الهجوم و التهجم على عبدالناصر

[coco®]

السلام عليكم ورحمه الله وبركاتة

انا بصراحة شايف هجوم من كل الافرد تقريبا في كل المنتديات وفي اثناء الكلام عن اي موضوع يخص مشاكل مصر سواء كانت داخلية زي المعتقلات او خارجية زي الحروب الاقي كل واحد عمال يشتم في عبد الناصر وايام عبد الناصر عمل ايه الراجل عشان كل دة اكيد كتير مننا شافو جنازه الريس جمال عبد الناصر اكيد حد شاف ابوه او امه او جده بيكون عامل ازاي لما تيجي سيرت الرئيس جمال عبد الناصر اكيد بيدمع او بيقول الله يرحمك الوحيد اللي كان بيحاول يعمل للمصري و للعربي كرامه ايوة هو الوحيد والضريبه هي الحروب اللي دخلتها مصر عشان الريس كان بيقول لا لا قال لا البنك الي رفض يسلفنا عشان السد قال لا لما قالولو الانجليز و الفرنسوين والملاعين الصاهاينة مش هيسبوك في حالك كان بيعرف يقول لا عمال حاجات غلط لانه مش نبي ولان حواليه ناس كانت ناقصة عقل و معندهاش اخلاء علي فكره انا من اشد المعارضين للثوره مش لمبادئ الثورة لان الله عملو الثوره مطبقوش مبادئ الثورة بالعكس نهبو البلد وافترو علي البشواتاللي هما ماكانوش زي التليفزيون العقيم بتاعنا بيصورهم وخلو الناس كلها تخرج بالفلوس بره طرد لرئوس الاموال يعني كلمه لا حلوه اوي لما تقولها وانت مقتنع بيها الشعب بتاعنا طيب اه لكن مش اهبل ولا عبيط بيقدر يميز بين اللي بيضحك عليه وبيستهبله ويمص دمه واللي ممكن يكون مش مديله كل حقوقه بس عايش عنده كرامه (( ارفع رأسك يا أخي )) الي كانو مع عبد الناصر هما سبب البلاوي كلها والدليل النكسه عبد الناصر ما كانش علي الجبهة المشير او المشين وي ما انا باسميه هو السبب هو وراقصاته ونزواته الحقيره وبعدين كلنا دلوقتي بنقول الوحده الاقتصاديه العربيه و ان احنا نتكافل مع بعض طب ما ده اللي حاول عبد الناصر يعملو الفرق بينا ةبين اوروبا ان اوروبا ما ينفعش يعملو وحدة سياسيه يعني دوله واحده وده لاختلاف اللغات والديانات والمعتقدات والعادات والتقاليد بين كل دوا اوروبا لكن احنا لا احنا الدين واحد الاسلام لمعظم الدول العربيه وحتي الديانه المسيحيه او اليهوديه اللقليله في الوطن العربي برضه متاثرين بالثقافه العربيه ودي شيء طبيعي لانهم مننا عرب زيهم زينا يعني احنا اقرب ان احنا نعمل وحده سياسيه كامله وبعدين اقتصاديه زي ما حصل في الاندلس مع الاختلاف طبعا و ساعتها هيكون لينا رأي وصوت واي دوله قبل ما تفكر تضرب قطر من الاقطار العربيه هتفكر 900000 مليون مره لان في وحده ناس واقفه جنب بعض بتحب بعض اللغه واحده والقلب واحد مش كل واحد في وادي وكله بيشتم في كله حتي علي مستوي الشباب خلونا كاننا في حرب ومحو الهويه العربيه ودي المصيبه الكبيره والاكبر منها محو الانتماء العربي خلو الشباب عندها انتماء غربي بحت والدليل الاغاني ومستواها اللي كلنا عارفينو وانا مش بصدده دلوقتي ومستوي الافلام وده برضو كلنا عارفينو الا كام فيلك كده بيكونو فلته الخلاصه اللي انا عايز اقولها الرئيس الراحل الباقي جمال عبد الناصر ماكنش وحش كده و ماكنش عصره وحش كده حواليه ناس وحشه ايوه غلط في حاجات وده كمان ممكن لكن كان رئيس مصر و العرب (رحم الله الرئيس))

