وزارة المالية: لا يمكن كشف ميزانية القوات المسلحة لدواعى الأمن القومى

[se_ Elsyed]

لأ يا راجل ؟

أمن قومي إزاي لا مؤخذه ؟

وهي امريكا بايعه القضية .. وإسرائيل بايعة القضية ؟

كل دول العالم .. المحترم ... بتُعلن عن ميزانية الدفاع بمنتهى الشفافية

أصل لا مؤخذه دي فلوس اللي جابونا ومتاخده من دمنا ... وبالتالي من حق البرلمان إنه يناقش ويمحص ويفحص اللي بيتم صرفه في كل مؤسسة بالدولة

ومن اجل هذا وعشان ميزانية القوات المسلحة أمن قومي ...

فأصبحت ميزانية وزارة الاعلام هي كمان أمن قومي ..... تخيلوا ؟

وأصبحت ميزانية وزارة الداخلية هي كمان أمن قومي .... تصوروا ؟.

ولما نجمع ونطرح ده كله ... نلاقي مصر بتفلس وبتبلغ ديونها الداخلية والخارجية .. تريليون و مائة مليون جنية ..... امن قومي يافندم امن قومي .......

كل هذا لابد أن ينتهي ويذهب حيث ذهب مبارك .. يعني الى المزبلة ..

ولازم يكون عندنا برلمان قوي .... يحاسب أي راس في البلد

ونقضي على المهزلة والمسخرة دي

المالية: لا يمكن كشف ميزانية القوات المسلحة لدواعى الأمن القومى

الإثنين، 26 سبتمبر 2011 - 15:07

كتبت منى ضياء

قال الدكتور خلف المليجى رئيس الإدارة المركزية للشئون القانونية بوزارة المالية، إن عدم إفصاح وزير المالية عن ميزانية القوات المسلحة مرجعه قد يكون لدواعى الأمن القومى.

وأضاف المليجى ردا على المطالب بالإفصاح عن ميزانية القوات المسلحة، أنه من غير الملائم الإفصاح عن الميزانية العسكرية، خوفا على الأمن القومى المصرى.

وعارض الدكتور ماجد عثمان وزير الاتصالات السابق، المطلب السابق بالكشف عن ميزانية القوات المسلحة، مؤكدا أن دواعى الأمن القومى قد تتطلب عدم الإفصاح عن ميزانيات بعض الجهات، وعلى رأسها وزارة الدفاع.

[hOuSsAm]

هو جودت الملط موقفه ايه من الاعراب دلوقتى؟

يعنى مين اللى بيراجع وبيكشف عن الاوساخ والمهازل دى؟

--------------

الراجل ده تحت ايده ورق يودى كل الفاسدين ورا الشمس

شغله ليه مش بيبان للنور

ليه شرف مش بيخليه ينزل الوزارات يفتش عن الفساد وينقب

[Alshiekh]

كل دول العالم .. المحترم ... بتُعلن عن ميزانية الدفاع بمنتهى الشفافية

عندما يكون من يحكم مصر هم من نفس المدرسة التي حكمت مصر لمدة ستون عاما فلا تنتظر آراء محترمة.

كل دول العالم المحترمة -كما قلت- تعلن ميزانيتها بوضوح ولو إحتاجات وزارات الدفاع لزيادة في الميزانية تتقدم الحكومة بطلب إلى البرلمان توضح فيه قيمة الزيادة المطلوبة وأسباب التي من أجلها طلبت الزيادة ، أرى ذلك كل فترة هنا في أمريكا عندما يتقدم أوباما لمجلسي الشيوخ والنواب لزيادة إعتماد ميزانية الدفاع.

مفيش حاجة إسمها ميزانية سرية أو ميزانية مفتوحة إلا في بلاد الظلام والإظلام والديكتاتورية.

ولو كان وزير المالية من أنصار إخفاء ميزانية وزارات الدفاع والداخلية والإعلام فيجب عليه أن يجلس في بيتهم ويتركها لشخص آخر ذو أفكار محترمة تتماشى مع متطلبات ثورة شعب مصر.

مصر مازالت في حاجة لثورة تطهير وتنظيف العقول والأفكار.

