محتاج مشورة ضروري ومستعجل

[محمد حسنى]

السلام عليكم ورحمه لله وبركاته

ياجماعه عايز مشورتكم ضروري ومستعجل

اانا مبرمج شغال في مصر معايا خبره 6سنين في مجال الدوت نت

وجالي عرض فالكويت في هيئه حكوميه عن طريق شركه خاصه اسمها ايبلا يمكن حد يعرفها

الراتب 450دينار كويتي ولايوجد سكن او اي بدلات

انا عايز انتقل للحياه هناك مع زوجتي وبنتي حتي لو سافرت الاول وهما يحصلونى بعد شهرين تلاته مثلا

فهل المبلغ ده يقدر يوفر ليا حياه كريمه ويتبقى حاجه احوشها ولا الي حيجي علي اد الي راح

وهل يلزم وجود سياره علشان العائلة

واسعار السكن حتي لو في ستوديو والمعيشه كأسرة

لان في اصدقاء كتير نصحوني اني اروح لوحدي علشان وجود الاسره هناك مش حيخلي في تحويش

وهل ممكن الاقي شغل ليا بعد الظهر علشان الشغل ده دوام واحد وكذلك لزوجتي هل ممكن تلاقي شغل في مجال اللغات؟

ارجو الافاده.

وجزاكم الله خيرا

[EslamSaeed]

أنا مش في الكويت

بس انا مبرمج دوت نت والمبلغ اللي بتتكلم فيه دة بالنسبة لخبرة حضرتك

اعتبر انه قليل وبالذات لا فيه سكن ولا مواصلات !! يعني حضرتك انا اسمع ان اقل سكن في الكويت ب 100 دينار في الشهر بالنسبة للعوائل

والسنة دي رفعو رواتب المدرسين المصريين العاملين بالكويت الى 200 دينار بدل سكن

والاكل والشرب غالي !!

بس برضة حد من الكويت يقولك

بس بالنسبة لاسعار الدوت نت في الخليج فا انا اعرف انه اكثر من كدة

[حسام الغرباوي]

لو هتروح لوحدك الراتب كويس وهتوفر منه مبلغ حلو

يعني هتشارك سكن بحوالي 30 او 35 دينار وهتصرف حوالي 80 ل 100 دينار ...يعني مصاريفك بالسكن بالاتصالات في حدود 100 الي 150 دينار حسب شخصيتك انتا ومصرف او لأ

يعني هتوفر حوالي 300 دينار شهري اقل حاجة ( حوالي 6000 الي 7000 جنية مصري في الشهر )

لو هتسافر مع زوجتك وبنتك

اعتقد لازم شقة اوضة وصالة مثلا في حدود 140 دينار او 150 دينار ...غير مصاريف الزوجة والبنت

يعني هتصرف ما لا يقل عن 300 دينار ..هتوفر حوالي 3000 مصري او يمكن اقل