القرعة الجديدة للاراضى التابعة لبرنامج الاسكان الاجتماعى

[ramy basha]

http://www.egyptiantalks.org/invb/index.php?showtopic=127049

[عطر الجنة]

شروط المستفيد

1) أن يكون شخصا طبيعيا (مواطن مصري الجنسية) وليس شخصا معنويا (شركة أو مؤسسة) .

2) ألا يقل السن عن (21) عاما في تاريخ بدء الحجز .

3) لا يحق للأسرة (الزوج – الزوجة - الأولاد القصر) التقدم لحجز أكثر من قطعة ارض واحدة في المدن المعلن عنها .

4) ألا يكون قد سبق تخصيص قطعة أرض له أو لأسرته (الزوج – الزوجة - الأولاد القصر) بأي من المدن الجديدة سواء كانت في حيازته أو تنازل عنها للغير .

5) أن يكون المتقدم من مواليد أو القاطنين أو العاملين بالمحافظة التي تقع في نطاقها المدينة المطلوب الحجز فيها طبقاً للجداول المرفقة بكراسة الشروط .

بصراحة الشرط الأخير ده عجيب جدا..يعني أنا من بنها..ما أقدرش أدخل في الموضوع ده خالص؟

مين قال انك لا تستطيع الدخول

اولا ستجد ان هناك جدول فى كراسة الشروط يوضح الاماكن التى يمكن التقديم فيها بالنسبة للمحافظات التى ليس بها مدن جديدة مثل محافظة البحيرة و محافظة القليوبية

تحياتى

[عطر الجنة]

اختي الفاضله

لدي سؤال يشغل بالي ولا اعلم له جواب

لماذا نحن نستنزف بدفع قيمة ارض 276 م2 وفي الواقع اننا سنستفيد ب 150 م2 فقط والباقي يكون مرافق مدفوعة من دم الغربه اليس لنا حق ان نستفيد بما يدفع فقط ؟؟؟؟؟؟؟ اين الثورة واين التغيير والقوانين هي القوانين والنظام هو النظام فلا يوجد فرق بين القرعات السابقه والحالية ثم بعقل من المسولين الذين حددوا هذه الشروط التى مازالت ليست في مصلحة ابناء مصر .

منتظر ردكم

اولا اخى الفاضل مين قال انك لن تنتفع بالمساحة الفاضية

تلك المساحات الغير مبنية تعتبر رئة للمبنى يطل عليه من ثلاثة جوانب

تلك المساحات تعتبر بديل عن المناور اى تجعل المنزل آدمى بصورة اكثر و تجعله جيد التهوية وصحى لان تلك المساحات اكيد حتحظى بكونها حدائق اى اكسجين من الزرع

انا فى اوقات كتير وانا بشوف الافلام الاجنبية و اشوف نسبة الخضرة المحيطة بالمنازل و ايضا الحدائق التى امامهم بغير من نمط الحياة فى تلك البلاد و بتمنى تكون فى مصر

تحياتى

[egyptawy]

طيب ايه رايك فى موقع اراضى الشروق ياباشمهندسة وانا تابع للقاهرة الكبرى هل اقدر اقدم فى الشروق

[سكر]

ايه التهريج دة

فين 6 اكتوبر هنهرج دة اكبر مدينه جديدة وانا لما بمشى فيها بحس ان الصحراء اكبر من العمران

[عطر الجنة]

المشكلة ان المساحات المتوفرة صغيرة

من 209م2 إلى 276م

مش عارف هما كانوا هيخسروا حاجة لو كانت مثلاً من 350 الى 400 متر

اخى الفاضل

قطع الاراضى تلك بتكون مقسمة مقدما تبعا للحى التى تقع فيه و تبعا لشريحة السكان المستهدفة وكم المرافق

فمثلا ستجد ان القطع التى مساحتها حول 209 متر متوفرة فى برج العرب و لو قارنتها بالقطع التى سبق و وزعت ستجدها مساحة متوسطة

