الرفاق حائرون يتساءلون ... هو الفيس جراله ايه؟؟

[pink rose]

النهاردة كل ما ادخل على الفيس الاقي كل الناس بتتكلم

ايه دااااااا في ايه؟؟

الفيس ماله جراله ايه؟؟

يعني ايه ما بقاش في خصوصية

و يعني ايه كله على كله و لما تشوفه قوله

يعني ايه كله منفد على بعضه

و انا بصراحة حاسة اني زي الاطرش في الزفة لاني شغالة من الاي باد و ما فيش حاجه اتغيرت عندي

ممكن حد من اخوانا الفيس بوكيين هنا يفهمني

هو حصل ايه ؟؟

[pink rose]

ما حدش رد عليا

يعني ايه ما بقاش في خصوصية؟؟

يعني كل الالبومات بتاعتي هناك اللي فيها الصور بقت سداح مداح للكل؟؟

[لماضة مصرية جدا]

قلبي عندك يا ست ام مريم

بس هو انا اصلا مكنتش فالحة في الفيس بوق بشكله القديم علشان احسس في الجديد

اللي انا لاحظته اني كل اما اخش علي اي حد من اصحابي مالقيش الحيطة....(منه لله مارك بتاع الفيس بوك شكله شال الحيطة و لا ايه)

و اديلي حوالي 20 دقيقة عايزة ابعت مسج لنفسي علشان اصبح عليا و كدهوت مش لاقية الحتة بتاعت المسجات

طبعا انا اعتبر عاااااااااااااار علي الفيس بوق و تويتر و كل الحاجات العليوي ديت

انا بقول انتي تشيلي الالبونات بتاعت الصور

يا بنتي مش كنت فتحت توبيك قبل كده عن حكاية الصورة الشخصية ع الفيس بوك....ووصلنا في الاخر ان كل واحد يلم التعابين

لمي التعابين بقي يا بينكي و شيلي الالبونات

صباحك.....كل أيقونات الخيرو الرضا و التكنولوجيا....(هو الانسان ايه غير شوية ايقونات فوق بعضيها)

[م تيمور المراغي]

شغال معايا بدون مشاكل

هو ساعات بيهيس

بس بيرجع كويس

[pink rose]

قلبي عندك يا ست ام مريم

بس هو انا اصلا مكنتش فالحة في الفيس بوق بشكله القديم علشان احسس في الجديد

اللي انا لاحظته اني كل اما اخش علي اي حد من اصحابي مالقيش الحيطة....(منه لله مارك بتاع الفيس بوك شكله شال الحيطة و لا ايه)

و اديلي حوالي 20 دقيقة عايزة ابعت مسج لنفسي علشان اصبح عليا و كدهوت مش لاقية الحتة بتاعت المسجات

طبعا انا اعتبر عاااااااااااااار علي الفيس بوق و تويتر و كل الحاجات العليوي ديت

انا بقول انتي تشيلي الالبونات بتاعت الصور

يا بنتي مش كنت فتحت توبيك قبل كده عن حكاية الصورة الشخصية ع الفيس بوك....ووصلنا في الاخر ان كل واحد يلم التعابين

لمي التعابين بقي يا بينكي و شيلي الالبونات

صباحك.....كل أيقونات الخيرو الرضا و التكنولوجيا....(هو الانسان ايه غير شوية ايقونات فوق بعضيها)

لا انا عن نفسي مش باحط صور شخصية ليا انا

لكن صور مريم هي اللي اقصدها

مش بحب حد يشوف صورها الا اشخاص معينين لان في ناس كتير عندي مضافين و مش اصحاب اوي احنا يعني

هاقولك و ما تضحكيش كنت باضيفهم عشان اكتر الفريندز في الالعاب

[rewsha]

يعنى ايه الفيس بووك الجديد ؟

.

.

.

.

.

.

.

.

.

.

واحد بيقول لحبيبته : وحشتينى يا بيبى موووووووه

تلاقى نص اصحابه بيبوسوا معاه والنص التانى بيشجعه

( ايوا ياعم الله يسهللك ) ( اجبللك شجره واتنين ليمون)

ههههه

بس على فكره (انا برضو الفيس شغال عندي زي ماهوه مافيش حاجه اتغيرت خالص)

[Dreamwithme]

السلام عليكم ورحمة الله وبركاته

إزيك يابينكي ؟ إزيك يالماضة؟

بصي يا بينكي أنا مدمنة فايسبوك وبأقوم وأنام عليه يعني هتلاقيني في كل وقت وكل مكان لازما ولابد اعمل ساين إن عليه

ربنا يشفيني يارب ويشفي كل اللي زيي قولي آمين

بصي يا ستي اطمني خالص بالنسبة للتغيير اللي حصل في الفايسبوك لم يحدث تغيير في الخصوصية علي الاطلاق

