كنا رجالة ووقفنا وقفة رجالة!

[بنت شعنونة]

هذه الكلمة هيا شعارنا نحن الطبيبات المقيمات في سكن مطروح

بصراحا استفزني موضوع الراجل الحقيقي عشان اكتب الموضوع دا..

اسمعوا القصة دي اللي حصلت من كام يوم لزميلة لينا ربنا من عليها وسابت مطروح ورجعت مدينة جنب بيتها..

تعمل بوحدة بجوار مدينتها لكنها ما بتروحش النبطشية بتاعة بالليل على اعتبار انه مافيش ناس بتروح يعني "على حد علمي"

المهم في مرة اتصلت بيها الممرضة وقالتلها تعالى بسرعة في راجل بيقول ولاده تعبانين اوي وقالب الدنيا عليكي وبيقول ها يشتكي ويسوي

ركبت البنت بسرعه ووصلت عند الوحدة وخدت الممرضة وراحوا بيت الراجل

لقت ولدين توأم عمرهم سنة او سنة وشوية

المهم

كشفت عليهم لقيتهم الاتنين ميتين... :D

سالته مالهم قال انه كان عندهم التهاب معوي شديد من كام يوم

قالتله دول ماتوا؟

قالها ما انا عارف وانا لله وانا اليه راجعون

ممكن تكتبيلي تصريح الدفن عشان ندفنهم؟

البنت شكت ان الوفاة جنائية ومش طبيعية

اييييييييييه اللي يخلي طفلين توام يموتوا سوا في نفس الثانية و الوقت؟

المهم توهت الراجل وقالتله التصريح من المدير بكرا مش مني

وطلعت جري على الوحدة كتبت تقرير انها شاكا ان الوفاة جنائية

وعدم الدفن الا بعد العرض على مفتش الصحة و الطب الشرعي

جه مفتش الصحة تاني يوم اكد شكوكها وعرضهم على الطب الشرعي

المهم طلعت فعلا ان الوفاة جنائية

وانه الراجل دا ومراته متخانقين

وهيا سايباله البيت وماشيا من 3 ايام

فحب يحرق قلبها

راح "سم " الأطفال..! rs:

النيابة بتحقق معاه على اعتباره "المشتبة" الأول!! h):

لكنهم مش قابضين عليه

في يوم لقت الممرضة بتروح معاها

قالتلها فيه ايه؟

دا انتي طريق بيتك غير بيتي؟

قالتلها اصل ابو العيال جه الوحدة وانتي مش موجودة وبيهدد انه ها ينتقم من الدكتورة اللي بهدلتله عياله بعد ما ماتوا

وانه عارف طريق بيتك

وانه ها يوريكي! :D

ياترى

هل كنا صح والا غلط لما طلعنا اشتغلنا؟

تفتكروا شكل الحياة ها يبقى ايه لو الست اشتغلت في مصر زي الست في السعودية؟

مدرسة بنات او دكتورة بنات وبسسسسسسسسسس!!!!

تفتكروا كاااااااااام وظيفة ها تفضى؟

تفتكروا الحياة ها تبقى اهدى؟

زمان ايام الرسول الست اشتغلت

انما في حجات محددة وكلها بتدور في الفلك النسائي بسسس

انا شخصيا من انصار اننا نرجع بنات تاني

ياترى انتوا من انصار ايه؟

ولو صاحبة القصة دي بنتك او مراتك او اختك

ها تنصحها ب ايه؟

[وليد صفوت]

و الله يا شانا .... الموضوع ده لو اتاخد بشكل جاد حتحصل مشاداه كبيرة بين فريق الرجال و فريق الحريم ..... و لا مانع من وجود عملاء بين الطرفين ( يعنى رجالة بيشجعوا فريق الحريم و سيدة بتشجع فريق الرجال ! ) h):

بس انا شايف ان الست مش لازم يقتصر شغلها على مجالات حريمى فقط .... زى طب النساء أو التدريس للبنات .....