ايضا ستجد مساحة 260 متر الى 276 متر فى الشروق لان عائلى الشروق السابق توزيعه 260 متر

ايضا تلك المساحات تستهدف شريحة معينة من الشعب وهى الشريحة التى تعلو شريحة الناس التى تلائمها شقق الاسكان الاجتماعى المزمع اقامتها لذا فتلك الارض مدعمة فتبعا لسعر اخر قرعة منفذة كانت اراضى العائلى بالشروق ثمن مترها 950 جنيه

و قد اعلن الوزير فى احد مقالاته انه سيطرح اراضى حول 350 متر لكن بسعر اخر لشريحة اخرى من الناس

تحياتى

[عطر الجنة]

5) أن يكون المتقدم من مواليد أو القاطنين أو العاملين بالمحافظة التي تقع في نطاقها المدينة المطلوب الحجز فيها طبقاً للجداول المرفقة بكراسة الشروط .

طيب إلي مش عايش ولا مولود في مصر أصلًا ملوش حق فأي محافظة ؟!

اللى عايش بره مصر اكيد ليه بطاقة رقم قومى

اوكيه معندوش

لو رجع مصر حيعملها منين .... من اى محافظة

لان لابد من تقديم بطاقة الرقم القومى

اوكيه ... جواز سفر بيكون فيه المحافظة

تحياتى

[عطر الجنة]

http://www.egyptiant...howtopic=127049

اخى رامى

انا من الاول بدون ما تعرضه لى تحفظات كتيييييييييييييييييير على هذا الوزير لانه من الفلول

وهو يحب الشو الاعلامى بصورة كبيرة لماذا ؟

لانه دائما بيحاول يثبت شئ ليدارى به على اخر

فاختار مشاريع الشريحة الكبيرة من الناس مثل الشريحة المستهدفة من الشقق و الشريحة المستهدفة من قطع الاراضى الصغيرة

تلك الشريحة صوتها عالى و بتسبب صداع للمسئولين فى تلك الحقبة الزمنية

و قارن بين اسلوب اضراب فئة متعلمة من الاطباء و اى فئة عمال

ايضا طرح شقق و اراضى بشروط جديدة تختلف عن شروط الحقبة الزمنية التى كان ركن فيها ( فلول و حزب وطنى ) ليعلن تنصله و تبرئته منها كأنه كان مجبر عليها

لكن الشئ الجيد انه ترك الغير يضعوا القوانين وهو بصم عليها

تحياتى

[ابراهيم عبد العزيز]

أخت عطر الجنة

لي سؤالين بعذ اذنك

فى حالة الحصول على قطعة الأرض , هل هناك وقت معين لمن حصل على قطعة الأرض لكي يبدأ فيه البناء ؟ ام ان الامر مفتوح ؟

وهل هناك تصميم موحد للبناء ملزم به كل من استفاد من هذه القرعة ؟

وتحية لكي

[ramy basha]

أولا بشكرك جدا أخت عطر علي طرحك للموضوع بوجد تجميع الخرائط وتحديد القطع ونسخها انا عارف ان الموضوع بياخد مجهود كبير بنشكرك عليه وجزاكي الله كل خير عليه

ثانيا : بخصوص فتحي البرادعي وزير الاسكان فهذا رجل غني عن التعريف فهو عضو الحزب الوطني في كفر الزيات ومحافظ دمياط في حكومة احمد نظيف والمصيبة ان اترفع عليه قواضي كتير في دمياط وكانت كلها بسببين مالهمش ثالث وهو استغلال ومتاجرة في اراضي والثاني اهدار مال عام ، يقوم بقي الاستاذ عصام شرف يجيبوا وزير اسكان علشان ياخد راحتوا فساعدته اول حاجه يعملها يطلع تصريحات اسبوعيا او حتي يوميا يشل بيها السوق علشان الناس تقعد تتفرج علي سعادته بصفته المنقذ وبعدين يقوم سعادته يأخر تسليم القطع الخاصة بالقرعات السابقة ويأخر ترفيق

