اللي يضربك تضربه ولا تقوله الله يسامحك

[abobakr]

الواحد زهق من السياسة وسنينها والمهاترات اللي بتحصل فيها قلت اجي اتكلم معاكوا كدهوت على راي لماضة في مستقبلي الأسري

زمان اهلنا علمونا اللي يضربك قوله الله يسامحك

لو ضربك تاني قول لمدرسة الفصل

لو ضربك تالت والمدرسة مش عملت حاجة تعالى قول لينا

في الزمن اللي احنا فيه دلوقتي ياترى المفروض نربي عيالنا على ايه؟؟

ياترى نقوله يقول الله يسامحك ولا نقوله اللي يضربك اضربه

انا اخويا مربي ابنه ان اللي يضربك اضربه عشر اضعاف ولو معملتش كده انا اللي هاضربك

ياترى نتيجة خبرة الاعضاء هنا اقول لأولادي بإذن الله بعد ما الاقي امهم واتجوزها ويجوا ايه؟؟؟

[لونا]

بالنسبة لإبن حضرتك باعتبار ما سيكون يعني

و هو صغير ما قبل سن المدرسة و لغاية تانية أو تالتة أبتدائي ..

الأفضل إنك تقول له اللي يضربك إشتكي للكبار الموجودين في المكان .. مامته أو المدرسة

لكن لو لاقيته بيخاف و حيكون جبان ..

مرة تقوله إشتكي للكبار و مرة تقوله خد حقك

حسب الظروف و حسب الحكاية اللي بيحكيها .. يعني لو حسيت إنه اتظلم قوله خلاص لازم تاخد حقك

و لو هو اللي بدأ المشكلة .. بالكلام مثلًا و اتطورت لإنه اتضرب .. تعرفه إنه هو اللي إستفز زميله و ده رد فعل طبيعي من زميلك لما إنت ضايقته

بعد تالتة إبتدائي الموضوع بيبقى موضوع كرامة عند الصبيان

حتلاقي إنه من نفسه بدأ ياخد حقه و لا حيستنى مدرس و لا غيره

بالرغم من إن السن ده صغير بس عادةً الصبيان بيحبوا يحسوا إنهم رجالة كدة و ما يحبوش حد يدوس على كرامتهم

تحياتي

[خالد شحاته]

الواحد زهق من السياسة وسنينها والمهاترات اللي بتحصل فيها قلت اجي اتكلم معاكوا كدهوت على راي لماضة في مستقبلي الأسري

زمان اهلنا علمونا اللي يضربك قوله الله يسامحك

لو ضربك تاني قول لمدرسة الفصل

لو ضربك تالت والمدرسة مش عملت حاجة تعالى قول لينا

في الزمن اللي احنا فيه دلوقتي ياترى المفروض نربي عيالنا على ايه؟؟

ياترى نقوله يقول الله يسامحك ولا نقوله اللي يضربك اضربه

انا اخويا مربي ابنه ان اللي يضربك اضربه عشر اضعاف ولو معملتش كده انا اللي هاضربك

ياترى نتيجة خبرة الاعضاء هنا اقول لأولادي بإذن الله بعد ما الاقي امهم واتجوزها ويجوا ايه؟؟؟

انا عندي محمد في ثالثه ابتدائي واحد ضربه تاني يوم في الدراسه والد قال للمدرس المدرس معملش حاجه انا بتصل بيه بساله عملت ايه في المدرسه قال في واحد ضربني وانا قولت للمدرس بس المدرس معملش حاجه وفي اليوم الثالث الا هو امس الاثنين الود جه يضربه تانيه انا ابني منتظرش مدرس ولا غير وضربه الود وعوره فيقولي انا ضربته واخد حقي القديم الا انا كنت قولت للمدرس والمدرس مش عملي حاجه انا زهلت لما سمعت الكلام ده والله

[وطني حر]

طبعا لازم اقول له اللي يضربك يبقي انسان وحش واوعي تلعب من الناس الي اكبر منك .. واذا حد غلط فيك ابتعد عنــه

وما ضنش اننا قول له الي يضربك اضربه . الجمله دي ممكن تغرس في نفس الطفل العنف . وممكن توديه في مشاكل مع الاطفال الاخرين .

