الجيش نام في حضن الشرطة ... دي حاجة تقرف

[احمد رضوان]

هم دول أصحاب العقيدة القتالية اللى بيحموا الثورة هم واللى رفضوا ضرب الشعب ... مش ممكن مصر مش حتتقدم خطوة بالطريقة القذرة دي

http://www.youtube.com/watch?v=pZwEIanm2YE&feature=share

[dongol]

طيب نعرف الناس المربوطة دي عملت ايه الاول

تم تعديل 28 سبتمبر 2011 بواسطة dongol

[mezo]

طيب نعرف الناس المربوطة دي علمت ايه الاول

حتى لو عرفنا عملوا ايه وكانو بلطجية فعلا وعملوا بلاوى الدنيا ليه الضرب بالشكل المهين ده ميحاسبوهم بالقانون زى مابيحاسبوا مبارك واعوانه بالقانون الناس دى اصلا الى خلاهم بلطجية هو نظام مبارك الفاسد اصلا

[ابراهيم عبد العزيز]

طيب نعرف الناس المربوطة دي علمت ايه الاول

مهما كانت فعلة الناس المربوطة يا أخ دنجل فلا يحق للامن ان يفعل معهم هكذا , لان هناك قانون يغطي أي جريمة ويعطيها العقوبة المناسبة , وبالتالي فليس هناك أي حاجة لمثل هذه الانتهاكات

هل يا اخ دنجل فعلة هؤلاء مهما كانت كبيرة ستمثل 1/10 من فعلة الارهابي النرويجي الذي قتل 88 انسانا منذ أشهر ؟؟ بالتأكيد لا , ومع هذا العالم كله رأى الشرطة النرويجية وهى تنقله من مكان لمكان للتحقيق بطريقة ادمية وانسانية بلا ضرب ولا اهانة

تم تعديل 28 سبتمبر 2011 بواسطة ابراهيم عبد العزيز

[Abu Reem]

طيب ياريت نشوف المرجلًة دي تظهر مع اللًي قتلوا زملائهم على الحدود الشهر اللي فات

تم تعديل 28 سبتمبر 2011 بواسطة Abu Reem

[Alattar]

طيب ياريت نشوف المرجلًة دي تظهر مع اللًي قتلوا زملائهم على الحدود الشهر اللي فات

للأسف يا أبو ريم..المرجلة دي ما بتظهرش غير معانا احنا بس..اللي قتلوا زملائهم علي الحدود دول مستعدين يدفعوا ملايين الدولارات..عشان يسترجعوا رفات جندي..مش هقوللك جندي مخطوف .. أو رد علي عملة قتل لزملائهم مثلا..

[Ahmed Anwer]

عاجل: القضاء العسكري يستدعي ضباط ظهروا في فيديو تعذيب للتحقيق معهم

المصري اليوم

[جويرية]

هل ممكن حد يتحبس بدون اعتراف ، واضح انهم عايزينه يعترف علي السرقة او علي مكان المسروقات

هل القانون مفروض يتغير و يبقي مجرد الاشتباه كافي للحبس

[احمد رضوان]

أشكر رئيس هيئة القضاء العسكرى على سرعة تدخلة لتعليم من يجهل منهم أن مصر بعد الثورة لا تقبل بتلك التجاوزات في حق أي إنسان مهما كان وهناك القانون الذي يجب أن يطبق على الجميع بصورة تحفظ آدمية المتهم.... تلك مصر التى نحلم ونفخر بها ... مصر التي يعلو فيها وتحترم حقوق الإنسان

على أن يكون ذلك هو الوضع الطبيعي وليس الإستثناء ... لأن ما يظهر عن طريق المقاطع لا يتعدى 1% من الممارسات الموجودة على الأرض في حق أبناء هذ االوطن.

وأكد مصدر عسكري أن اللواء المرسي اعتبر مقطع الفيديو الذى انتشر بسرعة كبيرة بين الكثير من مستخدمي مواقع التواصل الاجتماعي، بمثابة بلاغ رسمى بالواقعة .

وأضاف المصدر أنه تم استدعاء كل ضابط ظهر فى هذا المقطع، مؤكداً أن المؤسسة العسكرية لا تسمح بحدوث أى تجاوز أو تعدى على أى إنسان حتى لو كان متهماً، حسبما ذكرت تقارير صحفية، الاربعاء .

المصدر

http://www.masrawy.com/News/Egypt/Politics/2011/september/28/4463717.aspx

تم تعديل 28 سبتمبر 2011 بواسطة Radws

[ابراهيم عبد العزيز]

أمن الدقهلية: الأشخاص الذين يتم تعذيبهم فى مقطع الفيديو تجار سلاح

كشفت مديرية أمن الدقهلية عن هوية الأشخاص الذين ظهروا فى مقطع فيديو على الإنترنت، ويظهر بعض ضباط الشرطة والجيش يقومون بتعذيبهم، وأكدت أنه تم إلقاء القبض على المتهمين يوم 20 يوليو الماضى بتهمة الاتجار فى السلاح.

