الأهلي هوه هوه بيكسب بره وجوه

[linux]

الي الأخوة الأعزاء جدا أفيونة و محبط

بجد بجد بجد، رسمتوا الأبتسامة علي وجهي :wub: ...

أيه الجمال ده؟ كأني قاعد بسمع سيمفوكية موسيكيية رائعه :o ...

شايلين في قلبكم كل كده؟ مش ممكن ...

و بعدين هاتفرق ايه لو كان حسام حسن أو أبراهيم حسن؟ العمليه في بيتها يعني.

شوية شوية و تحكوا لنا ظلم التحكيم أيام المختلط و الترام و السكة الحديد!! :wub:

ها ... ياتري ها يتحسب لكم كام بينالتي في ماتش الأسماعيلي أن شاء الله؟

و أخيرا، أحب أن أقترح عليكم تأليف عدة كتب عن الموضوع علشان النشأ الصغنتوت يستفيد من ذلك التاريخ العظيم و الكم السخي من المعلومات الكروية، أقترح تأليف الأتي:

الموسوعة الكروية لأحلام الزملكاوية التحكيمية

ضاع الدوري و الكأس كمان ياولدي

الأشتباه ف الأجوان: حسن و لا حسام؟؟

قلعة الرمال البيضاء:

دراسة في اللهث الأبيض وراء القلعة الحمراء

كيف تصطنع بلنات وأنت نايم في سبات

حوار مع جمال حمزة الشهير برامي نفسه جوة ال 18

سيكلوبيديا البحث عن خالد بيبو:

ماحدش شافه ياولاد الحلال، لمؤلفه بشير التابعي

الأصدار رقم "ستة في عين العدو"

[mohamed]

و أخيرا، أحب أن أقترح عليكم تأليف عدة كتب عن الموضوع علشان النشأ الصغنتوت يستفيد من ذلك التاريخ العظيم و الكم السخي من المعلومات الكروية، أقترح تأليف الأتي:

الموسوعة الكروية لأحلام الزملكاوية التحكيمية

ضاع الدوري و الكأس كمان ياولدي

الأشتباه ف الأجوان: حسن و لا حسام؟؟

قلعة الرمال البيضاء:

دراسة في اللهث الأبيض وراء القلعة الحمراء

كيف تصطنع بلنات وأنت نايم في سبات

حوار مع جمال حمزة الشهير برامي نفسه جوة ال 18

سيكلوبيديا البحث عن خالد بيبو:

ماحدش شافه ياولاد الحلال، لمؤلفه بشير التابعي

الأصدار رقم "ستة في عين العدو"

:wub: :wub: :wub:

:o :wub:

[se_ Elsyed]

طب يا سي مُحبط إنت وسي أفيونة .. لما حسام وإبراهيم كوخه وعتيدي الإجارم كده .. جريتوا وراهم ليه وعملتوهم أبطال قوميين ليه لما انضموا للقلعة البيضاء ..

بس بجد الزملكاوية أثبتوا إن فانلتهم بيضا بس قلوبهم عكس كده وروحهم مش رياضية بالمرة ...

بقى يا راجل يوم ما الزمالك كان كويس أشدنا به جميعاً وقولنا كلام كبير عليهم وقطعنا في فروة الأهلي ومجلس إدارتة.. يقوم لما الاهلي ربنا ينفخ في صورته وبقى عنده فريق محترم بيلعب كوره حلوه بغض النظر عن النتايج .. تقعد تجيب لنا ذكريات من أيام الكورة الشراب .....

[kotoz9]

hpc:!: ايه الحقد ده كله؟ده انتم طلع قلبكم اسوددددددددددددددددد.

فاكرين اخطاء تحكمية من ربع قرن وبتحسبونا عليها الان.

سيبوا الماضى وخليكوا فى الحاضر وهذا الموسم. انا عايز اعرف تعليق الاستاذ محبط على ضربات الجزاء اللى اخدها الزمالك هذا الموسم وهم3ضربات.منهم ضربتين تسبب فيهم نجم القفز فى منطقة الجزاء جمال حمزة والاثنين ليس لهم علاقة بضربات الجزاء والمفروض ياخد عليهم انذارين للتمثيل البين.

اما ضربة الجزاء اللى اخدها مدحت عبد الهادى فى ماتش غزل المحلة فحكايتها حكاية الزمالك كان متعادل 1-1و فى لعبة داخل منطقة جزاء الغزل ارتمى مدحت على لاعب الغزل وراح واقع على الارض والمشكلة ان محمد ريشة حسبها ضربة جزاء مش عارف ازاى المهم تصدى لها سامح يوسف وصدها حارس الغزل لتجد مدحت عبد الهادى اللى دخل منطقة الجزاء قبل ما تتلعب الكرة وبدل ما يحتسب الحكم ضربة حرة للغزل عكس القانون واعاد ضربة الجزاء علشان يسجل سامح هدف التقدم للزمالك.