و لو حنقول ان الشغل ايام الرسول ( عليه الصلاة و السلام ) اقتصر على المهنتين دول بس .... فده لان مجالات العمل ايامها كانت نقطة فى بحر بالنسبة لمجالات العمل الان ....

انا مع عمل المرأة فى اى مجال ... بشرط الا يهين المرأة و الا يكون من الافضل لو تولاه رجل ( يعنى العمل كان حيبقى احسن لو تولاه واحد راجل مش ست )....

و مش حجة قوية اننا نقول ان مشكلة البطالة حتنتهى بخروج المرأة من كل المجالات سوى التدريس و الطب ..... برضو لأ ... مشكلة البطالة ملهاش علاقة بعمل المرأة ..... لازم المشكلة دى تتحل بتوفير فرص عمل للجنسين .... لان من حق المرأة ان تدخل كل المجالات الصالحة لها ....

تحياتى......

[فــيــروز]

حيث انى اليوم لا يبدو انى ساستطيع ان افطر فى بيتنا

اريد ان اعلق على نقطه واحده فى الموضوع

وهى انه سواء كان الذى ابلغ عن الوفاه الجنائيه طبيب او طبيبه وكان الاب المشتبه فيه لديه استعداد للانتقام .. فالطبيب او الطبيبه كان سيتعرض لنفس التهديد .. ليس هناك علاقه اكيده بين الجنس وبين التعرض للانتقام خصوصا من شخص يشتبه انه قتل ابناءه !! فهل يصعب عليه قتل غيرهم او حتى التهديد بهذا !!

حيث ان زميلتك فعلت ما يمليه عليه ضميرها يبقى الموضوع منتهى .. وكما قال الله فى كتابه "قضى الامر الذى فيه تستفتيان"

يعنى ليس هناك اى فائده من الندم لو كانت زميلتك نادمه !! وما كتبه الله لها او عليها ستراه بصرف النظر عن اى شئ آخر .. وينبغى لها الا تتراجع اطلاقا عن فعل ما يرضى ضميرها

[Maverick]

زمان ايام الرسول الست اشتغلت

انما في حجات محددة وكلها بتدور في الفلك النسائي بسسس

لا اعتقد ان هذا الكلام صحيح

كانت النساء تعمل بالتجارة

اعتقد ان لوالشريعة طبقت صح لن يجروء كائن ان يهوب نحية اى امراءة

كان الاحرى بك يا شانا انك تنادى بتطبيق القانون بدل الهروب للبيت

[عقل حر]

النساء قمن كذلك بالوعظ (يعني تنفع أستاذة جامعة) و قمن بالتمريض في الحروب (يعني طبيبة أو ممرضة و المرضى من الرجال) و السيدة خديجة كانت تعمل بالتجارة....

المرأة تعمل في كل شئ و أي شئ.... لا توجد مشاكل

ثم إن ما قالته فيروز هو حقا فصل الخطاب.... التهديد كان سيحدث سواء لطبيب أو لطبيبة لا فرق

[Farida]

عزيزتى شانا دايما تبسطى المواضيع كده ....قولى بصراحه ان من وجهة نظرك ان البنت علشان تبقى بنت تبقى ستوته تتعلم فرنساوى و بيانو و تقعد فى البيت لما يجيلها عدلها .... الموضوع مش بسيط كده و لو كنتى سمعتى كلامى قبل كده و قرأتى كتاب تحرير المرأه فى عصر الرساله كنتى عرفتى ان المرأه عليها واجبات كتير أكتر من القعده فى البيت و الفرجه على الدش و الرغى فى التليفونات و ان المراه على ايام الرسوا و الخلفاء الراشدين كانت محتسبه على السوق و السيده زينب بنت جحش كانت تعمل فى الخياطه و سمح لها الرسول بالعمل و ان المرأه كانت تخرج فى الحرب و دافعت عن الرسول و عبرت البحر مع جيوش المسلمين ....كل انسان يعمل ما يراه مناسبا له و لطبيعته ...انا أعرف رجال بيتهربوا من الشغل فى الصحراء مثلا او من العمل خارج المدن و رجاله ....و بفرض اللى قعدت فى البيت ما جلهاش العدل تعمل ايه بقه تولع فى نفسها ...

