تحية لرجال شرطة شرفاء ضحوا بذلوا أنفسهم من أجلنا

[احمد رضوان]

تحية لجال شرفاء ضحوا بأنفسهم من أجل مستقبل هذا البلد ومن أجل جميع المصريين

--------------------------------------------------------------------------

الشهيد / حازم محمود عزب

الرقيب / حسين على إبراهيم

--------------------------------------------------------------------------

استشهاد نقيب شرطة وإصابة رقيب أثناء مطاردة مسلح بمدينة السلام

استشهد النقيب حازم محمود عزب الضابط بمديرية أمن القاهرة وأصيب رقيب شرطة آخر أثناء محاولتهما القبض على مجهول بحوزته أسلحة نارية.

وكان النقيب حازم محمود عزب الضابط بمديرية أمن القاهرة والقوة الأمنية المرافقة له التابعة لإدارة تأمين الطرق والمنافذ بالمديرية يقومون بملاحظة الحالة الأمنية بالطريق الدائرى من حدود القليوبية حتى نفق السلام بدائرة قسم شرطة أول السلام، وأثناء ذلك ارتاب الضابط فى سيارة ملاكى يستقلها أحد الأشخاص تقف بجانب الطريق بالقرب من منزل مدينة السلام، فتوجه والقوة المرافقة له لفحص السيارة، وبمناقشة قائدها تلاحظ له وجود بندقية آلية وأخرى مثبت عليها تليسكوب، وفوجىء بقيام قائد السيارة بإطلاق وابلا من الأعيرة النارية عليه والقوة الأمنية من طبنجة كانت بحوزته .

مما أسفر عن إصابته بطلق نارى بالرأس أدى الى كسر بعظام الجمجمة، وإصابة الرقيب حسين على إبراهيم بطلق نارى بالساق اليسرى، وتم نقلهما إلى مستشفى الشرطة بالعجوزة، إلا أن الضابط استشهد متأثرا بإصابته.

وفر قائد السيارة هاربا، فقام أحد أفراد القوة بمطاردته ومبادلته إطلاق النيران ومحاولة إستيقاف السيارة، الا أنه تمكن من الهرب، كما قام مواطنان (مقاول ومهندس) تصادف مرورهما وقت الحادث بملاحقة المتهم بالسيارة قيادة أحدهما وتمكنا بالفعل من الاقتراب منه والاصطدام بسيارته من الجانب الخلفى الأيسر إلا أنه تمكن من الهرب.

[se_ Elsyed]

الف رحمة ونور على الشهداء الابرار

واللعنة على من يقتل نفساً بهذه السهولة

ورربنا يهدي وزارة الداخلية اللي زرعت الرعب والخوف في قلوب الناس وخلتهم يكرهوا سيرة الشرطة ويكرهوا اليوم اللي بيعدوا فيه أمام قسم الشرطة ... والان يناشدون الناس في جميع وسائل الإعلام بإن من قام بتصوير هذه الواقعة بهاتفه المحمول فنرجو ان يتقدم إلى الشرطة بهذا التصوير او ينشرة على اليوتيوب ...

ولا ننسى هذا المواطن الشهم البطل الذي طارد المجرم الاثم وصدم سيارته بسيارته وزمانها إتحطمت دلوقت .. لكن الكلب أستطاع الهروب برضوا

أرجو ألا تنسى الشرطة أنها جهاز مدني لخدمة المجتمع

وليست لخدمة السلطة أو لخدمة أغراضها الشخصية ... وإن أمن الشرطة وأمانها وعملها الجيد لابد أن ينبع من ثقة المواطن واحترامه لهذ الجهاز مش من خوفه

[se_ Elsyed]

{بِسْمِ اللَّهِ الرَّحْمَـنِ الرَّحِيمِ }

{وَيْلٌ لِّلْمُطَفِّفِينَ * الَّذِينَ إِذَا اكْتَالُواْ عَلَى النَّاسِ يَسْتَوْفُونَ * وَإِذَا كَالُوهُمْ أَوْ وَّزَنُوهُمْ يُخْسِرُونَ * أَلا يَظُنُّ أُوْلَـئِكَ أَنَّهُمْ مَّبْعُوثُونَ * لِيَوْمٍ عَظِيمٍ * يَوْمَ يَقُومُ النَّاسُ لِرَبِّ الْعَـلَمِينَ}.

