محاورات المصريين - طاقة إعلانية كبيرة

[لونا]

[الموضوع زاد جدا النهارده وبصراحه اصبحت اتحرج من فتح المحاورات امام ابني عشان بيلاحظ الاعلان وبيسألني عليه

مرفق طيه الاعلان مع طمس المعالم الاباحيه

كنت داخلة أقول نفس الكلام

باحاول إني ما أفتحش المحاورات أمام الأولاد أو أرجع للصفحة الرئيسية قدامهم

لأن الإعلان كان قبل كدة في يسار الصفحة للأسفل

و الآن أصبح في أعلى الصفحة يعني الكل حيشوفه

ملحوظة:

أنا طبعًا مش باعمل سيرش على مواقع *****

ولا باعمل سيرش على موبيلات و لا ألعاب و لا رنات

لأن باقي الإعلانات اللي عندي عن ألعاب

[Folana]

السلام عليكم ورحمة الله...

والله ياجماعة أستاذ عادل راسل الشركة المختصة وفى انتظار حل المشكلة...

أضم صوتى وصوت زملائى فى فريق الاشراف لصوتكم ونطالب بسرعة حل المشكلة ، وبنعتذر لحضراكم مرة أخرى .

تحياتى

[أسد]

[الموضوع زاد جدا النهارده وبصراحه اصبحت اتحرج من فتح المحاورات امام ابني عشان بيلاحظ الاعلان وبيسألني عليه

مرفق طيه الاعلان مع طمس المعالم الاباحيه

فعلاً ..

الإعلان ده بقاله يومين مزودها

[الدكتور ياسر]

[الموضوع زاد جدا النهارده وبصراحه اصبحت اتحرج من فتح المحاورات امام ابني عشان بيلاحظ الاعلان وبيسألني عليه

مرفق طيه الاعلان مع طمس المعالم الاباحيه

فعلاً ..

الإعلان ده بقاله يومين مزودها

يبدو و الله أعلم أن تلك المؤخرات العارية هي خطة محكمة للإطاحة بالسلفيين من المنتدى ;)

على فكرة أنا برضه بهدى النفوس ..لو سمحتم مش عايز ضرب

اللهم اخزيك يا شيطان .. ده الواحد سيئ الظن بشكل

[عبير يونس]

[الموضوع زاد جدا النهارده وبصراحه اصبحت اتحرج من فتح المحاورات امام ابني عشان بيلاحظ الاعلان وبيسألني عليه

مرفق طيه الاعلان مع طمس المعالم الاباحيه

فعلاً ..

الإعلان ده بقاله يومين مزودها

يبدو و الله أعلم أن تلك المؤخرات العارية هي خطة محكمة للإطاحة بالسلفيين من المنتدى ;)

على فكرة أنا برضه بهدى النفوس ..لو سمحتم مش عايز ضرب

اللهم اخزيك يا شيطان .. ده الواحد سيئ الظن بشكل

تصدق فكرة تجنن

طيب خير

احنا بقى نطلب تكثيف للنوعية دي من الاعلانات

:P

سؤال بيهدي النفوس برضه

همة السلفيين بس اللي اخلاقهم ترفض يشوفوا الحاجات دي؟؟؟

و الباقي عادي يعني؟؟؟

انا باهدي النفوس طبعا

زي حضرتك بالضبط

smk:

[عادل أبوزيد]

الإعلانات عندي ليس فيها ما يمكن القول أنه غير أخلاقي و فى نفس الوقت للأمانه ليس فيه ما يمثل قيمة كبيرة مضافة

ما سيق كان إستهلالا لابد منه

مرت اليوم ثلاثة عشر يوما على بدء الإعلانات المصورة و ما سبق هو إنطباعي حتى الآن عن تلك الإعلانات المصورة.

يهمني تقييم الموقف بأمانة ... قلت أني لم أجد أى إعلان عندي غير مقبول أخلاقيا.

[Damo]

من ساعة ما ابتدت الإعلانات وأنا مشوفتش إعلان واحد مفيد ليا أو حتى لغيري. كلها spam!!!

