لعب على كبير من سيادة المشير

[capitshino]

بس برده البدلة واسعة عليه !

[م تيمور المراغي]

كلنا خالد سعيد

شير في الخير لأننا فعلا تعبنا في جمع اللينكات دي :)

أرشيف مدير تحرير الأهرام جمال زايدة صاحب التصريح (العفوي جدا) الخاص باقتراح تولي المشير رئاسة مصر بعد ان صورته عدسات التلفزيون المصري (بالصدفة البحتة) مرتديا الزي المدني في منطقة وسط البلد .. تحذير المقالات تعبر عن تحول فكري (عميق) قبل وبعد الثورة:

قبل الثورة .............................

13 / 2 / 2008

رأيت مصر التي أعشقها حين فاز منتخبنا الوطني بكأس إفريقيا.. ذهب إليهم الرئيس مبارك يكرمهم ويبلغهم فرحه شخصيا وفرح الأمة المصرية بالأبطال.. لم يتردد جمال أو علاء مبارك في الذهاب إلي المطار لاستقبال

http://bit.ly/pRWkuQ

15 / 7 / 2009

الوزير حبيب العادلي رجل أمن صارم يعمل في صمت مهمته الاساسية هي تطبيق القانون علي الجميع.. وتحقيق الاستقرار.. ومتابعة الخارجين علي القانون بلا هوادة.. هو أحد كوادر الدولة المصرية.. ورث تقاليدها.. ويتابع تنفيذها.

http://bit.ly/ooT2gO

9 / 3 / 2010

سلامتك ياريس

http://bit.ly/pwlIP0

11 / 11 / 2010

إعجابي بالدكتور فتحي سرور استاذ القانون الجنائي والمفكر القانوني الكبير يفوق اعجابي بالبرلماني رئيس مجلس الشعب فتحي سرور.

http://bit.ly/qT8qh9

17 / 11 / 2010

كمال الشاذلي رقما فاعلا في الحياة السياسية المصرية لمدة 47 عاما

http://bit.ly/o455eN

23 / 11 / 2010

ما تقوم به السيدة سوزان مبارك من أجل تطوير التعليم في مصر هو جهد غير مسبوق

http://bit.ly/qmGA23

14 / 12 / 2010

الرئيس مبارك زعيم وطني

http://bit.ly/nxniaY

25 / 12 / 2010

شكرا سيدي الرئيس

http://bit.ly/rhPnGd

26 / 12 / 2010

الشهادة واجبة أيضا وزير الداخلية السيد حبيب العادلي لا يترك ضابط شرطة مخطئ بدون عقاب.. مفاهيم حقوق الانسان وصلت الي جهاز الشرطة.

http://bit.ly/n71Kgn

||||||||||||||||||||||||||||||||||||||||||||||||||||||||||||||||||

وطبعا بعد الثورة ..............

16 / 2 / 2011

ثروة الرئيس

http://bit.ly/qEdtDu

9 / 4 / 2011

جمال مبارك على رأس من سرقوا واستنزفوا الموارد المصرية

http://bit.ly/p6gi3w

9 / 5 / 2011

مبارك صاحب اللامشروع

http://bit.ly/mYzXPR

9 / 6 / 2011

بعض كوادر وقيادات الحزب الوطني المنحل تحاول أن تتسلل للحياة السياسية مرة أخري

http://bit.ly/n5uB1K

27 / 6 / 2011

مصر أدارت سياسة خارجية ضعيفة مع دول الجوار قائمة علي عدم تقدير حقيقي لمكانة الامة المصرية

http://bit.ly/o6JyYJ

17 / 8 / 2011

أين رجال الوريث

http://bit.ly/r8uYai

بعض محتويات الأرشيف مساهمة من عضو الصفحة: خالد سليم

[Abu Reem]

لازم مليونية الجمعة القادمة يكون فيها الرد

[أسد]