السلام عليكو ورحمه الله وبركاته

[عوف]

رائع ممتاز

[amir]

(رحم الله الرئيس))

و رحمنا احنا كمان

[شيكو المصري]

و مين اللي عين المشير ؟؟؟

و مين اللي عزل محمد نجيب و حدد اقامتة ؟؟؟

مين اللي نكسنا في 67؟؟؟؟

مين اللي حبس و عذب و قتل اهل القرآن في السجون ؟؟؟؟؟؟؟؟

مين اللي ساب الشيوعية و الشتراكية تدمر و تنهب في البلد ؟؟؟

و افضل قول مين للصبح ....

[masr_watany]

مين اللي حبس و عذب و قتل اهل القرآن في السجون ؟؟؟؟؟؟؟؟

مش دول برضة الي كانوا عايزين يفجروا القناطر الخيرية f((:

[Seafood]

مين اللي حبس و عذب و قتل اهل القرآن في السجون ؟؟؟؟؟؟؟؟

مش دول برضة الي كانوا عايزين يفجروا القناطر الخيرية f((:

عايزين ..

هوّ خلاص أصبح شيئ مشروع أن نحبس الناس ونعذبهم , لأنهم عايزين ... ولو مش عايزين , يبقى ندبر لهم حادث ونسميه " حادث المنشية " ..

هو مش الموضوع دا برضه مكانه في قسم ثورة يوليو ؟

[شيكو المصري]

مش دول برضة الي كانوا عايزين يفجروا القناطر الخيرية

بما ان انت مصدق الكلام دة ........ فيجب عليك ان تصدق اننا غزونا اسرائيل في حرب 67 و ابدنا جيشها عن بكرة ابية و اسقطنا طائراتها و هي في مطاراتها و الريس بتاعنا طلع قلبة كبير و ما رضاش يخش تل ابيب

يا اخي هل يعقل ان يريد احد اغراق بلدة و بها اهلة و اصدقاءة و من كان سيستفيد و بأي شيئ سيستفيد ؟؟؟؟؟

لعلمك عبد الناصر و مباحث امن الدولة في عهود الذين تلوة هم المفرخ الرئيسي للارهاب و فكر التكفير......

[masr_watany]

مش دول برضة الي كانوا عايزين يفجروا القناطر الخيرية

بما ان انت مصدق الكلام دة ........ فيجب عليك ان تصدق اننا غزونا اسرائيل في حرب 67 و ابدنا جيشها عن بكرة ابية و اسقطنا طائراتها و هي في مطاراتها و الريس بتاعنا طلع قلبة كبير و ما رضاش يخش تل ابيب

يا اخي هل يعقل ان يريد احد اغراق بلدة و بها اهلة و اصدقاءة و من كان سيستفيد و بأي شيئ سيستفيد ؟؟؟؟؟

لعلمك عبد الناصر و مباحث امن الدولة في عهود الذين تلوة هم المفرخ الرئيسي للارهاب و فكر التكفير......