حاجة عجيبة فىلاعبى الزمالك انهم ممثلين بارعين مجرد ان يدخلوا منطقة جزاء الخصم يمسكوا وشهم ويروحوا واقعين ويرفصوا فى الارض وينتظروا قرار الحكم فلو اشار باستمرار اللعب تجد ذلك اللاعب اللى كان بيرفص من الالم قام جرى على الحكم يلومه على عدم احتساب ضربة جزاء رغم الفيلم الهندى اللى عامله

[afiona]

أفيونة ؟!!!

إنت خرجت إمتى .. وبعدين واقف في بير السلم ليه ما تطلع يا رجال وإهدى كده وإشرب لك كوباية عناب أحمر وما تعملش في نفسك كده ...

باتشعتف .... متشعتفش يعنى ... :angry:

معلمى و عمى و عم ولادى .... tot:: tot::

انا ضربتلك كلاكس cr((: من تحت بس انت طنشتنى وعامل مش سامعنى بس قولت مبدهاش ax: .... مش عشانى بس عشان الجيل الجديد اللى شاء حظه العاثر انه يطلع فى زمن اعلام احمر يريد ان يفصله عن تراثه.

انت و linux و قطزوhamo مفيش فايدة فيكم...بتتفرجوا على ماتشات تانية يظهر غير الفضايح التحكيمية اللى احنا بنشوفها... وفيه راى علمى بيقول ان الاعتياد على اللون الروج بيسبب شيزوفرينيا ...وعندك عدلى القيعى اهو زى ما محبط قال.

يالا ... غدا القاك ...

تم تعديل 30 أكتوبر 2004 بواسطة afiona

[kfaya]

يخوض النادى الأهلى غدا مبارة ليست سهلة أمام بلدية المحلية كما وصفها جوزيه و لكنه واثق فى لاعبيه و أن الأهلى سلعب مباراة كبيرة , انتظارا لماتش الزمالك الأسبوع القادم ... شد حيلك يا أهلى .... و

ربنا معاك يا ...... أسماعيلى .. :angry:

[Ahmed Mohsen]

كل ماله علاقة بالكرة في مصر له لونان .... الأحمر والأبيض

بس المشكلة إن الأحمر أكتر بكتير

فضايح التحكيم الحمرا والبيضا موجودة وواضحة

بس من الظلم إننا نقول إن الفضايح البيضا أكتر

لأ طبعا ....... الفضايح الحمرا أكتر من الهم علي القلب ومؤثرة وفي الجول

الأهلي نادي مسنود إعلاميا

وعموما الإتنين بصراحة فيهم عيوب كتيييييييييييييييييييييييييير سواء إدارية أو أخلاقية أو لاعبين

وأنا كزمالكاوي جدا أعترف إن الأهلي له فريق متميز هذا العام وفرصته في الفوز بالدوري شبه مضمونة

بس عندي سؤال .... هل من مصلحة الكرة في مصر إن فريق واحد أو فريقين أتنين بس يضموا كل اللاعبين المتميزين في مصر ويركنوا نصهم علي الدكة

بسبب النادي الأهلي والزمالك ...... خسرنا لاعبين كتير جدا كان ليهم مستقبل

بعد ده كله أختم كلامي بـ "يا زمالك يا مدرسة ... فن ولعب وهندسة"

[afiona]

شمامه !!  :o

مامه؟  :angry:

tot::  phn:  phn:

يا محبط .. ما تعمل موضوع ذكريات كرويه وتبقى حسن امام عمر بتاع المنتدى فى الكوره .. مش ده اللى كان بيحكى حواديت عن الفنانين؟ 

انا عارف بيفتكر الحاجات دى ازاى ?

بس هى حاجات تغم وماضى اليم وبيجى على الجرح و يدوس عليه ... cr((:

عموما مي مرسى pmp:: (انا اتعلمتها اكده عشان الدوبل l مابتنطقش لو بعديها tot:: e ومفيش حاجة اصلا بتنطق فى اللغة دى) على حديث الذكريات يا محبط .... طب فاكر ماتش السوبر 1994 لما كسبنا الاهلى و التلفزيون اذاع اغانى عن النادى الاهلى و بطولاته و امجاده بعد الماتش? لو عندك وقت قولنا ذكرياتك بقلمك ...

قول يا قلم قول .... phn:

[se_ Elsyed]

[ قولنا ذكرياتك بقلمك ...

