرقاوى......ربنا يكرمك و نتجمع كلنا فى كندا إن شاء الله,مين عالم؟؟!!!!

طب كمان سؤال معلش لو مش هاتعبك...

هو احنا ممكن نقدم على كيبك و كمان فيدرالى؟؟؟؟؟ولا حاجة واحدة بس؟؟؟؟

معلش استحملونى......احنا بنحاول نقرا و نفهم الموضوع خطوة بخطوة,بس فى نفس الوقت مش عايزين نعمل خطوة تبوظ الدنيا....و كمان مش عايزين نتأخر

بليز يا جماعة....اللى عنده أى معلومة يفيدنى ربنا يكرمكم

[ViralMind]

لاما تقدموا على فيدرال او كيبك.

كل حاجة منهم ليها ميزة و عيب.

كيبك اى حد يقدر يقدم عليها.. حتى لو بثانوية عامة :blink:... بس بشرط معرفة اللغة الفرنسية, لان فيه مقابلة.. و مستوى اللغة بيتحدد على حسب الخبرة.. يعنى كل ما يكون عندكم خبرة و اولاد و سنكم مناسب.. بيقل المستوى المطلوب فى اللغة.. و غالبا بيكون المستوى السادس كافى جدا, و ده ممكن توصلوا له فى خلال 6 شهور بالكتير.

و كمان التقديم على كيبك بياخد حوالى سنة و 8 شهور من تقديم الملف للفيزا... يعنى وقت قصير نسبيا.

بالنسبة للفيدرال.. ده مشوار طويل لو هتقدموا فى القاهرة..

و مطلوب مستوى معين للielts.. و كمان وظايف معينة.. مش عارف اذا كان الصيادلة موجودين فى الليستة ولا لا.

تم تعديل 20 سبتمبر 2011 بواسطة ViralMind

[مصرية و أفتخر]

شكرا جزيلا يا viralmind

يب عايزة بس أتأكد.....هل فيه مشكلة لو قدمنا كيبك و فيدرالى فى نفس الوقت؟؟؟يعنى قانونا ده ممنوع؟؟؟؟؟

عايزة أتأكد ربنا يكرمكم عشان نلحق نقدم و ما نتأخرش فى الوقت

طيب سؤال كمان.... لو قدمنا كيبك و ربنا سهلها و خدنا الفيزا,,,,,لازم نقعد و نشتغل فى كيبك؟؟؟؟؟ولا ممكن ننقل داخليا عادى؟؟؟؟

[ViralMind]

طيب ايه الفكرة انكم تقدموا كيبك و فيدرال؟ عايزين تشوفوا انهى اسرع؟

الاسرع هو كيبك.. سنة و 8 شهور.. و احيانا سنة بس لو الوظيفة مطلوبة.

فيدرال حوالى 4 سنين تقريبا..

لا مش لازم تشتغلوا او تعيشوا فى كيبك.. بس هتتحرموا من الاعانات الخاصة بكيبك.

[أدهم الشرقاوى]

شكرا جزيلا يا viralmind

يب عايزة بس أتأكد.....هل فيه مشكلة لو قدمنا كيبك و فيدرالى فى نفس الوقت؟؟؟يعنى قانونا ده ممنوع؟؟؟؟؟

عايزة أتأكد ربنا يكرمكم عشان نلحق نقدم و ما نتأخرش فى الوقت

طيب سؤال كمان.... لو قدمنا كيبك و ربنا سهلها و خدنا الفيزا,,,,,لازم نقعد و نشتغل فى كيبك؟؟؟؟؟ولا ممكن ننقل داخليا عادى؟؟؟؟

لأ قانوناً مش ممنوع لأنى أعرف عضوة هنا عملت كدة و عادى يعنى كملت فى كيبك و كبرت للفيدرال.

لو أخدتوا الفيزا لكيبك يفضل اللاندنج فى كيبك و ممكن تتحركى منها لأى مكان تانى فى كندا براحتك و تعيشى و تستقرى فيه و لكن هتتحرمى من إعانات كيبك الإضافية بس فى العموم كيبك هى الأرخص و الأحسن فى كثير من نواحى الحياة مقارنة بباقى المقاطعات و وظيفتكوا مطلوبة فى الفيدرالى.