وكانت مديرية أمن الدقهلية والجيش قاموا بحملة أمنية، تمكنوا خلالها من إلقاء القبض على كل من "حسن .ح. م. ح" (35 سنة) عاطل مسجل شقى خطر تحت رقم 19104 فئة ب سرقات عامل وشقيقة "السيد .ح" له كارت معلومات تحت رقم 2490 / 13 / 2 متنوع ويقيمان بقرية برمبال القديمة مركز منية منية النصر وبحوزتهما 4 طبنجة و2 بندقية خرطوش وخزينة إلى و5 طلقات 9 مللى و62 طلقة آلى و4 طلقات خرطوش ومبلغ مالى 8 آلاف، واعترفا بحيازتهما للمضبوطات بقصد الاتجار بها.. تم تحرير محضر تحت رقم 2 جنايات عسكرية قسم الكردى.

وأثار نشر الفيديو ردود فعل واسعة لقيام أحد ضباط الشرطة باستخدام الكترتك استخدمه فى كهربة المتهمين والسماح للضباط والعساكر بتصوير ذلك المقطع البشع من الفيديو.

بينما أكد مصدر أمنى فتح تحقيق فورى فى الفيديو وكيفية نشره والأشخاص الذين ظهرا به.

لم افهم ما هو المقصود من هذا التصريح

هل هو التماس العذر مثلا لمن ظهروا فى هذا الفيديو وعذبوا المتهمين ؟؟ ام ماذا ؟

تم تعديل 28 سبتمبر 2011 بواسطة ابراهيم عبد العزيز

[se_ Elsyed]

أمن الدقهلية: الأشخاص الذين يتم تعذيبهم فى مقطع الفيديو تجار سلاح

للأسف في عقول مريضة والاف التعليقات قرات بعضها بتقول : أحسن ويتعمل فيهم أكتر من كده .. وتعمل إيه إنتي يا فندي لو طلع عليك واحد من دول ومعاه سلاح ؟؟

- منطق مريض مش كده ؟

فهل تساوي بين رد فعلي كشخص معتدى عليه من حقه يدافع عن نفسه بأي طريقة .. بل بالعكس ده ممكن الدفاع ده في بعض المواقف يعرضه للمساءلة القانونية .. وبين رد فعل رجل يُطبق القانون والعدالة ؟

وإذا كان المرضى دول عجبهم الوضع ده ... يبقى أقل شيء نفلعه هو إننا نجيب مبارك وكلابه ونكهربهم ونشتمهم شتيمه قذرة ونهريهم على قفاهم بل ونعدمهم لمجرد إنهم متهمين ... وده يبقى أقل واجب يتعمل مع السفاحين اللي زي دول

اما من يدافع عن افعال هؤلاء .. فليتذكر إن من يغمس يده في الدماء بهذا المنظر الوحشي .. مستحيل يرجع بكره إنسان طبيعي ويتعامل معنا نحن المواطنين العاديين بادمية

فالشرطة يا سادة جهاز لا نستطيع الأستغناء عنه .. ومصيرنا نتعامل معاهم ... فبالله عليك يا من تتعاطف مع الكلاب اللي ظهروا في الفيديو بيكهربوا الناس ويسبوهم بأفظع الشتائم دي .. إنتظر دورك غداً لتكون في موقف مثل هذا ..... وساعتها لا تلومن إلا نفسك لإنك ربيت كلب شرس وعليك أن تتحمل وقاحته في يوم من الايام

[زهرة الجبل]

طيب نعرف الناس المربوطة دي عملت ايه الاول

طب و بعد ما نعرف .. هل بالمنظر ده ممكن تكون في تهمه تستاهل إللي بيجرالهم أو تستحق إللي حصل لهم ؟

*************

سؤال :

إيه فايدة القانون لما العقاب يبقى بالإيد و الرجل و الكهربا و اللسان و قلة الأدب ؟

و لما دول مهما كانوا عملوا يتعاملوا بالطريقه دي .. يبقى فين المنطق لما مبارك موجود في المركز الطبي العالمي و بيشلوه على كفوف الراحه هناك و يتقطع نفس الناس معاه كل جلسه في شيالته و حطته و جرجرة السرير إللي هو مستموت عليه لأنه مش جايله مزاج يصلب طوله و يقعد ؟

مش هينفع نرضى بتقرير و خبر بأن المجلس العسكري إستدعى دول أو وزير الداخليه سأل دولاهومت ... عاوزين نسمع أحكام و نشوف عقاب يردع أمثالهم من حثالة الشرطه و الجيش

و ما دمنا متفقين إن في داخل الشرطه حثاله و ناس محترمين و في الجيش كذلك .. يبقى زي المحترم ما بنكرمه حي و نعمل له جنازه عسكريه و هو ميت فالحثاله بقى لازم يتعاقب حي و تتلعن سيرته و هو ميت

دي بقت حاجه تقرف

[م تيمور المراغي]

تفتكروا الفيديو متسرب !

