أحزاب الطراطير رجعت تاني وبتطالب بتأجيل الإنتخابات

[se_ Elsyed]

أول ما قرات عنوان الخبر كنت داخل ومحضر كذا شتمة كده على ولاد التيت دول ...

لحد ما عرفت إن اللي طلبوا كده هما 22 حزب من احزاب الطراطير اللي ماحدش بيسمع عنهم .. وولا هما أساساً بيسمعوا عن نفسهم ..

لأ وبيهددوا إنهم هايقطاعوا الإنتخابات البرلمانية في حالتها إقامتها في الوقت المعلن

لأ حوش يالا البرلمان اللي كان مقطع بعضه

يا معفن إنت وهو ده أنت عُمر ما حد فيكم أو عضو من أعضاء أحزابكم الطرطورية شاف البرلمان أساساً .. يبقى هاتقاطع إيه يا مقطوع إنت وهو

وبعدين هو مش قانون الأحزاب الجديد كان نص على إن نسبة الأعضاء المؤسسين لأي حزب كانت هاتنطبق أيضاً على الاحزاب الهبلة القائمة لتنقيتها ومحوها من الوجود لأن مالهاش لازمه ؟

طب الحزب اللي عبارة عن أوضه وصاله .. وكل أعضاءه على بعض حوالي 1000 ... وكلهم بيبقوا قرايب رئيس الحزب اللي كان ديكور ومتأسس بأمر ثفوت اللاشريف ... الزبالة دي تفضل ليه ممشوهة منظر الحياة السياسية ؟

22 حزبا يطلب تأجيل الانتخابات 6 أشهر

القاهرة - أ ش أ: منذ 3 ساعة 11 دقيقة

طالب رؤساء وممثلو 22 حزبا سياسيا المجلس الأعلى للقوات المسلحة بتأجيل الانتخابات البرلمانية لمدة ستة أشهر من أجل إتاحة الفرصة

للأحزاب السياسية الجديدة للمشاركة بإيجابية في هذه الانتخابات واختيار مرشحيها ووضع الآليات المناسبة لمواجهة ما أسموه بالأحزاب الدينية التي تهدد مصر وتسعى إلى ترسيخ الدولة الدينية.

وأعرب ممثلو الأحزاب - في بيان أصدروه اليوم "الثلاثاء"- عن تأييدهم للمجلس الأعلى للقوات المسلحة، وطالبوه بالاستمرار لحين عودة الأمن والاستقرار للمجتمع، كما دعوا إلى التأني في دراسة قوانين مجلسي الشعب والشورى والدوائر الانتخابية حتى يأتي النظام الانتخابي مناسبا للشعب، مؤكدين في الوقت نفسه مقاطعتهم للانتخابات إذا لم تتم الاستجابة لمطالبهم.

وقع على البيان كل من محمد عبد العال، رئيس حزب العدالة الاجتماعية، الدكتور محمد أبو العلا، رئيس الحزب العربي الناصري، الدكتور إبراهيم زهران، رئيس حزب التحرير المصري.

كما وقع أيضا رؤساء أحزاب اليمين الحر، وشباب مصر، ومصر الفتاة، والشعب الديمقراطي، والوفاق القومي، وحزب الأمة، وحزب أبناء 25 يناير، والمساواة والتنمية، ومصر القومي، ومصر العربي الاشتراكي، وحزب مصر 2000، والحزب العربي للعدل والمساواة، والحزب الاتحادي الديمقراطي، وحزب الأحرار، وحزب المحافظين، والحزب الجمهوري الحر، وحزب البداية، وحزب الخضر، وحزب العمل.

اقرأ المقال الأصلي علي بوابة الوفد الاليكترونية الوفد - 22 حزبا يطلب تأجيل الانتخابات 6 أشهر

[abobakr]

المفاجأة بقى يا استاذ سين سين

لو المجلس وافق عشان يديهم الفرصة

تم تعديل 27 سبتمبر 2011 بواسطة abobakr

[Simba]

هما بتوع الاحزاب دول بيكسبوا كويس يعني

صدق القذافي لما قال في كتابه الاخضر

من تحزب فقد خان

[se_ Elsyed]

هما بتوع الاحزاب دول بيكسبوا كويس يعني

صدق القذافي لما قال في كتابه الاخضر

من تحزب فقد خان

أيوه ... الحزب الوطني كان بيديهم مساعدات سنوية .. وطبعاً كله من دقنه وأفتل له وإحنا اللي بنكوع

زائد كل واحد نزل الانتخابات قدام المخلوع سنة 2005 إتنفح نص أرنب يا معلم

بالاضافة بقى إلى البريستيج وكدهوت ورئيس الحزب جه ورئيس الحزب راح .. ومافيش مانع يطلع في برنامج تليفزيوني من اللي بيدفعوا وكده يعني

وطبعاً لجنة الاحزاب في مجلس الشورى اللي كان قرني قصدي ثفوت الشريف بيرأسها .. كان بيحيطهم بالرعاية لأنهم كنز ... حد يبقى عنده الطراطير دي كلها ويفرط فيها ؟

بس مش عارف بقى في الدستور الجديد هايبقى نظامهم إيه .. يعني هاياخدوا إعانات ومساعدات ولا هايقفلوا الدكان ويقولوا العملية ما بقتش جايبه همها

على فكرة .. كثير منهم سمعتهم في بدايات الثورة كانوا بيشتموا الثوار بالام والاب لتجرأهم على ولي نعمتهم المخلوع المجحوم

فأقل واجب إننا نجمع الناس دي في مكان عام .. ونرجمهم رمياً بالجزم القديمة

[ابو محمود]

انت عارف يا حاج احمد الحل ازاي نلم الدور ونضحك على الكل ونستلم البلد من العسكر بأى ثمن

وتأكد ان القماشة كبيرة والأسلاميين لن يكسبو كل المساحة بس احنا نبعد عن التأجيل ونهم ونعجل بالانتخابات وانت عارف والكل يعلم ان الحرية بناء يتم بعناء فلم يخلق الغرب حرآ الا بعدما دفع الثمن فهل نحن على استعداد ان ندفع الثمن ؟؟