[medopharm]

الوقت, تقريباً 4 سنين أو أكثر من يوم إرسال الفايل إلى يوم إستلام الفيزا و صدقينى شوية قراية و مخمخه على المحاورات و المطاريد هيخليكى أصلاً تفكرى تفتحى أنت مكتب محامى و الكلام دة عن تجربة شخصية بس حطى الموضوع فى دماغك.

الوقت اللى بياخده الملف دلوقتى بيكون خلال سنه

مش زى زمان 4 و5 سنين

فرأيى حضرتك طالما الانجليش بتاعك تجهزى الايلتس وتقدمى الورق كله كامل

وان شاء الله حلال سنه تاخدو الفيزا

[مصرية و أفتخر]

الوقت, تقريباً 4 سنين أو أكثر من يوم إرسال الفايل إلى يوم إستلام الفيزا و صدقينى شوية قراية و مخمخه على المحاورات و المطاريد هيخليكى أصلاً تفكرى تفتحى أنت مكتب محامى و الكلام دة عن تجربة شخصية بس حطى الموضوع فى دماغك.

الوقت اللى بياخده الملف دلوقتى بيكون خلال سنه

مش زى زمان 4 و5 سنين

فرأيى حضرتك طالما الانجليش بتاعك تجهزى الايلتس وتقدمى الورق كله كامل

وان شاء الله حلال سنه تاخدو الفيزا

شكرا جزيلا لكل اللى رد عليا....ربنا يوفق الجميع

أنا فعلا شفت على موقع الهجرة بتاع كندا إن متوسط وقت فحص الملفات اللى متقدمة بعد 2010 بيكون 17 شهر(اللى قبل 2010 كان حاجة و ستين شهر!!!!!)

و فعلا الصيادلة على الفيدرالى مش كيبك

طيب سؤال كمان من اختكو المحتاسة.......

جوزى عنده 10 سنين خبرة فى آخر 10 سنين,لكن الانجليزى عنده نص نص

انا عندى 3 سنين خبرة فى آخر 10 سنين,لكن الانجليزى عندى الحمدلله كويس اوى......

تفتكروا ممكن يبقى أحسن لو قدمت أنا الملف باسمى؟؟؟؟؟عشان درجات الايلتس يعنى , و كمان الانترفيو ان شاء الله لو فيه نصيب

هل التقديم بإسمى أو باسمه يفرق أى حاجة فى الاجراءات ولا عادى؟؟؟؟؟

معلش استحملونى بليز و استحملوا أسئلتى الكتير............كان الله فى عون العبد ما كان العبد فى عون أخيه

[ViralMind]

السلام عليكم..

قدمى باسمك طالما انك انتى اللى هتقدرى تجيبى درجات الايلتس المطلوبة.. لانها بتتحدد على حساب النقاط.

بس حاولى تجيبى شهادة خبرة ب4 سنين افضل..

بالنسبة للفيدرال مفيش مقابلة الا نادرا.

بيبقى فيه حصة لكل وظيفة.. يعنى عدد معين هو اللى يقدر يقدم.. فلازم تشوفى الاول اذا كان العدد المطلوب للصيادلة خلص ولا لسه في فرصة.

خلى بالك الايلتس بيعتمد اكتر على التدريب على نوعية الاسئلة و انك تحليها بسرعة, اكتر من معرفتك باللغة نفسها.

بالنسبة لكيبك.. زى ما قلت لك اى حد يقدر يقدم بغض النظر عن وظيفته.

[مصرية و أفتخر]

شكرا بجد يا viralmind على الاهتمام و الرد

سؤالى مش عارفة هتقدر تفيدنى فيه ولا لأ.....أنا صيدلانية و باشتغل فى وزارة الصحة

شهادة الخبرة بتاعتى هتطلع من الوزارة ب 3 سنين و كام شهر كده,لأنى كنت واخدة أجازة باقى المدة......ممكن أكمل 4 سنين بأى شهادة تانية؟؟؟؟ اللى عرفته انه لازم الشهادة تكون من جهة رسمية,يعنى مش هينفع أجيب من صيدلية مثلا ولا كده

[ViralMind]

كويس قوى انها من وزارة الصحة.. يعنى اكيد فيه تامينات.. و ختم النسر بيعمل احلى شغل.

بجد ارجح لك كيبك لو عندك استعداد تذاكرى فرنساوى.. و كمان الصيادلة ورقهم بيخلص بشكل اسرع مقارنة بباقى الوظايف.

