متى تواجه؟...متى تلمح؟ ... متى تتجاهل؟ و متى تصمت و تحتسب؟

[عبير يونس]

هناك الكثير من المواقف تواجهنا في حياتنا

بعضها لابد أن نتجاهله

و البعض لا يمكن تجنبه

و البعض يستدعي المواجهة

و أحيانا نلجأ لرسائل مخفية أو كلام غير مباشر با يسمى التلميح

و بعضها لابد أن يكون الرد بالصمت و الاحتساب

و بالطبع ردود أفعالنا لا تتشابه

و ذلك بسبب أن وجهات نظرنا متباينة

فما يستدعي المواجهة بالنسبة لي

قد يعتبره البعض لا يستدعي ذلك

و أيضا ما أراه يستدعي الصمت

يراه غيري يستحق المواجهة

و هكذا

متى تواجه ؟

متى تلمح؟

متى تتجاهل؟

ومتى تصمت و تحتسب؟

انتظر حضراتكم

[عماد حمدي]

متى تواجه ؟

متى تلمح؟

متى تتجاهل؟

ومتى تصمت و تحتسب؟

انتظر حضراتكم

أواجه ..

لما يكون معايا الحق ، أواجه بقلب جامد و لما أكون شايف أن الظروف اللي حوليا تسمح فعلاً إني أواجه .

لان ساعات المواجهة بيكون فيها خسائر ..

و لو عملت مقارنة ما بين اللي هخسرة و الشيء اللي بواجه علشانه و لقيت أني هخسر أكتر ما هكسب ..

في الحالة دي بصمت و أحتسب زي ما بتقولي ..

ألمح ..

غالباً في المواقف اللي بيكون فيها إحراج من الكلام المباشر ..

بكتفي بالتلميح أو الإشارة بطريقة غير مباشرة ..

و اللي قدامي يفهم أنا أقصد اقول إية أو عايز إية ..

لأنه من المقربين ليا فأكيد عارف عماد كويس ، و عارف طريقته و أسلوبه ..

مينفعش طبعاً أستخدم الطريقة دي مع ناس تانية ..

لاني مهما لمحت ففيه منهم اللي هيفهم و دا نادر و فيه منهم اللي مهما ألمح يعمل نفسه جاي من ليبيا

أتجاهل ..

لما أحس ان اللي قدامي ميستاهلش .. صمتي لا يعني جهلي بما يدور من حولي ..

ولكن ما يدور حولي لا يستحق كلامي ..

فيه بعض المواقف بتكون صغيرة أوي ، فبحس أنها عيبة لما أتكلم في حاجة زي كدة ..

فبطنش أو بالأحري بتجاهل ..

لأني هقلل من نفسي لما أتكلم أو حتى يطلع مني أي رد فعل غير الصمت و التجاهل ..

[م تيمور المراغي]

ولا اي حاجه من كل ده ,,

الي عاوزني يجيني يجيني

انا ما بروحش لحد بلا خوته :happy:

وزي ما ترسي ترسي

[عبير يونس]

متى تواجه ؟

متى تلمح؟

متى تتجاهل؟

ومتى تصمت و تحتسب؟

انتظر حضراتكم

أواجه ..

لما يكون معايا الحق ، أواجه بقلب جامد و لما أكون شايف أن الظروف اللي حوليا تسمح فعلاً إني أواجه .

لان ساعات المواجهة بيكون فيها خسائر ..

و لو عملت مقارنة ما بين اللي هخسرة و الشيء اللي بواجه علشانه و لقيت أني هخسر أكتر ما هكسب ..

في الحالة دي بصمت و أحتسب زي ما بتقولي ..

ألمح ..

غالباً في المواقف اللي بيكون فيها إحراج من الكلام المباشر ..

بكتفي بالتلميح أو الإشارة بطريقة غير مباشرة ..

و اللي قدامي يفهم أنا أقصد اقول إية أو عايز إية ..

لأنه من المقربين ليا فأكيد عارف عماد كويس ، و عارف طريقته و أسلوبه ..

مينفعش طبعاً أستخدم الطريقة دي مع ناس تانية ..

لاني مهما لمحت ففيه منهم اللي هيفهم و دا نادر و فيه منهم اللي مهما ألمح يعمل نفسه جاي من ليبيا

أتجاهل ..

لما أحس ان اللي قدامي ميستاهلش .. صمتي لا يعني جهلي بما يدور من حولي ..

ولكن ما يدور حولي لا يستحق كلامي ..

فيه بعض المواقف بتكون صغيرة أوي ، فبحس أنها عيبة لما أتكلم في حاجة زي كدة ..

فبطنش أو بالأحري بتجاهل ..

لأني هقلل من نفسي لما أتكلم أو حتى يطلع مني أي رد فعل غير الصمت و التجاهل ..