وبخصوص نقطة إن الإعلانات بتيجي حسب الاهتمامات والمواقع اللي بنفتحها, مش كده يبقى بيكسروا خصوصياتنا؟؟؟ و لو دي فعلا الطريقة فلما حد يعمل إعلان و يجي ينقي انهو "اهتمامات" يجيلها الإعلان ده سهل قوي يقوم عامل مليون "اهتمام" وولا واحد ليه أي علاقه بالتاني. المهم يضمن الاعلان هيوصل لكل الأشكال والألوان. ماظنش اللي يعمل الإعلانات دي هيجي عند الخطوة دي و يطلع عنده ضمير مثلا و يختار اهتمامات ذات صلة عشان خاطر ميزعجش الاخرين !! مبقاش اسمها spam. وخصوصا الإعلانات الغير اخلاقية ,مش محتاجين يعلنوا لناس مهتمين من الاول اصلا.

نظام الإعلانات ده موجود في مواقع كتير و نادر جدا ان شركة حقيقية أو محترمة تقرر تعلن على أي موقع كده وخلاص وطبيعي اني لما اخش أي موقع فيه إعلانات انطباعي علطول انه موقع رخيص. الصراحة خسارة إن المحاورات بقى فيها إعلانات زيهم. نزلت من جو الرقي جدا. لما كنت بفتح منتديات تانية و يحصل هجووووووم إعلانات بره وجوه الصفحة كنت بقول على الاقل المحاورات اعلاناتها بره الصفحة نقفلها وخلاص. لكن دلوقتي الإعلانات ورانا ورانا. وكلها حركة يا إما تلفت انتباه يا إما تخيل. يعني حتى لو تجاهلتها بقى تصفح المحاورات مجهد جدا!!!

أنا شخصيا مش لاقية أي اضافة للمحاورات. بالعكس كله ضرر وببساطة تسيء للمحاورات.

الإعلانات عندي ليس فيها ما يمكن القول أنه غير أخلاقي و فى نفس الوقت للأمانه ليس فيه ما يمثل قيمة كبيرة مضافة

ما سيق كان إستهلالا لابد منه

مرت اليوم ثلاثة عشر يوما على بدء الإعلانات المصورة و ما سبق هو إنطباعي حتى الآن عن تلك الإعلانات المصورة.

يهمني تقييم الموقف بأمانة ... قلت أني لم أجد أى إعلان عندي غير مقبول أخلاقيا.

يا ريت يتم اعادة نظر في استمرارية الإعلانات. كل الاعضاء اللي شاركوا بآرائهم كانوا ضدها سواء لاسباب اخلاقية او غيرها. مفيش عضو واحد مؤيدها ومفيش سبب واحد يبرر بقائها.

ارجو إني اكون ساعدت حضرتك في تقييم الموقف بامانه.

تم تعديل 22 أكتوبر 2011 بواسطة Damo

[Damo]

بعض إعلانات الربع ساعة اللي فاتت:

[أبو يمنى]

همة السلفيين بس اللي اخلاقهم ترفض يشوفوا الحاجات دي؟؟؟

و الباقي عادي يعني؟؟؟

smk:

قطعاً لا يا مدام عبير ، أظن أن الدكتور ياسر لم يقصد هذا المعنى وإنّما قصد الممازحة ليس إلا .

:)

[لونا]

الحمد لله الإعلان الخادش للحياء توقف عندي تمامًا

شكرًا لحضرتك أستاذ عادل

باقي الإعلانات .. أنا غير مهتمة بها أصلًا و لذلك لم أفتح أي منها .. و بالتالي ما استفدتش منها

علشان كدة أشك في حكاية إن الإعلان بيكون على حسب اهتمامات الشخص أو عن أكثر حاجة بيعمل عليها بحث

[الدكتور ياسر]

و أنا أيضا توقفت عندى تلك الإعلانات منذ بضعة أيام ..

شكرا للأستاذ عادل