ابني بيتك وفي نفس الوقت اللي رافض ( وانا مصر علي كلمة رافض ) يسلم فيه قطع القرعات السابقة وترفيق ابني بيتك ينزل قرعه جديدة ويوعدنا بالانتهاء من ترفيقها قبل نهاية العام الحالي ياسلام ده علي اساس ان قطع القرعات السابقة تقع في المانيا وفرنسا لكن الجديدة دي مصرية 100% وبعدين سعادته يوعد بأنه هاينزل 100 الف قطعه في 15 شهر يقوم ينزل الدفعة الاولي 6 الاف ويتعثر في طرحها كمان طيب هايعمل ايه في الـ 94 الف قطعه الباقيين هلي هايقدر ينزلهم في 12 شهر لأن المفروض فيه قرعه في يناير القادم بناء علي تصريحات سعادته لكن بناء علي تكذيبه لنفسه فلا أحد يصدقه وبعدين واضحه أوي إن مصالحه في القاهرة الجديدة منعته ينزل فيها وقال اضرب الشروق واملاها بشر فتحيا القاهرة الجديدة وانزل القاهرة الجديدة مزادات فتولع سعرها ، ه

[Obied Allah]

السلام عليكم,

بعد اذنك يا بشمهندسة عطر ايه راى حضرتك فى الاراضى اللى نازلة فى الشروق, من حيث جودة الموقع, مستواه الاجتماعى او الاماكن المحيطة به , وكمان اد ايه وقت عشان يكون صالح للسكن ان شاء الله.

جزاكم الله خيرا على هذا المجهود

http://urban-comm.gov.eg/p%2025-9-2011/shroyk.jpg

[عطر الجنة]

طيب ايه رايك فى موقع اراضى الشروق ياباشمهندسة وانا تابع للقاهرة الكبرى هل اقدر اقدم فى الشروق

جيت تنكأ الجرح

تعال انظر معى لاى خريطة لمدينة الشروق غير المعروضة هنا

تحديدا لمكان القطع ستجد القطع واقعة فى منطقة النوادى

مناطق كانت مخصصة لعمل ناديين كبار و بالفعل هناك اشاعة قوية يتناقلها السكان عن اقامة لفرعين لناديين كبار مثل هليوبليس

طبعا القطع 513 اى حوالى اكثر من 1000 اسرة اى تحميل على المرافق زيادة مثل المياة و الكهرباء و الصرف و ما الى ذلك لم يكن فى حسبان المدينة ... لكن كلام الوزير لازم يمشى

لان ببساطة سيفتح النار عليه لو طرح بتلك الاسعار فى القاهرة الجديدة لكنه هيأ النفوس للزيادة لان ارتفع بمستوى السعر 100 جنيه

و ايضا سيفتح النار عليه لو طرح اراضى فى اكتوبر لان القرعة الماضية لم يتم ترفيق اراضيها للان وهو وعد بان الاراضى تسلم مباشرة مرفقة

يعنى ميتفعش يعمل قرعة بدون مدينة كبيرة تخذى العين فضحى بالشروق

طبعا الموقع على المدخل الثالث مباشرة لاحد القطع و الثانية محصورة بين الاولى و المنطقة الاولى عمارات

و القطع تعتبر منطقة وسط بالنسبة للبعد عن طريقى الاسماعيلية و السويس و محاطة من كلا الجهتين البحرية و القبلية باسكان 100 متر و الاستثمارى و قريبة من نادى الشروق

و دعونا لا نستبق الاحداث فى معرفة المواقع الجغرافية اللازمة للتقديم فى كل مدينة

تحياتى

[عطر الجنة]

ايه التهريج دة

فين 6 اكتوبر هنهرج دة اكبر مدينه جديدة وانا لما بمشى فيها بحس ان الصحراء اكبر من العمران