ما زلت مصمم على رأيي

أن كله في مصر على قديمه

لا وضوح للرؤية ... ولا المسئولين عن إدارة شئون البلاد بيحطوا المصريين في إعتبارهم .. ولا بيقولوا لهم أي حاجة

على إعتبار إن الشعب ده شعب طايش ومش عارف مصلحته

كله على قديمه

[ابراهيم عبد العزيز]

الامر واضح تماما يا اخ سي السيد

لأن الشعب ينادي بحكم مدني ويرفض العسكري

فسترى الفترة القادمة المشير يلبس مدنيا وياكل الطعام ويمشي فى الأسواق ! وبذلك يكون قد أصبح مدنيا تمهيدا للانتخابات القادمة

ارأيت تسطيحا لعقول الشعوب مثل الذي نراه فى مصر ؟؟

[ابراهيم عبد العزيز]

قد يكون من حق المشير أن يتجول بزيه المدني أينما شاء

ولكن فليعلم المشير بأنه ليس من حقه أن يترشح على منصب رئيس الجمهورية لانه كان من أعوان مبارك والسبب الوحيد الذي شفع له وأبقاه بعيدا عن المسائلة أنه إنحاز لصف الثورة ولو لم يكن قد فعل ذلك لكان مكانه مع العادلي ومبارك.

المشير حكمه حكم الشاهد الملك ولكن موضوع رئاسة الدولة فهو أمر آخر .

نقطة مهمة يجب أن يضعها في الإعتبار أنه لايحكم مصر حاليا ، بل يحكمها المجلس الإعلى للقوات المسلحة وهو أحد أعضائه ورئيسه.

انا استبعد تماما ترشيح المشير لنفسه للرئاسه .. لكنى اعتقد ان من حقه الترشح .. والحكم للشعب فى نهاية المطاف

يا أخ محمود

الالتفاف على الثورة يسير بنظام خطوة بخطوة

فانت الان تقول أن من حق المشير أن يترشح للرئاسة وهناك من يعول على نفس هذه النظرة فى تمرير ذلك الامر ( ولا تنسى ان بداية مخطط التوريث كان بكلاما من نوعية ان جمال مبارك مثله مثل اى مواطن مصري من حقه ان يترشح للرئاسة فلما تحرموه !!)

ثم بعد ذلك تبدأ الانتخابات الرئاسية , وهنا أسألك سؤال : بالله عليه إذا ترشح المشير للرئاسة أمام المرشحين الاخرين , هل ستكون المنافسة متكافئة ؟؟ بالطبع لا , ستجد الدولة بأجهزتها الاعلامية ووبكل مؤسساتها تساند المشير فى مقابل منافسين لا يملكون من الامكانات إلأ الشحيح منها , وبالطبع فى هذه الحالة ستكون النتيجة محسومة له , فبالله عليك يا اخ محمود لا نريد ترديد كلاما من نوعيه ان من حق يترشح حتى لا نفتح الباب لاجهاض الثورة

[مغتربة]

يا نهار ابيض

يعنى الثوره العظيمه دى كانت علشان سياده المشير يغير البدله الميرى و يلبسها مدنى

طيب ما كانوا يقولولنا كدا من الاول و كانوا وفروا علينا الشهدا الى سقطوا و الناس الى اتصابت

يالله شكلها كدا المشير لبس البدله المدنى و الشعب كله هو الى لبس سياده المشير

و كل ثوره و انتوا بخير

نقابكوا بقى باذن الله فى ثوره 2071

يعنى بعد 60 سنه من دلوقتى

[لماضة مصرية جدا]

السلام عليكم و رحمة الله و بركاته

انا مش معترضة علي البدلة...ابسلوتلي...(وش اللمبي)

لأن الراجل يعني كان طول حياته اصلا بيلبسها مهو مش معقول يعني كان عايش علي لون واحد و هو الكاكي

بس انا ليا مليون علامن استفهام علي توقيت "بروزة" الخبر بالطريقة دي

و مش عارفة فكرتني ليه لما دكتور شرف في اول ما مسك الحكومة...(و يا ريته مكنشي مسكها) نزلت الاخبار ترف علينا من نوعية

