البسطاء وثمنهم الباهظ عند الانحراف

[ابو محمود]

مما لا يدعو للشك هناك ازمة طاحنة اصابت طبقة ليست بسيطة من المجتمع المصرى انها طبقة العمال البسطاء لقد انهارت فى مصر موسسات صناعية متوسطة وصغيرة مصانع متوسطة وورش واغلقت ابوابها بسبب تردى الحالة المالية بمصر وعملية البطىء لدوران رأس المال مما ساعد فى اشتعال مصروفات هذة الكيانات ومن ثم ترحيل او الاستغناء عن العمالة ومن ثم اقفال الابواب لتلك المصانع والورش ومن توابع هذة المصيبة التى انهارت معها وتأكلت رقعة العمل فى مصر والتشغيل ظهور ظاهرة اسمها البائع المتجول وافتراش الاراضى فى الاسواق والميادين بمثل هذة الكائنات المجبرة على الاسترزاق باى شكل لسد رمق اولادهم انهم نتاج هذة الظروف الصعبة ومن البديهى الا ينجح فى هذا العمل الا صاحب البنيان القوى والسن الصغير فأين يذهب العامل الكبير السن الغير شاب ظاهرة حولت كثيرآ من الشباب الى اما بلطجى اذا كانت لة بنية جسدية او الى متسول اذا كانت قواة ضعيفة وجسدة نحيل او نلقى بالشارع متشرد انها جريمة فى حق الجميع ومن يسأل عنها انهم من يقفون الان متصارعين على مناصب او احزاب اننا امام مشكلة كبيرة ضخمة ستؤذى المجتمع لاحقآ نشاهدها ولا نكترث بها وبنتائجها انها قنابل تجهز للانفجار اجيال جديدة من البلطجية تصنع بايدى النخب والمثقفين والمحزبين نتيجة الصراع على الأماكن والمكاسب ولم يراعو ان مصر بها من الفقراء من يقف بين ناريين اما بلطجى او متسول او يكون جائع هو ومن يعول اين الحل وكيف الخروج من النفق المظلم وابواب المصانع الصغيرة والورش تقفل كل يوم ويخرج من بين ابوابها متشردين او ما شابة

[abobakr]

hوالله مش لاقي كلام اقوله

فعلا الكل عمال يتصارع على المناصب ومش مباليين باي حد

عمالين يخلقوا عداوات بين الشعب ويفرقوهم ويقسموهم وهما مش بيفكروا الا في مصلحتهم ويغور الشعب

وبرده احنا مشتركين في الغلط بالانجراف ورا كلامهم

[pink rose]

و المصيبة ان لما الناس دي تفتح بؤها و تقول يخرب بيت الثورة

تلاقي اللي بيتهمهم بابشع التهم و انهم بيفضلوا العبودية على الكرامة

الناس دي ما حدش بيفكر فيها للاسف و شكلنا كلنا هانتحاسب عليهم

استغفر الله العظيم ربنا يسامحنا

احنا كمان شغالين خناق على المنتديات

و نازلين تقسيم ليبرالي اسلامي سلفي اخواني علماني

و ناسيين الناس اللي حتى ما تعرفش معاني المصلحات دي

طيب عموما عشان ما نحولش التوبيك لمجرد تأنيب للنفس و لطم خدود

خلونا نفكر و نتناقش في حلول نقدر كافراد نعملها و نخفف بيها و لو جزء بسيط من معاناة الناس دي

ايه رأيكم مش كد افيد؟؟؟

[abobakr]

والله يا استاذة بنك انا شايف ان الصمت افضل حاجة دلوقتي

على طول اتعلمت ان الصمت افضل من الكلام

وكلما استمعت اكتر كلما تعلمت اكتر

وننتظر الانتخابات وكل واحد يختار الافضل في وجهة نظره

[pink rose]

والله يا استاذة بنك انا شايف ان الصمت افضل حاجة دلوقتي

على طول اتعلمت ان الصمت افضل من الكلام

وكلما استمعت اكتر كلما تعلمت اكتر

وننتظر الانتخابات وكل واحد يختار الافضل في وجهة نظره

لا يا استاذ بكار

انا باتكلم عننا احنا كافراد مصريين

انت و انا و الاخوة هنا في المحاورات نعمل ايه في العالم الواقعي مش العالم الافتراضي

كل واحد في محيط حياته

نقدر ازاي نساعد في تخفيفي وقع الاحداث اللي احنا فيها على الناس دي

قريت من شوية على الفيس مجموعة شباب في محافظة من المحافظات

نزلوا المدارس عشان يساعدوا بدل اضراب المدرسين دا

و العجيب ان في ناس مؤيدة اضراب المعلمين

بس الاخوة في الصعيد نزلوا بالنبابيت انهوا الاضراب دا خالص

بصراحة اخر استهبال سواء الاطباء او المدرسيين

الحاجات الحيوية اللي زي دي مش المفروض يحصل فيها اضراب

الناس المريضة و لا التلاميذ ايه ذنبهم

و لا هي فوضى و كل واحد يعمل اللي على كيفه و مش مهم بقى حد تاني

تفكير عجيب

تم تعديل 21 سبتمبر 2011 بواسطة pink rose

[abobakr]