[احمد رضوان]

تفتكروا الفيديو متسرب !

بص في الفيديو شوف فيه كام واحد بيصور ، وثبات الصورة ، وتركيزها على المتهمين ... حتعرف على طول إن التصوير ده كان ممنهج وإن نشره كان رسالة لكل من يحوز أسلحة.

لكن حتى ده غير مقبول تماما ولا يقبل به أي حر في مصر ما بعد الثورة .... قلة إحتراف الشرطة والجيش لا تسوغ إستخدام أدوات غير أخلاقية وإمتهان آدمية المواطن المصري وتدنيس القانون.... مش عارفين يشوفوا شغلهم يغوروا في داهية

لازم يتحاكموا وإلا عليه العوض

تم تعديل 28 سبتمبر 2011 بواسطة Radws

[Alshiekh]

طيب نعرف الناس المربوطة دي عملت ايه الاول

من خلال الفيديو أستطيع أن أفهم أن الناس دي تم ضبط أسلحة بحوزتهم وأيضا ضبط أموال، وافراد الجيش والشرطة يريدون معرفة مصدر نوع معين من الأسلحة غير متداول في مصر ، الضابط يقول له انه مش عايز يعرف جابوا الآلي من اين لكن عايز يعرف الطبنجات وبنادق أخرى جابوها منين، والضابط بيقول لهم ان المشير باعت الضباط دي كلها علشان يعرفوا الأسلحة دي جابوها من اين باستثناء البنادق الآلية.

ربما تكون الطريقة التي يتعاملون بها معهم مرفوضة ولكن بدلا من مجرد النقد قولوا اقتراح بكيفية استخلاص الإعترافات منهم.

في عام 1987 كانت تلك هي الطريقة الوحيدة التي أعادت لي مسروقاتي. احد اللصوص بعد القبض عليه اخذ برشام والضرب لم يؤثر عليه ، ولكن بعد يومين في الحجز لما فاق من البرشام ، إعترف على زملائه وأرشد عن أماكن توزيع المسروقات وعن الأماكن التي سرقوها أيضا، والحمد لله تم إعادة جميع المسروقات ماعدا أشياء بسيطة تم بيعها في سوق الجمعة ( مينا البصل )

[م تيمور المراغي]

تفتكروا الفيديو متسرب !

بص في الفيديو شوف فيه كام واحد بيصور ، وثبات الصورة ، وتركيزها على المتهمين ... حتعرف على طول إن التصوير ده كان ممنهج وإن نشره كان رسالة لكل من يحوز أسلحة.

لكن حتى ده غير مقبول تماما ولا يقبل به أي حر في مصر ما بعد الثورة .... قلة إحتراف الشرطة والجيش لا تسوغ إستخدام أدوات غير أخلاقية وإمتهان آدمية المواطن المصري وتدنيس القانون.... مش عارفين يشوفوا شغلهم يغوروا في داهية

لازم يتحاكموا وإلا عليه العوض

ماهو انا قصدي والله كده

انه تسريب متعمد ومقصود

واللي مسربينه على فكره مش مسربينه لتجار السلاح لأ

ده كارت ارهاب عشان اللي واجعين دماغ الاسياد يلموها ويعرفوا ان الوساخه زي ماهيا ما خلصتش ,,

دي وجهة نظري وليها رد مش حقدر اقوله هنا عشان تقاليد المحاورات بس قلته ع الفيس وعلى صفحة المجلس الاعلى للقوات المسلحة

[abaomar]

طيب نعرف الناس المربوطة دي عملت ايه الاول

ربما تكون الطريقة التي يتعاملون بها معهم مرفوضة ولكن بدلا من مجرد النقد قولوا اقتراح بكيفية استخلاص الإعترافات منهم.

السلام عليكم

اخى الاستاذ محمد

سؤال لو سمحت

فى اوروبا و الدول المتقدمه بيعملوا كده مع الحراميه و اللصوص ؟؟!!؟؟

فيفا ليبراليزيونا :blink:

.