شرف....يتمشي في شوارع القاهرة

شرف يترجل بنفسه من سيارته و يلقي التحية علي عم احمد الجنايني

شرف....يقوم بزيارة تاريخية...و من خلالها قام بتسريح شعره علي الجنب مرتين؟؟؟؟؟؟؟؟

نفسنا من زمان ان اي مسئول في الدولة يفتكر انه انسان و بني آدم

بس مبحبش الطريقة الاعلامية الساذجة لتوقيت الخبر و لا لتلميع الشخص في نفس الوقت

مش عارفة ليه قالبة معايا ضحك و خصوصا مع التعليقات اللي بتكعبل فيها

النهاردة البدلة ومشى فى وسط البلد ..

بعده يضرب المايوه ويتمشى على كورنيش اسكندرية ..

يومين ويروح ينقط فى فرج فى السيدة زينب ..

إسبوع يربى دقنه ويلبس جلابية وعمة ويصلى فى الحسين ومش بعيد يخطب ..

أهم حاجة النية الصافية

أحمد علاء

من بلوفر شفيق لبدلة المشير يا ترنجي لا تحزن

عليا ماهر

و بعد الفاصل الكوميدي دوت

مش عارفة ليه جه في بالي لما الناس نادت بتحجيم سطات المجلس العسكري من قيمة شهرين فاتوا و كووووول الدنيا قامت علينا و قالتلك حرام عليكو سيبوا الجيش في حاله

ادينا سبناه في حاله

هو بقي هيسبنا في حالنا؟؟؟

امتي المجلس العسكري هيفهم ان وجوده جه بارادة الشعب

امتي المجلس العسكري هيبطل يتعامل مع الناس من منطلق اشرب اللبن يا شعب يا حبيبي قبل ما تنام

امتي المجلس العسكري يفهم ان بقي فيه فرق بين اللعب علي "عواطف" المصريين و بين وعيهم السياسي اللي بيتكشل في المرحلة دي

امتي المجلس العسكري هيفهم انها ثورة....ثورة...ثورة

المجلس العسكري

احترس العربة ترجع للخلف اوي

صباحكم....خلي الدماغ صاحي...صاحي...صاحي

تم تعديل 27 سبتمبر 2011 بواسطة لماضة مصرية جدا

[لماضة مصرية جدا]

اصطبحنا و اصطبح الملك لله

و آدي كارلوس لاتوف...هبدنا الصورة ديت

و ربنا كارلوس دوت المفروض نديله جنسية ميدان التحرير:)

[Diab]

مفتاح نجاح الثورة مدفون في ميدان التحرير

[ام سلمي]

النهاردة المفروض معاد فتح باب الترشح لمجلس الشعب ، بدل ما يشوف شغله نازل يتفسح في وسط البلد ،

تعليقات ساخرة

- المشير لبس مدنى والشعب لبس عسكرى.

- المشير الحق هو الذي يلبس الميري ليحاكم الثوار عسكريًا، ثم يهدأ ويلبس مدني ليحكم الشعب أبدياً.

- بنفس نظرية الزيارة المفاجئة للمسئول المصري، المشير نازل يتمشى وبالصدفة كده قابل كل كاميرات وصحفيي البلد وقنوات التليفزيون المحلي.

- يوم الجمعة اللي جاي المظاهرة "فورمال" يا جماعة...محدش ينسى البدلة بتاعته.

- العالم دي فاهمه غلط..واحد يلبسلنا بلوفر والتاني بدلة.. برضه هيفضلوا عسكر.

-حد يقول للمشير: يا سيادة المشير نحن نطالب بمدنية "الدولة" لا مدنية "البدلة".

- هدوم صنعت تاريخ: بدلة المشير.. تريننج المخلوع.. بلوفر شفيق.. بُرنُس العادلى.. وجلابية الراجل بتاع ماتش الزمالك.