انا بحب الأنسان الذي يختلف مع الأخر و يذكر محاسنة و يعترف بها ايضا

وبحب الأنسان الذي مهما كان مؤيدا ان يعترف باخطاء من ايدة

نعم سجون عصر الثورة هي من فرخت الأرهاب الذي عاشتة مصر في فترات لاحقة من تاريخها و لكن تلك ليست كل الحقيقة

و اذا اردت ان نتحدث سويا يا صديقي شيكو فلنتحدث بالوثائق

التاريخية لعلنا نصل الي نقاط اتفاق (اعتقد انها كثيرة ) فنكبرها

و نحدد و نقزم نقط اختلافنا

ارق التحيات

[ASD ALLAH]

فى رأيى أن الهجوم على عبد الناصر بعد أن رحل الرجل منذ أكثر من ثلث قرن هو هروب وأفلاس ومحاولة للمصادرة على المستقبل000 هو هروب من مواجهة واقع فاسد ومهين تجاوزت جرائمه ماارتكبه عبد الناصر وموسيلنى وهتلروصدام حسين والقذافى وبورقيبة وغيرهم من الطغاة مجتمعين واصبحت مواجهة هذا الواقع والتصدى له فرض عين على كل من يهاجم عبد الناصر والإ صار كما يقول السيد المسيح عليه السلام يرى القشة فى عين أخيه ولايرى الخشبة فى عينه هو000 وهو إفلاس لأن أى تقييم موضوعى لايمكن أن يحدث على طريقة المقاصة نقايض الأخطاء بالإيجابيات والمنجزات فيصبح الرصيد صفرا أن لم يصبح مدينا كما يردد دائما جرحى الثورة0000 اما كونه محاولة لمصادرة المستقبل فأن يقينى أن هذا التهجم هو محاولة لمنع تكرار التجربة فى المستقبل أكبر من كونه محاولة لهدم تجربة مضبت وأصبحت فى ذمة التاريخ 0 bngn::

[ragab2]

هتلر

بنى ألمانيا الصناعية وبعث الشخصية الألمانية

وانتحر بعد الهزيمة

موسولينى

بنى إيطاليا الحديثة والقوية

وتم سحله فى الشوارع بعد أول هزيمة

نابليون

الذى صنع من فرنسا امبراطورية عظمى

وشرفها بانتصاراته

تم سجنه ونفيه بعد أول هزيمه

فما بالنا

من هزم فى أكثر من معركة هزيمة منكرة ومكررة

[ahli2004]

يا سيد اسد الله اسمح لي ان اختلف معك في هذه النقطه

فمهاجمه هذا الناصر ليس معناها مصادره المستقبل بل هي محاوله بسيطه لتوضيح ان ليست كل كلمه براقه نعدو خلفها

ان قصه عبد الناصر مع مصر من الممكن ان نلخصها في كلمه بسيطه جدا كما قال الفيلم الشهير " باطل " ان ما حدث في الفتره ما بين العام 1954 و حتى 1970 لهو السبب الرئيسي لما يحدث ف ك ي مصر الان و لمده عشرات السنوات المقبله و اكاد اجزم انه لولا هذا الناصر لتغير شكل المنطقه العربيه من المحيط الى الخليج . يا سيدي الكريم ان توضيح حقيقه عبد الناصر لهو الطريق الوحيد لمعالجه المصريين من امراض الزعامه و التأليه يا سيدي الفاضل ان مصر في بضع سنوات من عهد هذا الناصر تحولت الى معتقل كبير اسوق اليك كلمه واحد من اشرف رجال مصر و هو الكاتب فهمي هويدي عندما قال " ان ما حدث في الفره ما بين 1960 و حتى 1967 ليندي جبين مصر خجلا " مصر كلها يندى جبينها مما فعله هذا الناصر . ساذكر لك بعض الحقائق عن الناصريه و ارجو ان تعمل العقل فيها و لا تهتم بكونها من مصدر امريكي و لا تسير وراء من يجد في مصدرها الامريكي فرصه لتدميرها بحجه ان الامريكان يحاربون عبد الناصر و لكن اعمل عقلك في هذه الاثباتات و اسأل نفسك هل اليهودي كان سيكون اكثر خدمه لاسرائيل من هذا الناصر ؟؟

1- حرب السويس 1956 ( العدوان الثلاثي ) :