قول يا قلم قول .... :angry:

إستنى يا مستر بِن قبل ما تقول حاجة .. إتفرج وإقرأ يا قلم عن النادي اللي إنتوا بتشجعوه ومحموقين عشانه

الجمهورية 30/10

أحداث مؤسفة

شهد النادي مساء أمس الأول وفي الساعات الأولي صباح أمس أحداثاً مؤسفة بعد أن تدخل الأمن لإلغاء الندوات الليلية تجنباً للمشكلات والاشتباكات التي كان لا مفر منها.. ورغم ذلك دخل مؤيدو المرشحين للانتخابات القادمة في اشتباكات لفظية وبالأيدي في ساعة متأخرة من الليل وتحول النادي إلي ساحة يتزايد فيها الصراخ وتتجدد الاشتباكات.

إستغلوا بقى فرصة شهر رمضان وتوبوا إلى الله وإرجعوا عن اللي في دماغكم ده ...

يا ساترررررررررررر

زمالك إيه وبطيخ إيه .. حد يشجع نادي نصه بلطجية والنص التاني بينضربوا من البلطجية ؟

[kfaya]

ابن صديقى ملازم فى قوات الأمن المركزي فى معسكر مبارك اللى فى أول الطريق الصحراوى ...

من كام سنة يوم ماتش الستة كنت عندهم فى البيت , بعد 3/1 رؤسائه طلبوا منه يكون أستاند باى .... بعد 4/1 قالوا له البس و العربيه جيالك فى السكة ... بعد 5/1 عملوا طوارئ فى المعسكر .... بعد 6/1 ... الولد نزل يجرى عشان يلحق القوات قبل وصولها للنادى ..

قوات الأمن و مكافحة الشغب طوقت نادى الزمالك من كل الجهات و تم سد مدخل النادى ب مدرعتين ...

و لم تحول تلك الأجراءات من قذف النادى بالطوب من جماهير الزمالك الغاضبة , و طال السباب كل اللاعبين و الجهاز الفنى و مجلس الأدارة .... ولو لم تتحسب قوات الأمن لردود أفعال جماهير الزمالك لأقتحموا النادى و فتكوا بمن يجدوه بالداخل ....

أصبحت متابعة نتائج نادى الزمالك من ضمن مهام هذا المعسكر , و بيشد طوارئ فى كل مرة بيكون عنده ماتش ...

[yasovinas]

اهي المباراة اللي بين الزملكاوية والاهلاويه في المنتدى امتع واحلى واظرف من مبارايات الدورى ولا المنتخب قولوا يا شباب قولوا والله ده الواحد مش من هنا الظاهر انا ضيعت عمري هباء يا سلام فاكرين من سنة خمستاشر لما مش عارف الحكم وطى يدور على القرش اللي عمل بيه الطوس ياسلام والله ايام

[DARWEEN]

حبايبي الغاليين س س وكفايه وهامو وجميع المصريين ( على أساس أن الأهلي هو نادي المصريين )

مش عارف أصلا أيه مجال المقارنه بين الأهلي وأي نادي تاني في مصر وأفريقيا والشرق الأوسط ...

أفففففففف بجد بجد زهقت من اصحاب الفانله البيضا اللي عاوزين يعملوا راسهم براسنا بالعافيه وكل شويه يتمحكوا في تحكيم وإعلام ومش عارف أيه ونسيوا أنهم في مرة من المرات القلائل اللي خدوا فيها الدوري كانت بهدف أعتباري ومرة تانية إتعادت مباراة المقولين العرب والمقولين فايز علشان موبايل مرتضى منصور اللي حدف بيه الحكم :angry:

بجد أففففففففففففففف

[hamo90]

أخواني الاهلاوية أن شاء الله ماتش البلدية أنهارده وفي توقعي هيكون ماتش حلو وهنغلب البلدية بس مع كرة حلوة من فرقة البلدية وبعض المنافسة

نجيء بقي لحبيابنا الحلوين هل يا تري هتكون تقسيمة مع ولاد العم زي كل مرة وتخرجوا حبايب وتقعدوا تهروا في بعض بوس ولا المرة دي نفسي ثم نفسي ثم في 60 داهية الاخرين

ويا تري ايه هوه أحساسكم لو عملها الدروايش

طبعا كلكوا هتفتكروا فجأة أن الكورة مكسب وخسارة fsh::

حمو

[se_ Elsyed]

أدي يا عم الزمالك اللي بيتكلموا عنه .. حاجات كده ولا ممكن تحصل في حوش بردق أو حلقة السمك قبل ما تتنقل سوق العبور وتنضف

حقاً.. الزمالك نادي المشاكل

صدام بالكراسي الطائرة..بين ميليشيات درويش ومرتضي

قوات الأمن تدخلت.. وأعضاء النادي يطالبون الجميع بالاستقالة!

كتب - محمد الدمرداش:

طالب أعضاء نادي الزمالك مجلس إدارتهم بتقديم استقالة جماعية إلي أنس الفقي وزير الشباب واتاحة الفرصة أمامه لتشكيل لجنة مؤقتة تدير النادي حتي إجراء الانتخابات المقبلة تجنبا للمزيد من المصادمات والمشكلات.. جاء ذلك بعد المعارك والمواجهات التي شهدتها القلعة البيضاء علي مدار الأيام الماضية بين أنصار د. كمال درويش رئيس النادي ومؤيدي نائبه مرتضي منصور وتعدد البلاغات والشكاوي والدعاوي القضائية بين الطرفين.