- بعد موقعة البدلة ممكن تتخيلوا طنطاوي رئيساً لمصر ونائبه عمرسليمان، ووزير الدفاع عنان، ورئيس الوزراء شفيق وسلم لى ع الثورة والمدنية.

- بعدما المشير نزل ببدلة مدني بكرة نلاقي البرادعي وأبو اسماعيل وحمدين صباحي نازلين لابسين بدل ميري وبيلفوا في الشوارع.

بلال فضل : نهنئ المشير طنطاوي على البدلة الجديدة المدنية وبالنسبة لموضوع إنه يصلح لقيادة البلاد نحب نقول له إذا كنت تحب مصر حقا إنسى يافندم

[احمد رضوان]

تعليق ظريف منقول

لو الهدوم بتنفع حد ... كان البلوفر نفع شفيق

[احمد رضوان]

ركزوا على البلدة وخاصة الكرفتة في الصورتين وقلولي فيه فرق

الأولى في فرح حضرة الوزير لابن قائد المنطقة الشمالية اللواء أركان حرب حسن محمد أحمد وكان الفرح في وسط البلد

الثانية من الفيديو اللى إتصور في الشارع على حسب التلفيزيون المصري

لو فكرتوا شوية حتقدروا تختاروا إجابة للإسئلة التالية

- هل المشير عنده بدلة واحدة وكرفتة واحدة وقميص واحد ومغيرهمش من 2009

- هل الفيديو ده إتصور يومها وفيه لعب بالعقول

- هل من المعقول قيام المشير بجولة بدون حراسة وببدلة في ظل الإنفلات الأمني الموجود

تم تعديل 27 سبتمبر 2011 بواسطة Radws

[عماد حمدي]

[se_ Elsyed]

الواد عُمر إبني نبر في اللي جابوها من فبراير اللي فات

طبعاً إحنا ما قدرناش ننزل مصر في شهر يناير في عز الثورة وده كان هايموت وينزل يشترك في المظاهرات .. المهم المجحوم إتخلع والدنيا هديت شوويه .. فده لقيته جاي يقول لي " عاجبك كده ؟ أهي الثورة خلصت ... اوعدني يا بابا إن الثورة على الرئيس اللي جاي ننزل مصر من أولها " أه والله

شكلك طلبتها وهاتولها يابني بإذن الله

وشكلها هاتبقى ثورة يوم 6 أكتوبر إن شاء الله

-------

لا يجب أن يؤخذ الموقف بإستخفاف يا جماعة ... ويجب أن ننظر للامور بنظرة سوداوية مريبة تملؤها نظرية المؤامرة .....

عدم اللامؤخذه زيارة إيه اللي مفاجئة دي اللي كاميرات التليفزيون المصري الرسمي اللي فاتح من فلوسنا ومورطنا في خساير تكون مستنياه هناك ويصورة وتتذاع في ثواني ويبدأ التهليل والتكبير لسيادة المشير ؟

زيارة إيه دي اللي لا لها هدف ولا عارفين هو كان جاي منيين ورايح فين ؟

طب مش اللي كان أولى بالزيارة هما الاحياء الشعبية ... بلاش دي عشان البلده ما تتوسخش ...

مش كان أولى بها يزور طريق سريع من اللي الناس بتتثبت عليهم ليل نهار ؟

مش كان اولى بالزيارة إنه يزور المجلس بتاعه عشان يُعلنوا عن فتح باب الترشيح لإنتخابات مجلس العشب اللي المفروض كانت تبقى امبارح وولا حس ولا خبر ؟

مش كان أولى بالزيارة إنه يطلع يقول لنا أنا راجل وطول عُمري راجل .. وقولت لكم في بيان رسمي إني هسلمم السلطة بعد 6 شهور .. والمهلة خلاص هاتخلص بكره .. وإبقى قابلني ... زي ما قولت لكم الجماعة هايئنسونا لحد 2013

أما موضوع إن من حقه ترشيح نفسه .... فإذا فعلاً صدقنا الكلام ده .. يبقى كان ماله جمال مبارك .. ما هو كمان كان من حقه ترشيح نفسه

[se_ Elsyed]

هل من المعقول قيام المشير بجولة بدون حراسة وببدلة في ظل الإنفلات الأمني الموجود

ده عند أم مشمش طبعاً ..