يعني الصمت و الاحتساب يأتي مع عدم القدرة على المواجهة؟؟

هو ده فكر ناس كتير على فكرة

بتعتبر إن صمتك لأنك مش قادر تواجه

أو معندكش رد

و تلاقيهم يقولوا

طبعا سكت و مقدرش يرد

أحيانا بابقى قادرة ع المواجهة و اوي

و برضه باختار الصمت و الاحتساب

تفتكر ده لو عملته معاك مثلا حتعتبرني ضعيفة ؟؟؟

طبعا أقصد مجازا يعني

يعني لو شديت معاك مثلا ( مش لازم أنا تحديدا يعني)

و كان عندي اللي أفحمك بيه كويس

و اخترت الصمت

بصدق

ايه اول حاجة حتخطر على بالك ؟؟

هل حيدور في دماغك

ان في شخص ممكن يكون معاه ما يفحمك و يختار يسكت؟؟؟

جاوب بصدق

[عبير يونس]

ولا اي حاجه من كل ده ,,

الي عاوزني يجيني يجيني

انا ما بروحش لحد بلا خوته :happy:

وزي ما ترسي ترسي

و الله أحسن حاجة

و أحيانا كتير بأوصل للمرحلة دي لما بيفيض بيا

بأرمي كله ورا ظهري

تحية لردك اللي كتير بيكون علاج رائع

لما تفضل تدادي في كل اللي حواليك وشاري خاطر الكل و محدش بيقدرك

بل على العكس كمان بيشوطوا فيك :blink:

و تلاقي نفسك بتتعاقب كمان على خوفك عليهم :protest:

يللاااااااااااااااا بلا خوتة (وش فؤاد المهندس)

خد دي يا تيمور

[abobakr]

انا بقى هاخش في الموضوع على طول

انا أواجه لما بيكون معايا الحق جداا وشايف ان مينفعش اني اسكت وبمواجهتي هايحصل فرق يعني اشيل ظلم عن حد او ارجع حق لاصحابه

أواجه لما احب اصفي الأمور بيني وبين حد وفيه كلام اتقال وكلام اتعاد

أواجه لما احس ان اللي قدامي بيستخف بعقلي اقوله لالا كده أستوب

كفاية مواجهة وندخل على اللي بعده

ألمح

لما يكون الموضوع محرج ليا او للطرف الاخر

يندرج كل ده بقى الحفاظ على مشاعر اللي قدامي والحفاظ على كرامته

أتجاهل

لما الاقي اللي قدامي بيلف ويدور

تيجيله يمين يجي شمال تيجي شمال يجي يمين

اتجاهل لما الاقي الحوار وصل لحد أدنى اني مش اقدر انزل للمستوى ده

أتجاهل لما اكون عارف ان المحاور يجيد لغة السباب اكتر من لغة الحوار

أتجاهل لو حسيت اني ممكن اتفهم غلط

كفاية الناس المتجاهلة دي ونيجي للي بعده

أصمت وأحتسب؟؟

ياااه جيتي على الجرح يا مدام عبير

مشكلتي اني معرفش اصمت

هازعق هتخانق هاعمل مشاكل وانا عارف في الاخر اني هاحتسب

بس تعرفي الواحد ممكن كون بيحاول يخرج شوية كبت من اللي جواه احسن ينفجر

يبقى هازعق واحتسب لما اتظلم ومش عارف ارد الظلم اللي عليا

[عبير يونس]

انا بقى هاخش في الموضوع على طول

انا أواجه لما بيكون معايا الحق جداا وشايف ان مينفعش اني اسكت وبمواجهتي هايحصل فرق يعني اشيل ظلم عن حد او ارجع حق لاصحابه

