الأهلي هوه هوه بيكسب بره وجوه

[se_ Elsyed]

بقى عملوا لكابرال حفلة شاي ؟

شوف إزاي يا جدع ... ويا ترى كان سادة ولا على بوسطه ؟

وإيه موقف جورج سعد من الموضوع ده .. وهل هو اللي كان بيصب الشاي ولا كان واقف على النصبة ؟ وفي خلال حفلة الكوكتيل دي ما لمحتش كده مبلغ بيدسه جورج سعد في جيب كابرال عشان يراضي الراجل ؟

وبعدين بتقول إن أوليفيرا مشي بعد خناقة مع الاهلي ؟ بأمارة إيه ؟ بأمارة الحفلة اللي عملوها له ؟ وإيه يعني لما يشتكي في الفيفا .. طب ما أنت ممكن تكون مدي له حقه على داير المليم ويروح يعمل شكوى كيديه .. زي اللي بيبطح نفسه ويتبلى على الناس ...

يا محبط هي مكابرة وخلاص ؟ الاهلي قلعة كبيرة وإنتوا عاملين دلوقت زي اللي ماسك طوبه وعمال يحدف بها جبل شامخ .. فلا الجبل هايتحرك من مكانه ... ولا صاحبنا أساساً اللي بيحدف عمره هايطول ويبقى تل حتى .

[kfaya]

أخبار أكيدة أن فاروق جعفر نازل انتخابات الزمالك على مقعد الرياسة ... و أن مرتضى منصور بصدد جمع ملف موثق بجميع مصايب فاروق منذ أن كان لاعب بيفرض فردة على زمايلة عشان يباصيلهم كور .... و اسألوا على خليل ...

المهم مرتضى منصور سارع بالتعاقد مع كابرال لكى يقطع السكة على فاروق ...

كمال درويش عمال يضرب كف على كف و يقول مش كفاية عليا مصيبة واحدة ..

هنتفرج على أحلا مسلسلات الردح و البلطجة من قمم الأخلاق فى نادى الأخلاق ..

[se_ Elsyed]

وكسبنا الجيش وبقينا ثلاثين .. إحنا الثلاثين وغيرنا عشرين ..

حقق الأهلي أول أمس الفوز العاشر على التوالي له في الدوري العام المصراوي لينفرد بالقمة ويغني إنشودة النصر وحده ناظراً إلى الامام ومدلدلاً قدمية بالإسفل حيث ان الفارق بينه وبين أقرب منافسية وهو نادي الزمالك يبلغ 10 نقاط وهو رقم قياسي نظراً لعدد المباريات القليلة التي لُعبت حتى الآن ...

وقد جاء فوز الاهلي باهتاً وبصعوبة على منافسة نظراً لسببين :

1- تهاون لاعبي الأهلي وإضاعة فرص بالجملة وهي صورة بالكربون من معظم مبارياتهم والتي إن إستغلوا 50 % فقط من تلك الفرص لحققوا أرقاماً قياسية تهديفية .

2- الطرق الدفاعية المميتة التي تتبعها جميع الفرق أمام الاهلي .. ولنا أن نتخيل بإن 9 مباريات من العشرة التي خاضها الأهلي نكاد نقول بإن طريقة لعبهم واحده او مدربهم واحد فيما عدا الزمالك الذي لعب بطريقة مفتوحة ومن اجل ذلك تلقى أكبر عدد من الاهداف في مباراة أمام الاهلي حتى الآن .

- ولا أدرى حينما يجلس مدرباً ما من المدربين مع فرقته قبل المباراة ماذا يقول لهم ... يعني بيقولهم إستقتلوا قدام الاهلي يا ولاد وجيبوا له نقطة .. ولا بيبقى حاسس بالهزيمة ولا إيه بالظبط ... فمعظم المباريات يا جماعة الخير لم نرى فيها أي إختبار حقيقي لحارس مرمى الأهلي .. وكان كل هدف تلك الفرق هو الدفاع التام او الموت الزؤام .