يقول ابراهيم بغدادي في احدى كتبه " و جاء الينا الملحق العسكري المصري في تركيا و اوضح لنا انه حصل على معلومات تصنف بانها غايه في السريه و من مصدر موثوق في حلف الاطلسي تؤكد ان انجلترا و فرنسا يعدان العده لضرب مصر بمساعده اسرائيل في اكتوبر 1956 " و قام هذا الملحق و اعتقد ان اسمه ثروت عكاشه او شئ من هذا القبيل و طلب زياره خاصه لمقابله هذا الناصر لاطلاعه على هذه المعلومات و طبعا

مقابله الملائكه اسهل من مقابله هذا الناصر و لم يستطع مقابلته و ترك هذه المعلومات في مكتب الرئيس و بعد عودته الى تركيا تلقى خطاب تعنيف من القوات المسلحه و لفتت نظره الى انه لم يوجد احد غيره ارسل مثل هذه المعلومات " كان لازم يحصل تعميم على سفارات مصر بالمعلومات علشان تبقى صح "

2- في عام 1956 قامت اسرائيل بشن حرب على القوات المصريه في سيناء و بعد 48 ساعه تدخلت القوات الانجليزيه و الفرنسيه السؤال الذي يعجز عنه الى الان هتيفه الناصريه لماذا لم يقوم الطيران المصري بضرب القوات الاسرائيليه الغازيه ؟؟؟ لماذا لم يقوم الطيران المصري بضرب اهداف في يافا و حيفا و تل ابيب ؟؟؟ هل من الممكن للجيش المصري في عام 1956 و اسرائيل لم تكن ذلك الوحش المخيف الا يستطيع مهاجمه جيش اسرائيل بطلعه طيران واحده ؟؟؟؟ تخيل معي ماذا كان سيحدث لو كانت القياده المصريه قد قامت بضرب اهداف في داخل اسرائيل نفسها ؟؟؟؟ تخيل معي اذا كان في عام 1956 كانت مصر قد غيرت الاستراتيجيه العسكريه الاسرائيليه بنقل الحرب الى اراضي الغير ؟؟؟ تخيل معي ماذا كان سيكون الموقف في تلك الحاله ؟؟؟ تخيل معي و اسأل نفسك ما هو السبب المباشر في عدم اقدام هذا الناصر على ذلك ؟؟؟؟

3- في نهايه 1955 تم الاتفاق بين مصر و سوريا و الاردن ان توضع القياده العسكريه للجيوش الثلاثه تحت امره القائد الاعلى للقوات المسلحه المصريه و تم وضع ضباط ارتباط مصريين في هذه الدول المهم جاءت حرب 1956 و كانت اسرائيل في اول 48 ساعه تحارب على الجبهه المصريه و تهزم على يد جنودنا البواسل بدون هذا الناصر و حركته الميمونه بعد ان هربوا الى خط الدفاع التاني غرب الدلتا المهم الم يكن في مقدور مصر ان تحرك الجيوش الاردنيه و السوريه لمهاجمه اسرائيل من الشرق و الشمال الم يكن من الممكن للجيش السوري ان يجتاح اسرائيل من مواقعه المرتفعه على هضبه الجولان فلماذا لم يفعل بل على العكس اصدر اوامره للضباط المصريين بمنع الجيوش السوريه و الاردنيه من المشاركه في الحرب فلم يجد الضباط السوريين الا انابيب التابلاين لينفسوا عن غضبهم و ليقطعوا شريان البترول عن اوروبا و ليرتفع سعر البترول الامريكي الى عنان السماء فهل كل ما يستطيع فعله الجيش السوري هو تدمير انابيب التابلاين ؟؟؟؟

و للحديث بقيه لمطارده خفافيش الناصريه

[coco®]

و مين اللي عين المشير ؟؟؟

و مين اللي عزل محمد نجيب و حدد اقامتة ؟؟؟

مين اللي نكسنا في 67؟؟؟؟

مين اللي حبس و عذب و قتل اهل القرآن في السجون ؟؟؟؟؟؟؟؟

مين اللي ساب الشيوعية و الشتراكية تدمر و تنهب في البلد ؟؟؟

و افضل قول مين للصبح ....