الموضوع موضوع كل واحد له حقوق و عليه واجبات و احنا فى امس الحاجه ان كلنا نعمل حاجه بس نعمل

[masr_watany]

مصر محتاجة لكل جهد علشان نبنيها مش حا قول اكتر من كدة

[بنت شعنونة]

لو حنقول ان الشغل ايام الرسول ( عليه الصلاة و السلام ) اقتصر على المهنتين دول بس .... فده لان مجالات العمل ايامها كانت نقطة فى بحر بالنسبة لمجالات العمل الان ....

استاذ فيولنج

هيا اشتغلت في كل شيء له علاقةبالمراة زي ما انا كتبت

يعني مش مشكلة مجالات

مشكلة ثقافات واختيارات بدون اجـــــبــــــــــار

انا مع عمل المرأة فى اى مجال ... بشرط الا يهين المرأة و الا يكون من الافضل لو تولاه رجل ( يعنى العمل كان حيبقى احسن لو تولاه واحد راجل مش ست )....

الله ينور علييييييييك فعلا ;)

زي موضوع المرأة قاضية دا!!!!!

عجيبة الدنيا رقم 8 في نظري يعني <_<

وهى انه سواء كان الذى ابلغ عن الوفاه الجنائيه طبيب او طبيبه وكان الاب المشتبه فيه لديه استعداد للانتقام .. فالطبيب او الطبيبه كان سيتعرض لنفس التهديد ..

فيروز

هل كلامي المح من قريب اوبعيد للمقارنة دي :blink:

انا لم اعقد المقارنة

ولكن خليني معاكي

لم توضعي في ظروفنا يا فيروز لكن صدقيني

كانت ها تفرق اكيد

عارفةمثل اضرب المربوط يخاف السايب؟

وظيفتنا ماشيا بالاسلوب دا

حتى لوهوا قتال قتلة كان اكيد ها يفكر اكتر لما يهدد راجل عن انه يهدد بنت

حيث ان زميلتك فعلت ما يمليه عليه ضميرها يبقى الموضوع منتهى .. وكما قال الله فى كتابه "قضى الامر الذى فيه تستفتيان"

يعنى ليس هناك اى فائده من الندم لو كانت زميلتك نادمه !! وما كتبه الله لها او عليها ستراه بصرف النظر عن اى شئ آخر .. وينبغى لها الا تتراجع اطلاقا عن فعل ما يرضى ضميرها

فيروز انتي برجلتيني!

هوا انا كتبت ايه بالضبط!! :blink:

نرجع بقى لموضوعنا

كان الاحرى بك يا شانا انك تنادى بتطبيق القانون بدل الهروب للبيت

مافريك

انا لم اهرب

وكنت ها اوافقك تمااااااما في كلامك

لو كنت قلت تطبيق الـــــــــشـــــرع بدل القانون..

النساء قمن كذلك بالوعظ (يعني تنفع أستاذة جامعة) و قمن بالتمريض في الحروب (يعني طبيبة أو ممرضة و المرضى من الرجال) و السيدة خديجة كانت تعمل بالتجارة....

الوعظ للنساء الا اذا سألت من الرجال كانت تجاوب

كما قرأت عن السيدة عائشة وغيرها من فضليات النساء

والسيدة خديجة عملت بالتجارة الى ان تزوجت من الرسول الكريم

وبرضه دا على حد قراتي.. :P

عزيزتى شانا دايما تبسطى المواضيع كده ....قولى بصراحه ان من وجهة نظرك ان البنت علشان تبقى بنت تبقى ستوته تتعلم فرنساوى و بيانو و تقعد فى البيت لما يجيلها عدلها

لا والله يا فريدة

بس اعتقد ربنا لم يريد بنا الظلم

انما ايه الضرر اني اكون بنت واشتغل شغلة بنت؟

في السعودية انا لا ارى البنات او النساء ينقصهن اي شيء؟

ومع ذلك فهي متجنبة للأختلاط وكذلك للبهدلة اللي احنا فيها دي؟

ولو قسناها دينيا

على حد قرائتي برضه

المفروض البنت لا تتغرب عن اهلها للعمل الا بوجود محرم لها

يعني بايظة من كللللله mfb:

مصر محتاجة لكل جهد علشان نبنيها مش حا قول اكتر من كدة

معاك يا استاذ مصر وطني

انما ايه الضرر انه يبقى الجهد المناسب في المكان المناسب؟

او الشخص المناسب في المكان المناسب؟

طب ندي مثال

ادخل اي مكان حكومي

شوفلي كااااااااام ست ملتزمة بالعمل؟

كااام واحدة بتزعق؟

كاااااااااام واحدة بترغي مع صاحبتها؟

كااااااااام واحدة حالتها النفسية بتتحكم في تعاملها مع العملاء؟

وقارن دا بالرجل؟

انا بعمم التجربة ولا اعفي نفسي منها كمان

ف الكمال لله.. :unsure:

الموضوع ده لو اتاخد بشكل جاد حتحصل مشاداه كبيرة بين فريق الرجال و فريق الحريم

استاذ فيولنج

بينهم وحدوا القطرين وبقوافريق واحد بس :D :huh:

[Maverick]

في السعودية انا لا ارى البنات او النساء ينقصهن اي شيء؟

ومع ذلك فهي متجنبة للأختلاط وكذلك للبهدلة اللي احنا فيها دي؟

:huh: mfb: :D :unsure: :blink: :blink: :P <_< ;)

[Katamando]

ما هذا اليأس؟؟؟؟

هل لمجرد حادث عرضي وفردي ولا يتكرر وممكن أن يتكرر مع آخرين من الذكور أن نيأس من كل شيء ونقول مش لاعبين هذا تفكير انطوائي

اين اثبات الذات واين القدرة على الفعل والمواجهة؟

أين هي المحاولة والدأب؟

أين ذهبت الطموحات؟

أين شانا؟

[Lighthouse]

طب ندي مثال

ادخل اي مكان حكومي

شوفلي كااااااااام ست ملتزمة بالعمل؟

كااام واحدة بتزعق؟

كاااااااااام واحدة بترغي مع صاحبتها؟

كااااااااام واحدة حالتها النفسية بتتحكم في تعاملها مع العملاء؟

وقارن دا بالرجل؟

مع احترامي ياشعنونة

هل كل النساء العاملات في بلدنا مثل هذه النوعيات ؟؟؟

وهل لايوجد رجال تنطبق عليهم العيوب السابقة !!!!!

الجدية ومراعاة الضمير ليست حكرا على الرجال والعيوب السابقة ليست وقفا على النساء

في السعودية انا لا ارى البنات او النساء ينقصهن اي شيء؟

ومع ذلك فهي متجنبة للأختلاط وكذلك للبهدلة اللي احنا فيها دي؟

ومن قال لك ان النساء في السعودية لاينقصهن شيئ !!!

ثم من قال ان مايصلح في السعودية ( إذا سلمنا بأن القهر الذي تتعرض له المرأة هناك يعتبر عملا صالحا اصلا ) يمكن ان يصلح للتطبيق في مصر !!!!

ومنذ متى يعتبر العمل بهدلة !!!!

كل امرأة عاملة لها اسبابها الخاصة التي تدفعها للعمل ومن الخطأ بمكان تعميم حالة على الجميع

فمن تذهب للعمل بدافع البهرجة والتهريج

وهناك من تذهب للبحث عن عريس

وهناك من تدهب لتري الناس احدث خطوط الموضة والماكياج

وهناك الكثير من الحالات الغير جادة بين صفوف العاملات

ولكن هناك ايضا من تعمل لأسباب محترمة وطبيعية لايشوبها شائبة

[Cleo]

أنا فاهمة شعنونة وحاسة بيها...

شعنونة...

المجتمع كله....

أنا تعبت...