[احمد رضوان]

طيب نعرف الناس المربوطة دي عملت ايه الاول

من خلال الفيديو أستطيع أن أفهم أن الناس دي تم ضبط أسلحة بحوزتهم وأيضا ضبط أموال، وافراد الجيش والشرطة يريدون معرفة مصدر نوع معين من الأسلحة غير متداول في مصر ، الضابط يقول له انه مش عايز يعرف جابوا الآلي من اين لكن عايز يعرف الطبنجات وبنادق أخرى جابوها منين، والضابط بيقول لهم ان المشير باعت الضباط دي كلها علشان يعرفوا الأسلحة دي جابوها من اين باستثناء البنادق الآلية.

ربما تكون الطريقة التي يتعاملون بها معهم مرفوضة ولكن بدلا من مجرد النقد قولوا اقتراح بكيفية استخلاص الإعترافات منهم.

في عام 1987 كانت تلك هي الطريقة الوحيدة التي أعادت لي مسروقاتي. احد اللصوص بعد القبض عليه اخذ برشام والضرب لم يؤثر عليه ، ولكن بعد يومين في الحجز لما فاق من البرشام ، إعترف على زملائه وأرشد عن أماكن توزيع المسروقات وعن الأماكن التي سرقوها أيضا، والحمد لله تم إعادة جميع المسروقات ماعدا أشياء بسيطة تم بيعها في سوق الجمعة ( مينا البصل )

أقفش يا جدع ........... يعني موضوع أستخلاص الإعتراف بأي طريقة غير قانونية أو آدمية أو تحترم حقوق الإنسان مقبول من وجهة نظرك كقانوني؟؟

[زهرة الجبل]

ربما تكون الطريقة التي يتعاملون بها معهم مرفوضة ولكن بدلا من مجرد النقد قولوا اقتراح بكيفية استخلاص الإعترافات منهم.

في عام 1987 كانت تلك هي الطريقة الوحيدة التي أعادت لي مسروقاتي. احد اللصوص بعد القبض عليه اخذ برشام والضرب لم يؤثر عليه ، ولكن بعد يومين في الحجز لما فاق من البرشام ، إعترف على زملائه وأرشد عن أماكن توزيع المسروقات وعن الأماكن التي سرقوها أيضا، والحمد لله تم إعادة جميع المسروقات ماعدا أشياء بسيطة تم بيعها في سوق الجمعة ( مينا البصل )

الأخ الكريم محمد

لا يمكن إستخدام لفظ ربما هنا ... فهي بكل تأكيد مرفوضه

و ذلك لأنها طريقه همجيه و أسلوب مريض و نهج متخلف و دليل على العجز و الضعف و عدم الكفاءه لمستخدمها

هذه نقطه

أما النقطه الثانيه فإن إنتقادنا لهذه الطريقه لا يمكن أن يكون موضع نقد في حد ذاته أو لوم .. لأن كل سليم فطره لا يمكن أن يرى هذا المنظر و لا ينتقده

أما بالنسبه لإقتراح طريقه أخرى لأستخلاص المعلومات منهم أو لحثهم على الإعتراف فرغم أن هناك طرق عديده إلا أن الرد الطبيعي على ذلك هو : .. ((ده مش شغلنا يا فندم)) .. ده شغل الشرطه إللي لازم تنفذه بالأدب و إحترام الحقوق الآدميه قبل القانون

ده مش شغلنا و لا واجبنا .. بل على العكس ده حقنا و ده اللي المفروض إن أفراد الشرطه يقبضوا رواتبهم لما ينفذوه و كما قلت .. بالأدب و إحترام حقوق الإنسان قبل ما يبقى بالقانون

و مع إنه مش شغلنا لكن ببساطه ممكن نقول أنه كان ممكن يتعرض عليهم إعفاءهم من العقوبه لو شهدوا على المصدر .. كشاهد ملك مثلاً

و أكيد البدائل المحترمه الأخرى كتيره

ليس معنى أن أسلوب ملتوي و خاطئ أتى بثماره مره مع حضرتك في إستردادك لمسروقات تم سرقتها منك إنك تنفي إنه اسلوب ملتوي و خاطئ

و لا معنى ذلك أن ترضى بهذا الأسلوب الذي لن أفترض أنك تخالفنا الرأي في أنه ملتوي و خاطئ لأياً كان من يكون

و لا معنى ذلك أن تستنكر على غيرك نقده إن لم يقترحوا حلولاً سويه كبدائل و هم ليسوا مطالبون بذلك

تم تعديل 28 سبتمبر 2011 بواسطة زهرة الجبل

[bashmohandes]

أما النقطه الثانيه فإن إنتقادنا لهذه الطريقه لا يمكن أن يكون موضع نقد في حد ذاته أو لوم .. لأن كل سليم فطره لا يمكن أن يرى هذا المنظر و لا ينتقده

أنا أعرف الكثير من الناس الذين أعتقد أنهم أصحاب فترة سليمة ولم و لن ينتقدوا الموقف

فرض حضرتك قاسي لل غاية ل كل من إختلف معكي في هذا الموضوع