ا

6 اكتوبر لم يتم الطرح فيها لعدة اسباب

اولها ان توجد اراضى من قرعات سابقة لم يتم تسليمها للان لعدم اتمام ترفيقها

تانى شئ لاحظ جدول اسعار القرعات السابقة ستجد 6 اكتوبر تلى القاهرة الجديدة من حيث سعر المتر اى سعر الطرح الان لا يتناسب مع سعر المتر فيها

ثالث شئ رؤيتك لمناطق ما زالت صحراوية ليس معناة انها غير مخصة لاناس او مشروع ما

تعال نرجع للوراء لاعلانات الاهرام يوم الجمعة تحديدا لمشروع مبارك قبل الثورة ستجد على الاقل اعلانات 5 اماكن

اراضى كان بياخدها الخمسة الكبار و اصحابهم و اقاربهم ... فدادين كثيرة بغرض مشروع مبارك المتر ب 10 جنيه

البيه من دول ..... لا الباشا من دول يدفع 10 % من التمن و عن طريق اى مكتب عقارى يطلب شريك بالنصف

و الشريك كمان هو اللى يدفع العمولة و بقدرة قادر المشروع يتقسم اتنين جزء شقق 63 متر و جزء شقق و فيلات فاخرة و طبعا يضطر الشريك لرفع تمن الشقق عشان يكسب

و صاحب الارض ياخد الن على الجاهز و لما يبيع يسدد بقية التمن على راحته خالص

هى اصلها بلد ابوه

و احنا ضيوف بس تقال شوية

تحياتى

[mohamedabdulazim]

5) أن يكون المتقدم من مواليد أو القاطنين أو العاملين بالمحافظة التي تقع في نطاقها المدينة المطلوب الحجز فيها طبقاً للجداول المرفقة بكراسة الشروط .

طيب إلي مش عايش ولا مولود في مصر أصلًا ملوش حق فأي محافظة ؟!

اللى عايش بره مصر اكيد ليه بطاقة رقم قومى

اوكيه معندوش

لو رجع مصر حيعملها منين .... من اى محافظة

لان لابد من تقديم بطاقة الرقم القومى

اوكيه ... جواز سفر بيكون فيه المحافظة

تحياتى

بصراحة شرط غريب وعجيب فعلا لأن فية ناس مسفرة برة مصر من مدة وجواز سفرهم كمان بيصدر ويجدد من السفارات, ومفروض مصر كلها لكل المصريين ومش متقسمة حتت ولكل فريق حتة.

هو حضرتيك بتشتغلي فهيئة الأسكان والتعمير؟

هو الشرط العجيب دة ممكن حضرتيك تشرحيلي بالتفصيل حيطبق أزاي؟

أنتظر الرد والإفادة من حضرتيك

ولكي مني جزيل الشكر

تم تعديل 28 سبتمبر 2011 بواسطة mohamedabdulazim

[sheriefm]

ما هى افضل الاماكن ببدر ارجو الرد علشان اعرف وين احجز والمميزات بالمدينه ومستقبلها

[ramy basha]

حد يقول لفتحي البرادعي عضو مجلس الشعب عن الحزب الوطني ومحافظ دمياط في حكومة نظيف ووزير الاسكان في حكومة شرف إن مصر لكل المصرييين ومفيش تقسيم محافظات ولو حصل ده يبقي إحنا كان بينضحك علينا وبيكذبوا علينا في كتب الدراسات الاجتماعيه لما كانوا بيدرسوا لينا المدن الجديدة والهدف منها هو تعميرها من شباب الوطن لكن ماحدش قالنا يافتحي ان في واحد ممكن يجي من قرية إبيار مركز كفر الزيات محافظة الغربية متهم بفساد ومقدم فيه بلاغ للنائب العام يحمل رقم 9214 مقدم من المحامي محمد ابراهيم حسين وهذه بيانات البلاغ

بلاغ رقم 9214 بلاغات النائب العام تقدم به المحامي محمد إبراهيم حسين ضد محمد فتحي البرادعي وزير الإسكان الحالي ومحافظ دمياط سابقا وعضو مجلس الشعب سابقا .

عنوان البلاغ : واقعة إستغلال نفوذ وتربح وتهرب ضريبي .