قرأت في جرائد ماقبل الثورة أن الملك فاروق وابيه الملك فؤاد كانوا يتقدمون بطلبات قروض تخصم من مخصصاتهم الملكية إلى الحكومة وكانت تناقش في مجلس النواب للموافقة عليها او تخفيضها أو رفضها وكانوا يقدمون معها أسباب طلب القرض.

طبعا لم يعرف أحدا بعد إنقلاب يوليو 1952 أي شيئ عن مخصصات الملوك الجدد ( ملوك الكاكي الجدد )

[Salwa]

هو جودت الملط موقفه ايه من الاعراب دلوقتى؟

يعنى مين اللى بيراجع وبيكشف عن الاوساخ والمهازل دى؟

--------------

الراجل ده تحت ايده ورق يودى كل الفاسدين ورا الشمس

شغله ليه مش بيبان للنور

ليه شرف مش بيخليه ينزل الوزارات يفتش عن الفساد وينقب

ياسيدى الفاضل حسام بك.

حضرتك عايزه يفتش وينقب ؟؟

ماهو (المعنى بالأمر) ف النهاية حايبص له ويقول له ..

نقبك على شونة ..

وحضرتك فاهم طبعااا المثل المشهور ....

يعنى ما تنقب عنه حايعود عليك وعلى الكل ..على مفيش.

واحنا حانعمل ايه بالشونة اللى مليانة تبن ؟؟؟

لاحايلاقى فساد ولا يحزنون ...((( هو ممكن يلاقى يحزنون بس فساد لأ )))

وبرضه فيه مثل تانى بيقولك محدش يقول ...ياغولة عينك حمرا .

مين اللى حايحاسب مين؟؟؟

وان كان على الحساب ..ماكان من الأول .

دلوقت خد عندك بقى لسا حانبدأ من أول السطر .

اقولك حاجة بعيدة شوية بس قريبة قوى قوى كمان من اللى بنقوله .

ف أول الأمر كان بامكانك تحاسب والموضوع كان ساخن جداا والثورة ف عزها ..

متجيش دلوقت والأمور خلاص بردت وكله اصبح هادئ بطريقة مريبة وتقوللى حانحاسب.

بالظبط زى موضوع فلسطين واسرائيل..

فضلنا نقول ....اسرائيل اغتصبت جزء من ارض فلسطين..

وبعدين؟؟

اسرائيل اغتصبت اجزاء من فلسطين..

وبعدين؟؟

اسرائيل اغتصبت الجولان من سوريا .

وبعدييين ..؟؟

اسرائيل اخدت مننا سيناء .

وبعدين؟؟؟

اتصالحنا واسرائيل رجعت لنا سيناء بس الا حتة ( كدة وكدة يعنى الحتة دى زى مسمار جحا )

ها..وبعدين؟؟؟

اسرائيل عايزانا نعترف بيها وكله حايبقى تمام..

وبعدين؟؟؟

عايزين سلام وخلينا نعترف بيها ..

وبعدين؟؟؟

الكل اعترف بيها .واللى قال لأ..قالها برضه ( كدة وكدة ).

ها....وبعدين؟؟؟

ياه....فلسطين دلوقت بتطالب انهم يعترفوا بيها .

وبعدين؟؟؟

حايفكروا وبعد كام سنة ممكن يردوا عليهم..

مش مفهوم اى شئ من كل ده؟؟؟ هو مين اللى بيطلب الاعتراف بيه دلوقت ؟؟؟ طيب ازاى ؟؟؟

وبعدين؟؟

ولا قابلين....نقول كمان ..

نقطة ومن اول السطر ..

اللى عاوز ياخد حاجة ( حقه ) ياخدها ف ساعتها ..

وخلاص دلوقت ..الكل اصابه الخرس.

محدش حايقول ولا يعترف بأى شئ ..

طيب واللى حايعترف يعترف لمين؟؟؟ وبمناسبة ايه؟؟

فين المندوب الرسمى بتاعك ايها الشعب الغلبان قوى ؟؟

فين المناديب ؟؟؟ قصدى المندوبين ..

فى حفل التأبين ..

تأبين الحق الضائع ..

وسوف نجده ان شاء الله .

وما ضاع حق وراءه مطالب ..

ربنا كريم ..