احيانا الفطره لدي الطفل تفوق التلقين .. فبنلاقي الطفل . لا يشتكي من الل ضربه الا حين لم يستطع الدفاع عن نفسه زي ما يكون الخصم اقوي منه فيلجا في هذه الحاله الشكوي لمجلس الامن

لكن لو كانت الغلبـه ليه .. يعديها ويقول كنا بنهزر مع بعض وهو الي بتدا يضرب فيا .

[ViralMind]

الموضوع ده ليه ابعاد كتيرة.. حتى و ان بدا انه موضوع بسيط... لان ممكن يكون ليه تأثر سلبى عالطفل, سواء انه يكون عنيف فى تصرفاته, او انه يبقى جبان.

انتا نفسك.. لو حد ضربك فى الشارع.. هتقول للناظر - قصدى يعنى هتروح القسم و تمشى حسب القانون.. ولا هتاخد حقك بايدك؟

يعنى لو احنا عايشين فى دولة قانون, كنت هقول لك يشتكى بقى و الكلام ده..

لكن احنا للاسف مش فى دولة قانون.. ولا عمرنا كنا فى دولة قانون... القانون اللى بيمشى عالغلابة بس.. و حتى دلوقتى مبقاش فيه غلابة يمشى عليهم, فبقى عنده شلل و مش قادر يتحرك.

لكن لو عايز الصح.. انتوا ليه شايفين الموضوع انه: لإما تضرب لإما تنضرب؟

اعتقد فيه زاوية تانية اكثر اهمية و كمان مفيهاش تعدى... الا و هى زاوية الدفاع عن النفس و دفع الضرر دون التعدى.

الدفاع عن النفس حق اصيل من حقوق الانسان.. و حقوق المسلم كمان فى الاسلام..

من حقك تدافع عن نفسك و عرضك و ارضك و مالك.. و لو الواحد مات لا قدر الله.. يبقى شهيد.

المهم.. قول له لو حد ضربك.. دافع عن نفسك بحيث انك توقف الضرب.. و بمجرد ما يقف عن الضرب.. روح اشتكى المدرس او حالناظر.. و احكى اللى حصل.. انه ضربك و انتا دافعت عن نفسك.. بس مضربتهوش.

حد فاهم حاجة :blink:

[عبير يونس]

الموضوع ده ليه ابعاد كتيرة.. حتى و ان بدا انه موضوع بسيط... لان ممكن يكون ليه تأثر سلبى عالطفل, سواء انه يكون عنيف فى تصرفاته, او انه يبقى جبان.

انتا نفسك.. لو حد ضربك فى الشارع.. هتقول للناظر - قصدى يعنى هتروح القسم و تمشى حسب القانون.. ولا هتاخد حقك بايدك؟

يعنى لو احنا عايشين فى دولة قانون, كنت هقول لك يشتكى بقى و الكلام ده..

لكن احنا للاسف مش فى دولة قانون.. ولا عمرنا كنا فى دولة قانون... القانون اللى بيمشى عالغلابة بس.. و حتى دلوقتى مبقاش فيه غلابة يمشى عليهم, فبقى عنده شلل و مش قادر يتحرك.

لكن لو عايز الصح.. انتوا ليه شايفين الموضوع انه: لإما تضرب لإما تنضرب؟

اعتقد فيه زاوية تانية اكثر اهمية و كمان مفيهاش تعدى... الا و هى زاوية الدفاع عن النفس و دفع الضرر دون التعدى.

الدفاع عن النفس حق اصيل من حقوق الانسان.. و حقوق المسلم كمان فى الاسلام..

من حقك تدافع عن نفسك و عرضك و ارضك و مالك.. و لو الواحد مات لا قدر الله.. يبقى شهيد.

المهم.. قول له لو حد ضربك.. دافع عن نفسك بحيث انك توقف الضرب.. و بمجرد ما يقف عن الضرب.. روح اشتكى المدرس او حالناظر.. و احكى اللى حصل.. انه ضربك و انتا دافعت عن نفسك.. بس مضربتهوش.

