# ها هو البرادعي يستخدم المسجد للدعاية.لرأيه #

[Abu Reem]

أنا مش هاتكلم كتير

بس من كام يوم كان هناك بعض من الافاضل المحاوراتية يستنكرون استخدام منبر المسجد خاصة اذا تعلق الامر بالانتخابات القادمة أو لمحاولة الدعاية لانفسهم واستغلال التجمع الكبير الذي يكون في المسجد ،

وعلشان اختصر فسادرج اقتباس أوضح فيه الفاضل اسلام المصري اعتراضه ووجهة نظره في مثل هذا الفعل

وكان هذا في موضوع الدكتور عادل ابو زيد عن خطيب الجمعة الذي تحدث في السياسة بطريقة تنحاز لتيار دون اخر

وهذا هو رأي الفاضل اسلام ، الذي اتفق معه اخرون في وجهة نظره

مرحب استاذ عادل

دي اصبحت ظاهرة يا استاذنا

انا بنفسي شوفت واحدة ست طالعة علي المنصة قبل صلاة العيد وكانت بتدعوا لحزب الاخوان وكانت مثار اشمئزاز من الحضور

يعني الناس بردو واعية يا استاذنا وعارفة اللي بيخلط الدين بالمصالح الشخصية

هما من الاخر لو عملوا مؤتمر مش ممكن هايكون عندهم كل التجمع ده من ناس مش مؤمنين بافكارهم السياسة عشان كده بيستغلوا الموقف ويروجوا لحزبهم السياسي ولو تحول الموقف لهذا الهرج والمرج لوجدنا احزاب اخرى تروج لحزبها في المسجد وده يروج وده يروج وما يبقاش مسجد يبقى سوق عكاظ وتبقى سويقة

ده كلام فارغ يا استاذنا ولازم اهل الحي يقفوا وقفة بجد لمثل هذا التهريج

ولو انا مكانك هابلغ المسؤلين ومش هادخل المسجد ده تاني لغاية ما يغيروا مثل هؤلاء الشيوخ

تحياتي

ولكن الان تكرر الامر مع الدكتور البرادعي المرشح وسادرج الخبر في نهاية المداخلة

فياترى....هل نسمع نفس الرأي من نفس الاشخاص ام ان الوضع مختلف مع الدكتور البرادعي

في أول تحرك جماهيري منذ إعلانه عن نيته الترشح للرئاسة، توجه الدكتور محمد البرادعي، إلى مسقط رأسه بمحافظة الغربية، بقرية ''إبيار''.

وفور حضوره إلى القرية توجه إلى مسجد الحاتمية، وسط استقبال الآلاف من مؤيديه وأنصار، وعقب أداء صلاة الجمعة، ألقى البرادعي كلمة داخل المسجد، قائلاً ''نريد ان نصبح كالبنيان المرصوص.. وليكن شعارنا في الفترة القادمة.. كلنا يد واحدة من أجل تحقيق العدل والمساواة والحرية والعدالة الاجتماعية وهي مبادىء ديننا الإسلامي''.

كما وجه البرادعي تحيته إلى إمام مسجد الحاتمية الأزهري قائلاً ''أشكر الإمام الشاب على خطبته الرائعة فالأزهر يمثل سماحة الإسلام ووسطيته''.

وعقب خروجه من المسجد كانت الآلاف المحتشدة بقرية إبيار يهتفون ''نهتف بكل حماسنا.. البرادعي هو رئيسنا''، ''تغيير حرية عدالة إجتماعية''، ورفع البعض لافتات مكتوب عليها ''مرحبًا بمُفجر الثورة''.

كما وقف بعض الأهالى من شرفات المنازل يوجهون تحيتهم إلى محمد البرادعي وألقوا بعض الحلوى على المواطنين

على فكرة انا عن نفسي ممكن اتقبل موقف زي ده حتى لو كان في المسجد ، يعني انا ممكن اتقبل واتفهم موقف البرادعي

بس سؤالي للناس اللي استاءت من هذا التصرف لما كان الامر يتعلق بمن استخدم المسجد في تاييده لاصحاب التيارات الاسلامية ..بس المشكلة انا بالاحظ كتير في المحاورات يقولوا الحاجة ويعملوا عكسها...ولو الامر متعلق باراؤهم يكونوا معه واذا الاخرين فعلوا نفس الأمر..يتم استنكاره

[Simba]