هرب الأعضاء من جحيم الخناقات والاشتباكات اليدوية واللفظية التي سادت في النادي بعد إعلان جلال ابراهيم رئيس النادي السابق اعتذاره عن عدم الترشيح لمقعد الرئاسة وانحصار المنافسة بين درويش ومرتضي.. وتدخل أمن الجيزة لإلغاء ندوة رئيس النادي الخميس الماضي والتي تم تخصيصها للرد علي اتهامات مرتضي والمتعلقة بتعاملات درويش المالية قبل وبعد توليه المهمة.

مصادمات

جاء قرار الإلغاء ليخفف من المصادمات إلي حد ما حيث أصر مرتضي منصور علي إقامة ندوة مماثلة في نفس التوقيت وفي الحديقة المقابلة لموقع ندوة درويش مباشرة.. وعندما دخلت فراشة ندوة الدكتور وبدأ العمال في الإعداد لها فوجيء الجميع بدخول فراشة أخري تخص مرتضي وبدأ عمالها في أعمال التركيب في الجهة المقابلة.

سارع أنصار درويش بابلاغه بما يتم في النادي بعد الثالثة عصر الخميس ولجأ رئيس النادي إلي مديرية الأمن للتدخل وبالفعل تم إخلاء النادي من فراشة النائب ولكن الأمن طلب من درويش تأجيل ندوته هي الأخري منعا لمزيد من المصادمات وهو ما تم بالفعل.. وذهب الجميع لتناول وجبة الافطار.

تجددت المواجهات سريعا حين اشتبك مرتضي منصور تليفونيا مع لؤي دعبس رئيس جهاز الملاكمة بالنادي وأحد كبار المؤيدين لدرويش.

غادر مرتضي النادي بعد ذلك وعاد ليلا بعد أن اكتظت الحدائق بالأعضاء وأسرهم لقضاء سهرة رمضانية استنادا إلي حصول الجميع علي اجازة اليوم التالي.. وعندما وصل النائب إلي النادي دخل في صدام عنيف وحاد مع حمادة عبدالباري المدير الاداري لفريق كرة اليد وأحد المؤيدين لدرويش أيضا ولكن اتخذ الصدام هذه المرة شكلا جديدا حيث تطور إلي اشتباكات يدوية بين أعضاء الطرفين وفوجيء الأعضاء بتطاير الكراسي في الهواء وانضمام الكثيرين إلي الخناقة علي دفعات وسارع عدد كبير منهم إلي الخروج من النادي في حين تعالت صرخات النساء والأطفال إلي حد غير مسبوق حتي ان إحدي السيدات أصيبت بحالة هستيرية وتعرضت لنوبة إغماء طويلة وساعدها بعض الأعضاء في الخروج وتلقي الإسعافات اللازمة.

موقف نجوم الكرة

ولم يقف نجوم كرة القدم القدامي صامتين أمام هذه التجاوزات حيث صرخ محمود أبو رجيلة في وجه المتصارعين وطالبهم بالحفاظ علي استقرار النادي والنظر إلي تواجد أعداد ضخمة من النساء والأطفال وضرورة ألا تتردد الألفاظ الخارجة والشتائم المقززة في النادي تحت أي ظرف.. وشارك أبو رجيلة في انفعالاته أحمد مصطفي مدير قطاع الناشئين ونبيل نصير مدير مدرسة الكرة وعدد آخر من الكرويين.. وزاد من خطورة الموقف ظهور أعداد كبيرة من أصحاب الأجسام الضخمة من محترفي المصارعة وكمال الأجسام.

جلسات درويش

أما د. كمال درويش فحضر إلي النادي عقب قرار إلغاء ندوته واكتفي ببعض الجلسات المتفرقة مع مؤيديه بدأت في كافتيريا المبني الاجتماعي الجديد وانتقلت إلي حديقة النادي الكبيرة حيث التف حوله عدد كبير من الأعضاء.. وسرعان ما انتقلت جلسات درويش إلي حمام السباحة الرئيسي برفقة المندوه الحسيني أمين الصندوق الذي جلس هو الآخر في حلقة نقاشية مع عدد من أنصاره.

وجه البعض اللوم إلي د. كمال درويش لصمته وقبوله لقرار إلغاء الندوة وطالبوه بالرد الفوري والعلني علي اتهامات مرتضي لأن السكوت في هذه الحالة لا يعني سوي التسليم وقبول الأمر الواقع.

ووعد درويش أنصاره بالرد بطريقته الخاصة وبالشكل المناسب.

