إدخل وقول لنا إنطباعك عن وصف مصر بعد مرور 8 شهور على الثورة المجيدة

[م تيمور المراغي]

الشيخ حازم انسان محترم وانا اقبل انه يحكمني خصوصا بعد المقابله الايجابيه اللي اظهرت جوانب اخفاها المحيطين بيه اللي كانوا بيطفشوا اي محاوله للاتصال بيه والاجتماع معاه ,,

بس يا كابتشو انت هربت من سؤالي ,,

انت بتقول النزول للميدان والتوحد هو الحل

طيب

نزلنا للميدان ورباية مبارك التنح اصروا على اللي في دماغهم تسويف ومصادرة صحف وارهاب للنشطاء واتهامات بالعماله

ايه الخطوه التاليه الفعاله !

[التونسى]

لو ليبرالى .. علمانى

أو سلفى .. أو إخوانى

......

إسمحوا لى .. إيه جرالنا !!!؟

لأه ... مش عايز أصدق

إن بعد الثــوره .. حالنا

ماشى من سيئ .. لأسوء

...........

كدبونى

خونونى

إشتمونى

إلعنونى

بس أبلا .. فهمووووونى

هى هاصت

والا لاصت

والا ضاعت

والا باظت

والا غرقت

والا غاصت

والا إيييييييييه

ما تعرفونى!!!!؟

لأه ... مش عايز أصدق

إن بعد الثــوره .. حالنا

ماشى من سيئ .. لأسوء

[Alattar]

الشيخ حازم انسان محترم وانا اقبل انه يحكمني خصوصا بعد المقابله الايجابيه اللي اظهرت جوانب اخفاها المحيطين بيه اللي كانوا بيطفشوا اي محاوله للاتصال بيه والاجتماع معاه ,,

بس يا كابتشو انت هربت من سؤالي ,,

انت بتقول النزول للميدان والتوحد هو الحل

طيب

نزلنا للميدان ورباية مبارك التنح اصروا على اللي في دماغهم تسويف ومصادرة صحف وارهاب للنشطاء واتهامات بالعماله

ايه الخطوه التاليه الفعاله !

صدقني يا تيمور..لو النزول كان جماعي..و كان فيه قبلها وقت كافي لتوحيد المطالب و الاتفاق عليها..و لم يكن هناك فردية من قبل أي تيار..ساعتها ان شاء الله أقدر أقوللك..ان يد الله مع الجماعة

في 25 يناير الناس كلها نزلت..وبدون اتفاق مسبق الا بعض التيارات القليلة..والمطالب لأن الشعب كله كان موافق عليها ..فكله نزل..ومن تلقاء نفسه كمان..ومش بس رباية مبارك اللي ما عرفوش يعملوا حاجة..لأ..ده ولا الشرطة لكا قطاعاتها أمن مركزي علي مكافحة شغب علي أمن الدولة..عرفوا يعملوا حاجة

نتحد بس..وان شاء الله كل حاجة هتتحل..

[capitshino]

انا ماهربتش ولا حاجة من سؤالك يا تيمور

انت سئلت سؤال وانا جاوبت

وافتكر اننا اذا اتحدنا "بس نتحد بجد وللاخر"

ساعتها المجلس السمكرى مش هيبقى عنده بدائل كتير

[م تيمور المراغي]

عاوزين مكان جديد ننقل المليونيات عليه

مكان يوجعه ,,

ايه مقترحاتكم !

[Alattar]

عاوزين مكان جديد ننقل المليونيات عليه

مكان يوجعه ,,

ايه مقترحاتكم !

كنت هقوللك..نروح قدام المنصة عند الجندي المجهول..وبعدين قلت بلاش..أحسن ممكن ننضرب بالصواريخ فيها دي

[م تيمور المراغي]

عاوزين مكان جديد ننقل المليونيات عليه

مكان يوجعه ,,

ايه مقترحاتكم !