حتى لو كان الاهلي فريق مرعب والفرق الآخرى صغيرة ... طب إمتى هاتكبر ؟ وهل دي كورة قدم ولا معركة دفاعية لواحد واقف في الكورنر والتاني عمال يديله فوق دماغه .... مازالت أُشيد بتجربة محمد صلاح مع نادي جولدي ( مزارع دينا سابقاً ) فأول ما طلع للممتاز كان بيلعب كورة هجومية وكان الحصان الأسود للدوري وعمل رعب للفرق الآخرى .. ولكن لما إبتدى يحسب النقطة والنقطتين راح فأبو نكلة ونزل درجة عاشرة ... كذلك تجربة شوقي غريب مع منتخب الشباب وأيضاً المدرب المحترم حسن شحاته .. فكلاهما يلعب الكورة من اجل الإستمتاع ومع ذلك يحقق نتائج جيدة أيضاً ...

ولو سألت الأندية الصغيرة سؤال .. طبعاً مش هالاقي له إجابة .. إنت لما تلعب قدام فريق كبير .. عندك إيه تخسره ؟ يعني لا أنت بطل خايف على سُمعتك .. ولا محتفظ ببطولة وخايف تضيع منك ؟..ويعني إيه نادي يدافع عشان يطلع بأقل خساير ممكنة ؟!!!! طب ما هو هدف زي 10 يابن الحلال اللهم إلا مع فريق كبير زي الزمالك او الإسماعيلي مثلاً !!!!!

من كام يوم صرح مدرب أسمنت أسيوط وقال انا نفسي مانويل جوزية ييجي يمسك الفريق بتاعي لمدة مبارة واحده ويوريني هايعمل إيه ؟ ونفس الجملة بالظبط كررها محمود معروف النهاردة .... حاجة غريبة جداً ....!!!! فهل فيه كده في الكورة ؟

يعني عشان أفشل كرويف او ريكارد اللي دربوا برشلونة أجي أقول طب تعالوا وروني شطارتكم وإمسكوا تدريب مركز شباب كفر الحبايب وورونا هاتحققوا نفس النجاح ولا لأ ؟

كذلك النغمة السائدة الآن بإن الاهلي بيعتمد على لاعبين سابقين في الإسماعيلي ... فده مش صحيح بالمرة ..

فعلى سبيل المثال حد يقدر ينكر إن الإسماعيلي نفسه جايب خالد بيبو من السويس ، ومحمد بركات من السكة الحديد وعماد النحاس من أسوان وإسلام الشاطر من الأوليمبي ... وغيرهم وغيرهم من اندية آخرى .. أي نعم هو لمعهم وخلاهم نجوم .. لكن لا أحد يستطيع أن يُنكر بإن الإحتراف هو أمر واقع .. وما فيش حاجة إسمها لاعب يفضل لحد ما يموت في نادي واحد ...

وكلنا بنشوف الأندية الكبيرة مثل برشلونة وريال مدريد ومانشستر يونايتد .. عمر ما حد قالهم يالله يا مرتزقة ياللي بتشتروا لعيبه من بره !!!!!!

على العموم ادينا هانقعد من غير كورة لمدة شهر بالظبط وذلك لمباريت المنتخب الودية وكذلك بطولة أفريقية للمنتخبات العسكرية وأشتراك الزمالك والإسماعيلي والمحلة في البطولة العربية والمستفيد الأول من هذا كله هو نادي الزمالك اللي المفروض يظبط اموره ويلم نفسه ويسد الرُقع اللي عنده ...

نلتقي بعد الفاصل ....

[se_ Elsyed]

وحقييقي أنا مشفق على نادي الإسماعيلي اللي احواله في النازل .. فتصوروا إن من 10 مباريات يلم 15 نقطة فقط وحتى المركز الثالث وهو المفضل له أصبح مهدد بالضياع منه ... وده لأن بوكير إستشبع وأصبح متفرغ للدخول في معارك مع اللاعبين .... وبصراحة كفاية عليه كده والمفروض يصعدوا الرجل الخلوق صانع النجوم والمدرب الفذ على أبو جريشه الي بوكير عايش على حسه وبياخد اللعيبه الصغيرين اللي بيصنعهم على الجاهز ن او يرجعوا محسن صالح بدل ما هو قاعد عاطل على قهوة السباكين واهو كبيرة قوي يدرب الإسماعيلي .. إنما المنتخب ينسى ..

اما الفريق الأضحوكة في الدوري واللي إشترى ميدان العتبه بالتروماي مع محطة المطافي وعليهم البوسطة فهو المصري .. فبالرغم من إنفاقه لملايين الدراهم في شراء لاعبين جملي .. إلا إنهم خذلوه وأصبحوا يلعبوا على سطر ويسيبوا سطرين ويتلقوا الهزيمة تلو الآخرى حتى مع تغييرهم لفاروق جعفر بمحمد صلاح ..