تقدرى تجيبى اى شهادة من اى صيدلية بسنة مثلا.. و انصحك انها تكون بوقت قبل الشهادة بتاعت وزارة الصحة.. و طبعا تظبطى التواريخ.. و هاتيها من حد تكونى واثقة فيه علشان لو اتصلوا يتأكدوا.

مفيش مشكلة انك تجيبيها من صيدلية.. مش لازم مكان رسمى.. بس تكون مختومة و ممضية, و ترفقى كارت صاحب الصيدلية.

بالتوفيق باذن الله.

[مصرية و أفتخر]

كويس قوى انها من وزارة الصحة.. يعنى اكيد فيه تامينات.. و ختم النسر بيعمل احلى شغل.

بجد ارجح لك كيبك لو عندك استعداد تذاكرى فرنساوى.. و كمان الصيادلة ورقهم بيخلص بشكل اسرع مقارنة بباقى الوظايف.

تقدرى تجيبى اى شهادة من اى صيدلية بسنة مثلا.. و انصحك انها تكون بوقت قبل الشهادة بتاعت وزارة الصحة.. و طبعا تظبطى التواريخ.. و هاتيها من حد تكونى واثقة فيه علشان لو اتصلوا يتأكدوا.

مفيش مشكلة انك تجيبيها من صيدلية.. مش لازم مكان رسمى.. بس تكون مختومة و ممضية, و ترفقى كارت صاحب الصيدلية.

بالتوفيق باذن الله.

ألف شكر بجد

بس ملحوظة بسيطة....على موقع الهجرة الكندى,طالبين خبرة سنة واحدة فى خلال آخر 10 سنين

هل فيه سبب أنا مش واخدة بالى منه عشان حضرتك تقوللى انى اكمل اربع سنين خبرة أحسن؟؟؟؟؟ بليز قوللى لو فيه حاجة انا مش عارفاها

انا ابتديت اشتغل ع الايليتس و اشوف أسئلة و امتحانات و كده.....ربنا ييسر الخير عشان نقرر مين فينا اللى هيقدم

بس اعتقد اننا هنقدم فيدرالى.....انا الفرنساوى عندى كاااااااااااااااان كويس أيام المدرسة,بس دلوقتى تعبان خالص بسبب عدم الممارسة...و مش متخيلة انى هاقعد اذاكر تانى من اول و جديد.......ماهو مهنتنا مطلوبة فيدرالى(ربنا يكرم و العدد ما يكملش) و الوقت الحمدلله بقى مختصر أكتر من الأول.....هل فيه سبب انا مش واخدة بالى منه يخلينى اقدم كيبك؟؟؟؟

آسفة بجد خالص لو أزعجتك بأسألتى.....بس الواحد بجد تايه شوية و محتاج مساعدة عشان يركز

جزاكم الله خيرا على المساعدة جميعا

[ViralMind]

يا ستى ولا يهمك.. انا تحت امرك.

سنة خبرة ده الحد الادنى.. و لكن الموضوع عبارة عن نقط بتجمعوها, وفيه حد ادنى للنقط لازم يتجمع... علشان كده بقول لك 4 سنين خبرة.. علشان تاخدى نقاط الخبرة كلها... لانها عاملة زى الميزان.. لو كملتى نقط الخبرة, هيبقى المستوى المطلوب منك فى الايلتس أقل.

كيبك مضمونة و سهلة و وقت محدد و معروف... هى دى ميزتها... لكن الفيدرال ممكن يتأخر.

[مصرية و أفتخر]

معلش بقى يا viralmind....انت اللى جبته لنفسك بما أنك انت اللى بترد عليا :blush2:

هو انت مقدم كيبك ولا فيدرال؟؟؟

و عادى ممكن أقدم كيبك حتى لو الوظيفة مش مطلوبة فيها ؟؟؟؟؟

[مصرية و أفتخر]

ومعلش سؤال كمان

لو هانقدم كيبك....هل الايلتس سكور عالى+سنين خبرة ممكن تعفى من الفرنساوى أو تقلل مستواه المطلوب؟؟؟؟

[ViralMind]

هههههههههه ولا يهمك يا باشا

انا كنت مقدم كيبك و اخدت الفيزا الحمدلله فى رمضان.

ايون اى حد يقدر يقدم على كيبك, بغض النظر عن وظيفته او شهادته, حتى لو بالثانوية العامة.

بس الصيادلة من ضمن الوظايف اللى ليها اولوية.