وعقب أداء صلاة الجمعة،

يا سيدي عقب اداء الصلاة

يعني اللي عايز يمشي يمشي

واللي عايز يقعد يقعد

انما صلاة الجمعة وخطبتها دي فرض ولها قدسيتها ما ينفعش يتقال فيها اي دعاية انتخابية

[Abu Reem]

وعقب أداء صلاة الجمعة،

يا سيدي عقب اداء الصلاة

يعني اللي عايز يمشي يمشي

واللي عايز يقعد يقعد

انما صلاة الجمعة وخطبتها دي فرض ولها قدسيتها ما ينفعش يتقال فيها اي دعاية انتخابية

يا عم سيمبا استخدم المسجد ام لم يستخدم ؟؟

وبعدين في الاقتباس الخاص بالفاضل اسلام المصري..كان الاعتراض على استخدام الميكرفون ايضا قبل الصلاة

اذا الامر لا يتعلق بالخطبة او غيرها ولكن باستخدام المساجد ودور العبادة

[لماضة مصرية جدا]

السلام عليكم و رحمة الله و بركاته

اسمحلي استاذي ابو ريم هسرد ما حدث في صلاة الجمعة لدينا اليوم في عجالة

بكرة باذن الله هتكون اول انتخابات لمجلس الاتحاد الوطني بالامارات

و بعد ما خلص خطيب المسجد الخطبة و الصلاة مسك المكرفون و قال تنويه هام

و شجع فيه الناس علي المشاركة باصواتهم في الانتخابات....

و انا استغربت موقف الخطيب جدا

لسبببين الاول

ان اصلا المسجد اللي كانت فيه صلاة الجمعة فيه عدد كبير جدا وافيدن يعني مش هيشاركوا في الانتخابات اصلا و ده علي حسب موقعه الجغرافي بس يبدو ان خطيب المسجد كان لازم يقول كده

السبب التاني ان وقت الثورة في مصر و تونس قام ناشط حقوقي اماراتي بالدعاء في المكرفون بعد صلاة الجمعة لنصرة الثوار في كلا البلدين و بعديها تم القبض عليه من قبل السلطات

الواقعتين من وجهة نظري

فيهم كتير من اللخبطة

هل بنستخدم الجامع كمكان لتجمع عدد كبير من الناس و في الحالة دي هيستوي لدينا اني اروح الكنيسة و اروح المعبد اليهودي و كل اماكن العبادة كل الجاليات المستهدفة

طب ايه اللغة المستخدمة...هل فيها خطاب ديني مثلا علشان نؤثر علي المتلقي لان احنا بالفطرة كدهوت بنحب و بنميل طبيعي لاي حاجة بتتكلم في الدين

قناعتي الشخصية ان الدين بيخسر كتير لما بيتخلط بالسياسة...لان مينفعشي تخلط حاجة ثابتة مع حاجة متغيرة بتغير الاشخاص و المصالح

اللي هستهجنه علي البرادعي و يعلي غيره ان اي حد يطلع يقولي لو مصوتيش لفلان او لعلان هتروحي النار...او هتبقي مش مع الاسلام

اللي مش هقبله من البرادعي او من غيره انه يطلع يقول انه حامي الدين الاوحد...و انه هو الي فاهم مصلحتنا...و علشان كده نمشي وراه مغمضين

اللي مش هقبله من البرادعي او من غيره انه يقولي.....ايون اختاروني علشان مشروع الخلافة الاسلامية....من غير ما يحطلي برنامج انتخابي يخاطب عقلي و اشوف فيه نتايج بتتحقق...مش ده برضه اخد بالاسباب

اللي مش هقبله من البرادعي او من غيره ان حد يقنعني ان "دقني" هي رمزي الانتخابي في المرحلة القادمة

دي وجهة نظري

قد اصيب و قد اخطيء

لكن اتحملها وحدي

تحياتي

[Abu Reem]

الصورة دي بتفكرني بمشهد بفيلم عادل امام ...طيور الظلام

لما كان مدير حملة انتخابات احد المرشحين...

وكان بينصحه يلتحم بابناء دائرته

:P

[Alshiekh]

الفاضل / Abu Reem

عندك حق في ملاحظتك

ولكنها ملاحظة في غير محلها للأسباب التالية:

1- قرية إبيار نجم هي قرية صغيرة حيث تعدادها أقل من 30 الف نسمة.