وأدي الإتحاد السكندري إبتدى يلحق نفسه حتى وهو من غير مدير فني – سبحان الله – وبيفلت من القاع ولم 10 نقط .. حلوين ونعمة ورضا ... .. أما المنصورة قاعد في القاع ومربع .... فبعد ان حقق فوزين متتاليين في اول مباريتيين هاهو يتجرح كأس الذُل لثمانية مباريات متتالية ... وكده ميت فُل وخمستاشر على حسن مجاهد المُفلس والمفروض يحل عن قف الناس الحلوه المنصوريين هو وأخوه اللواء إبراهيم مجاهد ...

ومفاجأة الدوري هو فريق أسمنت السويس الذي حقق 15 نقطة حتى الآن متساوياً مع الإسماعيلي النادي العريق ...

وطبعاً لا ننسى إنبي الذي يسير بخطى ثابتة منذ ان صعد إلى الدوري ولا ينقصه أي شيء لتحقيق بطولات سوى ... روح البطولة ... ورغبة الفوز .... فبعد ان منيناً انفسنا بمبارة كبيرة وبفريق محترم يستطيع ان يُحرج الاهلي واحرز هدف السبق في اول 7 دقائق من المابرة .. رأينا اللاعبين لا إرادياً ينسحبوا للخطوط الخلفية وكأنهم ادوا ما عليهم وكده المبارة إنتهت .. فكانت النتيج إنهم خسروا زي الفرق الآخرى ...

يُتبع بس مش دلوقت

[disappointed]

حقق الأهلي أول أمس الفوز العاشر على التوالي له في الدوري العام المصراوي لينفرد بالقمة ويغني إنشودة النصر وحده ناظراً إلى الامام ومدلدلاً قدمية بالإسفل حيث ان الفارق بينه وبين أقرب منافسية وهو نادي الزمالك يبلغ 10 نقاط وهو رقم قياسي نظراً لعدد المباريات القليلة التي لُعبت حتى الآن

:) B)

فى مثل هذا الوقت من عمر مسابقة الدورى العام فى الموسم الماضى , و بنهاية الأسبوع التاسع (مش العاشر) للدورى , وبعد أن فاز الزمالك على الأهلى بهدف جمال حمزة فى الأسبوع التاسع - فى المباراة التى أقام الأهلاويّة فيها الأفراح لهزيمتهم 1-0 فقط - أصبح الفارق بين الزمالك و الأهلى 13 نقطة فقدها الأهلى بالهزيمة من الإسماعيلى و الزمالك و الإتحاد و التعادل مع حرس الحدود و القناة ولم يكن الأهلى هو أقرب منافسى الزمالك بالطبع حيث كان فى المركز السادس (زى ما تفتكر طبعا يا معلمّ سى السيّد.. و بعودة الأيّام)

:) ;)

:angry: ;)

[عصام]

فى مثل هذا الوقت من عمر مسابقة الدورى العام فى الموسم الماضى , و بنهاية الأسبوع التاسع (مش العاشر) للدورى , وبعد أن فاز الزمالك على الأهلى بهدف جمال حمزة فى الأسبوع التاسع - فى المباراة التى أقام الأهلاويّة فيها الأفراح لهزيمتهم 1-0 فقط - أصبح الفارق بين الزمالك و الأهلى 13 نقطة فقدها الأهلى بالهزيمة من الإسماعيلى و الزمالك و الإتحاد و التعادل مع حرس الحدود و القناة ولم يكن الأهلى هو أقرب منافسى الزمالك بالطبع حيث كان فى المركز السادس (زى ما تفتكر طبعا يا معلمّ سى السيّد.. و بعودة الأيّام)

إسمحوا لى يا رجالة .. أتدخل فى المسألة ..

أصلى بصراحة ..

ما بقيتش قادر استحمل ...