عرض سامح للبيع

وفي الجانب الآخر من النادي وبالتحديد في الملاعب كان فريق الكرة علي موعد مع مصادمات من نوع خاص في نفس التوقيت تقريبا حين اشتبك عدد من اللاعبين مع أعضاء الجهاز الفني احتجاجا علي سياسته وهو ما تم بالفعل بين جمال عبدالله المدرب العام وسامح يوسف مهاجم الفريق.. واضطر الألماني ستيبي المدير الفني إلي استبعاده بجانب وائل القباني.. ومن المقرر أن يتم إحالة سامح يوسف للتحقيق وعودته للتدريب مع الناشئين وعرضه للبيع في شهر يناير القادم وتراجع المدير الفني عن قرار استبعاد مدحت عبدالهادي وحمزة وصديق.

[hamo90]

الاهلي فاز بهدف النحاس الي كسر " النحس "

خطف عماد النحاس هدفا لفريقه الأهلي في شباك البلدية قبل خمس دقائق من النهاية كسر به "النحس" الذي لازم الفريق وخطف به فوزا عسيرا ، خلال المباراة التي أقيمت بين الفريقين مساء الأحد ضمن مباريات الأسبوع السادس من المسابقة.

ورفع الفوز رصيد "الشياطين الحمر" إلى 18 نقطة وحافظ على فارق النقاط على القمة بينه وبين الزمالك ، بينما تبقي البلدية في المركز السابع برصيد سبع نقاط.

جاءت المباراة جيدة المستوى في مجملها ، باستثناء بعض فترات الشوط الأول ، وقدم لاعبو الأهلي مباراة جيدة وحرمهم القائم والعارضة من تحقيق فوز عريض ، في ظل سوء حظ غريب أعاد للأذهان مباراة الأهلي والترجي عام 2001 في دوري أبطال أفريقيا والتي انتهت بالتعادل السلبي.

انتهى الشوط الأول بالتعادل السلبي بين الفريقين رغم سيطرة الأهلي الواضحة على مجريات الأمور ، إلا أن الكثافة الدفاعية للبلدية وتكتلهم أمام مرماهم حالت دون اهتزاز شباكهم ، كما وقف القائم الأيسر لعاطف السعيد حارس البلدية حائلا أمام تسديدة أبو تريكة القوية بنهاية الشوط الأول في أخطر فرص القبيلة الحمراء.

وفي الشوط الثاني كشر الأهلي عن أنيابه مع توالي تغيرات الأهلي بنزول أسامة حسني وبركات وكاستيللو بدلا من عماد متعب وحسام عاشور واسلام الشاطر "غير الموفقين" ، وأسفر الهجوم الأهلاوي عن طوفان من الهجمات الحمراء تصدى لها عاطف السعيد ببراعة.

وكاد الأهلي ان يتقدم في الدقيقة 58 عندما احتسب الحكم سمير عثمان ركلة جزاء لأسامة حسني الذي تعرض للعرقلة داخل منطقة الجزاء ، وتصدى لها أبو تريكة "البعيد تماما عن مستواه" ، لينقذها السعيد ببراعة ويخرجها إلى ركنية.

وتوغل بركات من الناحية اليمنى وانفرد بالسعيد الذي أنقذها ، لترتد الكرة إلى كاستيللو الذي مررها بدوره إلى أبو تريكة الذي أطاح بها بغرابة

ومع مرور الوقت زاد الأهلي من هجومه وضغطه على مرمى البلدية مستفيدا من فارق اللياقة البدنية الواضح لصالحه ، وتوغل بركات مرة أخرى داخل منطقة الجزاء وتعرض لعرقلة لم يتردد الحكم في احتسابها ، وتصدى لها كاستيللو وسدد الكرة بقوة ، لكنها ارتدت من العارضة إلى وسط الملعب في سوء حظ غريب.

لكن الوضع لم يستمر كثيرا على ما هو عليه ، ومن ركلة ركنية نفذها جيلبيرتو وقابلها حفنة من لاعبي الفريقين لتتجاوز الكرة خط المرمى بصعوبة ، ويجري عماد النحاس فرحا بهدفه بعد أن كسر النحس أخيرا.

وكاد الأهلي ان يضيف هدفا ثانيا عن طريق أسامة حسني الذي انفرد بمرمى البلدية وسدد كرة قوية ، لم يمنعها من هز شباك السعيد سوى العارضة "العنيدة" ، لتنتهي المباراة بفوز صعب للأهلي.

http://www.filgoal.com/News.asp?NewsID=11848

حمو

[hamo90]

البلتاجي يهدي الزمالك الفوز علي الدروايش بضربة جزاء غير صحيحة

خطف الزمالك فوزا غاليا من بين أنياب مضيفه الإسماعيلى بهدفين مقابل هدف يوم الأحد فى ختام مباريات المرحلة السادسة للدورى المصرى الممتاز على ملعب الإسماعيلية ، بمساعدة من حكم المباراة رضا البلتاجى ، الذى احتسب ركلة جزاء مثيرة للجدل للضيوف ، كانت سببا فى عودتهم للمباراة بعد تأخرهم بهدف.