حد فاهم حاجة :blink:

لم أكن لأقول أفضل من ذلك

[ابراهيم عبد العزيز]

هذا النوع من الحدث يحتاج لحذر فى تعامل الوالدين مع الطفل فيه

فلو زاد عن الحد طلب الوالدين من طفلهم أن يضرب من يضربه وأن يرد بعنف فمن الممكن أن ينشأ الطفل طفلا عدوانيا وومرة مع مرة من الممكن أن يصبح الطفل من المعتدين وليس معتدى عليه وهو ما سيتسبب فى مشاكل كثيرة للأهل

وأيضا لو زادت عن الحد تعليمات الوالدين لطفلهم بأن يسامح من تعدى عليه فمن الممكن ان يستمرء الطفل الاهانة والتعدي عليه ولا يرى فيها شىء يستدعي غصبه أو ثورته وهذا يسبب مشاكل كثيرة للاهل

لذلك فخير الامور اوسطها ويجب التعامل بمرونة على حسب الموقف

[se_ Elsyed]

هي شعرة بسيطة تفصل بين الدفاع عن النفس بقوة ... وبين العدوانية والشراسة التلقائية

يعني في مثال الأطفال .. في عيال بتبقى مؤذية بطبعها وبتلطش في الرايح والجاي .. ودي عاوزه الدق على دماغها عشان توقف عند حدها .. وفي عيال بتبقى قوية وتعرف تدافع عن نفسها كويس لكنها مش مؤذية أو مش مبادرة بالإعتداء ... وده المطلوب على فكرة

أنا عن نفسي باقول لولادي يدافعوا عن نفسهم كويس ..

يعني لو طفل ضربه من الباب للطاق .. مش هايفضل أخينا مستكين ويتلقى الضربة تلو الأخرى وبعدين يروح يقول للأستاذ ... ده على ما يوصل للمرحلة دي ممكن يكون إتشرح

[se_ Elsyed]

كان في موضوع قديم لزميتنا العزيزة الغائبة " فيروز " وإتكلمنا فيه عن تنئشة الطفل المخربش ..

الطفل المخربش اللي لما يكبر ما حدش يقدر يضحك عليه أو يديله على قفاة ... وهو ذو شخصية تجعل الأخرين يفكرون 100 مرة قبل الإعتداء على حقوقه ... ومع ذلك فهو ليس عدوانياً ولا مؤذياً ولا مبادراً بأي إعتداء

حد يغطس بقى ويجيب الموضوع ده

[mekkawy]

باختصار .. لو ولد هأقوله اللي يضربك تضربه و تفضحه بعد ما تضربه عشان ما يعملش كدة تاني لا معاك ولا مع غيرك

لو بنت هأقولها خدي حقك بالعقل

انا باعمل كدة مع سلمى دلوقتي .. عندها سنتين و ربع .. لما بنروح نصلي أو نخرج مع اصدقاء و حد ياخد منها حاجة بتجيلي اقولها حاجتك في العشة ولا طارت .. روحي جيبي حاجتك بنفسك .. بتروح تجيب حاجتها من سكات و ترجع

بقيت الاحظ و اتابع و لقيتها بالمزاج .. ساعات تسيب الاطفال يلعبوا بحاجتها لكن وقت ما تعوز حاجتها خلاص انتهى بتقوم تجيبها و اللي يحصل يحصل .. بس للأسف البنات ما تعرفش تعمل معاهم أكتر من كدة ..

امبارح مثلاً كنا في محل ولد ضربها و هي معدية راحت جارية على لعبة تانية ولا كأنها شافته .. طبيعي انها تخاف كبنت بس انا ظبطت الولة :happy:

لكن لو ولد و حصل معاه كدة و المصحف اعلقه من رجليه ..