أواجه لما احب اصفي الأمور بيني وبين حد وفيه كلام اتقال وكلام اتعاد

أواجه لما احس ان اللي قدامي بيستخف بعقلي اقوله لالا كده أستوب

كفاية مواجهة وندخل على اللي بعده

ألمح

لما يكون الموضوع محرج ليا او للطرف الاخر

يندرج كل ده بقى الحفاظ على مشاعر اللي قدامي والحفاظ على كرامته

أتجاهل

لما الاقي اللي قدامي بيلف ويدور

تيجيله يمين يجي شمال تيجي شمال يجي يمين

اتجاهل لما الاقي الحوار وصل لحد أدنى اني مش اقدر انزل للمستوى ده

أتجاهل لما اكون عارف ان المحاور يجيد لغة السباب اكتر من لغة الحوار

أتجاهل لو حسيت اني ممكن اتفهم غلط

كفاية الناس المتجاهلة دي ونيجي للي بعده

أصمت وأحتسب؟؟

ياااه جيتي على الجرح يا مدام عبير

مشكلتي اني معرفش اصمت

هازعق هتخانق هاعمل مشاكل وانا عارف في الاخر اني هاحتسب

بس تعرفي الواحد ممكن كون بيحاول يخرج شوية كبت من اللي جواه احسن ينفجر

يبقى هازعق واحتسب لما اتظلم ومش عارف ارد الظلم اللي عليا

يبقى حضرتك من اللي بيقولوا عليهم يغضب و ينزل على مفيش

هو تنفيس الغضب مهم

بس ميبقاش تنفيس في الناس اللي قدامنا

زعق لوحدك في اوضة قافلها على نفسك

انا كتير باعمل كده

لما باكون لوحدي في البيت

باقفل اوضة عليا و اعلى التلفزيون او الراديو

و أصرخ بأعلى صوتي

لحد اما انهار و أعيط

و بعدين اهدى

و ادخل آخد دش

بارتاح اوي

ماحدش له ذنب يشوف الغضب ده

بيرجعوا يلاقوني هادية و مفرفشة و لا في حاجة خالص

كنت زمان من النوع اللي مبينساش الكلمة

و افضل استرجعها

و استرجع معاها مشاعر الغضب المصاحبة لها

عشان كده مدركة ان في ناس أو يمكن أغلب الناس ما بتنساش الاساءة

عشان كده باتحاشى الناس و انا غضبانة

و غضبي بيبقى بشع

لأنه غضب الحليم

و برغم كده

برضه نادرا ان حد يشوفه

انا و اخواتي كلنا كده

لو زعلنا نبعد لحد اما نروق

و لما نرجع ما نتعاتبش

أعرف ناس لما تغضب يدوك اللي في النصيب

و بعدين يقولوا لك

انا هديت خلاص و مش شايلة حاجة :closedeyes:

يا سلام:blink:

و كأن المهم همة و بس

مش مهم أنا

همة يتفشوا و يهدوا

و مش مشكلة أنا اتألمت و الا لا

المهم انهم يهدوا

و النوعيات دي طبعا مبتعمرش معايا

يعني كفاية اوي ان احوش عن الناس غضبي

كمان أشرب غضبهم

ده كتير بجد

و ده يوصلني لسؤال مهم

هو ينفع افش غلي في اللي قدامي

و بعدين احتسب؟

احتسب ايه بالضبط ؟؟

[abobakr]

حضرتك مش فهمتيني يا مدام عبير

فيه فرق بين الواحد متنرفز وواحد مظلوم

انا على فكرة بقدر امسك نفسي جداا وانا متنرفز

ممكن تكوني حضرتك كأخت مصلا منرفزاني جداا بس اتمالك اعصابي واتكلم بهدوء واحاول نوصل لحل

لكن ممكن حضرتك كمسؤلة وليكي نفوذ وظلماني وانا عارف اني مش هاعرف اخد حق ولا باطل منك

ساعتها هاتكلم معاكي بعصبية وأتنرفز وأعمل مشاكل وانا عارف اني مش هاخد حقي وان ظلمك هايستمر

بس صدقيني الاحساس بالظبم بيكون صعب جدا يا مدام عبير

على فكرة انا كنت بحسب اني من الناس اللي بتنسى الظلم لاقيت قلبي أسود فحمة

[التونسى]

ألمح .. ولو متفهمتش .. ألمح تانى ... ولو موصلتش ..ألمح عاشر ..ولو مفيش فايده ..يبقى اصمت ..واصمت ..واصمت ..صمت الحليم .. فضل الوضع كما هو عليه .. أتجاهل .. اتغافل .. اطنش خاااالص خالص ..بخيل انا جدا فى حرق بنزين أعصابى .. أما الاحتساب يأتى دوره فى حالة القهر وقلة الحيله الحقيقيه بعد ان تنسد فى وجهى كل الطرق .. اما المواجهة فدى أخر حاجه بفكر فيها ...لانها مش حتبقى مواجهه .. دى حتبقى انفجااااااااار .. ثوره .. او شر الحليم ..لذا أستخدم المواجهه فى حياتى تبعا للقول الماثور ((مجبرٌ أخاك .. لا بطل))

بجد صراحتى دى تفرس هههههههههههه بس دى الحقيقه اللى مش قادر اغيرها لحد النهارده فى نفسى .

[لماضة مصرية جدا]

السلام عليكم و رحمة الله و بركاته

ايه ده كله يا عبير

تواجه

تلمح

تتجاهل

تصمت

تحتسب

هم صحيح 5 افعال...بس معناهم ان الموقف بياخد مساحة منك لدرجة انك تمرريه بخمس مراحل

انتي بس نسيتي اهم فعل

هل الموقف "يستحق"

و ده السؤال الأهم اللي بسأله لنفسي قبل ما اخد اي رد فعل من الافعال الخمسة اللي انتي قولتي عليهم فوق

يعني لو الموقف لا يستحق

و لا الشخص يمثل بالنسبة عندي اي مساحة ذهنية و لا لفظية

يبقي اسميلي اضيف فعل سادس

تطنش

شوفتي سهلة ازاي

اوقات بنضخم تقديرنا للمواقف و الأشخاص و بناخد ردود افعال لا تتناسب مع حجم الموقف و لا مع رد الفعل المتوقع...مش لشيء سوي لأننا منحنا البعض (سواء مواقف أو اشخاص) اكثر مما ينبغي و ادخلناهم في مساحات مكنش المفروض اصلا يعتبوها

اعيدي زايو الرؤية و هتلاقي ان

فعل "تطنش " ليه مفعول السحر

فيما عدا لو حد لمس الخط الاحمر

يبقي الفعل ساعتها هيبقي

"تدمر".......(وش اي تنين بيفح نار من بوقه)

انا مش بقول ان اللي كتبته ده صح و لا بقول لاي حد يعمله...بس انا شخصيا بطبقه في حياتي