دول زودوا الحراسة يابا على عصام شرف ... وبقى الحرس هو اللي يحدد يقابل مين وما يقابلش مين حرصاً على أمنه وكأننا شعب بنعض

[التونسى]

قد يكون من حق المشير أن يتجول بزيه المدني أينما شاء

ولكن فليعلم المشير بأنه ليس من حقه أن يترشح على منصب رئيس الجمهورية لانه كان من أعوان مبارك والسبب الوحيد الذي شفع له وأبقاه بعيدا عن المسائلة أنه إنحاز لصف الثورة ولو لم يكن قد فعل ذلك لكان مكانه مع العادلي ومبارك.

المشير حكمه حكم الشاهد الملك ولكن موضوع رئاسة الدولة فهو أمر آخر .

نقطة مهمة يجب أن يضعها في الإعتبار أنه لايحكم مصر حاليا ، بل يحكمها المجلس الإعلى للقوات المسلحة وهو أحد أعضائه ورئيسه.

انا استبعد تماما ترشيح المشير لنفسه للرئاسه .. لكنى اعتقد ان من حقه الترشح .. والحكم للشعب فى نهاية المطاف

أفراد الجيش والشرطة يتقدمون بإستقالاتهم أولا عند الرغبة في الترشح لعضوية مجلس الشعب أو المجالس المحلية

والعسكريين عموما محرومون من مباشرة حقوقهم السياسية لحين إنتهاء خدمتهم العسكرية سواء كانوا مجندين أو عاملين ، والعاملين لايحق لهم إستخراج بطاقات إنتخابية أو إدراج أسماؤهم في جداول الناخبين إلا بعد خروجهم من الخدمة.

إذن فليس من حق المشير أن يمارس عمله العسكري ويترشح على مقعد الرئاسة إلا إذا قدم إستقالته وترك وزارة الدفاع لرئيس الأركان والذي سيصبح بدوره رئيس المجلس العسكري ، وساعتها تبقى احلوت.

كلام حضرتك صح .. انا نسيت النقطه دى .. لا يحق لافراد الجيش او الشرطه االعمل السياسى سواء ناخبين او منتخِبين . ويمكن ده يؤكد كلامى فى استبعاد ترشيح لمشير لنفسه ... لا اذا استقال .. وساعتها حيبقى من حقه قانونا الترشح .. شئنا أم ابينا .. وحتبقى احلوت فعلا .

انا عايز بس افكر اخواتى الاعزاء بحقيقة بتتكرردايما ((وبتثير غيظ البعض)) ان الجيش انضم للثوره .. وهو اللى حمى الوطن بعد انسحاب الشرطه .. وكان هناك ضبط للنفس وصبر من قبله فوق الاحتمال .. وده شئ بضعه نصب عنيا دايما .. وبيجبرنى على احترام الجيش المصرى بقياداته وافراده .. مهما كانت حجم المأخذ عليه .. أختلف معهم وانتقدهم نعم .. ارفض بشده ان ينقضوا وعدهم ويحكمونى عسكريا .. ولكن بكل احترام وتقدير لدورهم فى الثوره.. وفى حفظ امن مصر .. وأرجع وارجع واطرح التساؤل المفزع .. ماذا لو اختار الشعب استمرار الحكم العسكرى.. رغما عن انف النخبه او الصفوة من اللبيراليين الحالمين بمدنيه .. والاسلاميين الحالمين بالشريعه ؟؟؟؟

تم تعديل 27 سبتمبر 2011 بواسطة محمود البصيلى

[لماضة مصرية جدا]