انا بتكلم برده عن الحياة الواقعية استاذة بنك

للاسف الكل بيحاول يدور على مصلحته

انا فيه دكاترة اصحابي زعلوا مني جدا بسبب رفضي لاضرابهم من اول مرة اللي كانت من فترة

فين العمل العام اللي في البلد؟؟؟

ليه الشباب اللي مش بيدخل الجيش يعملوا ليهم مشاريع خدمة عامة محو امية او اي حاجة

ليه الجنح الصغيرة اللي بيتحكم فيها شهر مع الايقاف وسنة مع الايقاف ليه مش تحكم عليه انه يبقى في خدمة عامة اكثر صعوبة

المشكلة ان كل ناس دلوقتي بيدوروا على مصلحتهم

يعني الحمد لله انا ليا اصحاب من كل القوى السياسية وبحاول اشارك معاهم

بلاقي كل المشاركات في مصلحة الانتخابات

قررت ساعتها اصمت واستمع من الجميع وتكوين رأيي في الاخر

لكن لو لاقيت فعلا ناس بتحاول تساعد الناس المحتاجة بإذن الله وربنا يعيني واكون معاهم

[Ahmed Anwer]

يا جماعة أنتم بتتكلموا كأن عندنا أزمة في الأيدي العاملة

خاصة الجهاز الحكومي متضخم بالعمالة

عموما نرجع لأصل الموضوع

الأعمال الحرة و العمالة اليومية و العمالة السريحة و الورش

و موظفين القطاع الخاص

الناس دي بتعيط بجد

و محدهش حاسس بيهم ،، البهوات موظفين الحكومة مرتباتهم زادت رغم الظروف الإقتصادية و مش عاجبهم

أنا عملت إعلان وظائف خالية في الأهرام أطلب نجارين و استورجية و مشرفين

في الغالب كنت زمان بعمل الإعلانات دي و مطلعشي بيها باي حاجة

الجمعة دي بقه جالي ناس كتير جدا و خبرات عالية و قابلين باي مرتب !!!

كله اللي شركته فنشته و اللي قاعد في البيت و اللي قفل ورشته

كنت بشمشم علي عمال تسليم و تحميل ،،، دلوقتي عندي 15 عامل !!!

ابني راح مدرسته عادي جدا طبعا عشان مدارس خاصة رغم إن مرتبات المدرسين فيها اقل بكثير من مرتبات مدرسين الحكومة

[ابو محمود]

يا جماعة أنتم بتتكلموا كأن عندنا أزمة في الأيدي العاملة

خاصة الجهاز الحكومي متضخم بالعمالة

عموما نرجع لأصل الموضوع

الأعمال الحرة و العمالة اليومية و العمالة السريحة و الورش

و موظفين القطاع الخاص

الناس دي بتعيط بجد

و محدهش حاسس بيهم ،، البهوات موظفين الحكومة مرتباتهم زادت رغم الظروف الإقتصادية و مش عاجبهم

أنا عملت إعلان وظائف خالية في الأهرام أطلب نجارين و استورجية و مشرفين

في الغالب كنت زمان بعمل الإعلانات دي و مطلعشي بيها باي حاجة

الجمعة دي بقه جالي ناس كتير جدا و خبرات عالية و قابلين باي مرتب !!!

كله اللي شركته فنشته و اللي قاعد في البيت و اللي قفل ورشته

كنت بشمشم علي عمال تسليم و تحميل ،،، دلوقتي عندي 15 عامل !!!

ابني راح مدرسته عادي جدا طبعا عشان مدارس خاصة رغم إن مرتبات المدرسين فيها اقل بكثير من مرتبات مدرسين الحكومة

عارف الناس دى بعد العياط ممكن تعمل اية

انت وانا أولادنا فى مدارس خاصة يعنى ولادهم مش هيلاقو مصاريف للمدارس الحكومية رد فعلهم هيبقى هستيرى وحاد

مشكلتنا فى مجتمعنا المصرى اننا نشاهد المشكلة ونعلم جيدآ حلولها لكن نعمل مش واخدين بالنا ادينا عايشيين

ما يحدث من التيارات السياسية من تعطيل للانتخابات من اجل انهم لا مستعدين او محدش يعرفهم ويعملون ليل نهار على تأجيج الخلافات والتلكيك وظهور شخصيات مريضة تتبع فكر ضال يؤذى الغير لمجرد انة يسلط الضوء على شخصة هذة النتوأت التى ظهرت بعد الثورة وعلى جسدها يجب ان تزال بماء نار حتى تتحلل وتترك للغلابة والبسطاء مساحة يسترزقون منها

ما يتم الان من استغلال لليد العاملة البسيط واذلالها وتخفيض اجرتها شيء خطير عندما نترك فئة من الناس للجوع ونجعلهم يشاهدوننا ننعم بالعيش نتوقع ردة فعل عارمة مدمرة لن نستطيع الفكاك منها ربنا يسترها على مصر من حقد بعضآ من ابناءها bsh:)