علشان عايزة اعيشها....سهلة و بسيطة

و علشان كده بسأل نفسي

الموقف

يستحق

الشخص

يستحق

....و بعديها بطنش

لاني بببساطة بكون أسأت تضخيم الموقف و وضعه في حجمه الطبيعي

دي وجهة نظري

مساكي....بساطة.....ع البساطة....و العشا جبنة و زيتون و كوزين بطاطا:)

[لماضة مصرية جدا]

ألمح .. ولو متفهمتش .. ألمح تانى ... ولو موصلتش ..ألمح عاشر ..ولو مفيش فايده ..يبقى اصمت ..واصمت ..واصمت ..صمت الحليم .. b]

اسمحلي يا أستاذي اقولك يا طولة بالك:)

انا بجد مش فاهمة يعني ايه ثقافة "التلميح"...يعني بتبعت رسالة غير مباشرة لشخص قدامك...طب متقولهاله كده خبط لزق...ايه اللي راح يجري

الحقيقة اكتر حاجة بتريحني في التعامل مع اي حد اجنبي انه هو او هي بيقول اللي في خاطره مباشرة...متهيقلي معندهمشي حكاية التلميح ديت

يعني بيرسم حدود واضحة و بيقولها لفظا مش بيسيبها للي قدامه انه يستنتجها و ده بيلعب فيه دور كبير عامل ذكاء الفرد اللي قاعد قدامك

افرض مش فاهم التلميح

يعمل ايه بقي....و الاهم انت شخصيا هتبقي بتعمل عبء علي نفسك انت في غني عنه...و كان ممكن ببساطة تقولها بشكل مباشر من البداية

و برضه دي وجهة نظري

او طريقتي بمعني اصح

[عبير يونس]

حضرتك مش فهمتيني يا مدام عبير

فيه فرق بين الواحد متنرفز وواحد مظلوم

انا على فكرة بقدر امسك نفسي جداا وانا متنرفز

ممكن تكوني حضرتك كأخت مصلا منرفزاني جداا بس اتمالك اعصابي واتكلم بهدوء واحاول نوصل لحل

لكن ممكن حضرتك كمسؤلة وليكي نفوذ وظلماني وانا عارف اني مش هاعرف اخد حق ولا باطل منك

ساعتها هاتكلم معاكي بعصبية وأتنرفز وأعمل مشاكل وانا عارف اني مش هاخد حقي وان ظلمك هايستمر

بس صدقيني الاحساس بالظبم بيكون صعب جدا يا مدام عبير

على فكرة انا كنت بحسب اني من الناس اللي بتنسى الظلم لاقيت قلبي أسود فحمة

انا مقصدش حضرتك يا فندم

انا توسعت في الرد

بس كان بشكل عام

وطبعا الاحساس بالظلم محدش في الدنيا مجربوش

انا باتكلم على نوعية انانية

ميهمهش غير صحتهم النفسية و بس

و يتحرق اللي قدامهم

المهم همة ما يشيلوش

:blink:

[ViralMind]

السلام عليكم..

انا عايز اقول نقطة.. اننا لازم نحتسب حتى لو فى عز غضبنا.. و احنا بنلمح.. و احنا بنواجه.. و كمان واحنا بنتجاهل.

يعنى الاحتساب عند الله ممكن يكون فى جميع الاوقات, و ليس مقصورا على الصمت فقط.

لغاية كام سنة فاتوا.. كنت بواجه طول الوقت.. بشوط فى اى حد و ماكنتش بعمل اعتبار لاى حاجة ولا اى حد.

ماكنتش بعمل اى حسابات لاى حاجة ممكن تحصل بعدين...

لكن دلوقتى الواحد بقى عنده مشاغل و مستقبل.. ودول بديهم الاولوية رقم واحد عندى... طبعا باستثناء تعدى الخطوط الحمراء.

بس للاسف ده بقى ليه تأثير سلبى عندى.. لانى شخص غضوب بطبعى.. فكل ما يطول صبرى و يتأخر غضبى, و الطرف التانى لا يتوقف.. بتكون النتيجة بشعة بقدر التأخر... و ساعتها بقى لا بفكر فى مستقبل ولا بتنجان.. هههههه

لما بكون مظلوم و مش قادر آخد حقى.. لان اللى قدامى اقوى منى.. بواجهه بالتوعد.. بتوعده انى مش هخليه يعرف يعيش فى مأمن ابدا.. يعنى بتسيطر عليا فكرة الثأر... الظريف بقى ان معظم المواقف المشابهة انتهت بتراجع الطرف الاخر... يمكن علشان اللى عنده حاجة بيخاف عليها. :)

اسلوب التجاهل بستخدمه معظم الوقت.. خصوصا ان احتكاكى بالناس قليل جدا..

احد المواقف الظريفة اللى حصلت لى فى آخر شركة اشتغلت فيها هنا فى مصر..

كان فيه مشروع المفروض كنت اخلصه فى يومين و خلصته فى 5 ايام.. و لانى كنت شغال senior developer فالمرتب اعلى من المبرمج العادى.. فصاحب الشركة كان عايز يعمل عليا فيلم و كان عايزنى اعمل مشروع كامل ببلاش بدعوى انه عايز يمتحننى من اول و جديد و انه قرر كمان يخلينى مبرمج عادى و ينزل لى المرتب لغاية اما اثبت كفائتى..