انا هأقول لولادي الصبيان اللي يبصلهم بس يشرحوه ... بس بشويش عشان مش عاوزين مشاكل و اقسام و كدة

[abobakr]

والله ارائكم وتجاربكم كانت مفيدة

بس تعرفوا ان ابن اخويا بقى بيضرب ويسكت؟؟؟

لانه خايف يقول لابوه عشان هوا هابضريه وفي نفس الوقت الولد التاني اقوى منه :closedeyes:

وبالنسبة لموضع الدفاع عن النفس ما كده بقوله اللي يضربك اضربه عشان عمره ما هيدافع عن نفسه الا بالضرب

[ViralMind]

والله ارائكم وتجاربكم كانت مفيدة

بس تعرفوا ان ابن اخويا بقى بيضرب ويسكت؟؟؟

لانه خايف يقول لابوه عشان هوا هابضريه وفي نفس الوقت الولد التاني اقوى منه :closedeyes:

وبالنسبة لموضع الدفاع عن النفس ما كده بقوله اللي يضربك اضربه عشان عمره ما هيدافع عن نفسه الا بالضرب

فيه فرق بين الدفاع عن النفس و بين التعدى.

لما تقول له دافع عن نفسك, يعنى اوقف الضرب.. يعنى يفضل يضرب فيه هو كمان لغاية اما الواد ده يتوقف عن ضربه و الخناقة تقف.

اما انك تضربه, فده معناها انه يفضل يضربه حتى لو التانى توقف عن الضرب.

صدقنى لو عمل كده مرة واحدة بس.. الواد التانى هيحترم نفسه و مش هيكررها معاه تانى ابدا..

هى مرة واحدة بس هتكون كفيلة انها توقفه عند حده.

و بعدين خلى اخوك يخلى ابنه ينزل يلعب مع العيال فى الشارع.. هيتعلم حاجات كتير قوى هتفيده بعدين. :closedeyes:

و مفيهاش حاجة يعنى لو رجع متخربش ولا راسه مبطوحة فى الاول.. عادى :P

و الاهم كمان انه يغرس فيه مبدأ الدفاع عن النفس, و انه شىء مشروع مينفعش يخاف منه او من عواقبه.

انتا عارف ايه هى المشكلة الحقيقية؟ اننا فاهمين الاسلام و التسامح غلط خالص..

للاسف صوروا لنا فى الافلام ان المسلمين دايما لازم يتعذبوا.. و ان الخير دايما ضعيف.. و ان الانسان الطيب هو الشخص العبيط و ضعيف الشخصية اللى بياخد على قفاه طول الوقت!!

ده حتى و احنا صغيرين.. كان شائع جدا بين الاطفال ان سيدنا محمد كان ضعيف و ان الكفار هما اللى كانوا اقويا.. مع ان ده كلام مغلوط.

لا و كمان يقول لك بات مظلوم ولا تباتش ظالم... هو لازم اكون ظالم او مظلوم؟ طيب منفعش اكون واخد حقى وبس؟

التسامح فى الاسلام عمره ما كان ضعف.. ده انتا اصلا مينفعش تتسامح الا لو كنت قادر على التسامح..

مش عيب اننا نمر بلحظات ضعف او اننا نواجه عدو قوى.. و لكن العيب اننا نرضخ..

انا شخصيا مبعرفش انام و انا سايب حقى.. صحيح انى ممكن اواجه حد قوى و معرفش آخد حقى فى ساعتها.. بس بفضل مبيت له بقى على اول فرصة :closedeyes:

ربنا ينتقم منهم بقى اللى شوهوا صورة الاسلام فى خيالنا.. و اللى خلونا ناخد على قفانا من كل من هب و دب فى العالم كله.

[abobakr]

احنا لو اتكلمنا على التعاليم اللي علموها لينا عن الاسلام غلط مش هانعرف نعدها ولا نحصيها

دول كانوا بيحكوا لينا قصص المستشرقين اللي بيحرفوا في الاسلام

والله سبب اني اصلا فتحت الموضوع اني لاقيت ابن اخويا بقى بيتضرب ومش يقول لابوه يبقى اكيد التربية دي غلط

وبيني وبينك انا كنت ناوي اقول لابني المطوة معاك اللي يضربك غزه لكن لاقيت تربية اخويا غلط قلت استفيد من تجارب الاعضاء