مشكلتنا إن احنا بنقنع نفسنا... وأهالينا بيقنعونا والمجتمع كله بيقنعنا إن دى شطارة و جدعنة و استقلالية واعتماد على النفس بدل الحوجة لسؤال اللئيم.. إن البنت تكون راجل.. جدعة.. تشيل همهاو هم أهلها...

لكن...

إحنا.. و أهالينا و المجتمع كله نسينا إن "كل ميسر لما خلق له"...

وإحنا ماتخلقناش رجال...

اتخلقنا ستات...

قوارير...

ربنا لما حب يكرمن و يرحمن قال "الرجال قوامون على النساء بما فضل الله بعضهم على بعض... و بما أنفقوا من أموالهم"

إحنا وأهالينا والمجتمع خرجنا عن قانون ربنا... فلازم نذوق وبال أمرنا...

لكن عشان نخرج من دائرة جلد الذات..

تعالوا نسأل.. إيه اللى يشيلنا الهم؟؟ إيه اللى يخلينا نعمل كدة؟؟؟

نرجع تااااااااااااااانى لموضوع أزمة الرجولة بتاع غريب فى الظلمات و موضوع الرجل الحقيقى واحنا نعرف السبب... فاكرين القصة بتاعت امرأة على شفا الانهيار العصبى؟؟ القصة دى مش تأليفى... دى مشاهدتى لبيوت ناس كتير من أصحابى و معارفى...

أيوة.... إحنا مش رجالة... وتعبنا بجد من لعب الدورين... يعنى الواحدة مننا بنى أدم بلاس... اتنين فى واحد...

لا يكلف الله نفسا إلا وسعها...

معلش أفكار كتير متناثرة مش مرتبة...

اعتبروها هذيان...

[وليد صفوت]

استاذ فيولنج

هيا اشتغلت في كل شيء له علاقةبالمراة زي ما انا كتبت

يعني مش مشكلة مجالات

مشكلة ثقافات واختيارات بدون اجـــــبــــــــــار

اوافقك تمام ..... بس بلاش ( أستاذ دى ) ! حسستينى انى عندى 25 سنة !!!!!! <_<

الله ينور علييييييييك فعلا 

زي موضوع المرأة قاضية دا!!!!!

عجيبة الدنيا رقم 8 في نظري يعني 

موضوع المرأة قاضية أنا متأكد انه رغم فشله المبين .... الا ان الحكومة حتمضى فيه توافقاً مع الرغبة السامية العليا .....

والسيدة خديجة عملت بالتجارة الى ان تزوجت من الرسول الكريم

وبرضه دا على حد قراتي.. 

بس بتهيألى ان السيدة خديجة لم تعتزل التجارة بعد زواج النبى .... و انها استمرت فى ممارستها .....

استاذ فيولنج

بينهم وحدوا القطرين وبقوافريق واحد بس

اصبرررررررررررررى شوية ! دا لسة التقيل ورا :unsure:

دا الفرق دلوقتى فى مرحلة التكوين ..... الحرب تبدأ مع بداية الصفحة الثالثة :blink:

و حبقى افكرك :P

تحياتى.....

[Farida]

مش عارفه يا شانا انتى قريتى كلامى كويس ولا لأ أقولك السيده زينب بنت جحش زوجه الرسول عليه الصلاة و السلام استأذنته فى العمل و اذن لها ...و هناك سيده لا أذكر اسمها كانت تطبب النساء و الرجال على ايام الرسول .....أقولك ان عمر بن الخطاب جعل الشفاء محتسبه على السوق و بعد ده كله تقولى كانوا بيقعدوا فى البيت ...شفتى حلقه عمرو خالد عن الظلم الواقع على المرأه انا كنت كاتبه موضوع عنها ياريت نرفعه و نناقشه....كون انك مش مرتاحه فى عملك ده شئ و كون تعميم الأمر على النساء كلها شئ تانى او محاوله تبريره فللأسف فى صدر الأنسان لم تكن النساء جالسات فى البيوت من غير شغله ولا مشغله لأ كان مجتمع كل انسان فيه له دور ....