هههههه رد فعلى قلت له: انتا بتستهبل ولا ايه.. يالا يا جدع انتا من هنا.. و قمت سايب له الشركة و ماشى.. الراجل اتصعق هههههههه

بالنسبة للتلميح.. انا شخص صريح جدا.. و التلميح اللى ممكن اعمله هو نظرة ضيق.. لكن فى المجمل انا شخص صريح و مبعرفش اعمل تلميح و حركات :P

طبعا ده كله بالنسبة للواقع..

اما بالنسبة للانترنت.. فبحرص دايما ان علاقتى تبقى طيبة بالجميع.. لان حجم المعرفة على الانترنت و المنتديات لا تستحق اى مشاحنات..

تم تعديل 24 سبتمبر 2011 بواسطة ViralMind

[التونسى]

ألمح .. ولو متفهمتش .. ألمح تانى ... ولو موصلتش ..ألمح عاشر ..ولو مفيش فايده ..يبقى اصمت ..واصمت ..واصمت ..صمت الحليم .. b]

اسمحلي يا أستاذي اقولك يا طولة بالك:)

انا بجد مش فاهمة يعني ايه ثقافة "التلميح"...يعني بتبعت رسالة غير مباشرة لشخص قدامك...طب متقولهاله كده خبط لزق...ايه اللي راح يجري

الحقيقة اكتر حاجة بتريحني في التعامل مع اي حد اجنبي انه هو او هي بيقول اللي في خاطره مباشرة...متهيقلي معندهمشي حكاية التلميح ديت

يعني بيرسم حدود واضحة و بيقولها لفظا مش بيسيبها للي قدامه انه يستنتجها و ده بيلعب فيه دور كبير عامل ذكاء الفرد اللي قاعد قدامك

افرض مش فاهم التلميح

يعمل ايه بقي....و الاهم انت شخصيا هتبقي بتعمل عبء علي نفسك انت في غني عنه...و كان ممكن ببساطة تقولها بشكل مباشر من البداية

و برضه دي وجهة نظري

او طريقتي بمعني اصح

ما هو انا مع الاجانب بجيبها خبط لزق ومش بلمح هههههههههههههههههه

لا بجد اصل ده طبع فينا كمصريين ..مبنحبهاش صريحه .. بنحب نفهمها وهى طايره .. وبنحب التحوير واللف والدوران ..وانا مينفعش أصرح فى وسط ناس بتلمح .. لانها ممكن تتفهم وقاحه.. بجاحه .. جليطه .. قلة ذوق

أما عن طولة بالى .. فهى طولة بال الحليم .. اللى غضبه ممكن يكون فعلا غضب غبى ((((للأسف))))

[عبير يونس]

السلام عليكم و رحمة الله و بركاته

ايه ده كله يا عبير

تواجه

تلمح

تتجاهل

تصمت

تحتسب

هم صحيح 5 افعال...بس معناهم ان الموقف بياخد مساحة منك لدرجة انك تمرريه بخمس مراحل

انتي بس نسيتي اهم فعل

هل الموقف "يستحق"

و ده السؤال الأهم اللي بسأله لنفسي قبل ما اخد اي رد فعل من الافعال الخمسة اللي انتي قولتي عليهم فوق

يعني لو الموقف لا يستحق

و لا الشخص يمثل بالنسبة عندي اي مساحة ذهنية و لا لفظية

يبقي اسميلي اضيف فعل سادس

تطنش

شوفتي سهلة ازاي

اوقات بنضخم تقديرنا للمواقف و الأشخاص و بناخد ردود افعال لا تتناسب مع حجم الموقف و لا مع رد الفعل المتوقع...مش لشيء سوي لأننا منحنا البعض (سواء مواقف أو اشخاص) اكثر مما ينبغي و ادخلناهم في مساحات مكنش المفروض اصلا يعتبوها

اعيدي زايو الرؤية و هتلاقي ان

فعل "تطنش " ليه مفعول السحر

فيما عدا لو حد لمس الخط الاحمر

يبقي الفعل ساعتها هيبقي

"تدمر".......(وش اي تنين بيفح نار من بوقه)

انا مش بقول ان اللي كتبته ده صح و لا بقول لاي حد يعمله...بس انا شخصيا بطبقه في حياتي

علشان عايزة اعيشها....سهلة و بسيطة

و علشان كده بسأل نفسي

الموقف

يستحق

الشخص

يستحق

....و بعديها بطنش

لاني بببساطة بكون أسأت تضخيم الموقف و وضعه في حجمه الطبيعي

دي وجهة نظري

مساكي....بساطة.....ع البساطة....و العشا جبنة و زيتون و كوزين بطاطا:)

رهومة حبيبتي

دي مش ردود افعال لموقف واحد

او لمواقف مع شخص واحد

انا باحاول استنير برؤية وجهات النظر لمواقف مختلفة

بحب اشوف الناس بتفكر ازاي و بيبقى ايه دوافعهم

عن نفسي انا آخر واحدة في الدنيا تدي مساحة لحد في الدنيا

رغم اني بحب كل الناس ( وش صباح في أغنية ساعات ساعات)