2- لم يعتلي البرادعي المنبر ولم يتم الدعوة لانتخابه من فوق المنبر.

3- تم إستقبال البرادعي بعيدا عن المسجد وبعيد عن زفة الشيوخ وبعيدا عن تزكية الشيوخ له.

4- البرادعي لم يذهب للتمحك في ناس لايعرفونه او لايعرفهم ، بل ذهب إلى قريته وإلى أهله.

واكيد أنت تعرف كيف يحتفي الناس بأبناء قريتهم خاصة لو كان رجلا في مثل قامة البرادعي ، وأعتقد أنهم سيفعلون الشيئ نفسه لو زارها وزير الإسكان محمد فتحي البرادعي فهو من أبناء القرية أيضا.

ولو كانت الصورة بتفكرك بعادل إمام ، فياريت تراجع كل صور عادل إمام لانها ستذكرك بناس كثيرين ليس البرادعي واحدا منهم لانه لم يطلق لحيته ولم يرتدي عدة الشغل !!!

[aimen]

الصورة دي بتفكرني بمشهد بفيلم عادل امام ...طيور الظلام

لما كان مدير حملة انتخابات احد المرشحين...

وكان بينصحه يلتحم بابناء دائرته

:P

يا حاج الاثنين اقارب من نفس العائلة ...تقريبا اولاد عم على ما اعتقد....

[Abu Reem]

استاذ محمد ، استاذه / لماضة

على فكرة انا معنديش اي اعتراض على ان يستخدم احد منبر المسجد حتى لو كان يتكلم في امور السياسة..لان هناك مواقف معينة تستدعي ذلك

ويمكن انا ليس من مؤيدي مقولة ان المسجد او خطبة الجمعة لا بد ان تبعد عن السياسة

على العكس انا لا ارى مانع من ضرورة التحدث في بعض الامور السياسية التي تؤثر بدرجة كبيرة على المجتمع ككل وبالتالي فما يؤثر على حياة الناس فهو امر بالتأكيد يهم الدين ويهم حياة الانسان فلا مانع من الحديث بشأنه على منابر المساجد

- طبعا هناك بعض السذج او حسنى النيه يتحدثون بدون زكاء فيقوموا بتشويه الاخرين من على منابر المساجد ويستغلون بعض الجهل عند الناس ليحاولوا ايهام الناس بانك بو كنت معك فلان فانت في الطريق الصحيح ولو كنت مؤيد لفلان ستذهب الى النار...ولا شك ان هذه سذاجة

- لكن هناك ايضا من هم محترفين واذكياء ويتحركون بتخطيط...ويستخدمون الكلام المنمق والجميل والالفاظ والعبارات الجذابة..ولكن طبعا في النهاية يكون الغرض هو الدعاية للنفس ..او ما يسمى بالتلميع

- على اي حال كما قلت انا ليس عندي اعتراض على تصرف البرادهي وايضا لن اشكك في نواياه ولكن كان غرضي ان هذا القعل قام به اخرين وعندها قوبل بالرفض والاستنكار....وتم الحكم على نوايا اصحابه انهم بستخدمون المسجد للدعاية...رغم ان ما قيل على المنبر لم يكن هجوما على اخرين او تكفيرا لاخرين..

[م تيمور المراغي]

د. برادعي ماطلعش يشتم في خصومه ولا يزكي نفسه لدى الناس بل قال كلام عااام جدا يشمل كل المصريين ويقوله كل المصريون مهما اختلفت انتمائاتهم

وكان بعد الجمعه ما خلصت يعني اللي عاوز يمشي يقدر يمشي مش مثبت الناس قدامه زي اخينا التاني

وزي ماقال الافاضل دي مسقط رأسه ودول قرايبه ومعارفه وجيرانه وفخورين طبعا بمركز ابنهم الدولي المرموق ومكانته التي لا يختلف حولها احد ,,

ياريت كل المصريين يبقوا في أدب و اخلاق وعلم وتواضع د. برادعي ,,

[Abu Reem]

د. برادعي ماطلعش يشتم في خصومه ولا يزكي نفسه لدى الناس بل قال كلام عااام جدا يشمل كل المصريين ويقوله كل المصريون مهما اختلفت انتمائاتهم

وكان بعد الجمعه ما خلصت يعني اللي عاوز يمشي يقدر يمشي مش مثبت الناس قدامه زي اخينا التاني