بخصوص النساء العاملات ....انا اعمل بجهة حكوميه و نص الرجال اللى فى الجهة دى مزوغين على طول و اللى قايم بالشغل النساء

اما بخصوص النساء فى اللسعوديه على عينى و راسى بس ايه الميزه اللى عايشين فيها انا بصراحه مش واخده بالى ....اصلى باشوفهم بس لما بينزلوا ينطلقوا فى مصر بعد كتمه الفول المدمس اللى عايشين فيها فى بلدهم

تم تعديل 20 أكتوبر 2004 بواسطة Farida

[بنت شعنونة]

أين هي المحاولة والدأب؟

أين ذهبت الطموحات؟

هوا انا قلت ها انتحر يا ماندو؟ <_<

انا بتسائل عن حاجا تانية خاااااااااااالص

أين شانا؟

راحت في الوبا :P

وهل لايوجد رجال تنطبق عليهم العيوب السابقة !!!!!

لايت.. حمدالله ع السلامة

موجود طبعا

بس انصبي الميزان وقوليلي كدا كااااااام ست قصاد كااااااام راجل؟

ومن قال لك ان النساء في السعودية لاينقصهن شيئ !!!

ثم من قال ان مايصلح في السعودية ( إذا سلمنا بأن القهر الذي تتعرض له المرأة هناك يعتبر عملا صالحا اصلا ) يمكن ان يصلح للتطبيق في مصر !!!!

وماذا ينقصهن يا لايت؟

وليه قولتي قهر؟؟؟؟؟؟؟؟!!

ومنذ متى يعتبر العمل بهدلة !!!!

كل امرأة عاملة لها اسبابها الخاصة التي تدفعها للعمل ومن الخطأ بمكان تعميم حالة على الجميع

من ساعة ما اتغربت المراة بدون محرم

اذا كاااااااانت العمرة بمحرم نقووووووووم نشتغل في بلد تاني بدونه!!!!!! :blink:

طب ياترى ممكن نلخص الأسباب دي في كام نقطة؟

تعالوا نسأل.. إيه اللى يشيلنا الهم؟؟ إيه اللى يخلينا نعمل كدة؟؟؟

كليو

الله ينوووووور عليكي

دا مربط الفررررررررررسسسسسسسسسسس

ليه بنشتغل؟

واشغال مرهقة تماااااااما ولا تناسبنا

بلاش

انسوا الكلمتين دول

عاوزة اسأل سؤال

هل لو الرسول صلى الله عليه وسلم كان بينا دلوقتي كان ها يكون راضي عن عملنا؟

كل واحد يسأل السؤال دا لنفسه ( لو بنت يعني) او يقيسه على اقرب بنت عاملة ليه كدا ويرد عليا..بالأمــــــــــــانة

فيولنج (من غير استاذ) :unsure:

ربنا يستتتتتتتتتتتتر :blink:

[بنت شعنونة]

فريدة

انتي بتقولي الأنطلاق بتاعهم

فكرتيني بالسعوديين اللي بيقولوا ان كل بنات مصر راقصات!!

هما بيشوفوا الوحش بس

واعتقد ان انتي كمان خدتي بالوحش بس! :blink:

انا مش بتكلم عشان شغلي تاعبني

مطلقا

انا بناقش شيء معين

تلخص في الأسئلة اللي كتبتها في اخر مداخلتي الرئيسية.. بس :P

بس انا عاوزاكي تردي عليا

هل يجوز عمل المرأة في بلد لا يوجد به محرم لها؟

[Farida]

على فكره يا شانا انا مش با تكلم انهم بيعملوا حاجه بطاله لا سمح الله انا با تكلم انهم بيخرجوا و يتمشوا و يسوقوا العربيات و يشتروا ملابس و غيره و يشوفوا مسرحيات و سينما و مش قصدى حاجه تانيه ....حكايه ان الست ما تقدرش تعمل اى حاجه دون وصايه رجل شئ غريب فعلا و لم يقل به الدين الأسلامى ....انى ما قدرش اطلع بطاقه او اسوق عربيه ان يحصل زى ما حصل قبل كده لما مدرسة بنات اتحرقت و اتحرقت البات بداخلها لأن ما يصحش رجال المطافئ يدخلوا المدرسه ......معلهش عايزين نتكلم عن مجتمع مثالى يبقى مجتمع الرسول عليه الصلاة و السلام واما ان يكون المجتمع المثالى هو المجتمع السعودى يبقى معلش انا مش موافقه و شتان بين المجتمعين ....