انا واحدة عايشة لنفسي اساسا

ههههههههههههه

يعني الناس بحبهم عشان وجودهم بيسعدني

اللي بيعكنن عليا ما يلزمنيش اصلا

حتى لو مضطرة اشوفه باستمرار

برضه ملوش عندي أي مساحة

فلا تقلقي من هذه الناحية

مساكي قشطة بالعسل

[لونا]

متى أواجه؟

عندما يكون الطرف الآخر مهم بالنسبة لي .. بمعنى إنه شخص قريب مني .. يهمه أن لا أغضب منه و أنا كذلك لا أرضى أن أغضبه (في عشم بينا )

زي زوجي و أخواتي أو أصدقائي مثلًا

متى ألمح ؟

عندما يكون الأمر متكررًا .. و في نفس الوقت ليس كبيرًا .. و هذا مع القريب و الغريب

متى أتجاهل ؟

مع شخص يهمني أمره .. و الموضوع بسيط

مع شخص لا يهمني ..

مع شخص لسانه طويل ..

مع شخص أعرف أنه ممكن يجهل عليّ

متى أصمت و أحتسب ؟

مع ذوي الرحم .. لأني أخشى أن أكون سبب في قطع صلة الرحم

[Damo]

بلمح لو فيها احراج للشخص أو ليا أو أي حد حاضر والخطأ مش مقصود.

اواجه لما يبقى في تعدي مقصود و حتى غير مقصود لو حاجة خطيرة. أو ساعات بواجه أختي الصغيرة في حاجات مش قصداها أو مش 100% بايدها بس عشان اوصلها فكرة إنها حاجة خطيرة. لكن مفيش أي مبرر إن المواجهة تبقى بـشكل مش محترم. لو الموقف ميسمحليش اسلوبي يفضل مهذب تبقى مش المواجهة هي الحل و مش المواجه هي اللي هتجلبي حقي !!!

لما يحصلي موقف مع شخص بيفحمني أنا بختار الصمت بإرادتي ومبفكرش حتى إذا كان عندي اللي أرد بيه ولا لأ. مستوى التعامل بتاعه يبقى نزل لدرجة تكسف وأنا اتكسف أنزل معاه.

فكرة أفحم حد أو لأ من الاول غلط. هو إيه الهدف من نقاش أو جدال أو حتى خناقة ؟ لو هدفي اكسب الموقف وخلاص يبقى كده الاسلوب ده مبرر وطريقة التفكير كلها على بعضها غلط. بكره الكلمة دي و "مقدرش يفتح بؤه" وكل الكلام اللي شبه ده. لما بييجي حد يحكي ويحتفل انو زنق حد في الكلام بحس إني اصلا قرفت منو وبخلص الكلام بسرعة أو بسيبهم و واقوم خالص. يعني الجميل إنك كسفته وخليته مشعارف يرد..مش أنك اثبت وجهة نظرك أو أخدت حقك ؟!!

حتى إيه معني الكلمة !! أفحم حد يعني اكبسه أو احرجه أو اخليه مشعارف يرد عليا وكلامي أنا اللي بيمشي في الاخر. لا جبنا سيرة مين غلطان ولا سبب الخلاف إيه في الاصل.

اسمحيلي مدام عبيرارد على مداخلة حضرتك عشان اشرح وجهة نظري.

يعني لو شديت معاك مثلا ( مش لازم أنا تحديدا يعني)

و كان عندي اللي أفحمك بيه كويس

و اخترت الصمت

بصدق

ايه اول حاجة حتخطر على بالك ؟؟

هل حيدور في دماغك

ان في شخص ممكن يكون معاه ما يفحمك و يختار يسكت؟؟؟

جاوب بصدق

واحد اختار يقول أي كلام في أي كلام وكل اللي همه انو يبقى كلام مخالف وخلاص مش فارقه مضمون كلامه إيه وسبب الخلاف الأصْلي اتنسى و بقت مباراة مين اللي هيفحم مين في الاخر. أنا صمت. إزاي يا مدام عبير تحليل الموقف ده إن الغلط عليا أنا ؟؟؟

طب أنا في خناقة مع الشخص ده ومتعصبة عليه خلاص شوية وهرميه من الشباك. لسه هفكر أفحمة عشان اضمن رأيه فيا؟! مش فارقة هيفتكر إيه أنا بختار اصمت أو اواجه على أساس عقليته كلها عامله إزاي اصلا و اللي هي نفس العقلية دي اللي تخليه يفتكر أي حاجة بقى !! ولو على رأيه فيا فلو افحمتو رأيه هيتحسن مثلا ؟!

بالمنطق ده هتبقى القاعدة العامة اسكت لأي حد ضمنت انه مش هيفتكر إني مش قادره أرد ومسموح له يغلط طول ما هو مش فاكر إني أنا اللي مش لاقيه حاجة أفحمه بيها. و اللي هيفتكر إنو كبسني لازم أرد عليه عشان اثبتلوا انو غلط...اللي هو نفس هدفه بردو...اللي هو نفس السبب اللي كنت قررت اصمت عشانه في الاساس!

وطبعا بالمنطق ده مفيش مجال إني في مرة اكون أنا اللي غلطانة.