متابع الموضوع من أوله .. بس اللى كان مصبرنى إن الردود فى الصميم .. وبتريحنى شخصيا .. B)

بس فيه كلمتين خانقنى ومزنوقين فى زورى .. :)

تعرف يا ابو السيد إيه اللى جايبنا ورا على المستوى العام ؟

إننا كل ما نفشل فى حاجة .. نقولك إيه؟ حضارة السبعتلاف سنة :) وبنينا الأهرامات .. ورمسيس العظيم .. وأحمس طارد الهكسوس .. :)

واخد بالك ياللى فى بالى ..؟ :angry:

إنما لو عملنا زى الدنيا كلها .. وبقى الماضى مجرد "ماضى وتاريخ" وركزنا فى الحاضر واللى بيجرى على أرض الواقع .. كنا بقينا أحسن ناس .. :P وما كناش ادينا الفرصة لحد يسم بدننا بكلام مالوش لازمة يا أخى .. ;)

واخد بالك يا ابو السيد ..؟ ;)

واخد بالك؟ ;)

هه؟

سامعنى فوق؟

[se_ Elsyed]

واخد بالك ياللى فى بالى ..؟  :angry:

واخد بالك يا ابو السيد ..؟  ;)

واخد بالك؟  :)

هه؟

سامعنى فوق؟

الاخ العزيز إسو ..

تحية طيبة وبعد ،،،

بهذا أُعرفك يا أخي العزيز إن رسالتك اللي من تحت الماء وصلت ... وسيتم تحويلها إلى مدينة جده ليطًلع عليها السادة المسئولين في القبيلة البيضاء هواة التاريخ والأثارات .. اللي حتى ياريته تاريخ مُشرف ....

أخوك الأهلاوي ... س س

الرياض الساعة 11

وشكراً لساعي البريد

[Modest]

ده إيه المنتدى اللي كل مشرفينه أهلاوية ده؟

حاجة ترفع الضغط

[R.M.G.]

أنا بصراحة مستمتع جدا بالمناقشات الرائعة بين المحبط وس س

وبصراحة بس في نقطة نظام

لما الأهلاوية يتكلموا عن موضوع 6/1 اللي حصل من 4 سنين يرفضوا بشدة اعتبار ده تاريخ ولكن لما الزمالكاوية ونائبهم في المنتدى د. محبط يفكروهم بالموقف يادوب السنة اللي فاتت وفي نهاية الأسبوع التاسع يعتبروهم - أعني الأهلاويون ونائبهم الموقر س س - يتحدثون في التاريخ ؟؟ !!! حاجة تجنن!

معلش دي مجرد مداخلة حبيت بس أهدي النفوس rs:

[عصام]

أنا بصراحة مستمتع جدا بالمناقشات الرائعة بين المحبط وس س

وبصراحة بس في نقطة نظام

لما الأهلاوية يتكلموا عن موضوع 6/1 اللي حصل من 4 سنين يرفضوا بشدة اعتبار ده تاريخ ولكن لما الزمالكاوية ونائبهم في المنتدى د. محبط يفكروهم بالموقف يادوب السنة اللي فاتت وفي نهاية الأسبوع التاسع يعتبروهم - أعني الأهلاويون ونائبهم الموقر س س - يتحدثون في التاريخ ؟؟ !!! حاجة تجنن!

معلش دي مجرد مداخلة حبيت بس أهدي النفوس  mc:

أنا شخصيا ماعنديش مانع إطلاقا أنسى موضوع الـــ 6/1 ..

ولو ان التاريخ لن ينساه لأنها علامة .. وعموما هى إن كانت علامة فده لأن الزمالك فريق كبير يعنى ... وهو ده سبب إنها فضيحة مميزة شويتين .. يعنى لما تيجى فى نادى السكة مثلا ماكانش حصل حاجة ..

يعنى أنا لما اعاير الزملكاوية بموضوع 6/1 ده تبقى حاجة حلوة فى حقهم يعنى ..

خدت بالك؟

ده حتى من باب إجلال الزمالك وإعطائه وزنه الحقيقى .. الناس من ساعتها بتقول "خدت كوبرى 6/1 أكتوبر لحد غمرة" .. وناس بقت تقول "لما كسبنا حرب 6/1 أكتوبر" ..

كده يعنى ..

وعموما .. فلننسى ما فات ..

واحنا ولاد الموسم ده rs: :) bxg::

فلننسى المواسم السابقة ياولاد .. بحلوها ومرها

[linux]

أنا يا جماعة أهلاوى لكن أحب أعترف و بصراحة ...