أحرز هدفى الزمالك عبدالحليم على فى الدقيقة 68 من ركلة جزاء ، ووليد عبداللطيف فى الدقيقة 76 ، بينما أحرز هدف الإسماعيلى الوحيد عمر جمال فى الدقيقة 62 من زمن اللقاء.

الفوز رفع رصيد الزمالك الى 14 نقطة فى المركز الثانى ، بينما جمدت الهزيمة رصيد الإسماعيلى عند ثمانى نقاط فى المركز الرابع.

وشهدت المباراة أحداثا مثيرة ، كان أبرزها حصول تامر عبدالحميد نجم الزمالك على انذاره الثالث هذا الموسم ، وسيغيب على اثره عن مباراة "القمة" أمام الأهلى يوم الخميس القادم فى افتتاح مباريات المرحلة السابعة للمسابقة ، كما شهدت مشادة كلامية بين لاعبى الزمالك جمال حمزة ووليد عبداللطيف ، بسببب اضاعة الأول لفرصة خطيرة للزمالك بسبب رعونته الشديدة.

تسيد أصحاب الأرض أحداث المباراة بأكملها ، وكان هو الفريق الأخطر طوال دقائق اللقاء التسعين ، بينما لعب الزمالك بدون صانع ألعاب فى وسط الملعب ، مما أعطى الفرصة لمدافعى "الدراويش" للعب بحرية ، دون وجود أى خطورة واضحة للزمالك ، الذى تعامل مع المباراة "بذكاء".

أولى المحاولات على المرمى كانت من نصيب "الدراويش" عن طريق حسنى عبدربه فى الدقيقة الرابعة من ركلة حرة مباشرة ، أنقذها محمد عبدالمنصف حارس الزمالك بثبات.

كان الإسماعيلى هو الأكثر سيطرة طوال الشوط الأول ، ولم يشكل الزمالك أى خطورة تذكر ، وتحطمت جميع هجماته عند منتصف ملعب أصحاب الأرض.

فرحة لم تكتمل للاعبى الإسماعيلى

أخطر فرصة للإسماعيلى فى الشوط الأول جاءت عن طريق جمال الذى أطلق قذيفة هائلة ارتدت من قائم مرمى الزمالك ، وفشل محمد محسن أبوجريشة فى متابعتها ، مهدرا أخطر فرصة لأصحاب الأرض.

دفع الألمانى تيو بوكير المدير الفنى للإسماعيلى بسيد معوض مع بداية الشوط الثانى بدلا من سيد عبدالمغنى ، وواصل الإسماعيلى سيطرته المطلقة ، التى ترجمها الى هدف فى الدقيقة 62 بعد خطأ قاتل من أمير عزمى مدافع الزمالك الذى أعاد الكرة قصيرة الى عبدالمنصف ، خطفها أبوجريشة وحاول مراوغة حارس الزمالك الذى استطاع انقاذها ، ليتابعها جمال الى داخل المرمى محرزا الهدف الأول للإسماعيلى.

غير أن الزمالك استطاع الرد سريعا بعد مرور خمس دقائق فقط من هدف الإسماعيلى ، بعد أن احتسب البلتاجى ركلة جزاء مثيرة للجدل "كالعادة" لصالح الزمالك إثر عرقلة عبداللطيف "خارج منطقة الجزاء" ، لينبرى لها على بنجاح محرزا هدف التعادل للزمالك.حاول الإسماعيلى التقدم مرة أخرى ، وأضاع العديد من الفرص الخطيرة بغرابة شديدة ، لينجح الزمالك فى خطف هدف الفوز عن طريق عبداللطيف ، الذى تطاول برأسه لكرة طارق السيد العرضية من الجهة اليسرى ، وسط حراسة دفاع الإسماعيلى بأكمله

أضاع "الدراويش" العديد من الفرص السهلة فى الدقائق الأخيرة ، كانت أبرزها كرة خطيرة أضاعها يوسف جمال وهو على بعد ست ياردات فقط من مرمى الزمالك ، لتنتهى المباراة بفوز الزمالك على الإسماعيلى ، الذى تسيد المباراة بأكملها.

http://www.filgoal.com/News.asp?NewsID=11847

حمو

[kotoz9]

البلتاجي يهدي الزمالك الفوز علي الدروايش بضربة جزاء غير صحيحة

خطف الزمالك فوزا غاليا من بين أنياب مضيفه الإسماعيلى بهدفين مقابل هدف يوم الأحد فى ختام مباريات المرحلة السادسة للدورى المصرى الممتاز على ملعب الإسماعيلية ، بمساعدة من حكم المباراة رضا البلتاجى ، الذى احتسب ركلة جزاء مثيرة للجدل للضيوف ، كانت سببا فى عودتهم للمباراة بعد تأخرهم بهدف.