نفس تفكير إني لازم أرد عشان ادافع عن كرامتي. واحد اسلوبه انحدر للدرجة دي...يبقى أنا اللي كرامتي تتأثر؟؟ ده مش مكان كرامتي اصلا عشان ادافع عنها. كرامتي أنا ببنيها حواليا و نوع البناء ده اللي بيحدد إيه ومين يقدر يأثر أو ميأثرش فيها. مش اقعد اجمعها من خناقات!!! ومش أي خناقة لأ دي مع ناس هما اصلا معندهمش منها !!!!!!!

المواجهة تبقى اسلوب حضاري للخناق

أي حاجة بعد كده بيبقى ليها اسامي تانية.

وعموما الناس بتختلف على امتى المواجهه وامتى الصمت عشان كل واحد بيبقى شايف حقوقه في حاجات غير التاني.

تم تعديل 24 سبتمبر 2011 بواسطة Damo

[عماد حمدي]

يعني الصمت و الاحتساب يأتي مع عدم القدرة على المواجهة؟؟

هو ده فكر ناس كتير على فكرة

بتعتبر إن صمتك لأنك مش قادر تواجه

أو معندكش رد

و تلاقيهم يقولوا

طبعا سكت و مقدرش يرد

أحيانا بابقى قادرة ع المواجهة و اوي

و برضه باختار الصمت و الاحتساب

تفتكر ده لو عملته معاك مثلا حتعتبرني ضعيفة ؟؟؟

طبعا أقصد مجازا يعني

يعني لو شديت معاك مثلا ( مش لازم أنا تحديدا يعني)

و كان عندي اللي أفحمك بيه كويس

و اخترت الصمت

بصدق

ايه اول حاجة حتخطر على بالك ؟؟

هل حيدور في دماغك

ان في شخص ممكن يكون معاه ما يفحمك و يختار يسكت؟؟؟

جاوب بصدق

الصمت و الإحتساب مش معناه أني مش قادر أواجه ..

بالعكس بكون قادر جداً لكن بحس نفسي هخسر أكتر ما هكسب لو واجهت ..

لذلك بلتزم الصمت ..

ممكن يجيلي لحظة هبل و كانت بتجيلي زمان أني بقلب عليها واطيها و الناس تقولي يابني انته كدة كسبان اية ..

أقولهم هاخد حقي ياعني هاخد حقي ..

مش مشكلة اللي يحصل بعد كدة من عقبات المهم اني أواجه اللي قدامي و أعرفة أني قادر عليه و أجيب رقابته الأرض ..

دلوقتي الوضع بالنسبة ليا تغير و يعتبر شيء إيجابي قدرت أغيرة في نفسي ..

إني ألتزم الصمت بالمعادلة سابقة الذكر ،،

بخصوص مثالك و لوني شاكك في كلمه مجازاً دي :closedeyes: و حاسس انها مربوطة بالموضوع إياه ..

لكن هرد عليكي بصراحة ..

لو الشخص اللي قدامي أعرفة كويس و عاشرته أكيد هعرف أنه من كاظمين الغيظ و سكت و أنه قادر يفحمني بس هوه كبر دماغة ..

و فيه أمثلة شخصية كتير حصلت معايا كدة ، ببقي عارف ان اللي قدامي ممكن يموتني بالكلام بس بيسكت ، النقطة بحسبها لية و بيكبر في نظري أوي ..

أما لو شخص معرفوش و اداني المساحة الكافية اني أبهدلة و أفحمه علي رأيك و لقيته سكت و تجاهلني ..

بيجيلي شعور أني تفوقت عليه ..

ممكن شعوري يكون صح و ممكن يكون خطأ ..

مقدرش أحكم لاني معرفش طبيعة تصرف الشخص اللي قدامي عاملة إزاي ..

فيه مقولة بتقول ..

لو حد إنتصر عليا أو أفحمني زي ما بتقولي بردة :) يكفيني أني أبتسم ( مجرد الإبتسامة في وجهة ) تضيعه لذه و حلاوه إنتصاره !!

ودا اللي بتبعه حالياً ..

[Dreamwithme]

متى تواجه ؟

متى تلمح؟

متى تتجاهل؟

ومتى تصمت و تحتسب؟

انتظر حضراتكم

بأواجه في حالتين لو الأمر فيه إهدار لحقي من الممكن أن يتكرر فبالتالي لازم أواجه عشان أوقف الأمور عند حدها

والحالة الثانية لما بيكون أمر الطرف الآخر يهمني ولسه في معزة وبقية من الود وقتها بتبقي المواجهة عشان أصحح الموقف ويمكن أكون أنا فاهمة غلط

أما بالنسبة للتلميح فأنامش بأعرف ألمح أنا يا أبيض يا أسود يا أما زي القطار أخد في وشي يا أما أقعد ساكتة

عارفة إن ده غلط بس دي طبيعة شخصيتي

أما التجاهل في بيكون لما حاجة أنا شايفاها ماتساويش وما تستاهلش وبرضه لما أحس إن الشخص اللي قدامي لا يستحق إن حد يعبره

أما الصمت والاحتساب ففي حالات لما يكون شئ مايساويش لكن جرحني جرح من جوه وتكون عندي كامل المقدرة إني أرد لكن لن يترتب عن ردي شئ غير فقط رد الأهانة