الايلتس مش مطلوب فى كيبك و الانجليزى فى المجمل مش مطلوب الا بسيط.. لان فيه جزء من المقابلة هتكون بالانجليزى.. كلمتين كده.

لكن لو حضرتك جبتى ايلتس و فيه سكور معقول.. يعنى 6 و نص مثلا او 7 فى الاوفر أول.. يبقى ده ممكن يخفف من المستوى المطلوب فى الفرنساوى.. بس برضه لازم حد ادنى مستوى خامس.

تم تعديل 22 سبتمبر 2011 بواسطة ViralMind

[مصرية و أفتخر]

طيب جميل جدا

الف الف مبروك على الفيزا يا فندم......ربنا يوفقك و يبارك لك يا رب و يكتب لك الخير دايما....و زى ما بتساعدنى ان شاء الله ربنا يبعت لك اللى يساعدك على طول ;)

معلش سؤال.....هو المستوى الخامس ده فى الفرنساوى يعنى اكون باتكلم بطلاقة و كده؟؟؟؟؟؟؟ شكلى هارجع اذاكر فرنساوى تاااااااااااااااانى

انت اخدت فرنساوى فى الcentre????

[أدهم الشرقاوى]

طيب جميل جدا

الف الف مبروك على الفيزا يا فندم......ربنا يوفقك و يبارك لك يا رب و يكتب لك الخير دايما....و زى ما بتساعدنى ان شاء الله ربنا يبعت لك اللى يساعدك على طول ;)

معلش سؤال.....هو المستوى الخامس ده فى الفرنساوى يعنى اكون باتكلم بطلاقة و كده؟؟؟؟؟؟؟ شكلى هارجع اذاكر فرنساوى تاااااااااااااااانى

انت اخدت فرنساوى فى الcentre????

لأ هتكونى على قدك لسه بس عشان تتكلمى و تصدى مع المستشار لازم تكونى فى السادس و الموضوع أبسط من البساطه يعنى المستوى بيتاخد فى شهر يعنى فى خلال 6 أشهر بتكونى خلاص خلصتى الفرنساوى و مش صعب على فكرة يعنى بشوية معافرة هتعدى و غير كدة أنت عندك 18 شهر من يوم إرسال الملف ليوم المقابلة يعنى أصلاً ممكن تخلصى ال 14 مستوى فى السنتر مرتاحة أوى.

معظم الناس بتاخده فى السنتر بس فى ناس مش بتقدر عشان بعيد ف بتشترى كتب السنتر و تجيب مدرس خصوصى فى البيت و ينجزلهم القصة دى و فى ناس هنا فى المنتدى و غيره ساكنين قريب من بعض بيعملوا مجموعة فى بيت حد فيهم و يتفقوا مع مدرس و الدنيا بتمشى...يصى من الآخر اللى عاوز العسل لازم يستحمل قرص النحل و مفيش حاجة بتيجى أبداً بالساهل و دى قاعدة ذهبيه فى الحياة و فى مشوار الهجرة بالأخص.

تحياتى

تم تعديل 22 سبتمبر 2011 بواسطة أدهم الشرقاوى

[ViralMind]

لأ هتكونى على قدك لسه بس عشان تتكلمى و تصدى مع المستشار لازم تكونى فى السادس و الموضوع أبسط من البساطه يعنى المستوى بيتاخد فى شهر يعنى فى خلال 6 أشهر بتكونى خلاص خلصتى الفرنساوى و مش صعب على فكرة يعنى بشوية معافرة هتعدى و غير كدة أنت عندك 18 شهر من يوم إرسال الملف ليوم المقابلة يعنى أصلاً ممكن تخلصى ال 14 مستوى فى السنتر مرتاحة أوى.

18 شهر ده الاجمالى بما فيه الحصول على السى اس كيو, و كمان التقديم فيدرال للكشف الطبى و الحصول على التأشيرة.

لكن تحديد المقابلة بيتوقف على وظيفة الواحد.. يعنى الصيادلة و الكميائيين غالبا بتتحدد مقابلاتهم بسرعة.. و كمان فيه وظايف معينة بتتحدد بسرعة مقابلتهم.. ممكن تكون 3 ل 6 شهور.. لكن معتقدش ان فيه حد بيستنى المقابلة اكتر من سنة.. باستثناء بس الاحداث اللى حصلت فى سوريا هى اللى اخرت مقابلات الناس شوية.