وزي ماقال الافاضل دي مسقط رأسه ودول قرايبه ومعارفه وجيرانه وفخورين طبعا بمركز ابنهم الدولي المرموق ومكانته التي لا يختلف حولها احد ,,

ياريت كل المصريين يبقوا في أدب و اخلاق وعلم وتواضع د. برادعي ,,

برده انت بتعلق على الكلام اللي قاله البرادعي...ولم تعلق على المبدأ الذي عارضه اخرون وهو مبدأ استخدام المسجد للدعاية للنفس

يعني انا ممكن اكون سيء النية واقول لك..البرادعي بيعمل دعاية لنفسه...وبيتصور وبينشر الخبر على صفحته..واقول لك ليه مثلا لم يفعل هذا الامر طوال عمره...لماذا الان

اذن مش شرط الواحد يطلع يشتم في الاخرين او يهاجم خصومه..لكن ممكن يكون حلو اللسان بس علشان يعمل دعاية لنفسه وهذا ما اعترض عليه الاخ اسلام

- وبعدين هات لي من شتم الخصوم او هاجمهم من على المنبر...الهجوم يكون على افكار دخيله على المجتمع المصري او الهجوم يكون على من يريد الالتفاف على ارداة الاغلبية....واظن هذا مشروع

[م تيمور المراغي]

د. برادعي ماطلعش يشتم في خصومه ولا يزكي نفسه لدى الناس بل قال كلام عااام جدا يشمل كل المصريين ويقوله كل المصريون مهما اختلفت انتمائاتهم

وكان بعد الجمعه ما خلصت يعني اللي عاوز يمشي يقدر يمشي مش مثبت الناس قدامه زي اخينا التاني

وزي ماقال الافاضل دي مسقط رأسه ودول قرايبه ومعارفه وجيرانه وفخورين طبعا بمركز ابنهم الدولي المرموق ومكانته التي لا يختلف حولها احد ,,

ياريت كل المصريين يبقوا في أدب و اخلاق وعلم وتواضع د. برادعي ,,

برده انت بتعلق على الكلام اللي قاله البرادعي...ولم تعلق على المبدأ الذي عارضه اخرون وهو مبدأ استخدام المسجد للدعاية للنفس

يعني انا ممكن اكون سيء النية واقول لك..البرادعي بيعمل دعاية لنفسه...وبيتصور وبينشر الخبر على صفحته..واقول لك ليه مثلا لم يفعل هذا الامر طوال عمره...لماذا الان

اذن مش شرط الواحد يطلع يشتم في الاخرين او يهاجم خصومه..لكن ممكن يكون حلو اللسان بس علشان يعمل دعاية لنفسه وهذا ما اعترض عليه الاخ اسلام

- وبعدين هات لي من شتم الخصوم او هاجمهم من على المنبر...الهجوم يكون على افكار دخيله على المجتمع المصري او الهجوم يكون على من يريد الالتفاف على ارداة الاغلبية....واظن هذا مشروع

الحمد لله الواحد فيه قدر معقول من الحياد وبقول لك لو كان الشيخ بتاع مسجد مدينة نصر اتكلم بعد الصلاة ماتخلص وبنفس كلام دكتور برادعي اللي بيدعوا فيه للتوحد ونبذ الخلافات كنت اول واحد اثني عليه زي ما اثنيت على الشيخ حازم قبل كده ورتبت للقاء بينه وبين الشباب ,,

[aimen]

الفاضل / Abu Reem

عندك حق في ملاحظتك

ولكنها ملاحظة في غير محلها للأسباب التالية:

1- قرية إبيار نجم هي قرية صغيرة حيث تعدادها أقل من 30 الف نسمة.

الأستاذ ...Mohammad ... القرية اسمها ابيار وليس ابيار نجم وعلى ما اعتقد ان عدد السكان فوق ال60 الف دا كفاية العيال اللى اتولدت والواحد مسافر بره ...

2- لم يعتلي البرادعي المنبر ولم يتم الدعوة لانتخابه من فوق المنبر.

3- تم إستقبال البرادعي بعيدا عن المسجد وبعيد عن زفة الشيوخ وبعيدا عن تزكية الشيوخ له.

4- البرادعي لم يذهب للتمحك في ناس لايعرفونه او لايعرفهم ، بل ذهب إلى قريته وإلى أهله.

واكيد أنت تعرف كيف يحتفي الناس بأبناء قريتهم خاصة لو كان رجلا في مثل قامة البرادعي ، وأعتقد أنهم سيفعلون الشيئ نفسه لو زارها وزير الإسكان محمد فتحي البرادعي فهو من أبناء القرية أيضا.

وزير الاسكان الحالى ومحافظ دمياط الاسبق ...لم ينجح ولا مرة فى الانتخابات عندنا الا بالتزوير.. والكل...وطبعا المجلس العسكرى الهمام اختاره وزير للأسكان ..واحقاقا للحق فهو اسهم فى انشاء العديد من المشروعات بالبلد دا حتى البيه كان بيورث الكرسى لإبنه محمد البرادعى الصغير ....بس خلاص الموضوع دا انتهى ان شاء الله

ولو كانت الصورة بتفكرك بعادل إمام ، فياريت تراجع كل صور عادل إمام لانها ستذكرك بناس كثيرين ليس البرادعي واحدا منهم لانه لم يطلق لحيته ولم يرتدي عدة الشغل !!!

اختيار موفق جدا للدكتور محمد البرادعى لنقطة البداية ربنا يوفقه ..

[raouf]

للاسف مصر وباقى الدول العربية تراجعت ومازالت تتراجع مع تراجع دور المسجد والذى اقتصر حاليا على الصلاة

المسجد يجب ان يكون المنبر فى كل حى او شارع فقط لنرجع لتاريخنا وسنجد ان افضل عصورنا الذهبية عندما كان المسجد هو مكان التجمع لاتخاذ القرارات

حينما كان السلطان او الملك او الامير يبدأ ترشيحه ا و فترته من المسجد

حينما كان المسجد هو مركز المقاومة ومركز الاجتماعات لادارة شئون الحى او الشارع

حينما كان امام المسجد هو كبير الحى او الحارة

رحم الله السيد عمر مكرم وشيوخ الازهر قالقدماء حينما كان شيخ الازهر اقرب المقربين للسلطان ولا يتم اتخاذ قرار الا بموافقته

انا مع استخدام المنابر فى الحياة السياسية

ايه المشكلة لما الدكتور المحترم البرادعى يلقى الخطبة فى المسجد بعد الصلاة او قبلها ؟

ايه المشكلة لو مرشح استخدم الكنيسة ؟ ( وهى بصراحة كل ماذكرت باعلى يتم فى الكنيسة ) ولا ارى اى مانع فى ذلك

ولمصلحة مصر ده مش وقت خلاف خالص البرادعى عمل ايه والعوا عمل ايه والا هنفوق ونلاقى عمرو موسى ولا مرتضى منصور اصبح رئيسا وساعتها لا يلوم احد الا نفسه صدقونى الوضع سىء والمخطط كبير اتفقوا اتفقوا اتفقوا

سواء البرادعى او حازم او العوا او صباحى او ابو الفتوح لا يختلف اى منا على وطنيتهم بس بلاش حد من النظام السابق

[eslam elmasre]

هو يعني حازم ابو اسماعيل ما بيروحش يصلي الجمعة كل يوم جمعة وما بيقابلش محبيه وما بيتطرقش لموضوع انتخابه

البرادعي وانا لم اتحقق من الموضوع بعد اذا استخدم المسجد في الترويج لنفسه فهذا شيء لا يعجبنا ولا يرضينا

اما اذا تكلم في حث الناس علي ممارسة حقوقهم السياسية فهذا شيء عادي نشاهده يوميا في بعض المساجد حينما يعتلي المنبر شيخ معتدل ويتطرق لمثل هذه الامور دون تفسيق او تكفير لمن يخالفه الرأي

هذا هو الطبيعي ان نسمو بدور المسجد ولا نقحمه في دعايات سياسية زائلة مثل ما فعلت سيدة ااخوان والتي اعتلت المنبر وروجت لحزب الحرية والعدالة وقد سمعت والعهدة علي الراوي ولم اتأكد من هذه المعلومة انهم كانوا يجلسون على ابواب الدخول باستمارات حزب الحرية والعدالة لملئها من قبل المصلين

هذا تقليل من شأن المسجد واستخدام وتطويع الدين لاغراض سياسية زائلة

وبعدين المبدأ واحد ولم نغيره ولن نغيره

واتمنى ان يصدر قانون يحظر استخدام المنابر في الدعاية السياسية حتى يظل المسجد في سموه وعلوه

[Alshiekh]

الفاضل / Abu Reem

عندك حق في ملاحظتك

ولكنها ملاحظة في غير محلها للأسباب التالية:

1- قرية إبيار نجم هي قرية صغيرة حيث تعدادها أقل من 30 الف نسمة.