حيث تم تخصيص قطعة الأرض رقم 464 منطقة الجولف - التجمع الخامس - القاهرة الجديدة ، بمساحة 13536 متر بثمن إجمالي 398 الف جنيه علي أقساط مدتها عشر سنوات . كان ذلك عام 1995 .

تم تسليم الأرض في 31 -12-2000.

وإستخراج ترخيص بالحفر في 2-12-2008 .

ثم باعها الي مكتب إستثماري بواقع خمسة آلاف جنيه للمتر .

ولم يتم إستغالها علي النحو المبين في قرار التخصيص .

خلوا بالكوا من التواريخ اهم من الفلوس ان البيه استلم الارض في سنة 2000 وطلع الرخصة في سنة 2008 يعني سقع الارض 8 سنين وطبعا باع المتر بـ 5000 جنيه ومذكور اسم المشتري ورقم التوكيل وصورة عقد البيع ومرفقين بالبلاغ ودلوقتي تعالوا نشوف فتحي كسب كام من تسقيع الارض وعدم بنائها والتحايل علي القانون وستخدام النفوذ والسلطة

قيمة السرقة = 13536 متر * 5000 جنيه = 67680000 جنيه يعني مبلغ مش بطال 67 مليون جنيه في عمليه واحده هي اللي اتكشفت الله اعلم الباقي شاكله ايه وانا بأيد الأراء كلها اللي بتقول إن فتحي مانزلش ارض في القاهرة الجديدة لأن كان تخصص إتجار في القاهرة الجديدة وفيه عشم بينه وبين التجار انه مايضربهمش علشان كده هو هاينزل فعلا في القاهرة الجديدة بس مزادات وشوف بقي الدلع إن فيه تسريبات من ناس بتحب الوزير اوي في وزارة الاسكان انه هايحط حد ادني لسعر المتر في المزاد 1200 جنيه وهاينزل الزاد الواحد علي دفعات علشان لو ماوصلش المزاد لسعر السوق يرفع الحد الادني للدفعه اللي بعدها وعلي فكرة سداد قيمة اراضي المزادات هاياخد عليها فوائد وخدوا الخبر ده من الآخر والايام بيننا والخبر انا كاتبه واللي عايز يرجعله في اي وقت يرجعله الباشا متفق علي ان سعر المتر في القاهرة الجديدة 2700 جنيه ماينزلوش عن كده جنيه واحد لكن يزيدوا علشان مايزعلش دراعه اليمين في القاهرة الجديدة والسماسرة رجالته وانا مش هاذكر اسم اللي اتعمله التوكيل واشتري ودفع الفلوس ولا دراعه اليمين لأن دول ناس عاديين ولهم سمعه في السوق وماينفعش اذكرهم لكن الاسماء موجودة في بلاغ النائب العام اللي مكتوب بياناته فوق وبنشكر المحامي الراجل بجد محمد ابراهيم حسين والمجهود اللي قام بيه علشان يوصل للتوكيل والبيانات اللي فيه ويصور التوكيل كمان ،

عموما يافتحي خلاص أيام الهبل إنتهت إحنا جيل مصحصح ومن الآخر مالناش كبير نحترمه إلا المحترمين فقط وانت تفتقد هذا الشرط إلا إذا خرجت ودافعت عن نفسك وكذبت البلاغ والعيب مش عليك العيب علي شرف اللي سايب عضو حزب وطني يعمل كده في البلد لحد دلوقتي وبالمناسبة ياجماعه فتحي البرادعي من النواب اللي نجحوا بالتزوير وكان عليه طعن وطبعا اللي متابع السياسة قبل الثورة عارف ايه اللي اتعمل في الطعون ايام تزوير الانتخابات انا بقول كفاية كده انهاردة واتمني ان اللي عنده معلومات تختلف عن المعلومات دي يقولها واتمني ان يكون البلاغ كاذب وان الراجل يكون شريف بس ازاي يكون عضو مجلس شعب حزب وطني بالتزوير ومحافظ في حكومة احمد نظيف ويكون شريف الله اعلم

