اسعار السكن في الرياض ...قرب شارع الضباب

[حسام الغرباوي]

السلام عليكم ورحمة الله وبركاتة

ان شاء الله خلال 10 او 15 يوم اكون بالسعودية ...انتا منتظر فقط قبول التأشيرة

كنت عايز استفسر من المقيمين في الرياض عن اسعار الشقق في اقرب حي رخيص يكون قرب شارع الضباب

يعني باذن الله الشغل احتمال كبير جدا يكون في شارع الضباب ...عايز اقرب منقطة فيها شقق رخيصة تكون اوضة وحدة وصالة لاني فرد واحد ان شاء الله و ممكن واحد صحبي يسيب السكن العذابي ويجي معايا

[se_ Elsyed]

في المنطقة دي صعب تلاقي سكن عُزاب .... ودي أساساً منطقة غالية ومش هاتلاقي حاجه أقل من 25 ألف ريال في السنة ...لكن حاول كده تدور في حي المربع وحي الوزارات .. بس ما تدخلش جوه في الوزارات عشان دي منطقة الهنود وهما لهم حياة خاصة يعني ممكن يعيشوا 50 في غرفة واحده ... لف في المناطق دي وهاتلاقي مكاتب عقار كتيرة جداً وبإذن الله ربنا يوفقك

[حسام الغرباوي]

في المنطقة دي صعب تلاقي سكن عُزاب .... ودي أساساً منطقة غالية ومش هاتلاقي حاجه أقل من 25 ألف ريال في السنة ...لكن حاول كده تدور في حي المربع وحي الوزارات .. بس ما تدخلش جوه في الوزارات عشان دي منطقة الهنود وهما لهم حياة خاصة يعني ممكن يعيشوا 50 في غرفة واحده ... لف في المناطق دي وهاتلاقي مكاتب عقار كتيرة جداً وبإذن الله ربنا يوفقك

انا فعلا كنت قاعد مع واحد قللي علي حي المربع دا بس عايز اعرف سعر الغرفة كام مثلا وسعر الشقة لو اوضة وصالة كام ؟

وهل حي المربع دا بعيد اوي عن شارع الضباب يعني متوفر نقل عام مثلا من الحي لشارع الضباب ولا لأ

[se_ Elsyed]

شارع الضباب يمر من حي المربع في الطريق إلى منطقة البطحاء

ما عنديش فكرة عن الاسعار لأنها بتختلف حسب حالة المبنى وموقعه .. وبالتالي لازم تنزل وتسأل في مكاتب العقارات وتتفرج بنفسك