مجلس قياده الثوره

[yasovinas]

و مين اللي عين المشير ؟؟؟

و مين اللي عزل محمد نجيب و حدد اقامتة ؟؟؟

مين اللي نكسنا في 67؟؟؟؟

مين اللي حبس و عذب و قتل اهل القرآن في السجون ؟؟؟؟؟؟؟؟

مين اللي ساب الشيوعية و الشتراكية تدمر و تنهب في البلد ؟؟؟

و افضل قول مين للصبح ....

مجلس قياده الثوره

مجلس قيادة الثورة

ها هاها هي هي هي هوهوهو يااااههه قلبي هيوقف ;) :) mc: bngn:: :rolleyes:

ضحكتني وانا مش مستعد يا اخي :blink: rs:

والله انت راجل عسل :D :D

طيب وايه رايك ان اللي خرب اقتصاد مصر مجلس الشعب اللي هو بيمثل الشعب يعني احنا اللي انتخبناه يبقى احنا السبب ونستاهل اللي بيحصل فينا

واحنا اللي انتخبنا السادات وبعده الريس وقلنا له بكل حرية نعم للتجديد مدى الحياه

الاخ جاي من كوكب تاني

[mostaa]

خبر:

في‏29‏ أكتوبر يهدي الرئيس "ت‏.‏م‏.‏مبيكي" رئيس جنوب افريقيا أرفع وسام ذهبي لأسم الزعيم جمال عبد الناصر تقديرا لدوره‏,‏ ويتم التكريم في احتفال مهيب يحضره "نيلسون مانديلا" ولفيف من زعماء القارة السوداء‏,‏ الذين تعاصروا في مرحلة جمال عبد الناصر‏.‏

كما أشرت سابقا.. هذا الخبر أفرحنى، وأدخل السرور إلى نفسى فى زمن عزّت فيه أسباب الفرح، والسرور..

الخبر أفرحنى، وأسرّنى...

أولا لكونى مصريّا..

وثانيا لكونى ناصرّيا..

وأيضا وكما اقترحت سابقا، يجب على كل من السادة الأعضاء، والسيّدات العضوّات أن يشعروا بنفس الفرح، وبنفس السرور... على الأقل كمصريّين..

وللموضوع بقيّة إن شاء الله...

تم تعديل 19 أكتوبر 2004 بواسطة mostaa

[ragab2]

حرام عليكو عبد الناصر

...............

ومش حرام هزيمة بلد وأمة سبعة آلاف سنة حضارة

من عصابات لم يمضى على انشاء دويلتها عشرون عاما فى ذلك الوقت

بسبب

تهريجه هو ومشيره

[Mohammad Abouzied]

فى رأيى أن الهجوم على عبد الناصر بعد أن رحل الرجل منذ أكثر من ثلث قرن هو هروب وأفلاس ومحاولة للمصادرة على المستقبل000 هو هروب من مواجهة واقع فاسد ومهين تجاوزت جرائمه ماارتكبه عبد الناصر وموسيلنى وهتلروصدام حسين والقذافى وبورقيبة وغيرهم من الطغاة مجتمعين  واصبحت مواجهة هذا الواقع والتصدى له فرض عين على كل من يهاجم عبد الناصر والإ صار كما يقول السيد المسيح عليه السلام يرى القشة فى عين أخيه ولايرى الخشبة فى عينه هو000 وهو إفلاس لأن أى تقييم موضوعى لايمكن أن يحدث على طريقة المقاصة نقايض الأخطاء بالإيجابيات والمنجزات فيصبح الرصيد صفرا أن لم يصبح مدينا كما يردد دائما جرحى الثورة0000  اما كونه محاولة لمصادرة المستقبل فأن يقينى أن هذا التهجم هو محاولة لمنع تكرار التجربة فى المستقبل أكبر من كونه محاولة لهدم تجربة مضبت وأصبحت فى ذمة التاريخ 0 :rolleyes:

هو ذكر عبد الناصر دائما كان بسبب عدم قدرتنا على ازالة المصايب الي خلفها لنا واصعبها هو الاحتلال الجاسم لاسرائيل للأراضي العربية

وأبسطها الافكار الهدامة المعششة في نفوس شبابنا ومأثره عليهم فعلا

وبينهما القوانين الاشتراكية وخمسين في المائة عمال وفلاحين في مجلس الشعب واسلوب انتخاب هذا المجلس والقوانين الدكتاورية التي تضع كل السلطات في يد رئيس الجمهورية

ها تقول غيروها

ايدي على كتفك ازاي نغيرها طالما فيه مستفيدين منها ومستعدين يضحوا بحياتهم دفاعا عن هذه القوانين لمصلحتهم الشخصية وباقي المهللين والمطبلين لهذه القوانين من هذه الفئة المستفيدة

او عايش في الدور ومصدق نفسه ان جمال عبد الناصر فعلا كان زعيم ومحافظ على كرامة الامة العربية

[mostaa]

جاء فى مقال ل "أحمد الجمال" فى الأهرام "القوميّة" عدد 17/10/2004 بعنوان:

مصر تضيء في جنوب افريقيا‏..‏الرصيـــد الذهبــي لن يتبــدد

"نهاية هذا الشهر الذي هو أكتوبر‏2004‏ يعلو أسم مصر ويضيء هناك‏,‏ عند آخر نقطة في عمق جنوب القارة الافريقية‏،‏ حيث يتم تكريم آخر نقطة في عمق شمالها تمجيدا وتعظيما‏,‏ وأملا في إحياء الخيط الذي أمتد من القاهرة إلي معظم قارتها‏،‏ ذات مرحلة من مراحل تاريخ الانسانية‏,‏ فكان الخيط ضفيرة متينة تكامل فيها العطاء الانساني‏،‏ عطاء الحرية والتحرر والتنمية والانطلاق نحو آفاق غير محدودة‏،‏ عبر طريق ثالث نجح حتي ولو بشرف الريادة والمحاولة في الاستجابة للتحدي‏!‏

في‏29‏ أكتوبر يهدي الرئيس ت‏.‏م‏.‏مبيكي رئيس جنوب افريقيا أرفع وسام ذهبي لأسم الزعيم جمال عبد الناصر تقديرا لدوره‏،‏ ويتم التكريم في احتفال مهيب يحضره المناضل العتيد نيلسون مانديلا ولفيف من زعماء القارة السوداء‏، الذين تعاصروا في مرحلة جمال عبد الناصر..‏.‏"

"ومن أسف أنه جاءت مرحلة تبدد فيها هذا الرصيد الذهبي المصري في القارة الافريقية‏,‏ أو كاد يتبدد‏، وانفتح المجال فسيحا أمام أصابع أخري تمكنت من أن تنفذ بعد أن تفككت ضفيرة الخيط الذي أشرنا إليه‏،‏ وصار سهلا نفاذ الأصابع بين خيوطه‏..."

"انه رصيد يجب ألا ننساه أو نهمله‏,‏ ويستمر تبديده أو تسفيهه‏,‏ بينما يعلو أسم مصر شامخا ومسطورا بحروف من نور‏،‏ هناك في جنوب القارة عند قوم يحفظون الجميل‏,‏ ويفهمون التاريخ ويدركون المستقبل‏،‏ فوجدناهم يحتفون بمن ضفر الخيط‏،‏ ووصله من الشمال إلي الجنوب‏،‏ وكان اسمه جمال عبد الناصر حسين‏."‏

‏

وللموضوع بقية إن شاء الله...