[mohamedabdulazim]

حد يقول لفتحي البرادعي عضو مجلس الشعب عن الحزب الوطني ومحافظ دمياط في حكومة نظيف ووزير الاسكان في حكومة شرف إن مصر لكل المصرييين ومفيش تقسيم محافظات ولو حصل ده يبقي إحنا كان بينضحك علينا وبيكذبوا علينا في كتب الدراسات الاجتماعيه لما كانوا بيدرسوا لينا المدن الجديدة والهدف منها هو تعميرها من شباب الوطن لكن ماحدش قالنا يافتحي ان في واحد ممكن يجي من قرية إبيار مركز كفر الزيات محافظة الغربية متهم بفساد ومقدم فيه بلاغ للنائب العام يحمل رقم 9214 مقدم من المحامي محمد ابراهيم حسين وهذه بيانات البلاغ

بلاغ رقم 9214 بلاغات النائب العام تقدم به المحامي محمد إبراهيم حسين ضد محمد فتحي البرادعي وزير الإسكان الحالي ومحافظ دمياط سابقا وعضو مجلس الشعب سابقا .

عنوان البلاغ : واقعة إستغلال نفوذ وتربح وتهرب ضريبي .

حيث تم تخصيص قطعة الأرض رقم 464 منطقة الجولف - التجمع الخامس - القاهرة الجديدة ، بمساحة 13536 متر بثمن إجمالي 398 الف جنيه علي أقساط مدتها عشر سنوات . كان ذلك عام 1995 .

تم تسليم الأرض في 31 -12-2000.

وإستخراج ترخيص بالحفر في 2-12-2008 .

ثم باعها الي مكتب إستثماري بواقع خمسة آلاف جنيه للمتر .

ولم يتم إستغالها علي النحو المبين في قرار التخصيص .

خلوا بالكوا من التواريخ اهم من الفلوس ان البيه استلم الارض في سنة 2000 وطلع الرخصة في سنة 2008 يعني سقع الارض 8 سنين وطبعا باع المتر بـ 5000 جنيه ومذكور اسم المشتري ورقم التوكيل وصورة عقد البيع ومرفقين بالبلاغ ودلوقتي تعالوا نشوف فتحي كسب كام من تسقيع الارض وعدم بنائها والتحايل علي القانون وستخدام النفوذ والسلطة

قيمة السرقة = 13536 متر * 5000 جنيه = 67680000 جنيه يعني مبلغ مش بطال 67 مليون جنيه في عمليه واحده هي اللي اتكشفت الله اعلم الباقي شاكله ايه وانا بأيد الأراء كلها اللي بتقول إن فتحي مانزلش ارض في القاهرة الجديدة لأن كان تخصص إتجار في القاهرة الجديدة وفيه عشم بينه وبين التجار انه مايضربهمش علشان كده هو هاينزل فعلا في القاهرة الجديدة بس مزادات وشوف بقي الدلع إن فيه تسريبات من ناس بتحب الوزير اوي في وزارة الاسكان انه هايحط حد ادني لسعر المتر في المزاد 1200 جنيه وهاينزل الزاد الواحد علي دفعات علشان لو ماوصلش المزاد لسعر السوق يرفع الحد الادني للدفعه اللي بعدها وعلي فكرة سداد قيمة اراضي المزادات هاياخد عليها فوائد وخدوا الخبر ده من الآخر والايام بيننا والخبر انا كاتبه واللي عايز يرجعله في اي وقت يرجعله الباشا متفق علي ان سعر المتر في القاهرة الجديدة 2700 جنيه ماينزلوش عن كده جنيه واحد لكن يزيدوا علشان مايزعلش دراعه اليمين في القاهرة الجديدة والسماسرة رجالته وانا مش هاذكر اسم اللي اتعمله التوكيل واشتري ودفع الفلوس ولا دراعه اليمين لأن دول ناس عاديين ولهم سمعه في السوق وماينفعش اذكرهم لكن الاسماء موجودة في بلاغ النائب العام اللي مكتوب بياناته فوق وبنشكر المحامي الراجل بجد محمد ابراهيم حسين والمجهود اللي قام بيه علشان يوصل للتوكيل والبيانات اللي فيه ويصور التوكيل كمان ،