ولو حابه تتأكدي من ده أدخلي علي اعدادات الخصوصية وهتلاقي خصوصيتك زي ماهي وكل حاجة تمام وأنا دخلت وتأكدت فاطمني

أما التغيير اللي حصل في الفايسبوك هو تغيير في طريقة العرض وفي شكل الصفحة فقط لا غير

وبالنسبة للحائط يا لماضة فموجود زي ماهو بتدخلي علي بروفايل الشخص تلاقي نفسك علي الحائط أكتبي اللي أنتي عايزاه

كل التغيير اللي حصل هو عرض الابدايتس والريسينت ستوريز

بصراحة لغاية دلوقتي مش فاهمة حاجة في الصفحة خالص ومش عارفة مين فين وبيعمل أيه

وفي رأيي إن التغيير ده زي الزفت وغير مفيد علي الاطلاق وأنا بجد متنرفزة منه واتخنقت من الفايسبوك إمبارح والنهاردة

مش عارفة بصراحة هم بيعملوا كده ليه؟ كل ما الواحد يتأقلم علي الصفحة ويتعايش معاها يغيروها ويقلبوا الدنيا

عموما خبر سار جدا إن جوجل بلس فتح لكل الناس من إمبارح أي حد ممكن يشترك فيه

فأعتقد إن ده هيشعل المنافسة بينه وبين الفايسبوك والله أعلم يمكن نلاقي هجرة جماعية من الفايسبوك لجوجل بلس

اللي في رأيي أفضل بكثير من الفايسبوك لكن عيبه الرئيسي إنه غير منتشر يعني صحراء جرداء وإن الواحد مش متعود عليه

عموما لا أراكم الله سوءا في عزيز لديكم ......أبوس ايديكم يا أولي أمر الفايسبوك رجعولي الفايسبوك القديم

[رضوي]

انا مش من هواه الفيس بوك اوي يعني

بس عندي حاجة غريبة مش عارفة بجد دي عندي بس ولا منتشرة

حصلت معايا اكتر من مرة

الاقي صديق يوافق علي طلب صداقتي ( مع اني اصلا ماطلبتش وماقمتش باضافته من الاساس )

وصفحة جديدة اشتركت فيها ( مع اني ماعملتش لايك من الاساس ليها )

في المرة الاولي لقيت صديق مشترك اتضاف عندي ( وهو اللي وافق علي طلب الاضافة يعني انا اللي طلبت الاضافة مع ان دة ماحصلش ) قولت معلش يمكن غصب عني دوست علي اضافة صديق بما انه بيظهر دايما في الاصدقاء المقترحين

المرة التانية لقيت حد تاني برده وافق علي طلب الاضافة ؟؟؟؟؟؟؟

يعني اعمل ايه ؟؟؟؟؟

والغريب بقي اني عادي بيجيلي طلبات اضافة ولما مش بوافق مش بتتضاف ............ طيب فين المشكلة ؟؟؟؟؟؟؟ وازاي بيتضاف عندي اشخاص انا اصلا ماقومتش باضافتهم من الاساس ؟؟؟؟ وصفحات انا ماعملتش ليها لايك ؟؟؟؟

بالشكل دة بفكر اعمل اغنية زي احمد مكي واقول انا ماببعتش طلبات اضافة من فيس بوكي ؟؟؟؟؟؟ّ!!!!!!!

ياترى الموضوع دة حصل مع حد ولا انا فريدة من نوعي ؟؟؟؟

[ViralMind]

استاذة رضوى..

فيه احتمال يكون هو السبب.. ان الحد ده موجود عندك فى الايميل ليست.. و انتى عملتى كونيكت لايميلك الياهو او الهوتميل.. فبيتم اضافته بشكل اوتوماتيك لما بييجى يسجل بعدين.

بالنسبة للفيسبوك.. التغيير الوحيد اللى لاحظته.. هو ان فيه subscribe button..

يعنى الواحد يشوف الوال بتاع اى حد حتى لو مش صديق.. بس انتا تقدر تمنع الزرار ده لو عايز. يعنى هما اخدوا حتة من تويتر و لطعوها فى الفيسبوك.

كل حاجة موجودة زى ما هى.. ادخلوا عالبروفيل.. هتلاقوا الtabs على ايدكم الشمين.. قصدى الشمال.. و تختاروا منها.

[عماد حمدي]

دلوقتي لو أنا عملت أي لايك أو أي كومنت بيظهر لكل الناس اللي أنا عندهم ..