اما موضوع عمل المرأه فى بلد دون محرم تقصدى مرسى مطروح .....هى مرسى مطروح بقت بلد تانيه ولا أنا مش واخده بالى ؟؟؟؟؟؟؟؟؟

[ماجد]

سوف ادلى بدلوى و ربنا يستر ......

و على العموم هذا رأى شخصى ربما اصبت و ربما اخطأت.

أولا اى كلام عن المساواة الكميه بين الرجل و المرأة كلام غير صحيح و غير واقعى ...ليه ؟

لأن فيه اختلافات فسيولوجيه واضحه بين الرجل و المرأه و محاولة الغاء هذه الفروق هى نوع من العبث.

كل الدول بما فيها الدول العلمانيه تفرق فى الرياضه بين الرجال و النساء. يعنى مافيش مثلا مباراه بين فريق رجالى ضد فريق نسائى ..... ليه.

علشان هذه الفروق و الأختلافات . اذا واجبات و مهمات المرأه مختلفه عن واجبات و مهام الرجل.

حتى فى الدين لا تصوم المرأه رمضان كاملا و عليها القضاء و لا تصلى فى كل شهر اياما معدوده بدون قضاء وهذا كله بدون وزر.

اذا توجد فروق راعاها الدين الحنيف.

من ناحيه اخرى ليس هناك فرق بين المرأه و الرجل فى العقيده و الأيمان.

من السابق نستخلص الآتى :

كل عمل أو حركه فى الحياه يمكن ان تتدخل - أو تظهر- فيها هذه الفروق يجب فيها ان نفرق بين المرأه و الرجل. و العكس صحيح .

فاذا تعرضت نوعية عمل المرأه - من أى ناحيه - للفروق الجسديه وجب عليها عدم ممارسة هذا العمل و العكس صحيح.

و الله أعلم

[بنت شعنونة]

فريدة

لو 6 ساعات سفر بالاوتوبيس ما تعتبرش سفر

تبقى مطروح مش بلد تانية! :blink:

ليكي مني هديتين :P

1-

http://www.islamweb.net/ver2/Istisharat/Sh...FatwaId&Id=3859

2-

http://www.islamweb.net/ver2/Istisharat/Sh...&Option=FatwaId

فإن العمل في الأماكن المختلطة بالمعنى المذكور لا يجوز إلا لضرورة لا يمكن دفعها إلا بذلك، ولا يبيحه إذن الزوج فيه، بل يجب عليه أن يمنع الزوجة منه ديانة وغيرة، وقياماً بالمسؤولية التي جعلها الله تعالى على عاتقه، والتي من أهمها أن يقيها نار جنهم. قال الله تعالى: (يا أيها الذين آمنوا قوا أنفسكم وأهليكم ناراً وقودها الناس والحجارة) [التحريم: 6].

ثم لتعلم هذه السيدة أن الله تعالى الذي خلق فأحسن وأحكم قد وزع الوظائف والمهام، فدور المرأة في الأسرة تربية أولادها، وإصلاح شأن بيتها، والله سبحانه وتعالى لم يكلفها بالكسب، ولم يوجب عليها نفقة نفسها ولا أولادها.

ودور الرجل هو: طلب المعاش، وكسب المال من حله، وذلك ليقوم بما أوجبه الله تعالى عليه من النفقة على الزوجة والعيال، ومن تلزمه نفقتهم من الأقارب، فإذا قام كل بدوره الذي أناطه الله به، وجعل تكوينه الخلقي والخلقي ملائما له، صلحت أحوال البيت، وحصل التوازن فيه بإذن الله تعالى، وننبه هنا إلى أمرين اثنين:

الأول: أنه لا مانع من أن تقوم المرأة بالكسب عن طريق عمل تمارسه في بيتها، كالخياطة، والحياكة، والنسيج.