فأنا أترفع عن رد الأهانة بإهانة

[عبير يونس]

يعني الصمت و الاحتساب يأتي مع عدم القدرة على المواجهة؟؟

هو ده فكر ناس كتير على فكرة

بتعتبر إن صمتك لأنك مش قادر تواجه

أو معندكش رد

و تلاقيهم يقولوا

طبعا سكت و مقدرش يرد

أحيانا بابقى قادرة ع المواجهة و اوي

و برضه باختار الصمت و الاحتساب

تفتكر ده لو عملته معاك مثلا حتعتبرني ضعيفة ؟؟؟

طبعا أقصد مجازا يعني

يعني لو شديت معاك مثلا ( مش لازم أنا تحديدا يعني)

و كان عندي اللي أفحمك بيه كويس

و اخترت الصمت

بصدق

ايه اول حاجة حتخطر على بالك ؟؟

هل حيدور في دماغك

ان في شخص ممكن يكون معاه ما يفحمك و يختار يسكت؟؟؟

جاوب بصدق

الصمت و الإحتساب مش معناه أني مش قادر أواجه ..

بالعكس بكون قادر جداً لكن بحس نفسي هخسر أكتر ما هكسب لو واجهت ..

لذلك بلتزم الصمت ..

ممكن يجيلي لحظة هبل و كانت بتجيلي زمان أني بقلب عليها واطيها و الناس تقولي يابني انته كدة كسبان اية ..

أقولهم هاخد حقي ياعني هاخد حقي ..

مش مشكلة اللي يحصل بعد كدة من عقبات المهم اني أواجه اللي قدامي و أعرفة أني قادر عليه و أجيب رقابته الأرض ..

دلوقتي الوضع بالنسبة ليا تغير و يعتبر شيء إيجابي قدرت أغيرة في نفسي ..

إني ألتزم الصمت بالمعادلة سابقة الذكر ،،

بخصوص مثالك و لوني شاكك في كلمه مجازاً دي :closedeyes: و حاسس انها مربوطة بالموضوع إياه ..

لكن هرد عليكي بصراحة ..

لو الشخص اللي قدامي أعرفة كويس و عاشرته أكيد هعرف أنه من كاظمين الغيظ و سكت و أنه قادر يفحمني بس هوه كبر دماغة ..

و فيه أمثلة شخصية كتير حصلت معايا كدة ، ببقي عارف ان اللي قدامي ممكن يموتني بالكلام بس بيسكت ، النقطة بحسبها لية و بيكبر في نظري أوي ..

أما لو شخص معرفوش و اداني المساحة الكافية اني أبهدلة و أفحمه علي رأيك و لقيته سكت و تجاهلني ..

بيجيلي شعور أني تفوقت عليه ..

ممكن شعوري يكون صح و ممكن يكون خطأ ..

مقدرش أحكم لاني معرفش طبيعة تصرف الشخص اللي قدامي عاملة إزاي ..

فيه مقولة بتقول ..

لو حد إنتصر عليا أو أفحمني زي ما بتقولي بردة :) يكفيني أني أبتسم ( مجرد الإبتسامة في وجهة ) تضيعه لذه و حلاوه إنتصاره !!

ودا اللي بتبعه حالياً ..

أحييك على صدقك

و عجبتني حكاية

انه سابلك المساحة الكافية انك تبهدله

تفتكر ممكن يمنعك ازاي يعني انك تبهدله ؟؟؟

يضربك مثلا؟؟

و الا يقوم يتنطر و يقولك ما اسمحلكش و يسيبك و يمشي؟

في ناس متخصصة بهدلة في الناس اول ما يشموا ريحة حاجة متعجبهمش

يتخانقوا الاول و بعدين يفهموا

و ممكن يفاجؤك بانهم بيجهلوا عليك

ايه التصرف وقتها؟؟؟

عنصر المفاجأة برضه مهم

أحيانا ممكن يحصل موقف

تلاقي حد انفجر في وشك و انت مش فاهم في ايه اصلا

وقتها حتمنعه ازاي يستمر؟

حتوقفه ازاي؟

حصل لي موقف زي ده

و كانت متفاجئة من جرأتها

و مقدرتش أرد و الا اقول لها اي حاجة

قعدت سنة كاملة في حالة غضب

اني زي ما بتقول سبتلها المساحة تبهدلني

تصور اني نسيت و تسامحت عشان صلة الرحم

و هي لا؟؟؟!!!:blink:

هي شايلة مني

مش عارفة شايلة ايه بالضبط؟؟؟

يمكن حست ان المساحة اللي خدتها مكانتش كفاية؟؟؟

هي مفهمتش اني مقدرش ارد الاهانة

فهمت زي ما انت قلت

اني ضعيفة

انا حاليا و انا بحكي

معنديش اي مشاعر خالص تجاه الموقف

لكن وقتها

مجرد بس ما كان يجي اسمها كنت بأولع

لاني وقتها مكنتش مترفعة عن الرد بقوة مني

كنت مجبرة اسكت حرصا على صلة الرحم

و لانها كانت في بيتي