اتحداك الا تبكى

[مغتربة]

فى البدايه احب اقول ان الموضوع مش حاسه انه يليق عى موضوعات خفيفه

لكن انا حطيته هنا لانى احترت احطه فين

عموما الموضوع عن شاب عراقى عمره 17 سنه ابهر العالم اجمع بموهبته فى برنامج اكس فاكتور فى نسخته الاستراليه

لكن الفكره مش بس فى صوتهالحلو و ادائه الجميل فعلا

لكن الفكره ان الولد مصاب بضمور فى اطرافه العلويه و السفليه

و التشوهه دا نتج عن الاسلحه الكميائيه الى استخدمت فى العراق فى التسعينات و خلته يتولد بالتشوه دا هو و اخوه

و رغم كدا و برغم اعاقته لكن ثقته فى نفسه واضحه جدا و محاولش يخبيها و لا يخجل منها و لا اثرت على روحه

لكن ماساته مش متوقفه عند كدا بس

لكن الجانب المثير فى قصته انه هو و اخو تبتهم سيده استراليه جميله جدا احتنتهم و رعتهم و كبرتهم

و وقفت جنبهم لغايه ما اخوه اصبح بطل فى السباحه و هو بدا يشق طريقه فى المجال الى بيحبه و هو الفن

اد ايه قصته ابكتنى

اد ايه توقفت عند جمال روح هذه السيده التى يجعلها تاتى لبلد غير بلدها لا تربطها بها اى علاقه و تتنبى منها اطفال تربيهم بحب و موده

و تختارهم معاقين و ليسوا اصحاء محتاجين لجهد اكبر و تضحيه اكبر فى الرعايه

ياااااااه هو فى بشر عندها قدره على الحب الا مشروط و على العطاء الغير محدود اد كدا

السيده دى عظيمه فعلا لانها عملت الى كان مفروض علينا احنا بحكم الجيره و المشاركه فى اللغه و الدين

و لكن هى تخطت كل حواجز الاختلاف و ادت بلا شروط

فعلا انا بدعى ربنا انه يدينى ربع القدره دى على الحب الغير مشروط

لانها فعلا قدره لا يقدر عليها اكتر الناس

اسيبكم مع الفيديو

و اكرر التحدى تانى

اتحداكم لو مبكتوش من الحاله الانسانيه الجميله الى هتشفوها فى الفيديو دا

http://www.youtube.com/watch?v=DnDLaBhEhXM&feature=related

[احمد رضوان]

ربنا يسامحك على اللى عملتيه في الواحد بالكليب ده

[Obied Allah]

جامد جدا جدا

ملوش حل

[مغتربة]

ربنا يسامحك على اللى عملتيه في الواحد بالكليب ده

مش هعرف اوصف انا عيطت اد ايه و انا بشوفه

و كل مره بشوفه فيه برجع تانى اعيط

[مغتربة]

جامد جدا جدا

ملوش حل

شرفنى مرور حضرتك على الموضوع

تحياتى