[ragab2]

اقتباس

في‏29‏ أكتوبر يهدي الرئيس ت‏.‏م‏.‏مبيكي رئيس جنوب افريقيا أرفع وسام ذهبي لأسم الزعيم جمال عبد الناصر تقديرا لدوره‏،‏ ويتم التكريم في احتفال مهيب يحضره المناضل العتيد نيلسون مانديلا ولفيف من زعماء القارة السوداء‏، الذين تعاصروا في مرحلة جمال عبد الناصر..‏.‏"

................

أدواره كلها لعبها خارج مصر

لكسب زعامة شخصية

وحب الظهور

وبأموال مصر

ولكن

دوره داخل مصر كان صفر الهزائم

[ahli2004]

الاخ الفاضل رجب

لا تصدقن الاشاعات ان الجندي المصري هزم في اي معركه على يد الجندي الاسرائيلي

ان ما حدث في عامي 1956 و 1967 هو عباره عن مجزره مرتبه بين هذا الناصر و اسياده الامريكان يا سيدي الفاضل لو استمرت اسرائيل تحاول هزيمه مصر 10 سنوات في معركتي السويس و سيناء 1967 ما كان لتحدث الهزيمه لولا ان رئيسنا كان الملهم عبد الناصر يا اخ رجب هل تصدق ان الجيش المصري اجبر الصهاينه على التوقف عند خط الممرات في عام 1956 و لمده 24 ساعه لم يستطع الجيش الاسرائيلي ان يقتحك الخطوط المصريه و على حد قول موشيه ديان " و انتظرنا المعجزه " و بالفعل جاءته المعجزه و لكن ليس من اسرائيل او امريكا او انجلترا او فرنسا بل من الملهم الاوحد حبيب الملايين و امر الجيش بالانسحاب كل على مسئوليته ؟؟؟؟

يا سيدي الفاضل هل تصدق ان هناك في التاريخ العسكري كله قائد للطيران ضربت طائراته على الارض قبل ان تقوم بطلعه طيران واحده - توحد ربها - و مع ذلك يستمر قائدا للطيران لمده 11 عاما اخرى لتتكرر المهزله مره اخرى و تضرب طائراته على الارض . نعم صدق فهذا هو قائد الطيران المصري في حرب 1956 و هو نفس القائد الذي جعله الملهم كبش الفداء في عام 1967 كل هذا و نريد ان نصدق ان عبد الناصر كان وطنيا .

يا سيدي الفاضل هذا الناصر في عهده تم و لاول مره في التاريخ العسكري المصري اعدام ظباط مصريين و بتهمه غير الخيانه العظمى . ان عهد هذا الناصر هو السبب في كل ما نحن فيه من ظلم و مهانه فاي شعب تريد ان يكون بعد ان قام هذا ******** بتحطيم اراده الشعب و كرامته و نخوته و رجولته على يد زبانيه الموت الذي ملكها زمام مصر فعاثت في الارض فسادا و هتكت الستر و العرض ؟؟؟؟ اي شعب نريد و هذا الظالم سجن الشعب المصري و جعله يعيش كما العصور الوسطى اسياد و عبيد ؟؟؟

يا سيد رجب ان اول علاج لمشاكلنا كمصريين هو اعتبار الحقبه الناصريه هي حقبه محاكم التفتيش المصريه لنقوم بتدريسها بالمدارس على اساس انها اسؤا فتره مرت بها مصر حتى في عهد الرومان و الاستعمار

........

تم

حذف كلمة من المداخلة

نستأذنكم يا أخ أهلى فى حذف هذه الكلمة

حتى لا نخرج عن النقد البناء

تحياتى

تم تعديل 20 أكتوبر 2004 بواسطة ragab2

[ahli2004]

عذرا الاخ رجب

المراره كانت اقوى مني

استغرك اللهم و اتوب اليك

شكرا على الحذف