كل ما حد يجيب سيرة ماتش 6-1 بيركبنى العصبى كأن الماتش أتلعب أمبارح بس. حقيقى كل ما أفتكر كمية الأجوان اللى الأهلى ضيعها فى الماتش ده (خصوصا محمد فاروق) أشعر بأسى شديد و تورم بأصابع القدم اليسرى hg)::

لازم نعترف، و للتاريخ و ليس لعبد الناصر ... آسف، الخطوط دخلت فى بعض و أفتكرت أنى بكتب فى باب السياسة ... نرجع و نقول لازم نعترف أن الماتش ده أتخطف مننا يارجالة و كان من الواجب أن النتيجة تكون 11-1 على الأقل.

لو ده كان حصل، ماكناش فى الموقف اللى لا نحسد عليه دلوقتى!! B) :angry:

أظن أن الأعتراف سيد الأدلة و عدانى العيب و قزح. rs:

معلهش، خيرها فى غيرها أن شاء الله، و على ما أظن لسه فى دور تانى فى دورى السنه دى.

[أسامة الكباريتي]

مشي احنا اولاد النهارده .. انسوا اللي فات وخليكم في اللي جاي

مش انتوا عايزين كده ..

الأهلي .. أهلي ..

عيني عليه باردة ..

الماتش العاشر على التوالي من بداية الدوري في حالة انتصار ..

شعار الأهلي الجديد:

تلعبوا مهاجمين تلعبوا مدافعين الأهلاوية كسبانين كسبانين

ايه ياسي الدكتور محبط .. هو انتوا رفعتوا شعاركم الجديد :

كبِّر الزمالكاوي ياكلك

نصيحة : إوعى ياخويا ياسي السيد تكبر زمالكاوي في بيتك أحسن:

rs:

[عصام]

كبِّر الزمالكاوي ياكلك

:) rs: gt:

rs:

[disappointed]

أنا شخصيا ماعنديش مانع إطلاقا أنسى موضوع الـــ 6/1 ..

ولو ان التاريخ لن ينساه لأنها علامة .. وعموما هى إن كانت علامة فده لأن الزمالك فريق كبير يعنى ... وهو ده سبب إنها فضيحة مميزة شويتين .. يعنى لما تيجى فى نادى السكة مثلا ماكانش حصل حاجة ..

يعنى أنا لما اعاير الزملكاوية بموضوع 6/1 ده تبقى حاجة حلوة فى حقهم يعنى ..

خدت بالك؟

ده حتى من باب إجلال الزمالك وإعطائه وزنه الحقيقى .. الناس من ساعتها بتقول "خدت كوبرى 6/1 أكتوبر لحد غمرة" .. وناس بقت تقول "لما كسبنا حرب 6/1 أكتوبر" ..

كده يعنى ..

يا جماعه

أنا خلاص مش قادر

ضميرى بيعذّبنى ;)

مش قادر أكتم السر الرهيب اللى بأحاول أخبّيه عنكم :P

أنا خلاص مش قاااااادر..... ولازم أعترف ليكم

يا جماعة......

أنا........

mfb:

أنا..........

:)

أنا من مواليد يوم 6/1

cbyb: cbyb:

[عصام]

مش قادر أكتم السر الرهيب اللى بأحاول أخبّيه عنكم  :D

أنا خلاص مش قاااااادر..... ولازم أعترف ليكم :lol:

يا جماعة......

أنا........

mfb:

أنا..........

mfb:

أنا من مواليد يوم 6/1

cbyb:  cbyb:

آن آن آن آآآآآآآآآآآآآآآآآن ن ن

تششششششش

كل شيجن انكشفن وبان ...

وده دليل .. على إنك على الفطرة يابنى .. لكنك بتآوح وتكابر ..

بس تعرف ؟ .. ده خبر حلو ..

فأهلا بيك فى اللستة .. وبالمناسبة دى هابعت لك فى البوستة .. دستة جاتوه .. هدية منى وتحية من كل الأهلاوية .. لكل مواليد يوم ستة واحد ;) lo:: lo::

[البحار الجريح]

حقق الأهلي أول أمس الفوز العاشر على التوالي له في الدوري العام المصراوي لينفرد بالقمة ويغني إنشودة النصر وحده ناظراً إلى الامام ومدلدلاً قدمية بالإسفل حيث ان الفارق بينه وبين أقرب منافسية وهو نادي الزمالك يبلغ 10 نقاط وهو رقم قياسي نظراً لعدد المباريات القليلة التي لُعبت حتى الآن

:) :D

فى مثل هذا الوقت من عمر مسابقة الدورى العام فى الموسم الماضى , و بنهاية الأسبوع التاسع (مش العاشر) للدورى , وبعد أن فاز الزمالك على الأهلى بهدف جمال حمزة فى الأسبوع التاسع - فى المباراة التى أقام الأهلاويّة فيها الأفراح لهزيمتهم 1-0 فقط - أصبح الفارق بين الزمالك و الأهلى 13 نقطة فقدها الأهلى بالهزيمة من الإسماعيلى و الزمالك و الإتحاد و التعادل مع حرس الحدود و القناة ولم يكن الأهلى هو أقرب منافسى الزمالك بالطبع حيث كان فى المركز السادس (زى ما تفتكر طبعا يا معلمّ سى السيّد.. و بعودة الأيّام)

rs: ;)

:) lo::

لا وحياتك

ترتيب فرق الدوري المصري لما خلص الاسبوع التاسع .. ولعب الزمالك مع الاسماعيلي الماتش المؤجل اول يوم العيد وكان لسا الاهلي باقي له ماتش مؤجل

1- الزمالك .. 27 نقطه .. له 23 هدف وعليه هدفان

2

3

4

5

6

7

8

9- الاهلي .. 10 نقاط .. له 13 هداف وعليه 12 هدف ..

ايييييييييييه

والله كانت احلى ايام

كنت بغني مع الجماهير في ماتش الزمالك والاهلي لما فزنا 1/0 بس للأسف

هينزل هينزل هينزل هينزل هينزل هينزل هينزل

والله بجد انا دمي محروق ازاي نفوز 1/0 بس ,, دا استعباط fr1::

[عصام]

أولادى الأعزاء ...

أستطيع ان أشتم (بفتح التاء) عبق التاريخ من هنا ...

من بلكونة آآآآآآخر دور فى عمارة الدورى .. :D

مافيشششش فااااايدة ...

قول للزمان ارجع يا زمان

فاكر الأندلس ..؟ يااه شوف يا اخى كنا فين وبقينا فين ؟ fsh::

بس سيبك .. إحنا برضه بناة الهرامات .. حضااااااارة .. عراااااااقة ... :lol:

[theblackpirate2005]

الاهلويه ليه متكلموش النهرده عن الماتش مكسوفين ولا ايه

يا جدعان هى دى اول مره مانتوا اتعودتوا على كده واحنا كمان اتعودنا

وبرده زى اخ افيونا ما قال يا لجنه الحكام الاهلى بيدفع كام me0:

[theblackpirate2005]

وعبر طولان عن اعتراضه على ضربة الجزاء ، في المؤتمر الصحفي التقليدي عقب المباراة قائلا : "حسبي الله ونعم الوكيل ، الأهلي فريق قوي وليس في حاجة لمساعدات تحكيمية."

واضاف مدرب فريق حرس الحدود في تصريح خاص لـ Filgoal.com ان انتخابات مجلس ادارة النادي الاهلي التي ستجري بعد غد الجمعة لعبت دورا كبيرا في خسارة فريقه لانه كان من المستحيل ان يتعادل الاهلي في هذه المباراة بعد خروجه من كأس مصر منذ عدة ايام .

وأوضح مدرب الحدود أن فريقه تعرض لظلم كبير ، لكنه يفضل الصمت حتى "لا يتم قطع لسانه" على حد قوله ، خشية تعرضه لعقوبات لجنة المسابقات ، وأشار إلى أن لاعبي فريقه قدموا مباراة هجومية جيدة ، واستفادوا من التغييرات التي قام بها خلال اللقاء.

من ناحية أخرى ، لم يعلق البرتغالي مانويل جوزيه المدير الفني للأهلي خلال المؤتمر ذاته على قرار احتساب ضربة الجزاء ، وأكد أن سوء التوفيق لازم فريقه خلال شوطي المباراة ، بالإضافة لشعور لاعبيه بالإحباط نتيجة خروجهم من كأس مصر أمام غزل المحلة مطلع الأسبوع الحالى

نقلا عن فى الجول me0:

[theblackpirate2005]

نبأ عاجل

ذكرت وكاله انباء ابقى قابلنى ن المدعو محمد فاروق راح عمل محضر للنادى الاهلى فى قسم المكس بالاسكندريه عشان الشيك طلع بدون رصيد

واتصل بالكابتن حسن حمدى يهدده انه هيكشف المستور يوم الجمعه

وسنغلكم باخر التطورات اول باول me0: