تحذير 6 ابريل للادارة الامريكية بخصوص دولة فلسطين

[م تيمور المراغي]

توجه حركة شباب 6 ابريل تحذيرا للاداره الامريكيه من أى محاولات لمنع قيام الدوله الفلسطينيه , فالكراهيه الموجهه ضد السياسه الامريكيه فى الشرق الاوسط سببها الرئيسى هو المواقف الامريكيه الداعمه لاسرائيل على طول الخط فى ممارساتها العنصريه ضد الشعب الفلسطينى , وتجاهل الادارات الامريكيه المتعاقبه للمعاناه الشديده التى يعيش فيها الفلسطينيون وتجاهل حقهم فى حياه كريمه وآمنه ودوله مستقله.

وانه ان كانت الولايات المتحده ترغب بالفعل فى ان تهدأ الامور فى الشرق الاوسط وينتشر السلام والامان بين الجميع فعليها ايضا تأييد الحق الفلسطينى بنفس درجة تأييدها لإسرائيل , فالصراع العربى الاسرائيلى كان هو النقطه المحوريه والمحرك للعديد من الاحداث فى الشرق الاوسط طوال هذه السنوات.

وقد عقب المهندس احمد ماهر مؤسس حركة 6 ابريل والمنسق العام قائلا على الاداره الامريكيه ان تدرك جيدا بان مصر بعد الثوره ليست هى مصر قبل الثوره وانه لن يتم السماح بالتبعيه للولايات المتحده مره اخرى كما كان يفعل مبارك ونظامه , فلم يعد هناك مستبدون يحاولون الحفاظ على سلطتهم بتبعيتهم للولايات المتحده.

ويجب ان يتم ادراك ان اى مصالح فى المستقبل يجب ان تكون فى الاساس لمصلحة الشعوب اولا وليس مصلحة الحكام, ويجب ان تكون على اساس التبادل وليست من طرف واحد.

وانه يجب اداراك انه الآن يوجد جيل عربى لن يسمح بتكرار ما حدث ولن يسمح بوجود مستبدين فى الحكم مره اخرى , ومعياره الرئيسى فى الحكم على المور هو مصلحة شعبه وليس مصلحة من فى السلطه.

انه جيل الثورات العربيه.

[ابراهيم عبد العزيز]

يعجبني فى حركة 6 ابريل أنها حركة إيجابية وتتفاعل مع الاحداث المختلفة

ولكن فى جملة واحد وردت فى التقرير اود التعليق عليها :

على الاداره الامريكيه ان تدرك جيدا بان مصر بعد الثوره ليست هى مصر قبل الثوره وانه لن يتم السماح بالتبعيه للولايات المتحده مره اخرى

هل نحن متاكدون ان مصر بعد الثورة ليست هى مصر قبل الثورة ؟؟

بكل صراحة أشك للأسف

[ViralMind]

البيان ده بروباجندا... مش داخل دماغى.

[MohamedAli]

يشبة بيانات الجامعة العربية .... نشجب .. ندين .. نستنكر ...

[mfarag]

توجه حركة شباب 6 ابريل تحذيرا للاداره الامريكيه من أى محاولات لمنع قيام الدوله الفلسطينيه .

حلوة موت

تلاقى دلوقتى الامريكان يا حرام ركبهم بتخبط فى بعض

لية كدا بس هى امريكا ادكم

:P :P :P :P :P

[ViralMind]

يشبة بيانات الجامعة العربية .... نشجب .. ندين .. نستنكر ...

مع فارق ان جامعة الدول العربية كيان دولى و اقليمى معترف بيه, اما 6 ابريل فهى حركة عليها الكثير من علامات الاستفهام حول مؤسسيها و اهدافها و تمويلها.

توجه حركة شباب 6 ابريل تحذيرا للاداره الامريكيه من أى محاولات لمنع قيام الدوله الفلسطينيه .

حلوة موت

تلاقى دلوقتى الامريكان يا حرام ركبهم بتخبط فى بعض

لية كدا بس هى امريكا ادكم

:P :P :P :P :P

هههههههه بالظبط كده.. ضيف كمان انهم ممكن يفكروا يزودوا لهم التمويل شوية علشان الدور يتسبك اكتر.. و كمان هيقولوا لهم طلعوا بيان كمان تهاجمونا فيه.. ما هو اللى يهاجم امريكا هو اللى بيكسب.

انا شايف ان البيان ده موجه للمصريين و ليس لامريكا.. يعنى نوع من البروباجندا و لفت النظر و محاولة لكسب القاعدة العريضة من الجماهير اللى بتتحمس زيادة عن اللزوم.

[mfarag]

انا شايف ان البيان ده موجه للمصريين و ليس لامريكا.. يعنى نوع من البروباجندا و لفت النظر و محاولة لكسب القاعدة العريضة من الجماهير اللى بتتحمس زيادة عن اللزوم.

+11111111111111111111111

استاذ

واخيرا لية مش عارف افتكرت بيت شعر - طبعا مالوش اى علاقة بتهديد حركة 6 ابريل لامريكا

زعم الفرزدق أن سيقتل مربعاً *** أبشر بطول سلامة يا مربع

[ابو محمود]

الراجل بيقولك 6 ابريق باين ولا 6 أبليس المهم ماهى علاقة الفرزدق او المربع ب 6أبريق

حاول تشرح وتفسر ومن ثم توضح لحسن يطلعولك بيان يهاجمو فية المحاورات وانت بالذات وكل واحد بيحاول يفهمهم انهم اباريق او اباليس او ألخ ألخ

[م تيمور المراغي]

دمكم خفيف :happy:

تاني والنبي :happy:

[م تيمور المراغي]

يشبة بيانات الجامعة العربية .... نشجب .. ندين .. نستنكر ...

حرد عليك انت يا محمد

احنا كتبنا ( نحذر ) ,,

لان فيه خطوات تصعيديه بالفعل بندرسها ضد الادارة الامريكيه داخل مصر و في الولايات المتحدة نفسها ,,

[ViralMind]

عمليات ارهابية :blink:

[ViralMind]

نصيحة أخوية يا استاذ اركيتكت, انك لا تتسرع فيما تقوم بكتابته على الانترنت عندما يتعلق الامر بالارهاب. :)

لان الادارة الامريكية عندها هيئة كاملة متخصصة فى مراقبةالانترنت عموما و المواقع و المنتديات الاسلامية و العربية خصوصا بمختلف احجامها, و اى حد high profile بيتحط عليه علامة و بيتم البحث عن افكاره و مصدرها و علاقته باى جماعة او حركة.

تم تعديل 24 سبتمبر 2011 بواسطة ViralMind

[م تيمور المراغي]

نصيحة أخوية يا استاذ اركيتكت, انك لا تتسرع فيما تقوم بكتابته على الانترنت عندما يتعلق الامر بالارهاب. :)

لان الادارة الامريكية عندها هيئة كاملة متخصصة فى مراقبةالانترنت عموما و المواقع و المنتديات الاسلامية و العربية خصوصا بمختلف احجامها, و اى حد high profile بيتحط عليه علامة و بيتم البحث عن افكاره و مصدرها و علاقته باى جماعة او حركة.

اشكرك على النصيحه يا فيرال بس مين جاب سيرة عمليات ارهابيه ! ;)