كنت هقوللك..نروح قدام المنصة عند الجندي المجهول..وبعدين قلت بلاش..أحسن ممكن ننضرب بالصواريخ فيها دي

جامد المكان يا عطار ,,

فيه مقترحات تانيه !

[ابراهيم عبد العزيز]

بالنسبة لي يغلب علي شعورا بالإحباط

فهناك هوة سحيقة بين ما كان مامول ومتوقع وبين الواقع الفعلي

وهذه الهوة ليست بسبب أن الناس بالغت فى التوقعات , بالعكس التوقعات كانت معقولة جدا ولم يكن فيها أي شطط لأننا كشعب مصري ادرى الناس بمصر وامكاناتها

الهوة نتجت بسبب ان القائمين على الامر فى مصر لم يقتنعوا أن ما حدث فى مصر هو ثورة , وتعاملوا معها على أساس انها انتفاضة للاصلاح فقط لا غير , ومن منطلق هذا الأساس ظنوا انه بمجرد إحداث تغير شكلي فى بعض الوجوه مع بقاء نفس السياسات فإن ذلك سيكون كافيا ومرضي للناس

وللأسف تم زرع بذور الخلافات بين التيارات السياسية, فتارة عن طريق الاستفتاء وتارة عن طريق المبادىء الفوق دستورية وتارة عن طريق اثارة موضوع تمديد العمل بقانون الطوراىء , وكل هذه الامور كان محسوم سلفا مصيرها عند القائمين على الأمر فى مصر , وما اثارتها إلا بغرض إحداث الخلافات بين التيارات السياسية ثم بعد ذلك يتم إقرار ما هو موضوع سلفا مهما عارضت التيارات السياسية

ما يجب فعله الان من وجهة نظري امام هذا الوضع سأذكره فى المداخلة القادمة باذن الله بعد ترتيب الافكار

[ابراهيم عبد العزيز]

أعتقد أنه فى اللحظات الفارقة فى تاريخ الامم يأتي دور التضحيات الأنية والأفكار الغير تقليدية لكي تستقيم الامور مستقبلا

الحل من وجهة نظري : ان تجتمع كل التيارات السياسية الفاعلة والمخلصة فى مصر ويقوموا بالاتفاق على شخص واحد يبايعوه جميعا كرئيس قادم لمصر مهما كان انتماؤه , ويتعهدوا بدعمه والوقوف وراء ظهره كداعمين فى الانتخابات المقبلة ويتعهدوا بعدم الزج بمرشح أخر أمامه , وإذا حدث هذا فهناك عدة فوائد ممكن ان تكون نقطة تحول لصالح الثورة :

اول شىء : الإبتعاد عن تفتيت الأصوات وتشتيت الشعب المصري , وهذا التشتيت إذا استمر سيجعل المواطن البسيط يشعر أن الاحزاب على الساحة غير منظمة فيلجأ للحل الأسهل ( اللى نعرفوا احسن من اللي منعرفوش ) .

ثاني شىء : المرشح الذي تم مبايعته سيحظي بكم ضخم من الدعم المالي والدعائي ( لان المجهود الذي كان سيتوجه لخمسة مرشحين مثلا سيتوجه الان لشخص واحد فقط ) بما يجعله قادرا على الوقوف امام اى منافس .

ثالثا شىء : سيتم بذلك اغلاق الباب اى محاولة لذرع بذور الخلافات بين التيارت السياسية لان الهدف أصبح واحد وهو نقل السلطة فى مصر لسلطة مدنية مهما كان الانتماء الخاص بها .

رابع شىء : وهو الاهم عندما يرى الشعب المصري ان كل الاحزاب السياسية اتفقت على شخصا واحدا , فسيختاره لا محالة مهما كان المنافس الذي سيخوض الانتخابات امامه.

تم تعديل 26 سبتمبر 2011 بواسطة ابراهيم عبد العزيز