المطففين هنا هم كل جهاز الشرطة الفاسد .. اللي مصيره جهنم بإذن الله زي ما قال ربنا مش أنا اللي قولت

المطففين هنا هما الالاف التي تم إستنفارها ويخلوهم يتركوا عملهم عشان يكثفوا البحث عن قاتل الظابط

وبعدين ... يجدوه خلال 24 ساعة

ويطلع مدير الأمن بكل فخر يقول على التليفزيون امبارح .. كل مديرية أمن القاهرة وكل رجال المباحث كانوا في حالة إستنفار .. لحد ما قبضنا على المجرم

في حين تروح إنت .. إنت المصري برضوا اللي شكلك شكل الظابط الشهيد ... واللي لك حق في البلد دي .. تروح تبلغ عن حاجه يقولوا لك : مع نفسك .. إتصرف وخلي الثورة تنفعك ...

أو تتصل بالنجدة ما حدش يرد عليك

او ياخدوا المحضر منك ... وأنا أعلم تماماً أنا بأقول إيه .. ويقطعوه ويرموه في الزبالة عشان ما يبقاش له أثر

أو 6500 سيارة من نوع واحد وهي كيا سيراتو تتسرق في أيام قليلة بعد الثورة ... ويطلعوا يكذبوا ويقولوا مش صحيح وما حصلش .. ويطلع في النهاية إن الناس نفسها تكتشف إن واحد مهندس داخل شركة كيا هو اللي ضرب الشفرة بتاع الماستر كي .. وبقى يبيع المفتاح بـ 4 الاف جنيه ... وخساير الناس تقترب من مليار جنيه .. وشقى عمر الناس يروح في الارض

والشرطة الفاسدة اللي حاميها حراميها تغض الطرف ..

ويطلع واحد رئيس عصابة سرقة سيارات في محافظة القاهرة هو .... عميد شرطة

ويطلع واحد من العصابة اللي سرقت عربية بسمه وعمرو حمزاوي هو ... امين شرطة في الخدمة

ويطلع واحد امين شرطة إتحكم عليه بالاعدام لقتل المتظاهرين من شهور .. ومافيش كلب منهم بيقول إحنا بندور عليه عشان نحيب حق الناس اللي ماتت

حسبي الله ونعم الوكيل .....

ومن نصرنا على الظلم في 25 يناير .. قادر أن ينصرنا على كل فاسد مهما كان .. ومهم ادعى إنه بيحمي الامن وبيسهر الليل وما بينامش عشان يحمينا

[se_ Elsyed]

النقطة اللي تعتبر إدانة وقرينة على تقاعس الشرطة اللي ما بقتش موجودة في الشارع ولا لها دعوة بمصر ...

الحادثة حدثت في نزلة الطريق الدائري بمنطقة مدينة السلام في تقاطعة مع طريق مصر الاسماعيلية ... ركزوا معايا الله يكرمكم ...

وفرد الامن اللي كان مع الظابط القتيل ضرب على المجرم نار فأصاب زجاج العربية الأمامي وشوفت العربية وزجاجها الامامي يكاد يكون الزجاج متهشم تماماً وأماكن الطلقات زاهرة للعيان ... وكمان أصاب العربية من الجنب ببضع طلقات

...

وواحد مهندس شهم وحر ومحترم كان شايف الحادثة جري ورا المجرم بسيارته وأصابه سيارته من الخلف عشان يوقفه لكن لم يتمكن ..

يعني العربية إتشركت .. ولو واحد كفيف كان شافها ماشيه على الطريق يبقى هايقول إن العربية دي عاملة مصيبة ...

ركزتوا معايا ؟

كل ده بقى ... والقاتل يمشي بالعربية بالمنظر ده من المنطقة دي اللي تعتبر في أقصى شمال الطريق الدائري ... ويمشي حوالي 20 كم لحد ما يوصل طريق المحور في الجنوب ... وبعدين يدخل المحور ويمشي بتاع 20 كم كمان لحد ما يدخل قلب 6 أكتوبر .. ويركن عربيته قدامم الشقة اللي كان مأجرها ومستخبي فيها حيث تم إلقاء القبض عليه

كل ده من غير ما يقابله ظلل شُرطي حتى ....

ونخلي بالنا إن ما فيش طريق يقدر يروح به مدينة 6 اكتوبر غير طرق رئيسية ومحورية

يعني مش هانقول ده راح إستخبى في منطقة شعبية متطرفة او ما شابه

شيء عجيب مش كده ؟