ظهر تحديثات كمان شملت ظهور قوائم فيها التالي :-

الأصدقاء المقربين بيظهر فيها كل حاجة بيعملوها اي بوست أي لايك أي كومنت

كمان قائمة العائلة

و أيضاً قايمة ( منطقتك ) ياعني مثلاً عندي بيظهر منطقة أبوظبي ..

بيجيبلي كل أصحابي اللي في أبوظبي لواحدهم كدا أخش اشوف بيعملوا اية و عملوا كومنتات و لايكات لمين و أشوف أحدث حالتهم ..

طبعاً العملية كدا بقت سداح مداح ياعني اي حد بيفكر يعمل لايك او كومنت يفكر مليون مرة ..

ياعني تفتح الفيس دلوقتي يجيلك 7000 اشعار شوية من ( قائمة الأصدقاء و شوية في قائمة العائلة و شوية في منطقتك ) ..

العملية بقت زحمه جداً جدأً ..

والخصوصية بدات تكون معدومة ..

الفيس بوك فى المرحلة القادمة....

ممكن لو صاحبك راح التويليت تلاقى اشعار بيقول لك :

قام صديقك بالذهاب الى دورة المياه

(تجاهل) (بدء محادثة مرئية) ( ارسال تنبيه باستعمال السيفون)

و كل سنة و انتة طيبين :D

[pink rose]

ايون ايون

انا كمان عندي حاجه عجيبة غريبة

كل شوية الاقي صفحات بتبعتلي و انا مش عاملاها لايك

[Om Zayd]

السلام عليكم و رحمة الله و بركاته

http://uk.news.yahoo.com/10-things-you-need-to-know-about-facebook-s-latest-update.html

مقال بيوضح اللي حصل و التعامل معه

[مغتربة]

اخبار » متفرقات » بعد التحديثات الأخيرة.. "إحنا آسفين يا فيسبوك"..!

بعد التحديثات الأخيرة.. "إحنا آسفين يا فيسبوك"..!

شاركشارك 1518تويتر 50أعجبني 343طباعةأرسل

2011/9/22 الساعة 22:41 بتوقيت مكّة المكرّمة

محرر ياهو مكتوب - احتجاجات واعتراضات.. هذه المرة ليست في واحدة من دول المنطقة حيث أمواج التغيير الثورية.. ولكنها احتجاجات إلكترونية ساخرة بعدما أطلق موقع التواصل الاجتماعي الشهير فيسبوك تحديثاته الجديدة.

التحديث الأخير طال شكل الصفحة الرئيسية للفيسبوك وتقسيماتها وأكثر ما لفت انتباه مستخدمي فيسبوك هو نافذة Ticker التي تعرض نشاطات الأصدقاء لحظة بلحظة من كتابة تعليق أو رفع صورة أو أي شيء آخر.

وهذه التحديثات دعت البعض لإطلاق صفحة بعنوان "إحنا آسفين يا فيسبوك " على الموقع نفسه حملت بعض التعليقات الساخرة على التحديثات الأخيرة.

فكان منها أن أطلق البعض اسماً تهكمياً على التحديث الأخير لفيسبوك بخدمة.. "افضحني شكراً" ومميزاتها على حد تعبيرهم:

1- سيرتك ع كل لسان.

2- اي حاجة هتعملها هتتشاف يعني هتتشاف.

أما أحد المستخدمين فكتب تحذيراً تهكمياً: "عزيزي الفايسبوكجي بعد تفعيل الفيس بوك الجديد قبل ما تعمل أي كومنت او لايك فكر ألف مرة الوطن العربي كلو بتتفرج عليك".

وعلّق آخر.. "الفيس بوك دلوقتي بقي عامل زي اتنين ستات قاعدين علي كنبة ساعة مغربية بيجيبوا في سيرة ده وسيرة ديه".

واستلهاماً من الشعارات الثورية الأخيرة دعا آخر إلى.. "مليونية تصحيح مسار الفيس بوك"..!

أما عن Groups” " التي تقدم خدمة معرفة زائري صفحة المستخدم الشخصية، كتب مستخدم: "إعرف مين بيشوف بروفايلك ..... يا عم خلاص مصر كلها بتشوفه دلوقتي".

وبالإنجليزية عبر آخر عن عدم استيعابه للتحديث الأخير.. Facebook is like women when u start to understand them , they changeأو "فيسبوك مثل النساء، حالما بدأت في فهمهن.. يتغيرن"

كان هناك أيضاً نظرة مستقبلية ساخرة لما سيكون عليه الفيسبوك بهذه الطريقة فكتب البعض:

- قريباً سيكون الفيسبوك كالآتي:

* أحمد توفيق بياخد دش Happening now

* ريم حسن مالقتش بيبسي في التلاجة فبعتت أخوها يجيب five minutes ago

* ميادة ووائل بيتكلموا اينبوكس وعمالين يجيبوا في سيرتك happening now

* سامي فاتح ايمى بمشاعرة بس إيمى قلبته ten minutes ago

* رامي قام من ع الفيسبوك ودخل الحمام 30minute ago

* ميرا عطست.