كما أنه لا مانع أن تقوم خارج بيتها بعمل يلائم طبيعتها، كتدريس البنات، وتطييب النساء، ونحو ذلك.

ويشترط أن يكون ذلك بإذن الزوج، وأن لا يكون فيه تضيع لحق واجب، وأن تلتزم بالحجاب، والتستر عند خروجها، وألا يكون مكان العمل فيه اختلاط، بل إن المرأة قد تثاب على ذلك إذا أحسنت النية والقصد، وقامت بذلك خدمة لمجتمعها وأمتها.

الثاني: إذا لم يكن للمرأة عائل يعولها، واضطرت لإيجاد مصدر رزق، ولم تجد لذلك سبيلاً، إلا العمل في مكان مختلط جاز لها العمل فيه مع التحفظ غاية التحفظ، والبحث المستمر عن عمل لا يقتضي الاختلاط بالرجال، وذلك لقول الله تعالى: (وقد فصل لكم ما حرم عليكم إلا ما اضطررتم إليه) [الأنعام: 119].

ولقوله تعالى: (فمن اضطر غير باغٍ ولا عادٍ فلا إثم عليه) [البقرة: 173].

وتعليقاً على ما في السؤال من أن مكان العمل على بعد ثمانين كيلو مترا من بيت المرأة نقول: إنه إذا كان مكان العمل خارج المدينة التي تسكنها المرأة، بحيث يعد ذهابها إليه سفراً، فإنه لا يجوز لها الذهاب إليه إلا مع محرم أو زوج، لما في الصحيحين أن النبي صلى الله عليه وسلم قال: "لا يحل لامرأة تؤمن بالله واليوم الآخر تسافر مسيرة يوم إلا مع ذي محرم".

فإن لم تجد المحرم، أو الزوج القادر على السفر معها، وكانت مضطرة للعمل على الوضع السابق بيانه، فعليها أن تحاول السفر عبر رفقة آمنة، وأن لا تخلو في سفرها مع رجل أجنبي منفرد، تحت أي ظرف من الظروف.

ولمزيد من التفصيل عن هذا الموضوع عموماً يراجع الجواب رقم: 3859 <a. والله أعلم

[Lighthouse]

الله يسلمك ياشانا

رغم اننا ناقشنا موضوع عمل المرأة مليون مرة في منتديات كتيرة ولم يحدث اي تغيير

بمعنى ان المقتنعة بجدوى عمل المرأة لم تجلس في البيت مباشرة بعد قرأة الموضوع ولا المقتنعة بعدم جدوى عمل المرأة هبت من بيتها وخرجت للعمل

وكما سبق وقلت لك كل امرأة عاملة لديها اسبابها المختلفة عن غيرها للعمل وبالتالي مايدفع غيري للعمل ليس هو نفسه مايدفعني انا للعمل

فإذا كان العمل الغرض الوحيد منه هو كسب المال وحله هو جلوس المرأة في البيت لان لديها من ينفق عليها

فماذا اذا لم يكن لديها من ينفق عليها !!!!

هل تنتظر الاحسان من ذوي القربى والمعارف وغيرهم من حسني النية ومن غيرهم ممن لديهم نوايا غير سليمة !!!!!!

ام تخرج وتعمل لتكفي نفسها ذل السؤال ؟؟؟

ولن احدثك عن اسباب الاخريات في العمل فكما سبق وقلت لك ان كل امرأة لها اسباب مختلفة عن غيرها من النساء الاخريات

ومن لاتريد ان تعمل وترى ان العمل ليس مهما او مش جايب همه كما يُقال فيمكنها ببساطة ان تمكث في البيت

اما حكاية ان مرسى مطروح السفر إليها يحتاج لمحرم فهذه جديدة على :blink:

الحمد لله عملى في إطار المحافظة التي اعمل بها والا كانت بقت مصيبة وخاصة اني يتيمة ليس لي اب يذهب معي للعمل :huh: