الأهلي هوه هوه بيكسب بره وجوه

[R.M.G.]

كان ياما كان فيه زمان في سالف العصر والآوان لعيب زمالكاوي اسمه ايمن عبد العزيزعمل فاول من الخلف مع ابراهيم حسن فطرده الحكم الفرنساوي باتا... الزمالكاويه قالوا كان خاشش ع الكوره مش على رجلين ابراهيم جهابذه الحكام وقتها قالوا - وطبعا كل شيئ ممكن يتغير حسب الحالة ولونها - المهم قالوا لو الكورة كانت اتحركت في اتجاه زحلقة ايمن يبقى مايتحسبش ولا حاجه ولا حتى فاول بس طالما ان الكورة ماتحركتش لا في اتجاه ايمن ولا يمين ولا شمال يبقى فاول ويستحق الطرد ....كلام جميل

طب ما الواد بتاع غزل المحلة الكورة خبطها برجله ومشيت في نفس اتجاه التاكلينج ( شوية فزلكة من نفسي) يبقى تتحسب فاول ليه؟ أقولكم السبب ؟ مالوش لازمه انتو فاهمين !!!

السنة اللي فاتت في حكم متهيالي كان اسمه حسن علي وفي مباراة للزمالك مع المصري حسب بنالتي على الزمالك يشهد بسفاهته وزمته اللي اوسع من استاد القاهرة آآآآآآآآل إإإإإإإيه بشير رفع رجله ؟؟؟طب مايرفعها هي رجله ولا رجلك آآآآآآآآآآل ايه في صدر لاعب المصري !!! عيب ويستاهل انذار وضربة حره غير مباشرة قالك لأ بنالتي ليه ياعمنا ؟ قالك اصله رفع اليمين آى نعم كانت بره هي ولاعب المصري بس رجله الشمال كانت جوه وطبعا جوقه الحكام الحمراء قالت فتوى تهلك م الضحك لشدة عبطها حيث أفتت بأن العبرة بالمدافع يعني لو مناخيره جوه وشد حد من بره تبقى بنالتي طبعا مع الأحتفاظ بحقهم في تغيير الفتوى في حالة ماإذا كانت على الأهلي وفقا لتعاليم النظام العالمي الجديد وتعيين الأهلي قطبا أوحد للكرة المصرية

إخواني الزمالكاوية : بنالتي جمال حمزه لا يناله الا جمال حمزه وبصراحة انا مش عارف هو اتكعبل في ايه بالظبط ؟ حد يعرف؟

[theblackpirate2005]

إخواني الزمالكاوية : بنالتي جمال حمزه لا يناله الا جمال حمزه وبصراحة انا مش عارف هو اتكعبل في ايه بالظبط ؟ حد يعرف؟

نمله كعبلته اللى دخله فى موضوعنا بقى

مانتا كنت ماشى كويس :P

وعايز افكرك و افكر الاهلويه بالمره السنه اللى فاتت كنا بنلاعب ولاد عمنا(الاسمعيلى طبعا)فى قبرالاهلويه(استاد الاسماعيله)اللى نفسهم يشتروه ويهدوه كمان عشان مجدهم اللى فيه

المهم الواد الاروب احمد الجمل بتاعهم :blink: من عند التمناتشر وقبل المنطقه بما لا يقل عن 3 يارده فاول عادى من بره والاعمى يشوفها الا طبعا عمك ناصر عباس

اللى شافها جوه ودخل الشاطر اسلام يشوتها بس معلش بقى ربنا كبير راحت فى العارضه وفلتنا بالتلاته بونت mc: وطبعا ناصر ضميره صحى فقام حاسب بلن على الاسماعييلى عشان اللى عمله بس بدل ميحسبها فى نفس الماتش راح حسبها عليهم فى ماتش الاهلى اللى فى القاهره وخلاص المهم زى محسب ليهم بلن حسب عليهم واحد

وطبعا افكر الاهلويه ان الاسماعيلى ساعتها كان لسه عملكم سيرك من اربع فقرات

الفقره الاولى كانت للشاطر اسلام والتانيه لسيد معوق والتالته للكابتن الندل شفاه الله عماد بيه والفقره الرابعه كانت محمد يونس او معتصم سالم معلش الذاكره من كترت الاجوان نسيت

ده كانت تذكره بس عن اهلى الاحلام وربنا يخليكم الحكام me0:

[se_ Elsyed]

الفقره الاولى كانت للشاطر اسلام والتانيه لسيد معوق والتالته للكابتن الندل شفاه الله عماد بيه والفقره الرابعه كانت محمد يونس او معتصم سالم

بالظبط ده هو اللي عايزين نوصله .. وهو إننا نوضح طريقى تفكير الزملكاوية وألفاظهم الجميلة ..

فمن ليس معي فهو ضدي .... واللي ما يروحش يلعب للزمالك يبقى عدو لله وللوطن ونشتمه ونبهدله وكإننا فرق عزبة أبو قتاته ...

نفسي أسمع تعليقك وتعليقات كل الزملكاوية لما أحمد فتحي ومحمد عبد الله وحسني عبد ربه ما يعبروش نادي الزملك ويروحوا يلعبوا للأهلي على سبيل المثال ..

آه بالمناسبة عملتوا إيه مع محمد جوده ؟ سمعت إنه وقع للإسماعيلي 3 سنين بالرغم من سفريات هاني زادة والمندوه الحسيني إلى بلاد الاناضول ورجوعوا قفاهم يقمر عيش ...

إخواني الزمالكاوية : بنالتي جمال حمزه لا يناله الا جمال حمزه وبصراحة انا مش عارف هو اتكعبل في ايه بالظبط ؟ حد يعرف؟ 

نمله كعبلته اللى دخله فى موضوعنا بقى

مانتا كنت ماشى كويس

ويلٌ لك يابن أر إم جي .. كيف تجرؤ وتتحدث عن ملوك الأونطه والتمثيل الفاشل ؟

ألا تعلم بإن هناك فتوى مخصوص للاعبي الزملكاوية بإن كل ما يفعلونه حلالٌ بين ... وأن جمال حمزه وطارق السعيد أصبحا شيخا الطريقة التمثيلية للحصول على ضربات الجزاء المهلبية والتي يشاهدها كل الزملكاوية ويبلعونها ويتقبلونها بكل نفسه هنية ؟

المهم هل شاهدت فضيحتهم الأخرانية في مبارة الأربعة وهم يحاولون حفظ ماء الوجه وفركشة المبارة لكي لا تتكرر فضيحة الستة الشهيرة ...

هما دول الزمالك ... من أول مرتضى منصور اللي لسه رازع محمد السُكري علقة موت لإنه عميل للمخابرات الكمالية الدرويشية ... لحد جمال حمزه ممثل البانتوميم .

آه بالمناسبة .... هابقى أفكركم وفي نفس المكان إن ماكنش إبراهيم سعيد يسيب الزمالك بفضيحة أو كابرال يسيب الزمالك عشان إبراهيم سعيد .....

[R.M.G.]

لا إبراهيم سعيد ولا غيره

الزمالك بيجيب لعيبه مش عارف هو جايبهم ليه

واليكم الأمثلة:

احمد ساري

هيثم فاروق

الدوماني

أكرم عبد المجيد

رضا سيكا

باباركو

محمد باو

زكريا ناصف

صالح سدير

أحمد فيلكس

محمد عبد الجليل

ايمن شوقي

ولم يفلح الزمالك الا في القليل جدا وهم

جمال عبد الحميد

حسام حسن

ايمانويل

كوارشي

أما كوليبالي فمن الممكن وصفه ب : لم يختبر

أما لماذا يأتي بهم ولماذا يتركهم فلا أحد يعلم الحقيقة

فإذا وضعنا في اعتبارنا سلوكيات ابراهيم سعيد التي يرفضها كابرال وأي مدرب محترم آخر فهذا يؤكد أحد أمرين

إما رحيل ابراهيم سعيد وإما رحيل ابراهيم سعيد وعلى أحسن الفروض فسوف ينتهي الأمر برحيل ابراهيم سعيد

[zamalkawy]

الصورة ابلغ رد يا س س

في قانون كورة القدم مش قانون ساكسونيا الأهلوي ان اللاعب اللي بينزحلق على الكورة لو رجله وصلت للكرة قبل الأصتدام مع اللاعب لا تعتبر فاول لانه لعب الكورة اولا و هذا محدث في كورة المحلة و الصور شوف رجل اللاعب على الكورة

يبقى في البلانتي

و يجعله عامر

[theblackpirate2005]

سى السيد

انا مستنى رد سيادتك et:(

البلن بتاعكم خلص الماتش

بس ماتش الزمالك خلصان كده او كده ببلن من غير بلن خلصان me0:

وربنا يجعله عامر

من اقوال افيونه الماثوره

me0: يا لجنه الحكام الاهلى بيدفع كام

[المسروق]

وعايز  افكرك و افكر الاهلويه بالمره السنه اللى فاتت كنا بنلاعب ولاد عمنا(الاسمعيلى طبعا)فى قبرالاهلويه(استاد الاسماعيله)اللى نفسهم يشتروه ويهدوه كمان عشان مجدهم اللى فيه

اه صح كلامك الاهلى عاوز يشترى الاستاد ده علشان يحتفظ بذكرى ماتش 6/1 لان فى ناس نسيته

[kotoz9]

الصحافة اللى بيقول الجماعة الزملكوية انها اهلوية عميلة ماسكة البلتين اللى خدهم الاهلى ونازلة تقطيع فى الحكام اللى حسبوهم.انا مش عارف الهيصة دى ليه مع انهم مش اول الاخطاء التحكيمية اللى بدأت من ماتش السوبر وضربة الجزاء بتاعة جمال حمزة ولا هى الاخطاء حلال للزمالك اما الاهلى يبقى الحكم مرتشى واعمى وابن......وابن.....

عموما الحملة الزملكوية نجحت دلوقتى لا يمكن لأى حكم ان يحسب بلنتى لاى لاعيب اهلاوى تانى حتى لو شاهده بيتقطع قدامه فى منطقة الجزاء.

على فكرة للبيقول يا لجنة الحكام الاهلى بيدفع كام ..الزمالك اكتر فرقة خدت ضربات جزاء بالكوسة يعنى لو الاهلى بيدفع يبقى الزمالك فاتح حساب بالملايين هناك

[Scorpion]

يعني ما فيش مشرف ابن حلال و مالوش في الكورة يستغل وضعه الأشرافي و يقفل الموضوع ده ......

12 صفحة يا بشر ... و الأهلي عمال يهوهو و الزمالك عمال يمأمأ ... و حتحصل فتنة رياضية في منتدانا من تحت راسهم ..

ما كفاية بقي و الا حنفضل كده لآخر الدوري ...هو ما فيش في الرياضة غير الكرة ... ما فيش أخبار عن رياضة البولينج و لا دوري الجامعات بتاع نقرة و شبر... و لا حتي مسابقة " َّسبِِت الجميع" بتاعت الدويقة ....

ملحوظة : حتمد ايدك عليا يا سي السيد حلبسك تهمة .. انا اول ريدي متدشدش و مش مستحمل برغوتة علي قفايا ....

[se_ Elsyed]

ملحوظة :  حتمد ايدك عليا يا سي السيد حلبسك تهمة .. انا اول ريدي متدشدش و مش مستحمل برغوتة علي قفايا ....

تعرف لو ماكنتش لسه ما فكيتش السلك .. أنا كان ليه معاك كلام تاني ... fsh::

يا سكوب يا حبيبي الخلاف في الكورة لا يفسد للوداد قضية ..

إحنا بنييجي هنا نفش خلقنا بدل ما نطلع نعور بعض بالمطاوي من التعصب ... يعني يومياً انا ومحبط وموديس بنتصل ببعض بالرغم من إننا ساعات الماتشات مابنطقش نشوف بعض ... عادي يعني ...

الشغل شغل والكورة كورة .. والجنس الناعم ناعم والجنس الخشن خشن ...

[se_ Elsyed]

بعد إذنكم انا هاغير العنوان واخليه " فرقتنا هيه هيه وبتعمل أرقام قياسية بالعند في الزملكاوية " et:( ( مشرف اهلاوي ومُفتري وشايف نفسه بعد ما محمد أبو زيد ما اعتزل الكوره وبقى يشجع مصارعة السومو )

وخدوا طروا على قلبكم بالأخبار الحلوه دي ....

نزل يابني شربات ورد أحمر هنا ... وشرب الزملكاوية غصبٍ عنهم إن شالله لو تديلهم الشربات حقن ... ولا بلاش خليها في العضل المره دي ...

الأهلي ملك الأرقام القياسية

طارق الأدور

رقم عالمي أسطوري ورقم قياسي مصري حققهما الأهلي بفوزه الأخير علي غزل المحلة في الأسبوع الثالث عشر للدوري لتضع الأهلي في موسوعة الأرقام القياسية ضمن الأرقام العديدة المسجلة للأهلي في تاريخه الطويل.

الرقم العالمي الذي حققه الأهلي هو أنه أصبح الفريق الوحيد في تاريخ الكرة الذي يحقق الفوز في كل مبارياته في دور كامل لبطولة الدوري بعد فوزه في 13 مباراة متتالية هي كل مباريات الدور الأول وباستعراض تاريخ بطولات الدوري في كل دول العالم بما فيها انجلترا صاحبة أقدم بطولة دوري في العالم لم يتمكن أي فريق من الفوز بكل مبارياته في دور كامل في المسابقة علماً بأن الدور الكامل في بعض البطولات يشمل 19 مباراة بحكم أن عدد فرق الدوري في انجلترا مثلاً 20 نادياً.

وبجانب هذا الرقم العالمي فإن الأهلي حقق رقماً مصرياً جديداً وهو الفوز في 13 مباراة متتالية في الدوري في موسم واحد وكان الرقم السابق الفوز في 12 مباراة متتالية في موسم واحد وحققه الأهلي من قبل 3 مرات في مواسم 97/98 و2002/2003 ومرة ثالثة في موسم 89/90 الذي ألغي فيهما بعد بسبب كأس العالم 90 التي تأهل لها منتخبنا..كما حقق الأهلي رقماً قياسياً ثالثاً وهو الفوز في 17 مباراة متتالية في الدوري بصفة عامة وبدأ الأهلي هذه السلسلة منذ آخر خسارة له في الدوري في الموسم الماضي 2003/2004 امام الزمالك يوم 15 مايو 1/2 في الدور الثاني وبعدها حقق الأهلي 4 انتصارات متتالية في مبارياته الأخيرة للدوري علي المنصورة 3/صفر في الأسبوع 23 وعلي الترسانة 4/2 في الأسبوع 24 وعلي الكروم 6/1 في الأسبوع 25 وأخيراً علي أسوان 2/1 في الأسبوع .26

13 فوزاً

بعد هذه الانتصارات الأربعة حقق الأهلي الفوز في 13 مباراة متتالية في الدور الأول بأكمله هذا الموسم وبدأت بالفوز علي أسمنت السويس 3/صفر ثم الترسانة 2/صفر والمنصورة 1/صفر والاتحاد 3/2 والمصري 2/صفر والبلدية 1/صفر والزمالك 4/2 وأسمنت أسيوط 3/صفر وانبي 2/1 والجيش 1/صفر والحرس 2/1 والاسماعيلي 1/صفر وأخيراً المحلة 2/.1

هدافون بالجملة

كما سجل الأهلي رقماً قياسياً آخر وهو أن 15 لاعباً سجلوا أهدافه هذا الموسم في نصف الموسم وهم عماد متعب "7 أهداف في الدوري وهدفين في الكأس" وأسامة حسني "هدفين في الدوري" ومحمد أبو تريكة "3 أهداف" وعماد النحاس "4 أهداف" ومحمد شوقي "هدفين" وماكي "هدفين" وأحمد بلال "هدفين" وكل من خالد بيبو وكاستيللو وجيلبيرتو وأحمد حسن وحسن مصطفي ووائل جمعة ومحمد بركات وأخيراً محمود شيكو هدف واحداً.

الرقم القياسي

وما زال الرقم القياسي للهدافين في موسم كامل للأهلي وهو 19 لاعباً سجلوا أهداف الأهلي في موسم 2003/.2004

وفي موسم الأرقام القياسية للأهلي هذا العام اقترب الأهلي من رقم آخر وهو عدد الأهداف التي سجلها في تاريخه في الدوري والذي وصل الآن إلي 1975 هدفاً أي بفاصل 25 هدفاً فقط عن الهدف رقم 2000 في الدوري الذي ربما يصل اليه الأهلي هذا الموسم.

بيب بيب أهلييييييييييييييييييييييييييييييييييييي

[zamalkawy]

س س هرب ومردش ليه على ضربة الجزاء

[se_ Elsyed]

س س هرب ومردش ليه على ضربة الجزاء

والله العظيم أنا اعتقدت إن أي واحد من جمعية النور والامل شاف إنها صحيحة ..

واظن كلام كثير من النقاد والمحللين الرياضيين بيؤكد ذلك وأخرهم طه إسماعيل إمبارح في الكورة مع دريم اللي أكد إنها صحيحة 100 % ( ولا ده كمان بيقبض ؟)

والنهاردة في حلقة طويلة عريضة في كل الملاعب على دريم لجمال الغندور عشان موضوع ضربات الجزاء دي ( ولا ده كمان بيقبض من الاهلي ؟ ) شوف وإسمع هايقول إيه وإبقى تعالى قابلني .

بالمناسبة إنت بتشوف الحقيقة بكام عين .... قصدي يعني شوفت جمال حمزه أمبارح ولا كنت نايم ؟

هذا وقد خلعنا على جمال حمزه لقب " المشخصاتي " زي ما بلغت محبط وموديست بالأمس ngh:

[se_ Elsyed]

نسيتني يا اخي العنوان بتاع النهاردة ..

الاهلي قمر 14 ... 14 نادي في الدوري ....14 مباراة .....14 فوز صافي بدون شوائب .... 14 نقطة فارق بيننا وبين ثاني الدوري .....

بس خلاص ( وش شعبولا )

[se_ Elsyed]

أثارة ، متعة ، أهداف ، مزيداً من النقاط

ده كان إختصار لمبارة الأمس أمام الترسانة والتي إنتهت بثلاثية نظيفة مع الرأفة ووصل بها الاهلي إلى 45 نقطة ليزيد المهمة صعوبةً على نفسة وعلى الآخرين ويستمر في ضرب الرقم القياسي في عدد مرات الفوز .

[se_ Elsyed]

" أرحموا عزيز قومٍ ذل "

" الضرب في الميت حرام "

" الزمالك بقى حصالة يا رجالة "

ثلاثة عناوين مُقترحة لمباراة الأمس بين الزمالك وأسمنت أسيوط والتي فاز فيها أسمنت اسيوط 1-0 على الزمالك على ارضه وبين ناسه ليفقد سبع نقاط في 4 مباريات بتعادلة مع المصري ثم فوزة على البلدية ثم تعادلة مع المحلة ثم هزيمته من أسمنت أسيوط بالتخصص ..

والظاهر إن صحة الزمالك مابقتش تيجي على كار المقاولات زي ماقولنا قبل كده ونزود عليها الصعايدة كمان .... فلن أنسى فريق سكة حديد سوهاج الذي صعد لمدة موسم واحد ثم هبط ولكن أستطاع ان يُحرج الزمالك رايح جاي في الدوري وكاد ان يقصية في الكاس وسجل فيه 9 اهداف قبل أن يهبط إلى الظلمات جراء فعلته النكراء ..

في حاجة غلط يا زمالك والمفروض كان يحصل العكس ويؤدي الزمالك بمعننة وراحة بال ويُخرج كل لاعب ما عنده بعد أن تم حسم الدوري للأهلي من زمان ( أو كما قال الناقد الرياضي عبد الرحمن فهمي - الخليفة ركب الحصان والمولد إنفض -) ولكن حتى المباراة الماضية وبعد التعادل مع المحلة وأرتفاع الفارق إلى 14 نقطة كان كابرال وتابعه رمزي يُصِرون على إن الدوري مازال في الملعب ( قصدهم ملعب الأهلي طبعاً )

بأمانة ... ده هايبقى أبشع وأسخف دوري في الدوريات المدورة .

[egyptforever]

طبعا الزمالك لو كان كسب 1/0 بطلوع الروح

كان طلع الهتيفه يقولوا الزمالك الجديد و الزمالك الخطير و زمالك كابرال و زمالك الدور التاني

بس اهم ما في الموضوع

ان من شهر فات العزيز البحار الزملكاوي

كتب ان الزمالك كان فارق غن الاهلي 17 نقطه و ناقص للاهلي ماتش مؤجل

و نظرا لان اكبر فارق وصل بين الزمالك و الاهلي الموسم اللي فات كان 14 نقطه عند التساوي في عدد الماتشات

فان الاهلي رفض الا يضرب الرقم القياسي ( مع باقي الارقام المضروبه )

و يخليهم 17 نقطه في عين العدو

و ربنا يكون في عون الزملكاويه مرضى القلب والسكرو الضغط

المصيبه ان الفارق مرشح للزياده و خصوصا اذا عرفنا ان الزمالك مبارياته اللي جايه

انبي – حرس الحدود - الجيش – الاسماعيلي – الاهلي

اما الاهلي فمبارياته

المنصوره – الاتحاد – المصري – البلديه – الزمالك

يعني ممكن و من غير مقاطعه الاهلي يقابل الزمالك و هو مخلص الدوري ان شاء الله

علشان تبقى اخر الارقام القياسيه المضروبه

و الموضوع مش صعب

نقطتين من انبي و نقطتين من حرس الحدود يبقى المجموع 21 نقطه قبل 7 اسابيع من الدوري

و ربنا يكون في عون الزمالك و الزملكاويه

و يا فضيحتك يا مصر افريقيا و عربيا على ايد الفارس الاعرج قصدي الابيض

[R.M.G.]

والله العظيم انا امبارح زعلت جدا ع الزمالك

الواحد ياما سمع عن ناس ماتت بس دي أول مرة أشوف فريق مات فعلا الزمالك مات بكل معاني الكلمة لأن مافيش حد بيعيش من غير روح والزمالك بلا روح

المهم انه ماماتش موته طبيعية لأ ده مات مسموم حد سم الفريق وياترى من المجرم الذي فعل به هذا؟

دم الزمالك تفرق بين مرتضى منصور وكمال درويش والمندوه والسكري وأبو صره واللاعبين وكابرال ودراجوسلاف يعني م الآخر كل اللي في الزمالك ساهموا وعملوا بمنتهىالجديه على تدميره وقتله وقد كان

الميت التاني اللي زعلت اوي علشانه هو الدوري

فعلا مات

لا لزوم له

الأهلي في وادي والباقيين في وادي تاني

وأخشى ما أخشاه ان يصاب الأهلي بالملل من كثرة الفوز وانعدام المنافسه وإن كنت اتمنى هزيمة للأهلي حتى تتجدد روح المنافسه لدى باقي الفرق ويعرفوا انها كرة ولم يحدث ابدا في المجره اللي احنا فيها ان فعل أحد مثل ما يفعل الأهلي وماتفعله الفرق بنفسها أمامه فهي تدخل المباريات مذبوحة جاهزه والأهلي يدوب بيشفيهم بس

بجد هذا الدوري - مع كل الأحترام للأهلي - من أسوأ الدواري اللي شفتها في حياتي

هو مش جمع دوري دواري ولا إيه؟

[se_ Elsyed]

و يا فضيحتك يا مصر افريقيا و عربيا

إيه يا عم في إيه ؟

هو سعد زغلول إتغلب إمبارح ؟ rs: ;)

لكل جواد كبوة وإن شاء الله الزمالك يظبط نفسه الشهر ده حيث يُسمح بالإنتقالات وشراء الاعبيين بس يكونوا عندهم روح البطولة .. بس يسيب الإسماعيلي في حالة ، أحسن هو كمان مش ناقص بعد ما بوكير فلسع ... ( حد يسيب لاعب زي حسام حسن يا عالم ؟ )))) !!!! )

وهو الآن لديه عدة بطولات ممكن ان يحقق فيها نتائج طيبة في أفريقيا والبطولة العربية وكأس مصر ..

فوجود الإهلي والزمالك والإسماعيلي بصورة جيدة يُعطي شكل وملامح محددة للكرة المصرية ككل ، وأصلاً متعة كرة القدم في المنافسة ..فإيه فائدة إن فريق يبقى لوحده على القمة والباقي بيصارع الغرق تحت .. بالظبط زي أيام بدايات تايسون لما كان يدخل كل مبارة يكسبها في أول ثواني ... فعلى قدر فرحة الناس بهذا البطل الجديد إلا انه أفسد متعة اللُعبة عشان كده خلصوا عليه بدري بدري ...

أرجو ألا تكون هناك علاقة بين نتائج الفريق في الدوري وبين الإنتخابات التي ستُجرى بعد شهرين .. وألا يصطاد مرتضى منصور وشلته في الماء العِكر فلا يوجد فريق في العالم كله منذ نشاة الرياضة لا ينهزم ولا يُجدد دماءه .. وهي دي برضوا متعة كرة القدم ...

وعلى رأي الشاعر الكبير أحمد عدوية عندما قال مقولته الخالده " حبة فوق وحبه تحت "

[se_ Elsyed]

الأهلي دخل التاريخ والمنصورة كادت ان تخرجه

دخل النادي الأهلي التاريخ من أوسع الأبواب بعد ان حقق فوزه السادس عشر على التوالي في الدوري المصري .

وبهذه النتيجة اصبح الأهلي يعادل الرقم العالمي المسجل بأسم فريق رينجرز الأسكتلندي منذ 47 سنة وبهذا الفوز يواصل الأهلي مسلسل الفوز المستمر بعد ان فاز بهدف أبو تريكة الذي سجله بعد ان أضاع لاعبي الأهلي كمية كبيرة من الأهداف الضائعة .

نقول إيه ونعيد إيه عن الاهلي رينجرز يا رجالة ..... مبروك يا ولاد