الأستاذ ...Mohammad ... القرية اسمها ابيار وليس ابيار نجم وعلى ما اعتقد ان عدد السكان فوق ال60 الف دا كفاية العيال اللى اتولدت والواحد مسافر بره ...

2- لم يعتلي البرادعي المنبر ولم يتم الدعوة لانتخابه من فوق المنبر.

3- تم إستقبال البرادعي بعيدا عن المسجد وبعيد عن زفة الشيوخ وبعيدا عن تزكية الشيوخ له.

4- البرادعي لم يذهب للتمحك في ناس لايعرفونه او لايعرفهم ، بل ذهب إلى قريته وإلى أهله.

واكيد أنت تعرف كيف يحتفي الناس بأبناء قريتهم خاصة لو كان رجلا في مثل قامة البرادعي ، وأعتقد أنهم سيفعلون الشيئ نفسه لو زارها وزير الإسكان محمد فتحي البرادعي فهو من أبناء القرية أيضا.

وزير الاسكان الحالى ومحافظ دمياط الاسبق ...لم ينجح ولا مرة فى الانتخابات عندنا الا بالتزوير.. والكل...وطبعا المجلس العسكرى الهمام اختاره وزير للأسكان ..واحقاقا للحق فهو اسهم فى انشاء العديد من المشروعات بالبلد دا حتى البيه كان بيورث الكرسى لإبنه محمد البرادعى الصغير ....بس خلاص الموضوع دا انتهى ان شاء الله

ولو كانت الصورة بتفكرك بعادل إمام ، فياريت تراجع كل صور عادل إمام لانها ستذكرك بناس كثيرين ليس البرادعي واحدا منهم لانه لم يطلق لحيته ولم يرتدي عدة الشغل !!!

اختيار موفق جدا للدكتور محمد البرادعى لنقطة البداية ربنا يوفقه ..

معلش يا أستاذ أيمن ، مش عارف ليه دايما اربط بين ديرب نجم وإبيار من أيام 1972 ، كان معانا زميل من إبيار وزميل من ديرب نجم ، وكنت دائما أخلط مابينهم ودلوقت لما كتبت برضه اللي في عقلي الباطن لسه بيطلع.

ده بيفكرني بأستاذي اللي كان مصر إن إسمي عبدالعظيم وقابلته بعد كده يمكن بعد عشر سنين وبرضه ناداني بعبدالعظيم !!!

أما من ناحية التعداد فأنت أدرى ، أنا جبت التعداد من ويكي بيديا عن تعداد 2008.

[ابراهيم عبد العزيز]

أنا أتفق مع الاخ رؤوف فى قوله

يا جماعة الخير سواء أكان رئيس مصر القادم الدكتور حازم صلاح أو البرادعي أو العوا لا مشكلة

المهم أن يصل احد منهم للحكم

أخاف أن تنشغل التيارات المختلفة فى الخلافات الجانبية الى أن نصبح احد الايام لنجد أحد الفلول قد وصل لسدة الحكم

ووقتها نكون لا ذقنا عنب الشام ولا استطعمنا بلح اليمن !!

تم تعديل 23 سبتمبر 2011 بواسطة ابراهيم عبد العزيز

[Alshiekh]

السادة الإعضاء الأفاضل /

ViralMind

MohamedAli

تم حذف مداخلات لكم بها تعبيرات غير لائقة ولايصح ان تنشر في منتدى راقي محترم مثل محاورات المصريين.

برجاء مراعاة ذلك مستقبلا.

عن فريق الإشراف

[Ahmed Anwer]

أنا حصلتلي نفس الأزمة النهارد تاني في صلاة الجمعة

في مسجد الكمباوند اللي ساكن فيه في التجمع الخامس

الخطيب برده في خطبة الجمعة

إداها العلمانيين و الليبراليين و الشيوعيين اللي بيخوفكم من الإسلاميين

و أقول لكم لا تخافوا من الإسلاميين (كلامه)

و الإنتخابات القادمة فاصلة في تاريخ مصر إما تكون علمانية و إما تكون إسلامية

و كام آية كريمة و حديث شريف للدلالة

بس أقسم بالله إنه لا ينتمي لأي حزب و لكن يريد توعية المسلمين