حمو

علشان بس الزملكوية اللى بيتكلموا عن اخطاء تحكيمية من ربع قرن يتكسفوا من الكلام اللى بيقلوه . rs:

هاهى ضربة الجزاء الرابعة للزمالك هذا الموسم يحتسبها البلتاجى ليعيد الزمالك للمباراة التى كانت تحت سيطرة الاسماعيلى حيث كان الافضل واضاع الكثير من الفرص.

لم يكن الزمالك ليفوز على الاسماعيلى لولا مساعدة البلتاجى.

الحمد لله ان حكم ماتش الاهلى والزمالك حيكون اجنبى ولكم الله يابقية فرق الدورى وربنا يصبركم على التحكيم الزملكاوى. rs:

انا شفت ماتش الاهلى مع البلدية وبصراحة اتحرق دمى... ايه ده؟

الكورة محجرة بس بصراحة لاعبى الاهلى وخاصة بلال مش فى مستواهم الاهلى المفروض يغلب 3,4مش1 لانا مش عارف سبب لهذا العقم التهديفى. rs:

[se_ Elsyed]

كالعادة فاز الاهلي - لا جديد -

ولكن الجديد هي تلك الطريقة التي لعب بها نادي بلدية المحلة والذي جاء إلى القاهرة رافعاً شعار " الدفاع التام أو الموت الزؤام " ولكن حينما ننظر له في الملعب نجد اللاعبين ومدربهم يرددون اغنية " جايين الماتش ما نعرف ليه ولا رايحين فين ولاعايزين إيه " فطوال التسعين دقيقة لم نرى ولا هجمة واحدة من لاعب محلاوي ولم نرى عصام الحضري في الكادر .. وكأن كل طموحات البلدية هو ان ينتزع نقطة من الاهلي ليُكمل مسلسل تعادلاته .. حيث إنه ملك التعادلات في الدوري حتى الآن فقد تعادل قبلها في أربع مباريات من خمسة .

- من حق أي فريق ان يُطبق الطريقة التي يراها .. ولكن ما شاهدته في معظم مباريات الدوري يدل على أن هناك روح جديدة دبت في مختلف الأندية المشتركة في الدوري وهي الروح الهجومية حتى من الفرق الصاعدة حديثاً للدوري .. أما ما فعله البلدية بالأمس فهو شيء عجيب .

- ولا اُنكر حالة عدم التوفيق التي صادفت لاعبي الأهلي بالأمس من ضياع ضربتي جزاء صحيحتين بأراء العالم كله - مش زي ناس - وكرات في العارضة وتألق غير عادي من عاطف السعيد - جداً - حارس البلدية .. إضافة إلى أخطاء في اداء لاعبي الأهلي ومنها على سبيل المثال عدم إستغلالهم للكرات الثابتة يعني ممكن ياخدوا 0/10 بجدارة .. إضافة إلى الفذلكة الزايدة عن اللزوم .

على العموم وصلنا للنقطة رقم 18 من 6 مباريات يعني 10/10 ... في إنتظار لقاء القمة يوم الخميس القادم rs: me0: ax: s-:

[se_ Elsyed]

مقتطفات

1- البؤين اللي جايين دول كنت كتبتهم لأخويا وحبيبي مُحبط - المُختفي - يوم 25/10

بس أنا جايب لك هدية وخبر من الكنترول ... بص كده وإتفرج يا سلام على ماتش الزمالك والإسماعيلي يوم 31/10 وده فين في الإسماعيلية .. هاتحس إن الإسماعيلي مستسسسسسسسسسسسسسلم وبيتغلب بمزاج .. أما لما ييجي قدام الأهلي تحس إنهم بيلاعبوا فريق مكابي عكا وكل واحد نازل الماتش وكأنه في مهمة وطنية.... بيحصل ولا ما بيحصلش ؟

وقد حدث بالأمس ففريق الإسماعيلي يلاعب الزمالك دائماً تحت شعار " ضرب الحبيب زي اكل الزبيب " وكان الإسماعيلي أصبح يتلذذ بهزيمته من الزمالك .. ربنا يهنيهم ببعض .