ركزوا على البلدة وخاصة الكرفتة في الصورتين وقلولي فيه فرق

الأولى في فرح حضرة الوزير لابن قائد المنطقة الشمالية اللواء أركان حرب حسن محمد أحمد وكان الفرح في وسط البلد

الثانية من الفيديو اللى إتصور في الشارع على حسب التلفيزيون المصري

لو فكرتوا شوية حتقدروا تختاروا إجابة للإسئلة التالية

- هل المشير عنده بدلة واحدة وكرفتة واحدة وقميص واحد ومغيرهمش من 2009

- هل الفيديو ده إتصور يومها وفيه لعب بالعقول

- هل من المعقول قيام المشير بجولة بدون حراسة وببدلة في ظل الإنفلات الأمني الموجود

طب يعني ايه الفيديو مضروب مثلا؟؟؟؟

لا معلشي بقي....اومال اتذاع ليه علي القناة المصرية الحصرية؟؟؟؟

و لا انا فاهمة غلط و لا ايه؟؟؟

حاجة من الاتنين....يا الناس دي مستعبطانا اوي....(لمؤاخذة في اللفظ يعني)

يا اما يه حاجة تانية...ايه هي....مش عارفة؟؟؟؟؟؟

[التونسى]

طب يعني ايه الفيديو مضروب مثلا؟؟؟؟

لا معلشي بقي....اومال اتذاع ليه علي القناة المصرية الحصرية؟؟؟؟

و لا انا فاهمة غلط و لا ايه؟؟؟

حاجة من الاتنين....يا الناس دي مستعبطانا اوي....(لمؤاخذة في اللفظ يعني)

يا اما يه حاجة تانية...ايه هي....مش عارفة؟؟؟؟؟؟

الحاجه التانيه يا لماضه ممكن تكون قياس لرد الفعل الشعبى والنخبوى .. وجس النبض .. واطلاق لبالونة اختبار .. انا من متابعتى لردود الناس على النت شايف ان فيه تباين فى الاراء .. وان كانت الكفة تميل بعض الشئ لاستحسان ما فعله المشير

[ابراهيم عبد العزيز]

ركزوا على البلدة وخاصة الكرفتة في الصورتين وقلولي فيه فرق

الأولى في فرح حضرة الوزير لابن قائد المنطقة الشمالية اللواء أركان حرب حسن محمد أحمد وكان الفرح في وسط البلد

الثانية من الفيديو اللى إتصور في الشارع على حسب التلفيزيون المصري

لو فكرتوا شوية حتقدروا تختاروا إجابة للإسئلة التالية

- هل المشير عنده بدلة واحدة وكرفتة واحدة وقميص واحد ومغيرهمش من 2009

- هل الفيديو ده إتصور يومها وفيه لعب بالعقول

- هل من المعقول قيام المشير بجولة بدون حراسة وببدلة في ظل الإنفلات الأمني الموجود

ملاحظة فى محلها فعلا يا اخ رادوس

البدلة والكرافت واحدة فى الصورتين

لكن أنا لا أرى شيئا مريبا فى ذلك , فهناك بعض الرؤساء أو الشخصيات العامة يتمسكوا بلون محدد فى البدلة والكرافت بطريقة تجعلك تشعر أنهم لا يملكون إلا بدلة واحدة او ان كل صورهم (مهما اختلفت مواقيت التقاطها) كانت فى نفس اليوم !!

الحاجه التانيه يا لماضه ممكن تكون قياس لرد الفعل الشعبى والنخبوى .. وجس النبض .. واطلاق لبالونة اختبار .. انا من متابعتى لردود الناس على النت شايف ان فيه تباين فى الاراء .. وان كانت الكفة تميل بعض الشئ لاستحسان ما فعله المشير

لو أن هذا صحيح بالفعل يا اخي العزيز محمود فهذه مصيبة , ويمكننا بذلك أن نشيع جنازة وعي الشعب المصري

تم تعديل 27 سبتمبر 2011 بواسطة ابراهيم عبد العزيز