عموما يافتحي خلاص أيام الهبل إنتهت إحنا جيل مصحصح ومن الآخر مالناش كبير نحترمه إلا المحترمين فقط وانت تفتقد هذا الشرط إلا إذا خرجت ودافعت عن نفسك وكذبت البلاغ والعيب مش عليك العيب علي شرف اللي سايب عضو حزب وطني يعمل كده في البلد لحد دلوقتي وبالمناسبة ياجماعه فتحي البرادعي من النواب اللي نجحوا بالتزوير وكان عليه طعن وطبعا اللي متابع السياسة قبل الثورة عارف ايه اللي اتعمل في الطعون ايام تزوير الانتخابات انا بقول كفاية كده انهاردة واتمني ان اللي عنده معلومات تختلف عن المعلومات دي يقولها واتمني ان يكون البلاغ كاذب وان الراجل يكون شريف بس ازاي يكون عضو مجلس شعب حزب وطني بالتزوير ومحافظ في حكومة احمد نظيف ويكون شريف الله اعلم

مقسم مصر تورتة على مزاجة , مصر كلها لكل المصريين وكل شبر في أرض مصر ملك لكل المصريين , ولا دي تلاقيها عاملها فكر جديد لتقسيم مصر

ونقول بقا أن سيناء ملناش دعوة بيها دي بتاعت سكان سيناء

راجل غريب بجد

بس بجد انا عايز حد يفدني بشرح الشرط الخامس دة بالتفصيل لأني مش فاهمة

شكرا

[Nefer]

العاشر من رمضان و متوفر بها 700 قطعة و لا يتوفر لها خريطة

دى خريطة العاشر من رمضان

[عطر الجنة]

أخت عطر الجنة

لي سؤالين بعذ اذنك

فى حالة الحصول على قطعة الأرض , هل هناك وقت معين لمن حصل على قطعة الأرض لكي يبدأ فيه البناء ؟ ام ان الامر مفتوح ؟

وهل هناك تصميم موحد للبناء ملزم به كل من استفاد من هذه القرعة ؟

وتحية لكي

اخى الفاضل

فى حالة الحصول على قطعة الأرض , هل هناك وقت معين لمن حصل على قطعة الأرض لكي يبدأ فيه البناء ؟ ام ان الامر مفتوح ؟

طبعا كما تم التصريح به سابقا ان مهلة البناء 5 سنوات مفتوحة اى غير مقسمة مهلة لعمل الرخصة و مهلة للاعمال الخرسانية و مهلة للتشطيب و محاسبة صاحب الارض بعد كل مهلة

و هناك مهلة اخرى 5 سنوات تحسب من تاريخ اعطاء شهادة الصلاحية للمبنى لا يتم فيها بيع للشقق او الايجار

لذا الاسراع فى البناء افضل لمن تتوفر عنده السيولة لكى يحصل على شهادة صلاحية المبنى و تبتدى معه المهلة الثانية و ذلك لمن يريد بيع شقق فى مبناه

وهل هناك تصميم موحد للبناء ملزم به كل من استفاد من هذه القرعة ؟

لا يوجد نظام موحد ولكن هناك عدة نماذج للبناء يجب الاختيار منها و التقيد بتنفيذها

تحياتى

[وجيه حجاج]

ياجماعة انا سبق ودعوت الى الوقوف ضد هذا الوزير النصاب الكبيييير قوي

وياريت نتفق على يوم لعمل وقفة امام وزارة الاسكان لاقالة هذا النصاب لازم الثورة تستمر لحد ما البلد تنظف من الحرامية ونجاح الثورة لا يكون بالمحاسبة الفورية الشعبية لاخطاء شرف واعوانة الا ما عنوش رحت الشرف