حتى الزمالك أصبح يفوز بطريقة بَركولي .. يعني بالبركة .. لا خطة ولا يحزنون واعتقد إن اللاعبين فيما بينهم اتفقوا على تحقيق الفوز بطريقة " رمي الجتت " أي إن لاعب الزمالك اللي ربنا يُنفخ في صورته ويدخل منطقة جزاء الخصم يرمي بلاه على اللعيب اللي جنبه ويتبلى عليه ويقول للحكم ده فقع لي عيني أو عورني بمطواه .. يقوم الحكم يشربها ويحسب له ضربة جزاء .. وقد تكرر هذا المنظر في أكثر من مباراة هذا الموسم وإسألوا محبط ، حتى امبارح الفوز من خطئين دفاعيين من لاعب واحد جاسوس إسمه عمرو فهيم . يعني رميه بغير رامي يا حاج إستيبي جراف ؟

- على فكرة قبل مبارة الأمس بلحظات إتصل بي واحد زملكاوي وزميلنا هنا في المحاورات طلب مني عدم ذكر إسمه ( مش هاقول إنه موديست ) وقال لي أنا خايف من الفضيحة في الإسماعيلية النهاردة يا س س .. فقلت له يا ساتر يارب .. ربنا ما يجيب فضايح يابني .. فهدأت من روعة وطمنته ... وبكل حنان الأب ربت على كتفه واخدته في حُضني وقولت له يا موديست يابني أنا جايب لكم النتيجة من الكنترول .. روح يابني الزمالك منصور بإذن الله ..... وقد كان وكأني إنكشف عني الحجاب في شهر رمضان ... لكن هانبهدلكوا برضوا يوم الخميس وهاتبقى ليلة يا عمده rs: rs: rs: ax: s-:

- الزمالك خسر بالأمس مجهود لاعب بأعتبره إنه نصف فريق وهو تامر عبد الحميد وذلك بحصوله على الإنذار الثالث وبالتالي لن يلعب المباراة امام الاهلي .... كان في لاعب ممكن يحل محله وكنت متتبع لمستواه ومعجب بأداءه الموسم الماضي وهو " المعتز بالله إينو " لاعب صغير وحريف .. لكن مش عارف الزمالك خرطوا للوز الموسم ده ولا ستيبي بقى اعمي القلب والنظر .

- بين الشوطين توجه بعض لاعبي الزمالك إلى الجهاز الفني وأشتبكوا معهم في مشادات كلامية لإن صعبان عليهم اللي بيحصل في فريق الزمالك من الجاسوس ستيبي الجبار .

- وليد صلاح عبد اللطيف منذ ان كان في المنصورة هو وجبر الخواطر الشهير برضا شحاته لم أكن مقتنع بهم ولا حتى يلموا كور من ورا المرمى ومازلت ... بعد مباراة الكرامة الاخيرة كتب محمود معروف الزملكاوي في جريدة الجمهورية السمورية بإن هذا الوليد العبداللطيف لا يصلُح ان يكون لاعب كرة بالمرة .. فرد عليه اللاعب بالأمس في قناة النيل للرياضة بعد المبارة وقال له بالحرف الواحد " انا مش هاقول لك يا كابتن محمود معروف لأن كلمة كابتن بتتقال على اللي لعبوا كوره فعلاً.. ولكن هاقولك يا أستاذ محمود يا معروف سيب النقد الكوري للي بيفهموا في الكورة " حرقوا بصراحة ...

[Ahmed Mohsen]

ضربة الجزاء غير صحيحة ....

أوافق علي هذا .... لكن .........

كلمة حق يجب أن تقال

هل من قرر أنها غير صحيحة .... إتخذ هذا القرار بمجرد رؤيته للعبة أم بعد أن رأي الإعادة؟؟؟؟

أنا شخصيا بعد أن رأيت الإعادة، أجزمت أنها ليست صحيحة

لكني بعد إنتهاء المباراة وإعادة الأهداف ومنها ضربة الجزاء، وجدت نفسي أقول أنها ممكن تبقي صحيحة علي الرغم من تأكدي الذي زاد بعد مشاهدتي للإعادة بالبطئ أنها غير صحيحة.

ما اريد أن أقوله .... لا داعي لإفتراض سوء النية ..... الحكم يأخذ قراره في جزء من الثانية وبدون رفاهية الإعادة بالبطيء

بس يعني هي بصراحة حاجة تفرس إن كل ضربات جزاءنا السنة دي مشكوك في صحتها

ولكل من كان يقول أن الإسماعيلي سوف يلعب مباراته مع الزمالك بتراخ ...... هل رأيتم المباراة أمس؟؟؟؟؟

رأيي الشخصي... أن في مباريات الزمالك والإسماعيلي عادة ما يتساهل الطرف الذي يكون قد خرج من المنافسة لصالح الطرف الآخر الذي يحتاج إلي الفوز للإستمرار في المنافسة علي الدوري .... أما في الظروف التي تكون فرصهم متساوية في المنافسة أو في الخروج من المنافسة، يكون اللقاء ممتعا وكل فريق منهما يحاول أن يفوز بشراسة كمباراة الأمس.

أما بالنسبة للأهلي ....... فبصراحة كدة وبدون زعل (من إخواتي الزمالكوية) ....... ربنا يستر علي الزمالك يوم الخميس خاصة بدون تامر عبد الحميد