*(يرحمكم الله) Click here to send her

* أم محمود بتنده على محمود علشان حطت الأكل على السفرة.

* أبوك طالع على السلم.. اطفي السيجارة وهوي الأوضة.

* محاسن بتغير لأبنها لتالت مرة النهاردة.

البعض الآخر لم يعر بالاً بالتحديث الأخير، فكتب هذا المستخدم متحدياً..

"احنا بالصلاة على النبى كده معندناش أسرار نخبيها و شغلنا كله على عينك يا تاجر وماشيين فى السليم وكما قال الشاعر..

..

فتشنى فتش".

[Howayda Ismail]

بصى الفيس بقاله فترة راكبه عفريت

حاجات غريبة بتحصل فيه

لكن ولو برضه مش حنسيبه يعنى مش حنسيبه خلاص بقى ادمان

من يومين البت اية خرجتنى عن شعورى لما فتحت الاكونت عندها وصرخت من فتح الفيس بتاعى ولعب فيه وغير حاجات

وانا يابنتى يهديكى يرضيكى محدش يعرف الباسوورد تبعك تقولى لأ حد دخل وغير فيه حاجات

قلت لها مايمكن واحدة من صحباتك هى اللى عملت كده قالت لا معطتش حد الباسوورد ابدا

كان هاين عليها تعيط وانا كان هاين على اقتلها هههههههه

لان كل ماتقعد تبرطم وده ليه وراح فين وايه اللى جاب ده هنا خلتنى كنت حاولع فى الكمبيوتر

ومصرة حد بيغيره من البيت ده غير الاكونت اللى اتسرق منها قبل كده وضاع

بحكم انها بقت خبيرة فيس هى والمقروص الصغير اتعلمت منهم اتعامل معاه ازاى واى حاجة بسالهم عنها

بس عارفة اتعامل معاه عن جوجل بلس اللى اشتركت فيه ومااعرف فيه الهوا غير ازاى افتحه وبس

ياريت اللى عنده فكرة عن الاحداث يوضح لنا

احسن كده اخبارك بقت عند الجيران وجيران الجيران فى الفيس

المناور كلها بقت مسمعة على بعضها هههههه

[Dreamwithme]

يا جماعة أنا في حاجة مفهمتهاش ليه كل الناس خايفة من الخصوصية ؟

الخصوصية لسه زي ما هي في الفيس الجديد زي القديم ما تغير فقط هو طريقة العرض

وموضوع السبسكريب اللي عامل زي تويتر هو ده فقط الاختلاف

أما حكاية إن كل حاجة بتعملها هتبان أيون ماهو ده كان بيظهر في الفايسبوك القديم

بس كنت لازم تلف الصفحة كلها من أولها لأخرها عشان تشوف مين عمل أيه

الفرق فقط إن دلوقتي في قائمة علي اليمين

وبعدين ما القائمة دي بتظهر للأصدقاء فقط اللي انت ضايفهم عندك مش لكل شعب مصر يعني

طب لو انتم مش عايز أصدقائك يعرفوا أنت بتعمل أيه ضفتوهم أساسا ليه؟

مش عارفة يا جماعة أنا فاهمة صح ولا غلط بس اللي أنا فاهمه إن الموضوع فقط في الشكل بس ليس اكثر

[Howayda Ismail]

هو الظاهر زى مابتقولى يادريم التغير فى الشكل

وده ادمن صفحة سكندرى غير صفحته

وده تعليقه على الموضوع

البروفيل الجديد وتطوير الفيس بوك بشكل كبير جدااااااااا

شوفوا بروفيلى شكلوا عامل ازاى ؟؟؟ :D

يلا اللى عايز يحول بروفيلوا الواحد بعشرة جنى :P

ورغم تفوقه فى تجديدات الشبكة الا ان اللغة العربية واقعة عنده خالص

شكلوا = شكله

بروفيلوا = بروفيله

جنى = جنيه

[pink rose]

فتحت دلوقتي من الكومبيوتر

بس لقيت بروفايله زي ما هو

مش زي الصورة بتاعت الادمن دا يا مدام هند

لا ماليش دعوة انا عاوزة البيج بتاعتي زيه

اعمل ايه؟؟؟؟؟؟؟؟؟؟؟؟؟؟

[م تيمور المراغي]

جنى = جنيه

لا دي مظبوطه

عشان اخوانا اهل الاسكندريه بيقولوا على الجنيه : جني

مش مشكله ,,